Sipas ministrisë gjatë natës, të gjitha strukturat vendore dhe ekipet operacionale kanë vijuar punën në terren për normalizimin e situatës në zonat e prekura nga moti i keq, për sigurimin e akseve rrugore dhe për rikthimin e energjisë elektrike.

SITUATA SIPAS QARQEVE

Qarku Lezhë

Vijon puna për normalizimin e situatës në fshatrat Gjorm, Zhejë dhe Fushë Mamurras në njësinë administrative Mamurras, bashkia Kurbin.

Rruga në fshatin Shpërtheth mbetet e dëmtuar nga ujërat e lumit Droje, por po punohet nga forcat në terren.

Gjithashtu, po vijon puna për sigurimin e kalueshmërisë në segmentin rrugor Skuraj–Gallatë, njësia administrative Milot, por edhe në njësinë administrative Kaçinar, ku ura në fshatin Shpërdhezë u dëmtua nga reshjet me intensitet.

Qarku Durrës

Situata në njësitë administrative Sukth, Katund i Ri dhe Ishëm është drejt normalizimit, ujërat janë tërhequr nga zonat e prekura.

Niveli i ujit në lumenjtë Erzen dhe Ishëm është brenda kuotave normale.
Hidrovorët në Porto Romano dhe Hamallaj vijojnë punën me kapacitet të plotë.

Qarku Kukës

Të gjitha akset rrugore nacionale janë të kalueshme.

Qarku Shkodër

Është zhbllokuar segmenti rrugor Theth–Ndërlysaj në njësinë administrative Shalë.
Mbetet i bllokuar segmenti Ndërlysaj–Breg-Lumi, ku punimet do të vijojnë gjatë ditës së sotme.

Qarku Gjirokastër

Aksi rrugor Sofratikë–Libohovë është kthyer në normalitet.

Aktualisht, ka prani të shtuar ujërash në segmentin rrugor Gjirokastër–Tepelenë, në urën e Kardhiqit dhe në rrethrrotullimin e urës së lumit në qytetin e Gjirokastrës.

Qarku Elbasan

Vijojnë punimet për pastrimin e inerteve në segmentin rrugor Elbasan–Peqin, në vendin e quajtur “Murraç”, si dhe në segmentin Elbasan–Librazhd.

Qarku Korçë

Në fshatin Sanjollas, njësia administrative Barmash, bashkia Kolonjë, situata është normalizuar falë zhbllokimit të tombinove dhe pastrimit të inerteve, duke u shmangur rreziku për banesat.

SITUATA ENERGJETIKE

Ekipet e OSHEEE po vijojnë punën për rikthimin e furnizimit me energji

Në fshatrat Skuraj, Vinjollë dhe Gallatë, në qarkun e Lezhës

Në njësitë administrative Topojan, Shishtavec, Zapod, Bytyç dhe Lekbibaj në qarkun e Kukësit

Në njësitë administrative Hajmel dhe Vig–Mnelë (bashkia Vau-Dejës), si dhe në Iballë dhe Qafë-Mali (bashkia Fushë-Arrëz) në qarkun e Shkodrës

Në zonën Maricaj, Memaliaj, në qarkun e Gjirokastrës

Ministria e Mbrojtjes dhe Agjencia Kombëtare e Mbrojtjes Civile mbeten në gatishmëri të plotë dhe në kontakt të pandërprerë me strukturat vendore dhe ekipet e emergjencave, për marrjen e masave në rast të përkeqësimit të kushteve atmosferike.

The post Ministria e Mbrojtjes: Rrugë të bllokuara dhe mungesë energjie në disa zona, si paraqitet situata sipas qarqeve appeared first on Albeu.com.

Rastet kanë qenë në Dibër, Kukës dhe Shkodër, ku janë krijuar vështirësi për qarkullimin e mjeteve.

Policia u bën apel shoferëve të marrin masat e duhura dhe të ndjekin udhëzimet e dhëna në njoftimet për media.

Njoftimi:

Reshjet e dendura të borës kanë sjellë si pasojë bllokimin e disa akseve rrugore në Dibër dhe vështirësi në qarkullimin e automjeteve në disa akse rrugore në zona të thella malore në Kukës dhe në Shkodër.

Shërbimet e Policisë Rrugore dhe të Patrullave të Përgjithshme në Dibër, Kukës dhe Shkodër iu kanë dhënë ndihmë në 21 raste, drejtuesve të automjeteve që ishin në nevojë për shkak të motit të keq me borë të dendur.

Policia apelon për vendosjen e zinxhirëve dhe për zbatim të udhëzimeve të dhëna në njoftimet për mediat, për rrugët e bllokuara apo ato që paraqesin vështirësi.

Policia Rrugore po punon që mjetet e bllokuara nga bora të mos bëhen pengesë për borëpastrueset dhe rrezik për përfshirje në ngjarje rrugore.

Për çdo informacion apo nevojë për ndihmë, telefononi në numrin pa pagesë 112.

The post Reshjet e dëborës bllokojnë disa rrugë, policia u vjen në ndihmë 21 shoferëve në vështirësi appeared first on Albeu.com.

