Ende nuk dihen detajet e thirrje së tij nga prokurorët e posaçëm, por pritet të zbardhen në vijim.

Rrumbullaku u emërua Kreu i Policisë së Shtetit në shtator të vitit 2022, ndërsa e mbajti këtë post deri në shtator të vitit 2024.

The post Ish-drejtori i Policisë së Shtetit, Muhamet Rrumbullaku paraqitet në SPAK appeared first on Albeu.com.

Ai u shpreh se lajmi për dorëheqjen e tij nuk është i vërtetë, por se është larguar nga posti “me ceremoni”.

“Jam i bindur që është shkarkim me ceremoni. Largimi i detyruar, ka pasur një drejtor të përgjithshëm dy vite më para që nuk pranoi të jepte dorëheqje, është e njëjta skemë. Tre drejtorët e fundit u detyruan të dorëhiqeshin. Ka një muaj që flitet, nuk ka njeri që nuk e di. Flitet që ministri ka një muaj që është mbyllur në zyrë për t’u fshehur nga ngjarjet kriminale se ka frikë vetë dhe nuk takon asnjë zyrtar të lartë sepse po bën plane me disa që as nuk janë në policinë e shtetit për të bërë emërime”, u shpreh ai.

The post Dorëheqja e Rrumbullakut/ Salianji: Ishte shkarkim me ceremoni, ministri ka një muaj që është mbyllur në zyrë appeared first on Albeu.com.

Përmes një deklarate thuhet se gazetarët raportuan për këto shqetësime, duke u bërë presion autoriteteve që të reagojnë.

“Më 14 gusht 2024, Rrumbullaku akuzoi gazetarët se po përhapin “fabrikime dhe akuza të ndyra” kundër Policisë së Shtetit, duke i cilësuar raportimet e tyre si “dezinformim të qëllimshëm”. Ai bëri të ditur se Policia e Shtetit do të marrë masa ligjore ndaj gazetarëve individualë dhe përdoruesve të rrjeteve sociale.

Rrjeti SafeJournalists e sheh kërcënimin e akuzave penale kundër gazetarëve dhe përdoruesve të mediave sociale për gjoja përhapjen e dezinformimit si një tejkalim të autoritetit policor, duke bërë të paqartë ndarjen midis funksioneve të zbatimit të ligjit dhe gjyqësorit. Kriminalizimi i raportimit gazetaresk bie ndesh me parimet dhe garancitë kushtetuese të fjalës së lirë dhe lirisë së medias. Kjo përpjekje mund të mbysë gazetarinë e pavarur dhe të minojë rolin e medias si mbikëqyrëse e qeverisë dhe institucioneve publike.

Vërejtjet e Rrumbullakut përfshinin një pohim shqetësues se vetëm versioni zyrtar i policisë për ngjarjen duhet të konsiderohet i besueshëm, duke sfiduar kështu detyrën thelbësore të gazetarëve për të verifikuar informacionin përmes burimeve të ndryshme. Ky qëndrim, i miratuar nga Kryeministri Edi Rama, kërcënon të minojë rolin kritik të medias në mbajtjen e institucioneve përgjegjëse po ashtu ofrimit te publikut një kuptimi të plotë të ngjarjeve. Në një peizazh mediatik si Shqipëria, ku praktika e zyrtarëve publikë për të shpërndarë materiale të përgatitura paraprakisht (audio, video dhe tekst) në media është e përhapur dhe ku gazetarët kanë akses të kufizuar në burimet e dorës së parë, pohimi se vetëm tregimet zyrtare janë të besueshme. është veçanërisht shqetësuese.

Kjo situatë përbën një kërcënim të rëndësishëm për lirinë e medias në Shqipëri, duke çuar potencialisht në autocensurë dhe një media të pavarur të dobësuar. Rrjeti SafeJournalists i bën thirrje Policisë së Shtetit të tërheqë menjëherë kërcënimet dhe të ndalojë frikësimin e gazetarëve dhe përdoruesve të mediave sociale që raportojnë për çështje me interes publik. Theksojmë respektimin e rolit thelbësor të gazetarëve në verifikimin e informacionit nga burime të ndryshme dhe informimin e pavarur të publikut. Për më tepër, ne kërkojmë respektimin e proceseve gjyqësore për të adresuar dezinformatat e supozuara në përputhje me standardet e Këshillit të Evropës dhe të BE-së”, thuhet në deklaratë.

