Sektori Call center dikur oaz punësimi për të rinjtë, por që tashmë vuan edhe mungesën e fuqisë punëtore nga emigracioni, po përballet me rënien e kontratave.

Sipas të dhënave të tatimeve (DPT) në call center deri në muajin shtator 2022 ishin të punësuar 12,404 punonjës. Krahasuar me 2021 numri i të punësuarve ka rënë 18%. Ndërsa numri i ndërmarrjeve call center sipas të dhënave të DPT deri në shtator 2022 ishte 543 biznese.

Alketion Cali administrator i kompanisë call center “Icon Albania” tha për Monitor se nga kompanitë italiane u janë refuzuar dhënia e kontratave të reja, për shkak të pasigurisë në ruajtjen e të dhënave.

“Disa javë më parë ne zhvilluam bisedë për bashkëpunim me një kompani në sektorin e telekomunikacioneve në Itali e cila donte të zhvillonte fushatën e saj nga Shqipëria. Por fatkeqësisht kontrata nuk u realizua, pasi nga drejtuesit na u tha që Shqipëria nuk është vend i sigurt për ruajtjen e të dhënave sensitive të klientëve të tyre, nisur edhe nga ngjarjet e fundit që kanë ndodhur me publikimin e të dhënave. Pasiguria në ruajtjen e të dhënave po na krijon shumë probleme në vazhdimin e punës me investitorët e huaj. Është një problem që duhet të adresohet”, pohon z. Cali.

Në muajin dhjetor 2021 është publikuar lista e parë me 630 mijë punonjës në të gjithë vendin, të punësuar dhe vetëpunësuar, ndërsa pagat janë publikuar për rreth 550 mijë persona, të cilët janë të punësuar në biznese dhe në shtet

Verifikimet treguan se lista ishte reale, teksa publikimi i saj përbën dekonspirimin më të madh të të dhënave personale me sensitivitet të lartë, pas publikimit të dhënave personale gjatë zgjedhjeve elektorale të këtij viti. Prokuroria e Tiranës nisi një proces verifikimi pas publikimit të dhënave, por nuk pati dënime.

Rrjedhja e të dhënave nuk mbaroi me kaq. Më pas u publikua database me targat e 530 mijë shtetasve, duke përfshirë edhe markën e automjetit, modelin e tyre dhe ngjyra.

Ndërsa ditët e fundit të muajit dhjetor edhe një bankë e nivelit të dytë në vend ka qenë pjesë e sulmeve kibernetikë. /Monitor

The post Rrjedhja e të dhënave sensitive frikëson investitorët; Italianët po refuzojnë kontratat e reja të shërbimit call center në Shqipëri appeared first on Albeu.com.

Sipas deklaratës së Dhomës së Përmbaruesve kryeprokurorja e Tiranës sot u shpreh se “këta dy persona punojnë në fushën e përmbarimit”, por në fakt të dy punojnë në fushën e mashtrimit”.

“I pari ka krijuar “PRO 3VT” sh.p.k. – Institucion financiar mikrokredie;  I dyti “SMART COLLECTION” sh.p.k. – Kompani “Mbledhje detyrimesh/kredish të këqija për bankat e nivelit të dytë dhe të trete…”. Të dyja kompanitë në mashtrim të ligjit dhe qytetarëve, pa asnjë lloj licence për këto aktivitete, janë regjistruar nga Qendra Kombëtare e Biznesit dhe lejuar nga Banka e Shqipërisë. Databazat e shtetit shqiptar janë blerë për të mashtruar dhe shantazhuar publikun dhe ky duhet të ishte hetim i përfunduar prej kohësh…”, thuhet në reagim.

Reagimi:

NUK JANË PËRMBARUES – JANË MASHTRUES

Informojmë dhe sqarojmë mediat bashkë me opinionin publik se dy personat që blenë dhe përdorën të dhënat e shqiptarëve, përkatësisht Endri Ikonomi dhe Klodian Sota nuk janë përmbarues dhe nuk kanë qenë kurrë të tillë.

Kryeprokurorja e Tiranës sot u shpreh se “këta dy persona punojnë në fushën e përmbarimit”, por në fakt të dy punojnë në fushën e MASHTRIMIT:

– I pari ka krijuar “PRO 3VT” sh.p.k. – Institucion financiar mikrokredie;

– I dyti “SMART COLLECTION” sh.p.k. – Kompani “Mbledhje  detyrimesh/kredish të këqija për bankat e nivelit të dytë dhe të trete…”.

Të dyja kompanitë në mashtrim të ligjit dhe qytetarëve, pa asnjë lloj licence për këto aktivitete, janë regjistruar nga Qendra Kombëtare e  Biznesit dhe lejuar nga Banka e Shqipërisë.

Akuzojmë publikisht titullarët e këtyre dy institucioneve për lejimin e tyre, ashtu si të dhjetëra të tjerave që ne i kemi denoncuar disa herë si “Baraka Financiare”, të cilat mbledhin borxhe nëpërmjet mashtrimit dhe shantazhit.

Kemi denoncuar pa reshtur fenomenin e bërjes së “përmbarimit” me telefonata dhe shkresa mashtruese, që s’kanë asnjë lidhje me shërbimin përmbarimor shtetëror apo privat, por vetëm me këta blerës të paskrupullt të borxheve të qytetarëve dhe databazave shtetërore.

Shteti me gjithë organe ligjzbatuese prej vitesh ka heshtur!