Për të katërtën ditë me radhë, në veri të Kosovës disa rrugë vazhdojnë të jenë të bllokuara. Kamionë të rëndë dhe mjete të tjera vazhdojnë të bllokojnë rrugën në fshatin Rudarë, në Zveçan.

Që nga 10 dhjetori, serbët lokalë kanë ngritur barrikada në shenjë pakënaqësie me arrestimin e një ish-pjesëtari serb të Policisë së Kosovës.

Ish-pjesëtarit serb të Policisë së Kosovës, Dejan Pantiq, i është caktuar masa e paraburgimit prej një muaji. Ai po dyshohet se ka organizuar sulmin terrorist ndaj zyrave të Komisionit Qendror të Zgjedhjeve në veri të Kosovës më 6 dhjetor, kur janë sulmuar zyrtarët e KQZ-së dhe zyrtarët policorë.

I dërguari i Shteteve të Bashkuara për Ballkanin Perëndimor, Gabriel Escobar, është takuar dje në Prishtinë me presidenten e Kosovës, Vjosa Osmani dhe kryeministrin e Kosovës, Albin Kurti. Në komunikatat e lëshuara nga këto institucione është thënë se liderët e Kosovës kanë biseduar me Escobarin për nevojën e largimit të menjëhershëm të barrikadave.

Bashkë me Escobarin, vizitë në Ballkan ka planifikuar edhe këshilltari i lartë i Departamentit amerikan të Shtetit, Derek Chollet, mirëpo diçka e tillë nuk ka ndodhur, pasi ai e ka anuluar vizitën, si pasojë e infektimit me koronavirus. Vetë Chollet ka thënë se pret që vizitën në këtë rajon ta realizojë në fillim të vitit të ardhshëm.

Ndërkohë, kryediplomati evropian, Josep Borrell, i ka kërkuar të dërguarit të bllokut evropian për Ballkanin, Miroslav Lajçak, që të vizitojë më 14 dhjetor Kosovën dhe Serbinë, me qëllim të ofrimit të ndihmës për ulje të tensioneve në veri./Express

 

 

The post Rrugët e bllokura, dita e 4 e barrikadave në veri: Shkollat mbyllur, nuk kalohet as në këmbë appeared first on Albeu.com.

Po ashtu, në Mitrovicën e Veriut dhe në Rudarë janë dëgjuar sirenat.

Në Rudarë janë parë edhe automjetet e ndihmës së parë.

Pak më parë u raportua se serbë lokalë burra të maskuar dhe gra po mblidheshin.

Dyshohet se këto lëvizje në veri po vijnë për shkak të një arrestimi.

The post Serbët mblidhen në Rudarë afër Zveçanit dhe bllokojnë rrugën, dëgjohen sirena appeared first on Albeu.com.

Kushi tha se pezullimi i mësimit nuk ka ardhur vetëm për ‘faj’ të shkollave por sipas saj edhe sepse në disa zona ka pasur bllokim të rrugëve.

“Jo në të gjitha shkollat ku mësimi është pezulluar për shkak të përmbytjeve, është faji i shkollës. Disa prej këtyre shkollave janë mbyllur për shkak të rrugëve të bllokuara për të ikur në shkollë”, tha Kushi.

Ndërsa komentoi edhe protestat e pedagogëve, Kushi tha se në 8 universitete rritja e pagës ka shkuar në 15 %, ku 7 % përfshirë nga qeveria dhe 8 % nga buxheti i brendshëm i institucionit të Arsimit të Lartë.

The post Moti i keq/ Pezullimi i mësimit, Kushi: Jo vetëm për “faj” të shkollave, por edhe të rrugëve të bllokuara appeared first on Albeu.com.

Postimi i ARRSH:

Reshje me intensitet kanë përshkuar të gjithë vendin

Në Rajonin Verior reshjet kanë qenë me intensitet më të lartëduke sjellë rënie gurësh e inertesh në trup të rrugës si, në: Bajram Curri-Valbonë, Spot-Kam km 18, Qafë Mali-Fierzë, Ura Bujan-Qafë Morinë

Kontraktorët e mirëmbajtjes me mjete e punëtorë janë në terren që në orët e para të mëngjesit për të mbajtur gjendjen e akseve në normalitet./albeu.com

The post Reshjet e dendura në vend, ARRSH: Këto janë akset ku ka rënie gurësh appeared first on Albeu.com.

Sipas informacioneve: Aksi rrugor Kukës -Arrën i bllokuar.

Aksi rrugor Bicaj- Bushtricë-Peshkopi, i kalueshëm me pajisje dimërore.

Aksi rrugor Kukës -Shëmri i kalueshëm me pajisje dimërore

Aksi rrugor Kukës- Qaf Tobli, Krumë, i kalueshëm me pajisje dimërore.

Aksi rrugor Bajram-Curri -Valbonë i kalueshëm me pajisje dimërore.

Aksi rrugor Bajram-Curri -Lekbibaj i kalueshëm me padisje dimërore.

Të gjitha akset e tjera rrugore janë të kalueshme.

The post Bllokohen rrugët për shkak të borës në Kukës, policia: Këto akse janë të pakalueshme appeared first on Albeu.com.