Rrjeti SafeJournalists qëndron në solidaritet me komunitetin gazetaresk në Shqipëri dhe u bën thirrje të gjitha palëve të interesuara, përfshirë autoritetet kombëtare dhe ndërkombëtare, të mbrojnë lirinë e medias dhe të sigurojnë që gazetarët të mund të veprojnë në mënyrë të pavarur pa frikën e hakmarrjes ligjore.

Rrjeti SafeJournalists do të vazhdojë të monitorojë nga afër këtë situatë dhe do të avokojë për mbrojtjen e të drejtave të gazetarëve dhe lirisë së medias në Shqipëri dhe më gjerë.

Prishtinë – Shkup – Sarajevë – Zagreb – Beograd – Podgoricë, 15 gusht 2024

Asociacioni i Gazetarëve të Kosovës

Shoqata e Gazetarëve të Maqedonisë

Shoqata e Gazetarëve të Pavarur të Serbisë

Sindikata e Mediave të Malit të Zi.

The post Deklaratat e Rrumbullakut për vrasjen në Pogradec, SafeJournalists: Tejkaloi autoritetin policor! appeared first on Albeu.com.

“Policia është angazhuar për kapjen e personave. Shumë shpejt do të keni njoftimin për kapjen e tyre”, tha kreu i policisë së Shtetit.

Klea Prenga u dhunua barbarisht teksa po darkonte në një restorant në Tiranë.

Motrat Antonela dhe Mariela Berisha, i kanë shkaktuar plagë të rënda në fytyrë, pamje të cilat janë bërë publike dhe vetë Klea në llogarinë e saj personale në rrjetet sociale.

The post Dhunuan Klea Prengën, Rrumbullaku për motrat Berisha: Do t’i arrestojmë appeared first on Albeu.com.

Teksa iu përgjigj pyetjeve të gazetarit në lidhje me ekstradimet e personave me rrezikshmëri të lartë kriminale, Rrumbullaku njoftoi edhe ekstradimin e personit të sipërpërmendur.

“Mund t’ju konfirmoj edhe vendimin për Fabio Ballabanin, pjesë e një grupi të strukturuar kriminal”, tha Rrumbullaku.

Fabio Ballabani, ishte shpallur në kërkim nga Prokuroria e Posaçme kundër Korrupsionit dhe Krimit të Organizuar për ngjarjen e ndodhur në vitin 2019, ku bashkëshorti i gjyqtares Saida Dollanit, Kristaq

Prifti, u kërcënua dhe dhunua brutalisht. Me urdhër të Emiljano Shullazit, Fabio Ballabanin alias Fabio Zyberaj alias Ivi Zyberaj, kërcënoi dhe rrahu Priftin.

Gjyqtarja Dollani, ka qenë pjesë e trupës që ka shqyrtuar dosjen “Shullazi” dhe nuk pranoi të largohej edhe pasi i dhunuan e kërcënuan me arme bashkëshortin Kristaq Prifti.

Pavarësisht insistimit të saj për të çuar deri në fund procesin gjyqësor ndaj Emiljano Shullazit, një nga kolegët në Apelin e Krimeve të Rënda, i cili tashmë është përjashtuar nga sistemi i drejtësisë nga vettingu, vendosi largimin e Saida Dollanit nga trupa gjykuese dhe rrjedhimisht nga çështja.

The post Gati ekstradimi në Shqipëri, kush është Fabio Ballabani, pjesë e grupit të Emiljano Shullazit appeared first on Albeu.com.

Ai tha se në asnjë moment dhe asnjë rrethanë nuk është tentuar që të fshihet ngjarja e rëndë, ku mbeti i vrarë Eglantin Proga.
Rrumbullaku: Nuk është fshehur ngjarja e Pogradecit nga asnjë punonjës policie. Është shkuar në vendngjarje, janë sekuestruar kamerat të ambienteve përreth.

