Ministria e Infrastrukturës, nën drejtimin e ministrit në detyrë Dimal Bash, ka filluar punimet për riparimin e një rrëshqitjeje të dheut që ka dëmtuar rrugën rajonale R204, pikërisht në pjesën e njohur si Krushevë e Vogël, e cila shërben si lidhje mes Klinës dhe Gurrakocit.

Bëhet e ditur se janë vënë në zbatim të gjitha veprimet e duhura për të rregulluar këtë segment dhe për të larguar çdo rrezik që u kanoset banorëve të zonës dhe automjeteve që e përshkojnë atë.

Objektivi i këtyre punimeve është që siguria dhe fluksi normal i qarkullimit në këtë aks të rivendosen pa vonesa.

Duke shprehur mirënjohje për durimin dhe vëmendjen e treguar nga ana e qytetarëve, ministri Basha theksoi se ekipet po punojnë me ritëm të shtuar për ta përmbyllur sa më parë procesin e sanimit.

The post Fillon rehabilitimi i rrëshqitjes së dheut në aksin rrugor Klinë – Gurrakoc appeared first on Albeu.com.

Ndërtimi i dy urave të reja në Lluzhan dhe Bardhosh po i afrohet fazës përmbyllëse, sipas njoftimit të ministrit në detyrë të Infrastrukturës dhe Transportit, Dimal Basha.

Në një postim të shpërndarë në profilin e tij në Facebook, zyrtari qeveritar theksoi se projektet kanë hyrë tashmë në etapën finale, pas një serie të gjatë konsultimesh dhe bashkëpunimi të ngushtë me mbikëqyrësit e punimeve dhe kontraktorët e përfshirë.

Ministri Basha vuri në dukje se me përfundimin e këtyre objekteve, do të ketë një përmirësim të dukshëm të qarkullimit dhe të sigurisë rrugore për të gjithë ata që frekuentojnë këtë aks.

“Këto dy ura do të sjellin një lehtësim të konsiderueshëm të trafikut dhe do të rrisin parametrat e sigurisë në këtë pjesë të rrugës,” deklaroi Basha në njoftim.

Në përfundim, ai ripohoi se institucionet shtetërore janë të përkushtuara për të çuar para projektet infrastrukturore dhe për të optimizuar kushtet e lëvizjes në të gjithë territorin e vendit.

The post Punimet për urat e Lluzhanit dhe Bardhoshit drejt finalizimit, flet ministri Basha appeared first on Albeu.com.

Haxhiu ka thënë se këto organizata, për shumë vite, kanë qenë pranë të mbijetuarave të dhunës seksuale gjatë luftës, duke ofruar përkujdesje, dokumentim, ndihmë ligjore e psikologjike, si dhe duke dëshmuar angazhim të vazhdueshëm për drejtësinë dhe dinjitetin e tyre.

“Për vite me radhë, këto organizata u kanë qëndruar pranë të mbijetuarave të dhunës seksuale gjatë luftës, me kujdes, dokumentim, mbështetje ligjore e psikologjike dhe me përkushtim të pandërprerë për drejtësinë dhe dinjitetin e tyre. Sot i falënderova për këtë punë të çmuar dhe për rolin që vazhdojnë ta kenë në mbështetje të të mbijetuarave”, ka thënë Haxhiu.

Në këtë takim u fol edhe për veprimet që institucionet duhet të ndërmarrin, në mënyrë që rruga e të mbijetuarve drejt njohjes dhe drejtësisë të bëhet më e lehtë dhe më dinjitoze.

“Diskutuam për rishikimin e afateve për aplikim, lirimin nga taksat gjyqësore, një hapësirë më të qasshme për Komisionin e Verifikimit, si dhe garancitë e një procesi të verifikimi ku të mbijetuarit trajtohen me dinjitet”, ka theksuar Haxhiu.

Sipas saj, zbatimi i këtyre masave do të ndihmonte në ndërtimin e një sistemi më të drejtë, më human dhe më të ndjeshëm ndaj nevojave dhe realitetit të të mbijetuarve.

The post Haxhiu takon të mbijetuarit dhe përfaqësuesit e organizatave që përkrahin viktimat e dhunës seksuale të luftës appeared first on Albeu.com.

Prej një jave, ata flenë në sheshin përpara Bashkisë së Montpeljesë. Një tubim solidariteti u organizua të hënën në mbrëmje në Montpeje nga shoqatat “Un toit, un avenir et solidarité partagée”, të cilat i shoqërojnë dhe i mbështesin. Rreth 60 persona u mblodhën përpara Bashkisë.

