Pasditën e së mërkurës, një aksident i rëndë ndodhi në Unazën e Madhe të kryeqytetit, teksa po dalin në dritë hollësi të reja mbi ngjarjen.

Burime nga vendi i ngjarjes dhe pamjet e siguruara tregojnë se një mjet i tonazhit të rëndë është përplasur me një fuoristradë, e cila u shkatërrua tërësisht nga goditja.

Si pasojë e përplasjes, automjeti i rëndë theu barrierat mbrojtëse të urës dhe ra në rrugën e poshtme, duke pësuar vetë dëme të mëdha materiale.

Informacionet e para nga terreni flasin për një viktimë të dyshuar si pasojë e këtij aksidenti, teksa një person tjetër raportohet i plagosur rëndë.

Policia dhe ekipet e urgjencës ndodhen në zonën e aksidentit dhe po punojnë për të sqaruar plotësisht rrethanat e ngjarjes.

The post VIDEO/ Zbardhen detajet e aksidentit në Unazën e Madhe, një i vdekur i dyshuar, kamioni përplaset me fuoristradën dhe bie nga ura appeared first on Albeu.com.

Bëhet e ditur se rreth orës 12:54, në Rrugën e “Elbasanit”, mjeti me drejtuese shtetasen Xh. B, është përplasur me motorin me drejtues R. V.

Për pasojë,  i lënduar ka mbetur drejtuesi i motorit i cili momentalisht ndodhet në spital nën kujdesin e mjekëve./albeu.com/

The post Makina përplaset me motorin në Tiranë, ka të plagosur appeared first on Albeu.com.

Rruga e Elbasanit është një nga akset kryesore të hyrjes në Tiranë, dhe nga aksidenti është krijuar një trafik i rënduar.

Policia në njoftimin zyrtar, bën me dije se po punohet për normalizimin e trafikut.

Njoftimi i policisë:

Tiranë/Informacion paraprak

Rreth orës 07:55, në Rrugën e Elbasanit, janë përfshirë në një përplasje 3 mjete, ku ka vetëm dëme materiale.

Sherbimet e Policisë ndodhen në vendngjarje dhe po punojmë për normalizimin e trafikut./albeu.com

The post Përplasen tre makina te “Rruga e Elbasanit”, krijohet trafik i rënduar appeared first on Albeu.com.

Një person është mbuluar me çarçaf brenda urbanit, ndërkohë që kanë nisur hetimet për ngjarjen e rëndë.

Urbani është ndaluar pranë “Rrugës së Elbasanit”, ndërkohë që nuk dihet ende identiteti i personit që ka humbur jetën.

Ngjarja ka shkaktuar panik te të gjithë udhëtarët e tjerë që kanë qenë në urban, ndërkohë që ngjarja ka tërhequr vëmendjen dhe të kalimtarëve të ndryshëm.

Tiranë/Informacione paraprake

Rreth orës 13:00, një shtetas ende i paidentifikuar, rreth 65 vjeç, dyshohet se si pasojë e arrestit kardiak ka humbur jetën gjatë udhëtimit në një mjet autobuz.

Grupi hetimor ka mbërritur në vendngjarje dhe vijon punën për sqarimin e rrethanave të ngjarjeve.

The post E rëndë në Tiranë, vdes brenda autobuzit një person appeared first on Albeu.com.