Gjithashtu ai konfirmoi se do rriten edhe rrogat e administratës në të gjithë sektorët dhe veçanërisht ato në arsim, shëndetësi, Polici, ushtri dhe më gjerë. Dhe të gjitha këto rritje sipas tij, nuk do të ketë taksim mbi fitimin, siç bëhet në vendet e tjera të rajonit apo Evropës.

Për çështjen e pensioneve Rama tha:

“Kjo rritje pensionesh nuk ka lidhje me indeksimin. Indeksimi do vazhdojë të bëhet në mënyrë të përvitshme. Dhe duk filluar rritjen e mbështetjes muaj pas muaji për pensionistët, do kemi edhe indeksimin. Dhe indeksimi parashikohet që në pak vite të arrijë në vlerën 50 mln euro”.

Kurse për pagën minimale, ai shpjegoi se prek sektorin publik dhe privat dhe jo vetëm këtë të fundit, teksa shtoi se do bëhet edhe përshkallëzimi apo kategorizimi sipas profilit dhe sektorëve në këtë rritje.

“Edhe rroga minimale nga 1 janari do shkojë 500 euro. Nuk do jetë rritje e thjeshtë, por siç e kemi thënë, me premtimin që bëmë para se të merrnim 83 mandate, e themi se në fund të mandatit paga minimale do shkojë 700 euro. Kjo nuk është për administratën, por për sektorin publik dhe privat. Kjo përcaktohet me ligj, se në Shqipëri nuk do ketë pagë nën 500 euro”, u shpreh kreu i qeverisë.

Rama shpjegoi edhe çështjen e rritjes së pagave në sektorin shtetëror:

“Po ashtu do rriten pagat për të gjithë punonjësit, sepse kërkon që të bëhen edhe përshkallëzime. Do rriten pagat e mësuesve, mjekëve, infermierëve, policisë, ushtarakëve dhe punonjësve të tjerë. Siç e kemi parë deri më sot, do e shohim edhe në sektorin privat këtë rritje, edhe pse ato s’i rrit qeveria por provat, por ka ndodhur dhe do ndodhë përsëri, do e shohim. Të gjitha këto do bëhen pa prekur dhe pa rritur asnjë taksë. Kemi marrë zotim dhe do i qëndrojmë atij zotimi, që Shqipëria të jetë i vetmi vend në rajon, se në Evropë as bëhet fjalë se taksat janë ku e ku, ku ne bëhemi një vend pa taksë mbi fitimin. Edhe ndaj biznesit të vogël, ku biznesi do paguajë vetëm sigurimet shoqërore dhe shëndetësore, kontributet, që janë të domosdoshme”.

The post Rama: Nga 1 janari paga minimale 500 euro! Rritje rrogash për të gjithë punonjësit në shtet, pa asnjë taksë! appeared first on Albeu.com.

‘Rama mashtroi sot, në 11 vite rrogat e shqiptarëve mbeten më të ultat në Europë dhe çmimet më të larta’,  u shpreh Berisha në fjalën e tij gjatë protestës maratonë te ‘Rruga e Shpresës’.

Berisha: Mirëmbrëma dhe urimet më të përzemërta, mirënjohjen më të pakufishme ndaj jush, misionarë dhe misionare të kauzës së drejtë të shqiptarëve, kauzës së dinjitetit, shpresës dhe fitores. Një mirënjohje oratorëve të fjalës së lirë, të kësaj platforme që me fjalët e tyre shpërndajnë të vërtetat në mendjet dhe zemrat e shqiptarëve.

Sot rilindja e krimit doli lakuriq para shqiptarëve, siç dilte dikur Edi Rama lakuriq, plazheve të botës. Sot ai hoqi çdo maskë. Në fjalën e tij koproralike, Edi Rama faktoi se për atë dhe sojin e rilindjes qytetarët shqiptarë janë inekzistent. Sot në një bilanc që bëri të 11 viteve mashtroi shqiptarët në mënyrë më cinike. Ai foli për rritje, e rritje rrogash, por e vërteta është se sot që flasim rrogat e shqiptarëve mbeten më të ultat në Europë. Sot që flasim, me gjithë rritjen e rrogës minimale, përsëri ajo mbeti më e ulëta në Europë.

