Mëngjesi i sotëm ka qenë tragjik për të miturën 11-vjeçare dhe familjen e saj,

11-vjeçare ka rënë në kontakt me energjinë elektrike dhe ka ndërruar jetë.

Edhe pse e mitur është dërguar në spitalin e Traumës ajo nuk ka mundur të jetojë.

Njoftimi i policisë

Më datë 02.07.2022, është paraqitur në Spitalin e Traumës për të marrë ndihmë mjekësore, një e mitur 11-vjeçare, e cila në banesë ka rënë në kontakt me rrymën elektrike.

Sot, rreth orës 08:35, është konfirmuar nga stafi mjekësor, se e mitura ka ndërruar jetë.

Grupi hetimor po punon për sqarimin e rrethanave të ngjarjes./albeu.com

The post E rëndë në Tiranë, ra në kontakt me rrymën elektrike, ndërron jetë 11-vjeçarja appeared first on Albeu.com.

Nga mediat italiane mësohet se adoleshenti gjendet në koma dhe se goditja i ka shkaktuar plagë të mëdha.

Rryma elektrike i ka prekur shpatullën, duke i shkaktuar djegie të shkallës së tretë dhe fibrilacion ventrikular.

Djali u shpëtua menjëherë nga punonjësit e shëndetësisë, të cilët falë defibrilatorit dhe masazh të zgjatur të zemrës i shpëtuan jetën.

I transportuar pa ndjenja në dhomën e urgjencës të spitalit San Timoteo në Termoli, ai u intubua dhe u transferua menjëherë në njësinë e kujdesit intensiv pediatrik të spitalit të Foggias.

Ndërkohë gjendja shëndetësore e tij cilësohet ende e rëndë.

Shtylla e ndriçimit publik nga ku ka nisur shkarkimi elektrik është çaktivizuar dhe në prani të carbinier-ëve po kryhet ekspertiza.

The post Ishte duke luajtur me shokët, 13-vjeçari goditet nga rryma elektrike, bie në koma appeared first on Albeu.com.

“Nga 1 korriku qytetarët do të përballen me goditje të re çmimesh, ku përveç çmimit të rritur për 30% të rrymës nga ardhja e Qeverisë së LSDM-së, nga 1 korriku qytetarët do të kenë rritje të çmimit të rrymës për të paktën 10%”, deklaroi Hristijan Mickoski, kryetar i VMRO-DPMNE-së.

Nga opozita shtojnë se qytetarët dhe industria marrin fatura tre here më të larta të rrymës.

“Ajo në skenën e hapur kapitulloi para krizës energjetike për diçka që VMRO-DPMNE e paralajmëronte qysh para një viti gjatë brifingjeve, por edhe gjatë konferencave për shtyp se nëse nuk ka ristrukturim dhe nuk ndalet me tenderët në katër sy dhe me vjedhjet në EMV-në, për fat të keq koston në fund të ditës do ta paguajnë qytetarët”, pohoi Hristijan Mickoski, kryetar i VMRO-DPMNE-së.

Pushteti është i vetëdijshëm se vendi ndodhet në krizë energjetike, prandaj sillet zgjidhje ligjore me të cilën qytetarët do të mund të instalojnë centrale fotovoltaike në çatitë e tyre.

“Kur të lehtësohen kushtet dhe thjeshtësohen procedurat për instalim të centraleve fotovoltaike  në çatitë e qytetarëve, tashmë është në proces përpilimi i një zgjidhjeje ligjore. Së pari duhet të lehtësohen procedurat për ndërtim të një centrali dhe kjo zgjidhje ligjore do të gjendet para deputetëve në tremujorin e ardhshëm”, tha Dimitar Kovaçevski, kryeministër.

Kryeministri theksoi se me rregullat për kyçje të cilat janë në kompetencë të Ministrisë së Ekonomisë dhe mbi të cilat po punohet, do të sigurohet që energjia elektrike të merret nga shpërndarësi i rrymës. Ministria e Financave tashmë është duke punuar në aktet nënligjore që të mund të futet një kategori për përfaqësues tatimor, duke ia lehtësuar distributorit të mund ta marrë energjinë elektrike dhe t’u japë faturë familjeve që nuk janë tatimpagues.