Presidenti i Shoqatës ‘Solidarité Partagée’, e cila po e ndjek këtë familje prej javësh, tha për mediat franceze se, “Kjo situatë është e papranueshme. Fëmijët sëmuren nga të ftohtit. Është gjithmonë kështu. Kemi parë familje me fëmijë që qëndrojnë deri në katër muaj në rrugë. Kjo nuk është normale. Prefektura nuk po e bën pjesën e saj”.

Mediat franceze shkruajnë se, prefektura mban qëndrimin se kjo familje nuk është prioritet për përfitimin e strehimit emergjent.

Ky vendim justifikohet me faktin se familja ndodhet në situatë të parregullt dhe se Gjykata Administrative e Montpeljesë, më 8 dhjetor, ka rrëzuar kërkesën e tyre për të përfituar strehim emergjent.

Një tubim i ri solidariteti është parashikuar për të dielën, më 21 dhjetor, në orën 14:00, në sheshin përpara Bashkisë së Montpeljesë.

The post Emigruan për një jetë më të mirë, familja shqiptare fle në rrugët e Francës/ FOTOT appeared first on Albeu.com.

Shembja është konstatuar ditët e fundit, ndërsa bashkë me rrëshqitjen e trotuarit raportohet se janë dëmtuar edhe rrjetet nëntokësore. Rrëshqitja është e konsiderueshme dhe për momentin nuk dihet nëse ajo rrezikon edhe karrexhatën e rrugës.

Përveç dëmtimit të trotuarit, ky aks prej muajsh është pa ndriçim, ndonëse kalon mes zonave të banuara, duke rrezikuar seriozisht jetën e këmbësorëve.

Sipas të dhënave, rikonstruksioni i rrugës, zgjerimi i korsive, vendosja e trafikndarësve, trotuareve dhe sistemi i ndriçimit, përfunduan si investim në shtator të vitit 2018.

Aksi Pogradec–Qafë Plloçë njihet prej vitesh si një nga “njollat e zeza” të juglindjes, sa i përket aksidenteve rrugore.

The post Tjetër skandal/ Shembet bankina në rrugën Pogradec-Qafë Plloçë appeared first on Albeu.com.

Punonjësit janë penguar të hyjnë në vendet e tyre të punës, ndërsa qytetarët janë privuar nga kanali më i madh dhe më i besueshëm informativ në vend.

Tashmë News24, ka nisur transmetimin maratonë në Youtube, nga ku qytetarët do të ndjekin gjithçka po ndodh në kohë reale, pavarësisht përpjekjeve që zëri i të vërtetës të mos mbërrijë tek qytetarët, duke ndërprerë energjinë elektrike, e për pasojë edhe trensmetimin e medias më të rëndësishme informative në vend.

Drejtoresha e News24, Anila Jola, është përlotur nga situata në të cilën ndodhet News24 nën terrorin e policisë.

“Ështe një situatë qe nuk mund ta përshkruaj, jam zgjuar me telefonatën që që në orën 6 këtu kishte ardhur policia. Erdhëm bashkë me kolegët por nuk u lejuam të hynim brenda dhe të vijonte transmetimi. News24 është rrethuar nga policia dhe gjithçka ndodhi pa një njoftim paraprak, si të ishim një kioskë e thjeshtë. Ishte vendim arbitrar abuziv i papritur dhe nuk u lejuam të hynim në vendin e punës si të ishim kriminelë jo punonjës kaq vjeçarë të News24.

Nuk e përfytyroj dot këtë që po ndodh me median më të besueshme për shqiptarët. Lokalet kishin lënë ekranin e bardhë, me shpresën se ka ndonjë difekt. Shikuesit shpresojnë që ne do të rikthehemi. Ndoshta duhet të presim të hënën që të nisin punën gjykatat dhe të japë një vendim shpresojmë në favorin tonë. Ngjarja më e dhimbshme që ndodh në këto vite punë. 230 punonjës që në lëtë moment janë në rrugë. 230 familjeve u janë prerë të ardhurat”, shprehet ajo.

The post Sulmi ndaj News24/ Përplotet Drejtoresha e Përgjithshme Anila Jole: I paprecedentë, 230 punonjës u hodhën në rrugë, u trajtuam si kriminelë, jo gazetarë (VIDEO) appeared first on Albeu.com.

