Të dhënat e fundit të Entit Shtetëror të Statistikës tregojnë se paga mesatare neto në Maqedoni gjatë qershorit ishte 48.381 denarë. Kjo shënon një ulje prej 1.163 denarësh në raport me muajin maj, kur paga mesatare arriti në 49.544 denarë.

Në krahasim me të njëjtin muaj të vitit të kaluar, pagat janë rritur nominalisht me 6,4%. Megjithatë, në bazë mujore, paga mesatare neto nominale është reduktuar me 2,3%, ndërsa pas përllogaritjes së inflacionit, rënia reale ka qenë 1,9%. Rritja reale vjetore, ndërkaq, është 3,4%.

Nivelet më të ulëta të pagave janë regjistruar në qershor në sektorin e objekteve për akomodim dhe shërbime ushqimore, ku mesatarja ishte 34.200 denarë. Pagat më të larta u evidentuan në sektorin e informacionit dhe komunikimeve, me 88.262 denarë. Diferenca mes këtyre dy sektorëve arrin në 54.062 denarë.

The post Paga mesatare neto në Maqedoni ra në 48.381 denarë gjatë qershorit appeared first on Albeu.com.

Sipas të dhënave të publikuara sot nga Enti Shtetëror i Statistikave, vlera e pagës mesatare neto në nivel mujor për majin e vitit 2026 ishte 49,544 denarë.

Nëse e krahasojmë me të njëjtën periudhë të vitit të kaluar, konkretisht majin 2025, kjo pagë mesatare neto e paguar për të punësuar shënoi një rritje prej 8.2 përqind.

Kjo rritje vjetore i atribuohet kryesisht ecurisë pozitive të pagave në disa sektorë. Ndër ta, dallohen furnizimi me ujë, menaxhimi i ujërave të ndotura dhe mbeturinave, si dhe aktivitetet për përmirësimin e mjedisit me një rritje prej 11.9%. Po ashtu, sektori i artit, argëtimit dhe rekreacionit u rrit me 11.3%, ndërsa ai i transportit dhe magazinimit shënoi një rritje prej 10.9%.

Në aspektin mujor, duke parë ndryshimet nga muaji i kaluar, rritje e pagës mesatare neto u regjistrua në sektorët e tregtisë me shumicë dhe pakicë dhe riparimit të automjeteve e motoçikletave (6.3%), minierave dhe guroreve (5.8%) si dhe sërish në transport dhe magazinim (5.7%).

The post Paga mesatare neto për muajin maj arriti në 49,544 denarë appeared first on Albeu.com.

Ai deklaroi se të hënën do të hapen bisedimet me sindikatat për kontratën e re kolektive, ndërsa nga viti i ardhshëm është planifikuar të ketë rritje si të pagave, ashtu edhe të pikës mbi të cilën përllogariten ato.

Sipas Misajlovskit, edhe në vitet që pasojnë pritet të ketë rritje në përqindje të pagave, në varësi të mundësive që do të ofrojë buxheti.

Ai nënvizoi gjithashtu se Ministria, paralelisht, po merret me përmbushjen e obligimeve të mbartura nga e kaluara, sidomos atyre që lidhen me padi, duke theksuar se çdo vit shlyhen disa mijëra raste të tilla.

Po ashtu, Misajlovski tha se me ribalancimin aktual të buxhetit, fokusi kryesor mbetet shlyerja e borxheve të vjetra, por njëkohësisht edhe garantimi i mjeteve për forcimin e kapaciteteve dhe për investime të reja në Ushtri.

The post Misajlovski njofton negociata për kontratë të re kolektive dhe shtim pagash në Ushtri appeared first on Albeu.com.