Raportohet se problematika janë hasur edhe te Rruga e Arbrit, konkretisht segmenti Tre Çezmat-Shupenzë.

Mësohet se për shkak të lagështirës së lartë dhe terrenit të rrëshqitshëm, ka pasur rrëshqitje gurësh dhe inertesh në trupin e rrugës.

Kjo ka vështirësuar qarkullimin e mjeteve dhe duke shtuar rrezikun për drejtuesit.

Autoritetet lokale janë duke marrë masat e nevojshme për të pastruar rrugën.

The post Rrëshqitje gurësh nga reshjet e shiut në Rrugën e Arbrit, vështirësohet qarkullimi i mjeteve appeared first on Albeu.com.

Rreth 10 makina janë bllokuar për shkak të mospërdorimit të zinxhirëve në Planin e Bardhës, segment i rrugës Ura e Vashës-Qafa e Buallit, në rrugën e Arbrit. Pritet ndërhyrja e borëpastrueseve dhepër hapjen e qarkullimit.

Reshjet dëbore me intensitet ka pasur në Bulqizë dhe Peshkopi, dhe trashësia arrin deri në 10 cm. Në zonat malore trashësia është më e madhe, varion nga 15-20 cm.

Rruga Peshkopi – Tiranë është e kalueshme pasi mjetet borëpastruese kanë kaluar dhe e kanë hapur. Baypasi i Murrizit kalohet me vështirësi, ndaj këshillohen drejtuesit e mjeteve të jenë të pajisur me goma dimri dhe me zinxhirë.

The post Vendi përfshihet nga reshje dëbore! Bllokohen disa makina te Rruga e Arbrit, në segmentin Ura e Vashës kalimi vetëm me zinxhirë appeared first on Albeu.com.

Sot bëhet me dije se hyrja për në tunelin e Murrizit është e bllokuar.

I gjithë “bay-pasi” deri në Xibër Murrize, segment i rrugës së Arbrit është bërë i pakalueshëm nga drejtuesit e mjeteve të cilët vetëm me zinxhir mund të kalojnë.

Në këtë aks po punojnë 2 mjete borëpastruese, por qarkullimi ende nuk është bërë i mundur.

Policia rrugore kërkon nga drejtuesit e mjeteve që vijnë nga Tirana drejt Dibrës, të vendosin goma dimërore dhe të përdorin zinxhirët.

Rikujtojmë se Ministrja Balluku bëri me dije se gjatë ditëve me reshje dëbore, aksi në fjalë do të mbyllet. /albeu.com/

The post U inagurua me bujë dje! Sot mos u nisni drejt rrugës së Arbërit, policia ka një thirrje appeared first on Albeu.com.

Gjatë një diskutimi në Komisionin e Ligjeve, deputetja demokrate Dhurata Çupi iu drejtua me pyetje Ministres së Financave në lidhje me tarifën që pritet të ketë Rruga e Arbërit për të gjithë qytetarët.

Sipas Çupit ekzistojnë të dhëna të cilat thonë se tarifa për të lëvizur në këtë rrugë do të jetë 4 Euro dhe 8 Euro vajtje ardhje, Tiranë-Dibër.

Nga ana tjetër ministrja e Financave nuk e mohoi se do të ketë një taksë mbi këtë rrugë por nuk cilësoi shumën duke deklaruar se do të ketë një pagesë standard për koncesionarin.

Dhurata Çupi: Kryeministri deklaroi se “Rruga e Arbrit” inaugurohet brenda vitit 2021, por ka të dhëna se do të vendoset një tarifë 4 euro për 1 kalim për dibranët dhe qytetarët që do të kalojnë në “Rrugën e Arbrit”.

Qytetari do të paguajë 4 euro të vijë në Tiranë dhe 4 euro të shkojë në Dibër, ndërkohë që flasim për qarkun më të varfër të Shqipërisë. Është parashikuar në buxhetin 2022 kjo taksë që u vendoset dibranëve?

Delina Ibrahimaj: Për këtë kërkesë nuk ka asnjë parashikim buxhetor aktualisht. Ky është një koncesion PPP, kemi parashikuar pagesën e këtij koncesioni në bazë të dokumentacionit që kemi aktualisht në dispozicion dhe kontratës konçesionare.

Dhurata Çupi: Kontrata konçesionare parashikon tarifën 4 euro?

Delina Ibrahimaj: Unë e ktheva përgjigjen time. /albeu.com/

The post 8 euro taksë vajtje-ardhje në Rrugën Arbërit? Ministrja e Ramës vihet në siklet po nuk e mohon appeared first on Albeu.com.