Janë shoqëruar disa persona që ishin të pranishëm në vendin e ngjarës.
U bë e mundur zbardhja në kohë rekord e krimit dhe u arrestua autori bashkë me tre të tjerë. Drejtoria e Korçës dha një njoftimin zyrtar, u anashkalua, deformua dhe u mohua.
Rrumbullaku deklaroi se policia i ka referuar prokurorisë akuzën ‘vrasje me dashje’ për Denis Meçen, autorin e dyshuar të vrasjes së Eglantin Progës.

Rrumbullaku tha se Policia e Shtetit është baltosur pa të drejtë, duke shtuar se policia është partner i besueshëm në luftën ndaj krimit. Ai tha se baltosja ndaj policisë është e dënueshme.

Muhamet Rrumbullaku: E ritheksoj se ngjarja është dërguar në prokurori për vrasje me dashje. Ndërsa, disa të shtetas nuk kanë kallëzuar krimin, duke mbuluar të vërtetën.
Sesi e kanë ndryshuar nuk është çështje e policisë. Ne kemi dorëzuar të gjitha provat në Prokurori për akuzën e vrasjes me dashje. Ftoj publikun që të ketë besim tek Policia e Shtetit.

The post Vrasja e 42-vjeçarit në Pogradec/ Muhamet Rrumbullaku merr në mbrojtje shefin e komisariatit: Akuzat ndaj policisë të pabaza appeared first on Albeu.com.

Pas firmosje së urdhrit, Drejtori i Përgjithshëm i Policisë së Shtetit, Muhamet Rrumbullaku, u shpreh se askush që cenon besnikërinë ndaj uniformës së shenjtë të Policisë së Shtetit nuk do të ketë vend në strukturat e saj.

“Integriteti i shëndoshë i punonjësve të Policisë së Shtetit dhe pastrimi i strukturave nga elementë brenda nesh, të cilët shkelin ligjin dhe betimin, është një proces prioritar dhe i rëndësishëm. Askush që cenon besnikërinë ndaj uniformës së shenjtë të Policisë së Shtetit nuk do të ketë vend në strukturat e saj. Kam bindjen e plotë se, organizata e Policisë së Shtetit ka forcën dhe energjinë e duhur pozitive për të izoluar dhe larguar nga radhët e saj çdokënd, që devijon nga misioni i ruajtjes së rendit e sigurisë publike dhe lufta e pakompromis ndaj krimit”, theksoi Rrumbullaku.

Në bazë të urdhrit të Drejtorit të Përgjithshëm procesi i vetëdeklarimit, do të zgjasë deri më 30.06.2024 dhe punonjësit e Policisë së Shtetit, do të deklarojnë edhe ndërprerjen e marrëdhënieve juridike të punës me Policinë e Shtetit, për plotësim të pasaktë ose të dhëna të pavërteta në formularin e vetëdeklarimit.

Procesi i verifikimit të integritetit, do të nisë me vetëdeklarimin e punonjësve të Policisë së Shtetit lidhur me të dhënat për sigurinë si:

Dënimi ose jo me vendim gjyqësor të formës së prerë nga autoritetet gjyqësore shqiptare ose të huaja, apo me vendim gjyqësor jopërfundimtar për një çështje penale të pazgjidhur me vendim gjyqësor të formës së prerë;

Shkelja ose jo e rregullave të sigurisë së informacionit të klasifikuar dhe tentimi ose jo i kryerjes së aktivitetit të paautorizuar në sistemet e komunikimit të informacionit të klasifikuar;

Qenia ose jo në hetim ose gjykim nga autoritetet shqiptare ose të huaja për vepra penale;

Qenia ose jo i ndaluar ose arrestuar nga organet ligjzbatuese shqiptare ose të huaja për vepra penale;

Caktimi ose jo i ndonjë mase shtrënguese të sigurisë personale;

Lëshimi ose jo i një urdhri kërkimi kombëtar ose ndërkombëtar për vepra penale;

Pasja ose jo e kontakteve të papërshtatshme, komunikimeve elektronike ose çfarëdolloj mënyre tjetër takimi apo komunikimi të qëllimshëm, me persona të përfshirë në krimin e organizuar;

Pranimi apo shkëmbimi, ose jo, i parave, favoreve, dhuratave ose pasurive me persona të përfshirë në krimin e organizuar.

