Lajmin e bën të ditur “Daily Mail”, e cila shkruan se viktimat janë zëvendës CEO i kompanisë, Vladimir Gabrielyan, 39 vjeç dhe drejtori i marketingut, Sergey Merzlyakov, 44 vjeç.

Gjithashtu sipas burimeve, bëhet me dije se ata ndërruan jetë në përpjekje për të kaluar lumin e rrëmbyeshëm Bolshoy Bugryanets, në veri të Rusisë.

Sipas mediave ruse, ata arritën të dilnin nga makina, por ndërruan jetë si pasojë e hipotermisë dhe temperaturave që ishin nën zero gradë. Ekipet e shpëtimit gjetën trupat e pajetë të dy personave në breg të lumit.

Ndërkohë, bashkëshortja e Gabrielyan, Elena dhe miku i tyre Sergey Olsevich, të cilët po lëviznin me një tjetër automjet, u përmbysën nga rrjedha e lumit, por arritën të mbijetojnë pasi ecën për rreth 25 kilometra deri në banesën e parë, ku kërkuan edhe ndihmën e autoriteteve.

The post Lumi i rrëmbyeshëm në Arktik u merr jetën dy drejtuesve të “Facebook-ut rus” (FOTO LAJM) appeared first on Albeu.com.