“Me ato tri zgjidhje, me rritjen e kapacitetit ekzistues nga 4 në 6 kilovat siç parasheh propozimi dhe me dyfishimin e kapacitetit të kompanive që duan të instalojnë në çatitë e tyre, do të lehtësohet procedura, gjegjësisht do të ketë procedurë e cila do të jetë identike me procedurat në vendet e Evropës Perëndimore, ku shumica prej nesh kishin mundësi të shohin se në pjesën më të madhe të çative janë instaluar centrale fotovoltaike”, tha Dimitar Kovaçevski.

Kryetari i Odës Ekonomike, Branko Azeski, porositi se sektori i biznesit i ka propozuar Qeverisë disa masa, mbi të gjitha për ballafaqim me krizën energjetike dhe çmimin e shtrenjtë të rrymës.

“Lëndët e para janë shumë të shtrenjta, kurse disa prej tyre nuk mund të blihen. Kërkojmë të rritet niveli i prodhimit dhe të racionalizohet konsumimi i rrymës. Ofruam zgjidhje me partneritet publiko-privat në pjesën e prodhimit të energjisë elektrike”, tha Branko Azeski, kryetar i Odës Ekonomike.

Azeski shton se Oda Ekonomike ka propozime për furnizim publik, si të menaxhohen në këtë situatë dhe deri në fund të vitit të mos sillen detyrime të reja tatimore./TV 21/

The post Mickoski: Nga korriku çmimi i rrymës në Maqedoninë e Veriut rritet sërish me 10% appeared first on Albeu.com.

Lajmin e bëri të ditur Zyra e Rregullatorit të Energjisë në Kosovë, e cila ka pranuar vendimin e Gjykatës së Apelit për pezullimin e vendimit për shtrenjtimin e faturave të energjisë elektrike. Kështu që faturat e reja do të vijnë me tarifa të vjetra, para se të shtrenjtoheshin në shkurt.

“ZRRE më datë 18 maj 2022, ka pranuar nga Gjykata e Apelit Aktvendimin AA.nr. 364/2022 me të cilin, Gjykata ka refuzuar ankesën e ZRRE-së dhe ka vërtetuar Aktvendimin e Gjykatës Themelore për shtyrjen e ekzekutimit të vendimit për tarifat me pakicë të energjisë elektrike, të aprovuar nga ZRRE, derisa Gjykata të vendosë me vendim përfundimtar gjyqësor, përkitazi me padinë e paditëses. Si pasojë e gjendjes së krijuar, Bordi i ZRRE-së me datë 20 maj 2022, në Seancën e jashtëzakonshme, ka nxjerr vendim, me të cilin shtyhet ekzekutimi i Vendimit V_1489_2022 i datës 08.02.2022, sipas Aktvendimit AA.nr.364/2022 të Gjykatës së Apelit”, thuhet në njoftimin e tyre.

Me krizën globale të energjisë elektrike, ZRrE-ja kishte vendosur një bllok tarifë me të cilën shtrenjtohej rryma për ata që kalonin 800megavat, teksa Qeveria e Kosovës pati ndarë mbi 100 milionë euro për të ndihmuar në kalimin e krizës. /albeu.com/

The post Kosova tërhiqet nga shtrenjtimi i energjisë elektrike appeared first on Albeu.com.

Ai thotë se këtë ri-propozim po e bën me kërkesë të qytetarëve, teksa ka bërë edhe ndarjen se nga sa përqind të Trustit duhet të përfitojnë qytetarët.

Postimi i tij i plotë:

Me kërkesë të shumë qytetarëve ri-propozoj: Tërheqjen e mjeteve financiare për qytetarët nga Trusti Pensional deri në 30%.

Pas shtrenjtimit të rrymës dhe të gjitha produkteve të konsumit ditor është mëse e nevojshme që Qeveria ta sjell në votim propozimin tim për tërheqjen e Trustit Pensional deri në 30%.

Propozim-amandamenti im do të ndikojë në rimëkëmbje ekonomike dhe mbështetje për qytetarët :

Personat që kanë kursime pensionale në shumën më pak se 10.000 Euro, kanë të drejtë t’i tërheqin deri në tridhjetë përqind (30%) të kursimeve të tyre pensionale në FKPK.

Personat që kanë kursime pensionale në shumën prej 10.000 Euro deri në 19. 999 Euro, kanë të drejtë t’i tërheqin deri në njëzetepesë për qind (25%) të kursimeve të tyre pensionale në FKPK.