Kjo për faktin e vetëm se Shqipëria këto vite u nda shumë larg me rajonin dhe Europën. Nëse dyfishimi i rrogave e vendosi atë në krye të rrogave në rajon, ajo zbriti në këto vite në fund për rrogat në të gjithë rajonin, ç’ka do të thotë, varfëri, varfëri dhe vetëm varfëri.

Këto vite Shqipëria njohu rritjen më të madhe të çmimeve në rajon dhe Europë. Në vendin me rrogat më të ulëta çmimet e ushqimeve u rritën mbi mesataren e BE-së, 10-45 për qind. Pse kështu? Kjo ndodh vetëm e vetëm për shkak të vjedhjeve të tmerrshme që bëjnë. Kjo ndodh sepse Edi Rama me Erion Veliajn vjedhin me një dorë në djegësin e Tiranës 130 mln euro. Kjo ndodh sepse Edi Rama vjedh me një firmë minimumi 3.8 miliardë euro në portin e Durrësit.Kjo ndodh sepse Lubi Balluku ndërton rrugën, autostradën me çmime 10-15 herë më shtrenjtë se në Kroaci, se në vende të tjera.

The post Berisha: Rama mashtroi sot, në 11 vite rrogat e shqiptarëve mbeten më të ultat në Europë dhe çmimet më të larta appeared first on Albeu.com.

“Specializimet në këto dy drejtime prioritare synon të adresojë nevojat urgjente për specialistë në këto fusha, duke përmirësuar cilësinë e shërbimeve shëndetësore dhe rritur aksesin e pacientëve në kujdesin mjekësor pranë vendbanimit, tha ministrja.

“Në total kishim 50 kuota, pra 30 për mjekë familje dhe 20 mjekë urgjence. Ndërkohë që nga raundi i parë patëm aplikime dhe vendet u plotësuan. Raundi i dytë i përket 13 specialistëve urgjence dhe 9 mjekësi familjare”.

“Mjekët e urgjencës janë shumë të rëndësishëm në të gjitha strukturat spitalore, por dhe në urgjencën paraspitalore. Por nga krahu tjetër janë mjekët e familjes ata që duhet të marrin një rol të jashtëzakonshëm tek shëndeti i komunitetit kur vjen puna te shëndeti i qytetarëve”, u shpreh Koçiu.

Ajo shtoi se i është dhënë rëndësi qendrave shëndetësore si porta e parë pritëse për çdo qytetar për t’i dhënë një staf të kualifikuar i cili nuk bën vetëm referime në strukturat spitalore, por edhe diagnostikën ashtu siç duhet.

“Ne kemi ngritur Qendrën e parë të mjekësisë familjare në Tiranë dhe do të vijojmë t’i shtrijmë këto Qendra të mjekësisë familjare edhe në qendra të tjera shëndetësore duke i dhënë një rol të jashtëzakonshëm mjekut të familjes”, nënvizoi ajo.

Aplikimet për specializimet në mjekësi urgjence dhe familje do të jenë të hapura deri më datën 24 qershor dhe për herë të parë për këtë proces është hequr testimi. Ministrja nënvizoi se mjekët që do të kryejnë praktikën do të paguhen përgjatë tre viteve të specializimit me 100% të pagës mjekut specialist.

Gjithashtu, Koçiu bëri të ditur se për rreth 20 mijë mjekë dhe infermierë do të përfitojnë një tjetër rritje page duke nisur nga muaji korrik.

“Me rritjet e reja të pagave në korrik do të kemi rritje akoma më të madhe sa i përket mjekëve të përgjithshëm. Një rritje prej 20 mijë lekë mbi pagën aktuale dhe infermierëve me 15 mijë lekë mbi pagën aktuale. Janë afërsisht 20 mijë punonjës të sistemit shëndetësor të cilët do të përfitojnë nga kjo rritje e dytë në korrik”, deklaroi ministrja Koçiu.

The post Ministrja e Shëndetësisë jep lajmin e mirë: Rritje page për 20 mijë mjekë dhe infermierë duke nisur nga muaji korrik appeared first on Albeu.com.

Është fakt se Shqipëria ka elitën politike me rrogën më të lartë në rajon dhe punonjësit me rrogën më të ulët.