Sipas disa informacioneve, dasnorët fillimisht ia kanë marrë valles në rrugën Transballkanike, duke shkaktuar kështu edhe për disa çaste bllokim të qarkullimit të automjeteve.

Pas këtij momenti, siç shihet edhe nga pamjet, shohim se disa prej dasmorëve ecin me shpejtësi për t’u larguar me makinat e tyre.

The post Dasmorët në Vlorë ia marrin valles në mes të rrugës, bllokojnë qarkullimin e automjeteve appeared first on Albeu.com.

Fatmirësisht, nuk raportohet për persona të lënduar.

Ngjarja shkaktoi bllokim të përkohshëm të trafikut, ndërsa forcat e policisë ndodhen në vendngjarje për të menaxhuar qarkullimin dhe për të siguruar zonën, deri në largimin e palmës nga autoritetet përkatëse.

Sipas banorëve dhe dëshmitarëve, rrëzimi i pemëve të tilla nuk është hera e parë që ndodh në këtë bulevard.

Ngjarje të ngjashme janë shënuar edhe më herët, jo vetëm në bulevardin “Epidamn”, por edhe në zona të tjera të qytetit bregdetar.

Banorët kërkojnë që të kryhet një kontroll më i rreptë dhe i rregullt i gjendjes së pemëve dekorative në rrugët e qytetit, për të shmangur rreziqe të tilla për jetën dhe sigurinë publike.

The post Palma bie në mes të rrugës në bulevardin “Epidamn” në Durrës, rrezik për kalimtarët appeared first on Albeu.com.

Përmes një postimi në faqen zyrtare Policia e Shtetit u bën thirrje drejtuesve të mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë për shkak të lagështirës dhe të prezencës së ujit në disa segmente rrugore.
Për lëvizjen në akset rrugore në zonat malore ku ka reshje dëbore, policia kërkon që drejtuesit e mjeteve të pajisen me zinxhirë dhe goma dimërore.

“Të gjithë drejtuesit e automjeteve dhe motomjeteve të ndjekin udhëzimet e shërbimeve të Policisë Rrugore.

Deri në këto momente nuk ka asnjë aks rrugor të bllokuar.

Ndërkohë, në të gjitha drejtoritë janë ngritur grupet e emergjencës dhe po mbajnë kontakte me përfaqësuesit e pushtetit vendor, me firmat kontraktore dhe emergjencat civile.

Në rast nevoje, telefononi në numrin pa pagesë 112 dhe shërbimet e Policisë do t’ju vijnë menjëherë në ndihmë”, thuhet në njoftimin e policisë.

The post Ngrica dhe lagështia në rrugë/ Policia apel drejtuesve të mjeteve: Kujdes kur udhëtoni appeared first on Albeu.com.

Gjatë episodit të 6-të të podkastit “Flasim”, ku e ftuar ishte “Vajza e Themeloreve”, ministrja e Shtetit për Administratën Publike dhe Antikorrupsionin, Adea Pirdeni, kryeministri Rama u ndal te çelja e negociatave për grup-kapitullin “Themeloret”, ndërsa solli në vëmendje rëndësinë dhe përfitimet që vijnë nga ky proces.

“Ky podkast i kushtohet ditës më të rëndësishme, historike, në kuptimin e plotë të fjalës, të misionit tim, qyshse më keni besuar privilegjin e udhëheqjes së Shqipërisë sonë të përbashkët”, u shpreh Rama.
Kryeministri theksoi se është e nevojshme që publiku të informohet, pasi ka një mjegull, keqkuptim, përzierje llafesh mbi këtë proces që është shumë teknik.

“Bashkimi me Europën është një rrugë me dy korsi: korsia e punës së përditshme të reformave, masave dhe vlerësimeve faktike dhe teknike që bëhen në Komisionin Europian dhe është korsia politike, sepse ajo është një familje politike që vendos përtej atyre që janë kritere objektive”, tha Rama.

Gjithashtu, kryeministri theksoi se në më shumë se një rast ne e kemi parë që negociatat, për sa i përket rekomandimeve të Komisionit na janë hapur dhe rekomanduar të fillojnë, por dera ka qëndruar e mbyllur duke na shtyrë në kohë.

The post Rama: Bashkimi me Europën rrugë me dy korsi, nevojiten reforma dhe kriteri politik appeared first on Albeu.com.