The post Thellohet procesi i verifikimit të integritetit të punonjësve të Policisë së Shtetit, ja urdhri i Muhamet Rrumbullakut appeared first on Albeu.com.

Ai ka zbardhur skemën se si bëhej kalimi i personave për në vendet e BE.

Ai tha se kalimi në kufi bëhej me dokumentet e tyre personale të rregullta, por dokumentet e falsifikuara u niseshin me postë në hotelin ku qendronin.

Gjithashtu, Rrumbullaku ka treguar se gjatë operacionit u sekuestruan një sasi parash, drogë, laborator për falsifikimin e dokumenteve dhe automjete.

“Policia e Shtetit në bashkëpunim me policinë spanjolle pas 2 vitesh hetime realizoi operacionin Nomadët për të goditur grupin që vepronte në kontrabandimin e shtetasve.

U zbatuan masat e sigurisë “Arrest me burg” për 31 shtetas për ndihmë kalimi të paligjshëm të kufirit.

U arrestuar 21 shtetas, 4 persona të tjerë janë jashtë vendit, Njëri prej tyre
U sekuestruan:

7 automjete, një laborator për falsifikimin e dokumenteve, 25 mijë euro, 20 mijë paund, laptopë, kompjutera, celularë, sasi rogë, varëse floriri dhe dokumente shitblerjeje pronash.

Subjektet kryesore falsifikonin dokumente për persona që të lëviznin jashtë vendit kryesisht në vendet e BE.

Shtetasit shqiptarë largoheshin për në BE me dokumentet e tyre, por dokumentet e falsifikuara u dërgoheshin me postë në hotelet ku rrinin apo rezidencat ku vendoseshin”, shprehet ai.

The post Zbardhet skema e mashtrimit, kalimi i klandestinëve në kufi bëhej me pasaportat personale, dokumentet false u dërgoheshin me postë në hotel appeared first on Albeu.com.

Ai shtoi se Pavarësisht përpjekjeve të mazhorancës për të bllokuar hetimin, ai po shkojnë drejt fundit.

Në orën 3:26 të mëngjesit kemi përfunduar seancën e pyetjes. Do të jemi në dijeni për shumë çështje që janë diskutuar në këtë komision
Kemi arritur të zbulojmë të dhëna befasuese në lidhje me hetimin parlamentar. Pavarësisht përpjekjeve të PS për të bllokuar hetimin po shkojmë drejt fundit.

Marrja në pyetje e ministrit Ballës u bë me dyer të mbyllura, pasi ministri i Brendshëm deklaroi se ka informacione të klasifikuara.

Në mbledhje morën pjesë vetëm deputetët që kanë certifikata sigurie.

Veç Ballës në pyetje u mor edhe kreu i Policisë Muhamet Rrumbullaku dhe ish-drejtori i IT së Policisë, Ervin Muça.

Kryetari i Komisionit Ervin Salianji, kërkoi që dëshmia e Ballës të ishte me dyer të hapura për median, por kjo nuk u pranua nga mazhoranca, duke pohuar se ka sekrete hetimore.

The post Komisioni për TIMS/ Dëshmojnë Balla, Rrumbullaku dhe Ervin Muça, Salianji: Zbuluam të dhëna befasuese appeared first on Albeu.com.

Në ambientet e Departamentit për Sigurinë Publike të Ministrisë së Brendshme të Republikës së Italisë, u zhvillua takimi i parë trepalësh, mes përfaqësuesve më të lartë të strukturave policore italiane, shqiptare dhe të atyre të Mbretërisë së Bashkuar.

Ky takim kishte si qëllim, forcimin e mëtejshëm të bashkëpunimit mes palëve, në luftën kundër krimit të organizuar ndërkufitar.