Kjo lëvizje e guximshme e deputetëve, që në çdo vend tjetër brenda pak orësh do të  do të kishte rrëzuar qeverinë, në Shqipëri ka sjellë një qetësi dhe stabilitet të ngjashëm me vendet ku nuk ndodh asgjë.

Dyfishimi i rrogave të ministrave, deputetëve, Presidentit, Kryeministrit dhe kryetares së Parlamentit nuk është bërë për faktin se kjo shtresë po vuante, por është bërë për të thelluar hendekun “e shërbëtorëve të popullit” me popullin. Ndërkohë që prej vitesh është provuar tashmë përkushtimi i shërbëtorëve ndaj popullit, e kundërta nuk ka qenë e vërtetë. Ndaj është koha që punonjësit të ulin kokën dhe të kujtohen çdo mëngjes kur nisen për punë dhe çdo pasdite kur futen në dyqan për të blerë se jeta e tyre është në fije të perit.

Dyfishimi i rrogave të “shërbëtorëve të popullit” nuk është bërë sikundër mediat kritike me qeverinë e paraqesin si një garë kush e ka rrogën më të lartë në rajon. Jo. Dyfishimi i rrogave është bërë për të thelluar pabarazinë.

A nuk e kemi provuar ne shqiptarët për 5 dekada se çfarë do të thotë “barazi dhe barazitizëm”?  Shtimi i privilegjeve për një shtresë dhe shtimi i vuajtjeve për popullin na garaton se ne shqiptarët kurrë më nuk do të kthehemi te eksperimenti i shtrembëruar shoqëror i barazisë dhe mbajtjes së rrogave të zyrtarëve sa më afër mesatares së përgjithshme.

Dyfishimi i rrogave të “shërbëtorëve të popullit” ta themi troç është bërë për të rritur varfërinë. Qeveritë e majta si rregull i duan të varfërit aq shumë sa ditë e natë mendojnë si t’i shtojnë, por në këtë rast, varfëria po nxitet për të rritur virtytin. Varfëria skalit karaktere- jo vetëm të denja për letërsinë dhe kinematografinë, por mbi të gjitha për shoqërinë. Kemi nevojë për sa më shumë njerëz me karakter të fortë. Tek e fundit a ka gjë më të virtytshme se të luftosh çdo ditë për të siguruar bukën e gojës?

Të gjithë e kemi vënë re se një fare mirëqenie që prodhoi kapitalizimi këto 3 dekada erdhi me një faturë sociale nga pas. Njerëzit po dembeloseshin. Shqipëria u bë vendi i parë për frymë për numër kafenesh. Kafenetë dhe parukeritë u bënë bizneset kryesore. Duke rritur varfërinë për masat, qeveria dëshiron që njerëzit të bëhen të zotët e vetes, të mbijetojnë, t’ia dinë vlerën qindarkës dhe t’ia ndjejnë më mirë shijen bukës së përditshme.

Dy fishimi i rrogave për “shërbëtorët e popullit” është bërë që në fund të fundit edhe vetë ministrat dhe deputët të bëhen njerëz të ndjeshëm, ndaj vuajtjes njerëzore. Duke parë gjendjen e vështirë të votuesve të tyre, zyrtarët do të preken më shumë, sidomos gjatë fushatave zgjedhore. Ndonjë mund të marrë nisma bamirësie dhe sidomos në fushata zgjedhore të bëhet më xhymert.

Mbajtja e rrogave të ulëta për punonjësit është bërë edhe për të rritur stabilitetin politik. E shihni çfarë ndodh në Francë pse Presidenti vendosi të rrisë me dy vite moshën e pensionit? U dogj Parisi. Duke mbajtur rrogat e ulëta, punonjësit qeverisen më lehtë dhe nuk u shkon në mendje për prostesta, për sindikata apo larg qoftë për kërkesa për rritje rrogash.

Nuk jemi të gjithë si “këmbët e dhisë”

E fundit, por jo nga rëndësia, dyfishimi i rrogave të ministrave dhe deputetëve është bërë për të rritur korrupsonin dhe për t’i dhënë mundësi SPAK-ut të kap “peshqit e mëdhenj”. Si do të bëhet kjo? Moto e njohur e prokurorëve është: ndiq paranë. Dyfishimi i rrogave do të nxisë oreksin e ministrave dhe deputetëve për të patur më shumë para. Korrupsioni do të gëlojë dhe prokurorët do të kenë më në fund rast të godasin “lart”, atje ku është paraja.

