Ushtrimi i rregullt stimulon prodhimin e kolagjenit, një proteinë që mban lëkurën të fortë dhe elastike, duke reduktuar shfaqjen e linjave të holla dhe rrudhave.

Po ashtu, aktiviteti fizik ndihmon në uljen e stresit, duke parandaluar rritjen e niveleve të kortizolit, një hormon që mund të dëmtojë kolagjenin dhe elastinën e lëkurës, duke kontribuar në plakjen e parakohshme.

Ushtrimet aerobike, si vrapimi dhe noti, rrisin qarkullimin e gjakut, duke ndihmuar në shpërndarjen e oksigjenit dhe lëndëve ushqyese në të gjithë trupin, përfshirë lëkurën, dhe kështu mund të rrisin ndjeshëm pamjen e lëkurës.

Aktiviteti fizik, gjithashtu ndihmon në rregullimin e nivelit të sheqerit në gjak, duke parandaluar glikacionin, një proces që dëmton fibrat e kolagjenit dhe përshpejton plakjen.

Ndërsa ushtrimet janë të dobishme për shëndetin e lëkurës, është gjithashtu e rëndësishme të kujdeseni për lëkurën pas aktivitetit, duke aplikuar produkte hidratues dhe mbrojtës nga dielli për të parandaluar dëmet nga ekspozimi i tepërt ndaj kushteve të jashtme.

Për më tepër, aktiviteti fizik ndihmon në kontrollin e peshës trupore dhe reduktimin e inflamacionit, faktorë që gjithashtu mund të ndikojnë në shëndetin e lëkurës dhe formimin e rrudhave.

The post Mos kini më dyshime! Ja si aktiviteti fizik ndikon te rrudhat appeared first on Albeu.com.

Injeksionet e botoksit nuk duhet të jenë zgjidhja e parë që ju vjen ndër mend kur ka metoda natyrale për t’i reduktuar ato. Do t’ju njohim me disa prej tyre.

Vaj ulliri ekstra i virgjër

Nrohni pak vaj ulliri në mikrovalë, por jo aq sa t’ju djegë balli. Masazhojeni në zonën e ballit me lëvizje delikate dhe rrethore. Aplikojeni në mëngjes dhe në darkë dhe shihni ndryshimin pas disa javësh.

Vaj farash lini

Vaji i farave të linit është një tjetër ‘luftëtar’ i zoti kundra rrudhave të ballit. Ky vaj i shëndetshëm i largon ato vija nga balli juaj sepse është plot acide yndyrore omega 3 dhe omega 6.

Lëng limoni

Në listën e produkteve që mund të fshijnë si me gomë nga balli juaj vijat e moshës, hyn edhe lëngu i limoit, i cili furnizon lëkurën me vitaminë C, një antioksidant që lufton plakjen në mënyrë efektive.

Lëng portokalli

Në vend të lëngut të limonit, mund të përdorni fare mirë edhe lëng portokalli për të zhdukur rrudhat e ballit. Vetëm sigurohuni që të jetë lëng portokalli i shtrydhur në shtëpi dhe jo lëng i blerë në kuti kartoni, pasi sheqernat dhe kimikatet e gjendura në to, mund t’ua përkeqësojnë më shumë këtë problem.

Ananas

Ju mund ta konsideroni sezonin e ananasit si një mundësi për të eliminuar rrudhat e ballit në mënyrë të natyrshme. E gjitha ç’ka duhet të bëni është të aplikoni një copë të vogël të këtij fruti tropikal në ballin tuaj. Lëreni për disa minuta në mënyrë që balli të përthtihë vitaminën C prej tij dhe më pas shpëlajeni.

Kastravec

Kastraveci nuk është i dobishëm vetëm për të shpëtuar nga qeskat dhe rrathët e errët të syve. Ai gjithashtu ndihmon në largimin e rrudhave të ballit për shkak të vitaminës C që përmban. Vendosni një fetë kastravec në frigorifer për disa minuta, pastaj masazhojeni në zonën e ballit për një efekt tonifikues të menjëhershëm.