Personat që kanë kursime pensionale në shumën prej 20.000 Euro deri në 29. 999 Euro, kanë të drejtë t’i tërheqin deri nënjëzetë përqind (20 %) të kursimeve të tyre pensionale në FKPK.

Personat që kanë kursime pensionale në shumën prej 30.000 Euro deri në 39. 999 Euro, kanë drejtë t’i tërheqin deri në pesëmbdhjetë përqind (15%) të kursimeve të tyre pensionale në FKPK.

Personat qe kanë kursime pensionale me shumë se 40.000 Euro (dyzet mijë), kanë drejtë t’i tërheqin deri në dhjetë përqind (10%) të kursimeve të tyre pensionale në FKPK.

Me këtë propozim qytetarët që kanë të ardhura më të ulta do të mbështeten me shumë, ata që kanë me pak mjete në Trust t’u lejohet të tërheqin me shumë mjete me qëllim që ta përballojnë më lehtë situatën aktuale për shkak të krizës ekonomike dhe rritjes enorme të çmimeve në të gjithë sektorët pa dallim./albeu.com/

The post Deputeti i PDK-së: Ri-propozoj tërheqjen nga Trusti deri në 30%, është kërkesë e qytetarëve appeared first on Albeu.com.

Një poç elektrik i hedhur nga protestuesit shihet para oficerëve të Policisë së Kosovës, në Prishtinë, më 27 dhjetor 2021, gjatë një proteste kundër reduktimeve të rrymës, për shkak të prodhimit të ulët në vend dhe çmimeve të larta të importit.

Shtrenjtimi i energjisë elektrike dhe rikthimi i bllok-tarifave janë vetëm disa kërkesa që Zyra e Rregullatorit të Energjisë në Kosovë (ZRRE) është duke i shqyrtuar për strukturën e re tarifore.

Të dhënat e detajuara rreth kësaj strukture, ZRRE paralajmëron se do t’i bëjë publike në fillim të muajit shkurt.

“Shpresojmë që raportet përfundimtare të publikohen sapo ekspertët e ZRRE-së t’i analizojnë të gjitha të dhënat. Të gjitha palët do të njoftohen në kohën kur raportet do të bëhen publike”, thuhet në përgjigjen e ZRRE-së dërguar Radios Evropa e Lirë.

Në muajin dhjetor, ky institucion – pas kërkesave të Operatorit të Sistemit të Shpërndarjes (KEDS) dhe Kompanisë Kosovare për Furnizim me Energji Elektrike (KESCO) – ka nisur të bëjë shqyrtimin e jashtëzakonshëm të tarifave të energjisë elektrike.

Ky shqyrtim është thënë se ka për qëllim të reflektojë mbi çmimet e ngritura të importit të rrymës, si pasojë e krizës globale energjetike.

ZRRE bën të ditur se tarifat që do të përcaktohen në këtë shqyrtim, do të aplikohen për një vit.

Kjo lë të kuptohet se shqyrtimi i rregullt i tarifave, që zakonisht bëhet në prill të çdo viti, eliminohet.

ZRRE nuk jep ndonjë të dhënë se sa mund të shtrenjtohet rryma. Por, Kompania Kosovare për Distribuim të Energjisë Elektrike (KEDS) ka kërkuar tashmë që rritja të jetë 7 për qind.

Konsumatorët e Kosovës aktualisht paguajnë 6.75 centë për kilovat në orë.

Instituti për Politika Zhvillimore në Kosovë (INDEP) ka kërkuar nga ZRRE-ja rikthimin e bllok-tarifave dhe jo rritje të çmimit të rrymës.

Bllok-tarifat kanë qenë pjesë e strukturës tarifore të energjisë elektrike në Kosovë nga viti 2006 deri në vitin 2017.

Sipas tyre, kur një ekonomi familjare ka shpenzuar më shumë se 600 kilovatë rrymë në muaj, çmimi për të ka qenë më i lartë në krahasim me familjet që kanë shpenzuar nën 600 dhe 300 kilovatë në muaj.

ZRRE i ka hequr ato rreth pesë vjet më parë.

“Bllok-tarifat konsiderohen nga konsumatorët si të komplikuara për t’u kuptuar”, ka thënë ZRRE në atë kohë.

Sipas INDEP-it, rikthimi i bllok-tarifave është një mundësi e mirë për kursimin e energjisë elektrike.