Pra nuk duhet nxituar në parrulla populiste sikur dyfishimi i rrogave të zyrtarëve është bërë për të mirën e tyre. Nuk është çdo gjë ashtu siç duket.

The post Pse rrogat e politikanëve duhet të jenë të larta dhe të punonjësve të ulta? appeared first on Albeu.com.

Vendimi i miratuar një javë më parë është vendosur sot në fletoren zyrtare.

Si do të rriten pagat e punonjësve me uniformë

Sipas vendimit, për inspektorët e thjeshtë dhe inspektorët e dytë, paga rritet me 9 mijë lekë në muaj. Kurse për inspektorët e parë ajo shtohet me 9 500 lekë në muaj duke u bërë 64 mijë lekë nga 54.5 mijë lekë që ishte.

Sipas vendimit edhe për drejtuesit e policisë rritja e pagës luhatet në këto nivele, pra me një shtesë që varion nga 6 deri në 9 mijë lekë në muaj.

Gjithashtu rritje page do të ketë edhe për puonjësit e burgjeve dhe zjarrfikësit

The post Si do të ndryshojnë pagat e policëve, zjarrfikësve dhe gardës pas vendimit të qeverisë appeared first on Albeu.com.

Kryetari i PD-së, Sali Berisha u shpreh në një deklaratë për mediat se opozita nuk pajtohet me faktin që pedagogët e Universitetit të Tiranës të marrin gjysmën e rrogës së kolegëve të tyre në Kosovë.

“Sindikata e pedagogëve ka vendosur që të ndërpresë thirrjen për bojkot, por të vazhdojë luftën dhe betejën. E garantoj se në çdo hap të saj, ajo dhe ajo dhe cilido që mbron një kauzë të drejtë do të ketë mbështetjen totale të PD-së. Nuk mund të pajtohem që një pedagog në Universitetin e Tiranës të marrë gjysmën e rrogës që merr pedagogu i Universitetit të Prishtinës. Nuk pajtohem që buxheti për shkencën në Kosovë të jetë disa herë më i madh se në Shqipëri. Nuk pajtohem që studentët në Kosovë të subvencionohen me 100 euro, kurse këtu u mbyllen dyert e Universiteteve”, tha Berisha./albeu.com

The post Bojkoti i pedagogëve, Berisha: I mbështesim në protestën e tyre, rrogat sa gjysma e pedagogëve në Kosovë appeared first on Albeu.com.

Qytetari i ka kërkuar llogari Ramës duke i thënë se qeveria duhet të vendosë një çmim tavan, pasi Shqipëria është vendi më i varfër në rajon.

Ndërkohë Ramë i është përgjigjur se ky është një problem jo vetëm i Shqipërisë, ndërsa për rrogat Rama thotë se janë rritur dhe do të rriten.

“Shume mire qe ecen keshillimi, po per cmimin e naftes mund te behet ndonje gje? Te limitohet deri diku , apo kush nuk e perballon dot mos i afrohet karburanteve ? Sinqerisht problem me te mash se cmimi i shportes, karburantit dhe rrogat e uleta nuk ka ne kete vend. Keto jane paresore , te tjerat pastaj zgjidhen me me terezi”, ka thënë qytetari.

“Rritja e cmimeve eshte nje problem i pergjithshem sot, mjafton te shihni Kosoven per te mos shkuar me larg, nderkohe qe sic kam premtuar ne po mbajme me shume kosto per buxhetin, mburojen mbi cmimin e energjise per konsumatoret familjare e biznesin e vogel, qe kudo ka kercyer e po kercen lart! Sa per rrogat ato jane rritur e do vazhdojne te rriten, por rritja e rrogave nujk behet sipas deshires sone, pasi une i pari do doja t’i rrisja menjehere te gjitha, por cdo rritje jashte mundesive, do te thote falimentim total ne pak muaj si ne kohen e Sudes, prandaj duhet pune e durim, per t’u ngjitur me kembe ne toke s’ka asnje rruge tjeter te sigurte”, është shprehur Rama./albeu.com/

The post Qytetari “kap mat” kryeministrin për çmimin e naftës, Rama: Nuk jemi në kohën e Sudes, është problem global (FOTO LAJM) appeared first on Albeu.com.