Xhel Aloe Vera

Lëngu brenda gjetheve të Aloe Vera-s është i mbushur me vitaminë E, e cila ka veti të shkëlqyera antioksiduese. Pikërisht për këtë arsye, vendosja e këtij xheli në ballë për disa orë, ndërsa ju ëndërroni ose dremisni, ndihmon në përmirësimin e pamjes së rrudhave të ballit që plakin fytyrën tuaj./albeu.com

The post Eliminoni rrudhat e ballit fare thjeshtë në shtëpi, ja metodat natyrale appeared first on Albeu.com.

“Mosha jonë dhe kultura jonë kultivojnë mitin e rinisë së përjetshme si obsesioni i dëshpëruar i një mishi të paprishur. Është bërë shumë për ta rikthyer gjithmonë këtë rini, shumë truke, operacione për t’u dukur i ri. Pse përçmohet pleqëria – në shumë mënyra – sepse sjell prova të pakundërshtueshme të rrëzimit të këtij miti, i cili do të donte të na bënte të ktheheshim në barkun e nënës, për t’u kthyer gjithmonë të rinj në trup.

Teknika e lejon veten të tërhiqet nga ky mit në të gjitha mënyrat: ndërsa presim të mposhtim vdekjen, ne mund ta mbajmë trupin gjallë me ilaçe dhe kozmetikë, të cilat ngadalësojnë, fshehin, largojnë pleqërinë. Sigurisht, mirëqenia është një diçka tjetër dhe fuqia e mitit diçka tjetër.

Megjithatë, nuk mund të mohohet që ngatërrimi ndërmjet dy aspekteve po krijon një konfuzion mendor”, shtoi Papa Françesku.

Përkundër kësaj, Papa Françesku citoi aktoren italiane, Anna Magnani, kur ajo kërkoi të mos i fshihte rrudhat, sepse ato ishin dëshmi e përvojës dhe pjekurisë së saj.

“Më vijnë në mendje fjalët e një aktoreje të mençur italiane, Anna Magnani. Kur i thanë se duhej të hiqte rrudhat, ajo tha “jo, mos i prek, m’u deshën kaq shumë vite për t’i marrë. Rrudhat janë një simbol i përvojës, i jetës.

Një simbol i pjekurisë. Simbol i të pasurit një udhëtim. Prekni rrudhat për t’u përpjekur të bëheni të rinj? Por të rinj në fytyrë. Rëndësi ka i gjithë personaliteti. Rëndësi ka zemra dhe zemra mbetet me atë rininë e verës së mirë që sa më e vjetër bëhet, aq më e mirë është”, theksoi Papa./albeu.com

The post Papa Françeskut jep mesazhin: Të fiksuar pas rinisë, rrudhat janë dëshmi e jetës suaj appeared first on Albeu.com.

Maska e mëposhtme është një risi që vjen nga bota e Instagram-it. Ajo largon nga fytyra shenjat e lodhjes dhe rrudhat, duke e bërë të duket më e shëndetshme se kurrë më parë.

PËRBËRËSIT :1 lugë gjelle pure domatesh, 3 lugë gjelle lëng karotash, 1 lugë gjelle niseshte, 3 lugë gjelle pure karotash dhe 1 lugë gjelle qumësht.

PËRGATITJA : Përzieni të gjithë përbërësit një nga një, duke ndjekur radhitjen e mësipërme, derisa të formohet një masë kremoze. Më pas aplikojeni në të gjithë sipërfaqen e fytyrës dhe qafës. Mbajeni 20-30 minuta derisa lëkura ta përthithë dhe shpëlajeni me ujë të ftohtë, ku duhet të hidhni paraprakisht disa kuba akulli.

Një nga substancat kryesore që gjendet tek domatja është likopeni, një karotenid që mbron lëkurën nga rrezet ultravjollcë dhe lufton plakjen e parakohshme. Karota është gjithashtu një depo e vërtetë vlerash ushqyese. Ajo përmban kalium, kobalt, bakër, beta-karoten, vitaminë A dhe vitaminë C.

