Nga Tuneli i Murrizit te Llogaraja, nga Unaza e Madhe te Thumanë–Kashar, Shqipëria po paguan shtrenjtë një model qeverisjeje ku propaganda ecën më shpejt se standardi, ndërsa inaugurimet paraprijnë sigurinë.

Janë projekte të shpallura si strategjike, me kosto qindra milionë euro dhe me impakt të drejtpërdrejtë në sigurinë e qytetarëve. Të gjitha kanë një emër të përbashkët në zinxhirin e vendimmarrjes: Belinda Balluku, zëvendëskryeministre dhe ministre e Infrastrukturës dhe Energjisë në periudhën e konceptimit, kontraktimit dhe zbatimit të tyre.

Sot, këto projekte po përballen me probleme serioze sigurie, cilësie dhe transparence, ndërsa disa prej tyre janë raportuar publikisht si pjesë e dosjeve hetimore të SPAK, duke ngritur pikëpyetje të forta mbi mënyrën e menaxhimit të fondeve publike dhe standardeve teknike.

Tuneli i Murrizit: kronika e një rreziku të paralajmëruar
Tuneli i Murrizit, pjesë kyçe e Rrugës së Arbërit, është shndërruar në rast studimor të dështimit institucional. I nisur në vitin 2019 dhe i inauguruar mes vonesash dhe shtyrjesh, tuneli ka shfaqur probleme të përsëritura: infiltrime uji, shembje, ndërprerje qarkullimi dhe shqetësime serioze mbi stabilitetin e strukturës.

Pavarësisht këtyre problemeve, autoritetet nuk kanë bërë publike raporte të plota teknike të pavarura që të garantojnë sigurinë afatgjatë të tunelit. Vendimet për hapje dhe përdorim janë marrë pa transparencë, ndërkohë që përgjegjësia institucionale mbetet e paqartë.

Ky projekt është menaxhuar drejtpërdrejt nga Ministria e Infrastrukturës, nën drejtimin politik të Belinda Ballukut.

Tuneli i Llogarasë: standarde të paqarta dhe mungesë llogaridhënieje
Edhe Tuneli i Llogarasë, një tjetër vepër e shpallur si transformuese për Jugun e vendit, është shoqëruar me debate mbi cilësinë e ndërtimit dhe procedurat e kolaudimit. Pavarësisht inaugurimit dhe promovimit intensiv nga qeveria, nuk janë publikuar në mënyrë të plotë auditime teknike që të vërtetojnë përputhjen me standardet e sigurisë europiane.

Tuneli i Llogarasë u hap me ngut, sepse propaganda nuk pret. Pyetjet mbi cilësinë, auditimet teknike dhe standardet reale u mbytën nga fjalori festiv i qeverisë.

Kur një tunel hapet më shpejt se raporti teknik, kemi të bëjmë me keqadministrim kriminal të sigurisë publike. Nuk është më thjesht paaftësi – është zgjedhje.

Ekspertë të fushës kanë ngritur shqetësime të vazhdueshme për mënyrën e hapjes së tunelit dhe mungesën e informacionit mbi testimet strukturore dhe sistemet e emergjencës. Deri më sot, Ministria e Infrastrukturës nuk ka dhënë shpjegime të detajuara.

Biseda mes përfaqësuesit grek te kompanisë mbikëqyrëse të punimeve në tunelin e Llogarasë, “Hill International NV” dhe drejtorit te ARRSH, Evis Berberi e pasqyruar ne dosjet e SPAK, tregon gjithcka për mënyrëen se si është punuar.

Pas një inspektimi në kantier në korrik të vitit 2022, përfaqësuesi grek i kompanisë mbikëqyrëse të punimeve në tunelin e Llogarasë mbeti i shokuar. Ai i shkroi i alarmuar kreut të Autoritetit Rrugor Shqiptar, Evis Berberi se punët po shkonin përditë e më keq me projektin.

“Evis…kontraktori duhet të kuptojë se projekti nuk është thjesht një “vrimë”, por është një tunel i cili duhet të ndërtohet sipas specifikimeve dhe praktikave ndërkombëtare në respekt ABSOLUT për çështjet e SIGURISË…” i shkroi Ioannis Kirkinezis, përfaqësues i kompanisë “Hill International NV”, Berberit.

Unaza e Madhe: një plagë urbane me kosto miliardëshe
Unaza e Madhe, projekti që duhej të zgjidhte trafikun e kryeqytetit, është kthyer në shembull klasik të ndërtimit pa standard me kosto shumë te lartë, duke kaluar shiren prej 433 milionë euro. Projekti më i madh urban i dekadës së fundit, vazhdon të shfaqë probleme serioze cilësie. Asfalt i dëmtuar, segmente të rrezikshme për qarkullimin, Hyrje-dalje të papërfunduara, lidhje problematike mes urave dhe nevojë e vazhdueshme për ndërhyrje korrigjuese.