Ashtu si janë blerë borxhet e shqiptarëve për dy lekë, po për aq pak sot pamë se janë blerë edhe instrumentet për t’i shantazhuar ata, adresat, numrat e telefonit, të dhënat e gjendjes civile, mjeteve

motorike etj.

Dhoma e Përmbaruesve i bën thirrje Prokurorisë së Shtetit të mos “flejë” mbi çështjet e denoncuara prej dy vitesh nga Ministria e Drejtësisë dhe prej disa muajsh nga përmbaruesit. Databazat e shtetit shqiptar janë blerë për të mashtruar dhe shantazhuar publikun dhe ky duhet të ishte hetim i përfunduar prej

kohësh…

7 Janar, 2022

Dhoma Kombëtare e Përmbaruesve Gjyqësorë Privatë/albeu.com

The post Blenë databazën e pagave, reagon Përmbarimi për të arrestuarit: Janë mashtrues appeared first on Albeu.com.

Basha shprehet se, pas këtij skandali, Rama duhej të jepte dorëheqjen.

“Janë marrë copa-copa apo si një e tërë, është konfirmim i skemës kriminale të krimit elektoral të krijimit të sistemit të ri të shtetit. Kjo është arsyeja pse ka dalë që t’i mbrojë publikisht. Është skandaloze, do ë ishte skandaloze po të kishte ndodhur edhe para 12 vitesh. Është skandaloze sepse vjen pas skandaleve të tjera. E harruar serverin e Tatimeve. Kush përfundoi në burg për këtë? Askush. Rama sot duhet që të jepte dorëheqjen dhe pastaj të kërkonte ndjesë”, tha Basha./albeu.com

The post Skandali me pagat, Basha: Rama sot duhej të jepte dorëheqjen appeared first on Albeu.com.

Sot Edi Rama është përgjegjësi kryesor për eskpozimin e qytetarëve përballë çdo rreziku.

Qytetarët shqiptarë janë ende të shokuar nga publikimi i të dhënave të tyre personale, përfshirë edhe pagesat që ata marrin.

Po aq shokues është reagimi i qeverisë 24 orë pas këtij skandali, e cila ka larë duart, pak muaj pasi i doli në krah dhe u shpreh krenare me punën e patronazhistëve. Kushdo që ka punuar me sistemet elektronike në Shqipëri e di shumë mire se ka një kuadër të qartë ligjor dhe disa institucione që ekzistojnë që kjo të mos ndodhë.

Ka pak rëndësi nëse informacioni në “Big Brotherin” qeveritar ka dale nga baza e të dhënave tek Drejtoria e Tatimeve. Ndonëse qytetarët duhet të dinë se në kohën kur ky informacion ka dalë nga Drejtoria e Tatimeve në krye të atij institucioni ishte Delina Ibrahimaj, sot zonja në fjalë është Ministre e Financave dhe Ekonomisë. Pra njeriu që nuk arriti të ruante dot të dhënat e shqiptarëvë i kanë besuar financat e shtetit.

Qytetarët duhet të dijnë se asnjë informacion i vetëm nuk del nga dot nga asnjë instucion pa dijeninë e drejtuesve, askush nuk ka guxim të shkelë dhjetra ligje.

Është qartësisht e kuptueshme se të dhënat e dala për pagat e Janarit 2021 kanë pasur vetëm një qëllim, patronazhimin për zgjedhjet e 25 prillit. Ajo që ka ndodhur në zgjedhjet e fundit parlamentare ka qenë një operacion kriminal i vjedhjes së votës.

Por në një botë gjithmonë e më digjitale, sistemet qeveritare grumbullojnë çdo ditë të dhëna të tjera sensitive për qytetarët shqiptarë!

AKSHI,AKCSE, Komisioneri për mbrotjen e te dhenave personale paguhen dhe ekzistojnë për të garantuar të dhënat e shqiptarëve, por asgjë nuk funksionon kur është shefi i madh që urdhëron.

Edi Rama dhe shkrija që i ka bërë partisë me shtetin është ai që duhet të mbajë përgjegjësi për këtë krim. Partia shtet pasi i keqpërdori, sot edhe i ka ekspozuar të dhënat sensitive të shqiptarëve.

Çfarë duhet të ndodhë më shumë në këtë vend që dikush të mbajë përgjegjësi? Pandëshkurshmëria duhet të marrë fund.

Sot Edi Rama s’duhet të jetë më kryeministër i vendit!

The post Endri Hasa: Kush i publikoi të dhënat e shqiptarëve? appeared first on Albeu.com.

“Duke pasur parasysh edhe deklarata të bëra nga foltoret e kuvendeve dhe antikuvendeve mund të mos jetë e fundit, prandaj thirrja ime për prokurorinë është që të hetojë, duke kërkuar që të përgjigjen jo vetëm të gjithë pa përjashtim inspektorët e Tatimeve, që kanë akses në sistemin e pagave për arsye të punës, ata që aktualisht punojnë në këtë sistem, apo të tjerë që mund të jenë larguar nga ky sistem në periudhën nga të dhënat e nxjerra deri sot, por edhe ata që nga foltoret e kuvendeve të antikuvendeve paralajmërojnë zymtira të tjera”, tha kryeministri Rama.

The post Rama i hedh fajin opozitës për skandalin e listës së pagave: S’është hera e parë që Kuvendet dhe anti-Kuvendet paralajmërojnë appeared first on Albeu.com.