Nuk dihet se si këto të dhëna janë zbuluar, por vëmendje të madhe kanë marrë shifrat që marrin personazhet e njohur e për më tepër VIP-at e “Big Brother” të cilët se fundmi po bëjnë mjaft zhurmë.

Më poshtë do të gjeni një listë të disa prej banorëve të “Big Brother VIP” të cilët figurojnë në dokumentin e publikuar.

Monika Lubonja duke më interesantja e listës pasi jo vetëm që është më e paguara, por në fakt ajo nuk rezulton në profesionin e saj si aktore, por si “Këshilltar i kryetarit të bashkise Tiranë”.

Donald Veshaj-30,475.00
Monika Lubonja-114,000.00 -Këshilltar i kryetarit të Bashkise
Merdian Ramçarj-70,120.00
Sara Berisha-figuron e vetëpunësuar
Igli Zarka- 60.818.00- Pedagog ,
Igli Zarka- 41,00.00- Teknik Transmetimesh
Ndërkohë moderatoja Arbana Osmani paguhet 986,927.00, bëhet fjalë për në muajin Janar kur “Big Brother” nuk kishte startuar ende./albeu.com/

The post Pranuan të izolohen për 3 muaj, sa i kanë rrogat VIP-at jashtë “Big Brother” appeared first on Albeu.com.

Sipas tyre shkak është bërë mospërmbushja e detyrimeve kontraktuale për pagën dhe kushtet e punës por jo vetëm, edhe për vendosje të normës së punës tej kapaciteteve prodhuese për secilën punonjëse, uljen e pagës dhe vonesa në marrjen e saj, ndërsa një pjesë prej tyre nuk kanë as kontrata pune.

Kanë pritur për sqarime para fabrikës por nuk kanë mundur të marrin një përgjigje, e në mënyre të organizuar janë mbledhur para zyrave të punës. “Duam rogat tona” brohorasin njëzëri gratë.

Në një takim me përfaqësinë e tyre, drejtori rajonal i shërbimit kombëtar të punësimit në Kukës, Shani Kastrati, tha se do të bisedojë me kompaninë, por jo vetëm, edhe me inspektoriatin shtetëror të punës, duke nënvizuar se nuk është përgjegjësi e zyrës së punës marrëdhënia mes punëmarrësit e punëdhënësit.

Gjithsesi edhe pse në ditën e dyte te protestës ende nuk kane ardhur drejtuesit e kompanisë apo administratorët e saj për të diskutuar me punonjëset. Sipas punonjësve të fasonerisë, të enjten do të mbërrijnë në Kukës drejtuesit e kompanisë për të diskutuar mosmarrëveshjet e krijuara dhe likuiduar detyrimet ndaj punonjësve./abcnews.al

The post Punonjëset e një fasonerie në Kukës ndëpresin punën, në protestë për rrogat appeared first on Albeu.com.

Sport.es raporton se plot 14 lojtarë mund të largohen nga “Camp Nou”, mes tyre edhe emra të rëndësishëm. Barcelona po kalon një moment të vështirë ekonomik dhe drejtuesit e klubit po krijojnë një plan për të ulur shpenzimet e shumta.

Në listën e përpiluar janë 14 futbollistë, të cilëve do u kërkohet ulja e rrogës. Kush nuk pranon do të përfundojë në merkato. Lojtarë si Pique, Jordi Alba, Busquets apo Sergio Roberts, duhet të bëjnë një sakrificë financiare për të vijuar karrierën te Barcelona.

Diskutim i ndryshëm për Riqui, Neto, Umtiti, Junior, Pjanic, Coutinho, Griezmann, Matheus, Braithëaite dhe Dembele. Këta dhjetë futbollistë ndodhen zyrtarisht në merkato dhe klubi katalanas shpreson të përfitojë sa më shumë nga shitjet e tyre.

The post Barcelona me mesazh të qartë për 14 futbollistë: Ulni rrogat ose largohuni appeared first on Albeu.com.