Albeu.com ka publikuar përgjime të dokumentuara ku Balluku, sipas kryetarit të Grupit të PD, Gazment Bardhi, urdhëron Evis Berberin për takime me operatorë të caktuar ekonomikë, të cilët më pas shpallen fitues të tenderëve.

Thumanë–Kashar: autostradë nën hijen e dyshimit
Edhe Thumanë–Kashar, një nga akset më të reklamuara, shoqërohet me pikëpyetje serioze mbi cilësinë, kostot dhe sigurinë. Një autostradë që duhet të ishte standard, por që ngjan më shumë me <strong”>kompromis politik mbi beton, me nje kosto 59 milionë €/km dhe 1.56 miliardë € fitim të garantuara për koncesionarin, Bashkim Ulaj.

Autostrada Thumanë–Kashar, e promovuar si aks me standarde europiane është pjesë e dosjeve hetimore të SPAK, duke e futur edhe këtë vepër në listën e projekteve nën vëzhgim penal.

Edhe në këtë rast, mungesa e transparencës mbi kontratat, ndryshimet e projektit dhe kontrollin teknik ushqen dyshimet publike.

Përgjegjësia politike që mungon
Në asnjë prej këtyre rasteve nuk është marrë përgjegjësi politike. Nuk ka dorëheqje, nuk ka shkarkime, nuk ka auditime të hapura për publikun. Ka vetëm deklarata politike, ndërkohë që faktet në terren tregojnë të kundërtën.

Në një shtet funksional, infrastruktura nuk matet me numrin e inaugurimeve, por me sigurinë dhe jetëgjatësinë e saj. Deri atëherë, pyetja mbetet e hapur: kush mban përgjegjësi kur projektet strategjike kthehen në rrezik publik?

Fakti që pothuajse të gjitha projektet madhore të infrastrukturës rrugore të viteve të fundit janë me probleme të theksuara teknike dhe me kosto mbi ato europiane, ngre një pyetje thelbësore: a kemi të bëjmë me dështime të izoluara apo me një model sistemik menaxhimi? Dhe Belinda Balluku, si drejtuesja politike e këtij portofoli, mban përgjegjësi të drejtpërdrejtë për mënyrën se si janë konceptuar, kontraktuar, zbatuar dhe certifikuar këto vepra. /albeu.com/

The post EDITORIAL/ Infrastruktura në hetim: Si u shndërruan projektet strategjike në rrezik publik nën menaxhimin e Belinda Ballukut appeared first on Albeu.com.

Mbi të gjithë ata që penalizohen akoma më rëndë janë banorët e zonës të cilët çdo ditë përballen me trafik të rënduar për shkak të bllokimit të rrugës (pa njoftim) sipas tekave të kompanisë që kryejnë punimet duke “ia nxirë jetën” shoferëve.

Prej më shumë se dy orësh ky aks mësohet se ka pengim të qarkullimit dhe radhë të gjata automjetesh, te vendi i quajtur “Shkalla e Tujanit”.

Arsyeja e bllokimit janë punimet në skrapatat anësore të rrugës, për të shmangur erozionin apo rrëshqitjet e dherave dhe shkaktuar ndonjë aksident.

Teksa çdo dy orë ka bllokim rruge dhe kjo situatë është bërë problematike dhe shqetësuese, për arsye se në atë aks kombëtar ka dhe urgjenca mjekësore që kalojnë dhe kërkojnë korsi të lirë.

The post Për më shumë se 2 orë bllokohet qarkullimi në “Rrugën e Arbrit”, trafik i rënduar për faj të gurores te “Shkalla e Pojanit” appeared first on Albeu.com.

Për shkak të intensitetit të lartë janë krijuar probleme në rrugët nacionale. Ura 158 metra e lartë në fshatin Fshat të Klosit pjesë e rrugës së Arbrit që ndodhet mes tuneleve 3 dhe 4 u përmbyt nga uji i cili vinte nga tunelet 2 dhe 3 të fshatit Shkallë të Xibrit.

Për shkak të sasisë së madhe të ujit dhe bllokimit të shkarkuesve mbi urë u krijua pellg i madh duke vënë në rrezik drejtuesit e mjeteve që vinin nga Tirana në drejtim të Qarkut Dibër.

Probleme në këtë aks rrugor pati edhe më rënien e gurëve kryesisht në bajpasin e Murrizit por edhe në zonën e Xibrit.

The post Ndodh vetëm në Shqipëri/ Përmbytet nga shiu ura 158 metra e lartë në rrugën e Arbrit appeared first on Albeu.com.

Dy mjete të firmës kontraktore kanë punuar për rreth 6 orë për të larguar sasinë e dherave të rrëshqitura nga faqja e malit në Bypass-in e Murrizit, vetëm pak metra nga hyrja e tunelit.

Edhe pse dheu u largua në orët e vona të mbrëmjes, firma kontraktore dhe policia nuk lejuan kalimin e mjeteve gjatë natës për arsye sigurie, pasi kishte ende rrëshqitje, duke i detyruar drejtuesit e mjeteve të përshkojnë aksin e vjetër nga Burreli.

