Arritja mund të çojë në metoda më të mira të mbrojtjes nga rrufetë për infrastrukturën kritike si termocentralet, aeroportet, platformat e lëshimit të raketave, etj.

Siç raportohet në botimin e tyre në revistën fotonike “Nature Photonics”, studiuesit, shkencëtarët kryen eksperimente në një mal në Zvicër.

Pranë një kulle telekomunikacioni që goditet nga rrufeja rreth 100 herë në vit, ata instaluan një lazer me madhësinë e një makine të madhe, i cili dërgon deri në 1000 pulse në sekondë në qiell, shkruan protothema. 

Gjatë gjashtë orësh funksionimi, në mes të një stuhie rrufeje, lazeri devijoi katër rrufe. Kështu ata konfirmuan se lazeri mund të shmangë rrufenë dhe të mbrojë një infrastrukturë të synuar.

Deri më sot, mbrojtja më e zakonshme është një shufër metalike përçuese elektrike, e cila e drejton vetëtimën në mënyrë të sigurt në tokë.

Një rreze lazer lëvizëse e drejtuar drejt qiellit si një rrufe virtuale mund të ofrojë një alternativë. Deri tani ideja është testuar vetëm në laborator dhe jo në kushte reale./Albeu.com/

The post VIDEO/ Për herë të parë, shkencëtarët evropianë krijojnë një lazer rrufepritës appeared first on Albeu.com.