Gjatë këtij takimi, Zëvendësdrejtori i Departamentit për Sigurinë Publike pranë Ministrisë së Brendshme të Republikës së Italisë, njëkohësisht Drejtori Qendror i Policisë Kriminale, Prefekti Raffaele Grassi vlerësoi bashkëpunimin e shkëlqyer dhe arritjet e deritanishme ndërmjet strukturave policore italiane dhe atyre shqiptare, në luftën kundër krimit të organizuar ndërkufitar. Gjithashtu, z. Grassi vlerësoi nivelin e lartë të profesionalizmit dhe korrektesën e treguar nga përfaqësuesit e të dyja palëve, si dhe uroi që i njëjti model bashkëpunimi, të arrihet në të ardhmen dhe ndërmjet autoriteteve shqiptare dhe strukturave homologe në Mbretërinë e Bashkuar.

Ndërkaq, Drejtori për Adresimin e Kërcënimeve pranë Agjencisë Kombëtare të Krimeve në Mbretërinë e Bashkuar, z. Chris Farrimond vlerësoi bashkëpunimin shumë të mirë mes strukturave të përfshira në luftën kundër krimit të organizuar në Mbretërinë e Bashkuar dhe strukturave partnere në Shqipëri. Gjithashtu, Drejtori Farrimond theksoi rolin dhe rëndësinë që bashkëpunimi me autoritetet shqiptare, ka patur në luftën kundër organizatave kriminale që veprojnë në Mbretërinë e Bashkuar, si dhe kontributin e dhënë për parandalimin e fenomenit të migracionit të paligjshëm, drejt Mbretërisë së Bashkuar.

Drejtori i Përgjithshëm i Policisë së Shtetit, Muhamet Rrumbullaku i garantoi të pranishmëve në këtë takim, se Policia e Shtetit tashmë i ka të gjitha kapacitetet për të luftuar këtë fashë kriminaliteti, si dhe se ka arritur një nivel profesionalizmi shumë të lartë, me standarde të njëjta me strukturat homologe partnere të vendeve më të zhvilluara të Europës. Drejtori i Përgjithshëm theksoi se këtë fakt e tregon më së miri numri i skuadrave të përbashkëta hetimore, të përbëra nga punonjës të Policisë së Shtetit dhe homologët e tyre nga agjencitë ligjzbatuese të vendeve partnere në mbarë Europën, si dhe realizimi në harkun e viteve, i një sërë operacionesh të përbashkëta policore, nëpërmjet të cilave janë goditur një numër i madh organizatash kriminale që vepronin brenda dhe jashtë territorit të Republikës së Shqipërisë, të cilat e kishin shtrirë veprimtarinë e tyre në fusha të ndryshme të paligjshmërive, si trafikimi i lëndëve narkotike, pastrimi i parave të përfituara nga krimi etj.

Në përfundim të këtij takimi, të pranishmit ranë dakord mbi rëndësinë e forcimit të mëtejshëm të bashkëpunimit dy- dhe shumëpalësh, në kuadrin e luftës kundër të gjitha organizatave kriminale të cilat veprojnë në këto vende dhe më gjerë, përmes organizimit të takimeve dypalëshe të nivelit teknik, mes strukturave të Policisë Kriminale shqiptare dhe të atyre të Mbretërisë së Bashkuar, me qëllim diskutimin dhe trajtimin e rasteve dhe çështjeve konkrete.

Në këtë kontekst, përfaqësuesit e Policisë së Shtetit dhe ato të Agjencisë Kombëtare kundër Krimit në Mbretërinë e Bashkuar u shprehën dakord për rëndësinë e përgatitjes dhe finalizimit të një marrëveshjeje dypalëshe, e cila do të formalizonte dhe do të forconte bashkëpunimin në nivel teknik, në luftën kundër krimit të organizuar ndërkufitar, në të gjitha format e tij.

Me ftesë të Drejtorit të Përgjithshëm të Policisë shqiptare, Drejtori për Adresimin e Kërcënimeve pranë Agjencisë Kombëtare të Krimeve në Mbretërinë e Bashkuar, z. Chris Farrimond shumë shpejt do të vizitojë Policinë e Shtetit.

The post Rrumbullaku takim trepalësh me homologët e Italisë dhe Britanisë në Romë! Në fokus forcimi i bashkëpunimit për të luftuar krimin appeared first on Albeu.com.