Ditën e sotme pas një kalimi të fadromave, kontraktori ka vendosur që të lejojë kalimin e mjeteve./albeu.com/

The post E bllokuar prej 15 orësh, Rruga e Arbrit i rikthehet normalitetit appeared first on Albeu.com.

Gjatë këtij takimi, Rama ka prezantuar edhe kandidatin e Partisë Socialiste, Rahim Spahiu për zgjedhjet e pjesshme lokale që do ta zhvillohen edhe në këtë bashki më 6 mars.

Gjatë fjalës së tij, Rama tregoi edhe një bisedë të zhvilluar me një dibran, shqetësimi i të cilit ishte pikërisht Rruga e Arbërit.

“Ça na bërë me këtë Rrugën e Arbrit se na vjen Saliu tre herë në ditë. Ne nuk e  kemi këtë shqetësim se këtu kështu janë ndarë punët. Vareja është për të prishur, brava për të mbyllur derën ne jemi për të hapur dyert dhe ndërtuar.

E mira e demokratëve, e mira e tyre është që ata sado që na shajnë janë rehat se punët ua bëjmë ne. Rruga nuk është për socialistët është për të gjithë dibranët. Rasti i Rahimit është tipik sesi politika mund të bëjë mirë.

Dy arsye kanë këta që shihni në televizion o vjedhin, o lenë emër. Ka edhe ndonjë që edhe vjen edhe shkatërron edhe lë emër dhe derisa i thotë Amerika ik se na lodhe”, u shpreh kryeministri./albeu.com/

The post “Na vjen Saliu tre herë në ditë”, Rama tregon “hallin” e dibranit për Rrugën e Arbrit (VIDEO) appeared first on Albeu.com.

Gjatë vizitës së tij atje, Rama ka shkëputur momentin më pikant kur është gjendur në mes të një grupi fëmijësh të veshur me kostume popullore.

Rama ka ndarë fotografinë në rrjetet sociale duke i bashkangjitur përshkrimin “Foto e ditës”./albeu.com/

The post Rama “shkrep” fotografinë unike në Dibër (FOTO LAJM) appeared first on Albeu.com.

Lajmin e ka bërë të ditur kryeministri Rama përmes një njoftimi në Facebook.

Rama shton gjithashtu se punimet në rrugë do të mbyllen përfundimisht në pranverën e vitit të ardhshëm.

“Provizorisht kalohet me bajpas në Tunelin e Murrizit, ku për shkak të formacioneve gjeologjike komplekse, puna ka ecur më ngadalë dhe përfundon në pranverë, kur rruga do të bëhet për vetëm 47 minuta, nga 1 orë e 20 minuta që bëhet sot ose nga 4 orë që bëhej deri dje

ShqipëriaEArdhmjaJonë

SkaKohëPërPushim” shkruan Edi Rama./albeu.com/

The post Rama “ngre” traun, hapet zyrtarisht Rruga e Arbërit (VIDEO) appeared first on Albeu.com.

Kryeministri ka postuar në Facebook videon nga Rruga e Arbërit e cila u hap sot, duke inaguruar një ndër projektet më të mëdha në veri dhe verilindje të Shqipërisë.

Shqipëria feston sot 77-vjetorin e Çlirimit

Shqiptarët sot festojnë  77 vjetorin e Çlirimit nga pushtuesit nazistë të Luftës së Dytë Botërore, ku Ushtria Nacionalçlirimtare e Shqipërisë gjatë Luftës së Dytë Botërore zhvilloi kryengritje të armatosur kundër pushtimit të Shqipërisë.

Prej 7 prillit të vitit 1939 e deri më 29 nëntor të vitit 1944, Shqipëria kishte qenë e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane.

Ndërkohë në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij. Shkodra u çlirua më 29 nëntor të vitit 1944.

Shqipëria është vendi i parë në Ballkan që u çliruan me forcat e veta, ndërsa të gjitha shtetet e tjera të Ballkanit u çliruan me ndihmën e Armatës së Kuqe.

Në këtë 77 vjetor të Çlirimit pritet që krerët më të lartë të shtetit të bëjnë homazhe tek Dëshmorët e Kombit.

The post 29 Nëntor! Rama njofton hapjen e Rrugës së Arbërit: Gëzuar Shqipëri! (VIDEO) appeared first on Albeu.com.

Postimi:

RRUGA ARBËRIT, Ura Fshat

Për këtë vepër shumë komplekse u desh të hapen fillimisht, tuneli 3 dhe 4, që pastaj të ngriheshin themelet e saj.

Me përfundimin e kësaj ure dhe me ndihmën e bajpasit të Murrizit, tanimë i gjithë aksi i rrugës së Arbrit është i lidhur

Edhe pak durim dhe ëndrra 100 vjeçare e dibranëve do të jetë realitet i prekshëm nga të gjithë

The post Rama krenohet me “Rrugën e Arbërit”: Duroni edhe pak! (VIDEO) appeared first on Albeu.com.