Kjo e fundit ndihmon në prodhimin e kolagjenit në lëkurë, forcon dhëmbët, eshtrat dhe duke qenë se është një antioksidant shumë i fuqishëm ndihmon në eleminimin e toksinave. Qumështi është i pasur me acid laktik, çelësi i një lëkure të shëndetshme dhe të bukur. Ai ndihmon për të mbajtur në kontroll lagështinë e lëkurës si dhe stimulon procesin e krijimit të kolagjenit.

The post Kjo është maska e vetme që zhduk rrudhat dhe shenjat e lodhjes nga fytyra appeared first on Albeu.com.

Ariel Ostad, shkencëtar në Akademinë Amerikane të Dermatologjisë, ka përpiluar një listë me disa prej ushqimeve që na bëjnë të dukemi më të vjetër.

Të parat në listë janë ëmbëlsirat. Shumë sheqer në gjak dëmton kolagjenin e lëkurës duke e bërë këtë të fundit që të humbasë

Të dytët janë alkoolet. Përvec sasisë së sheqernave që çliron në gjak, alkooli ndikon edhe në bërjen e një gjumi të parehatshëm dhe s’ka asgjë më të dëmshme për lëkurën se sa një gjumë i parehatshëm.

E treta është vera e bardhë. Përmban shumë acide që dëmtojnë smaltin e dhëmbëve. Nëse mendoni se shpëtoni dhëmbët tuaj duke i larë menjëherë pas konsumimit të dy-tre gotave verë të bardhë, gaboheni. Ostad thotë se në këtë mënyrë vetëm sa rritet prezenca e acideve ndaj këshillon që pas konsumit të verës së bardhë të pritet të paktën 1 orë e më pas të lahen dhëmbët.

Yndyrat përveç që janë të dëmshme për zemrën, gjithashtu shkaktojnë edhe plakje të lëkurës suaj. Sipas dr. Ostad, ata nxisin inflamacion. Madje mund ta bëjnë lëkurën tuaj më të prekshme ndaj rrezeve UV.

Kripa – Dora e rëndë me të në kuzhinë për një kohë të gjatë mund t’ju plakë më shpejt nga sa pretendoni. Këtu nuk përjashtohen as ata që nuk e përdorin fare në sallata apo gjellë. Disa ushqime, thotë Ostad, përmbajnë vetë sasi të mëdha kripe.

Qoftet dhe sallamet – Për të mos folur për potencialin e shqetësimeve kardiovaskulare që mund të sjellin, këto prodhime përmbajnë konservantë që në shumë raste irritojnë lëkurën duke shkaktuar edhe rrudha të parakohëshme.

Kafja – Përveç dehidratimit të trupit tuaj për shkak të kafeinës, ajo dëmton dhëmbët. Për të mos e eliminuar këtë pije nga dieta juaj, e cila ka shumë efekte pozitive në shëndetin e njeriut, mjafton të pihet një gotë uji pas futjes së kafesë.

Ushqimet pikante – Këshillohet përdorimi i moderuar i tyre. Çdo tip lëkure është e ndjeshme ndaj këtyre ushqimeve dhe për të mos folur që shkaktojnë edhe çrregullime në menopauzë.

Mishi i kuq. Sapo hyn në organizëm çliron radikalët e lirë që janë dëmtuesit kryesorë të proceseve rigjeneruese të lëkurës. Nuk këshillohet eleminimi i tij, por përdorimi në mënyrë të kufizuar.

Pijet energjike – Çlirojnë acide që dëmtojnë smaltin e dhëmbëve dhe të shoqëruara me një aktivitet fizik, injektojnë në organizëm sasi të mëdha kripe. Për ata që nuk mund të bëjnë dot pa këto pije, këshillohet pirja me kallam për të shmangur kontaktin me dhëmbët.

Limonatat – Ajo që dihet është që të gjitha agrumet shkatërrojnë smaltin e dhëmbëve, por në bazë të studimit të Ostad limoni është shkatërrimtari më i madh.

The post Shkenctarët amerikanë rendisin ushqimet që ndihmojnë në plakjen e parakohshme appeared first on Albeu.com.

The post Rezultatin do ta shihni që në javën e parë, si ta shfrytëzoni hudhrën për të larguar rrudhat appeared first on Albeu.com.