“Ne konsiderojmë që një strukturë tarifore, që bazohet në konsum të energjisë, do të bënte që të mos kemi shtrenjtim të energjisë për disa kategori që nuk shpenzojnë shumë”, thotë Dardan Abazi, ekspert i politikave të energjisë në INDEP.

“Pra, për këto kategori nuk duhet të ketë rritje të çmimit. Por, një çmim i ri duhet të ndodhë në kategoritë e familjeve që shpenzojnë më shumë energji, mbi 600 kilovatë, apo mbi 1,000 kilovatë”, thotë Abazi për Radion Evropa e Lirë.

Sipas një analize të INDEP-it të bërë në kohën kur aplikoheshin bllok-tarifat, qytetarët e kanë kursyer energjinë elektrike.

Abazi thotë se në atë kohë, mbi 81 për qind e konsumatorëve nuk kanë shpenzuar më shumë se 600 kilovatë në muaj.

Sipas INDEP-it, struktura tarifore, që ka ndryshuar në vitin 2017, ka nxitur konsumatorët që të shpenzojnë më shumë energji elektrike, duke filluar përdorimin e saj edhe për ngrohje.

Rikthimin e bllok-tarifave e kërkon edhe KEDS-i, duke thënë se kjo strukturë tarifore do ta lehtësonte sistemin, pasi që konsumatorët do të ngroheshin më pak me rrymë.

KEDS, në listën e shpenzuesve më të mëdhenj të energjisë elektrike në vitin 2021, ka identifikuar ngrohjen qendrore me rrymë dhe bojlerin.

Amvisëritë në Kosovë mund të kontrollojnë shpenzimin e rrymës në ueb-faqen e KESKO-së, pasi të regjistrohen me kodin e konsumatorit që figuron në faturë.

Në fund të vitit të kaluar, konsumatorët në Kosovë janë përballur me reduktime të ashpra të energjisë elektrike, por kjo situatë, sipas KEDS, është stabilizuar.

Zëdhënësi i KEDS-it, Viktor Buzhala, thotë për Radion Evropa e Lirë se me ftohjen e motit, kërkesat për energji elektrike janë rritur.

Për të përmbushur nivelin e konsumit, i cili më datën 11 janar ishte 1232 megavatë në orë, Buzhala thotë se janë duke importuar energji elektrike mbi 500 megavatë dhe atë me çmime të larta.

“Çmimet e importit kanë qenë në rënie nga data 24 dhjetor, 2021, por në dy ditët e fundit kanë filluar të rriten. Varet nga kontrata që realizohet, por, për momentin, çmimi i energjisë elektrike për megavat shkon deri në 270 euro”, thotë Buzhala.

Importi i energjisë elektrike është i pashmangshëm, pasi që termocentralet në Kosovë aktualisht nuk po arrijnë të prodhojnë më shumë se 500 megavatë energji elektrike në orë.

Një nga arsyet për nënprodhim është vjetërsia me dekada e termocentraleve./REL/

The post Kriza energjitike në Kosovë, tarifa të reja në shkurt appeared first on Albeu.com.

Pritet që shkëputje të ketë gjatë fashës orare 09:00-16:00 përkatësisht në Rrugën “Albanopoli” në zonën e “Don Boskos”, në rrugën “Vangjel Notii” në zonën e Laprakës, Bathore.

Njoftimi i plotë i OSHEE:
Përshëndetje / Njoftim për abonentët #Tiranë / Stakim, 7 korrik
Në vijim të investimit për rikonstruksionin e kabinave, në datën 7 korrik gjatë intervalit kohor 09:00-16:00 do të stakohet energjia në këto zona në Tiranë:
Pjesërisht: Rruga “Albanopoli” në zonën e “Don Boskos”, rruga “Vangjel Notii” në zonën e Laprakës, Bathore.

The post Këto zona në Tiranë do të mbesin nesër pa energji elektrike appeared first on Albeu.com.

“Në vijim të investimit për rikonstruksionin e kabinave, në datën 6 korrik gjatë intërvalit kohor 09:00-16:00 do të stakohet energjia në këto zona në Tiranë:

Pjesërisht: Rruga “Albanopoli” në zonën e “Don Boskos”, rruga “Gjergj Legisi” në zonën e Laprakës, rruga “Don Bosko”, Bathore”, njofton OSHEE.

The post Për plot 7 orë, këto zona mbeten nesër pa energji elektrike appeared first on Albeu.com.

The post Ra në kontakt me rrymën elektrike, humb jetën elektricisti appeared first on Albeu.com.