“Konkluduam një proces që nisi që në vitin që shkoi me dialogun vendor. Ka të bëjë me pagat e pushtetit vendor, por jo vetëm për pagat. Është një reformë strukturore që merret me ristrukturimin e Bashkive, stafet e tyre në tre grupime të mëdha. Riklasifikuam nivelet e pagave, duke ndryshuar skemën.
Në nivele pagash të unifikuara të të gjitha Bashkive, duke dhënë mundësitë, që një jurist apo arkitekt, të marrë paga të ngjashme pothuajse në të gjitha Bashkitë.

Rritja e pagave, të të gjitha Bashkive, është në nivele të unifikuara të pagave. Kështu unifikojmë mënyrën e llogaritjes së pagave, me mënyrën sesi llogaritet vjetërsia e punës.
Ky vendim do t’i japë mundësi Bashkive, të tërheqin në mënyrë nga tregu profesionistë. Ky është ndër hapat e rëndësishëm në ristruktuimin sistematik të të gjitha Bashkive”, theksoi ai.

The post Mazniku: Reformë në politikat e pagave në të gjitha Bashkitë, do të tërheqim profesionistët appeared first on Albeu.com.

Gjithashtu, ministri Manja u shpreh se pagat do të rriten mesatarisht me 15.12%, rritje nga e cila do të preken të gjitha gradat, nisur nga inspektorët deri tek gradat më të larta ato drejtuese.

Më tej, Manja deklaroi se nga kjo rritje do të përfitojnë 3.430 punonjës, të cilët janë pjesë e sistemit të burgjeve në vend.

Ndërkohë, Manja vuri theksin edhe tek të rinjtë të cilët duan të bëhen pjesë e sistemi të burgjeve, të cilët do të paguhen me 80% të pagës së një inspektori.

Manja:

‘’Sot dua të njoftoj rritjen e radhës në sektorin e burgjeve, do përfitojnë 3.430 punonjës së policisë në burgje sipas gradave, nga grada e isnpektorit deri tek gradat më të larta, ajo drejtuese.

Kjo rritje e pagave do të prekë të gjithë, dhe është një rritje nga 13 deri 27%.

Pra mesatarisht pagat ën sistemin e burgjeve janë rritur me 15.12 %.

E veçanta e këtyre miratimeve lidhet me aspirantët, pra të rinjtë ata që duan të bëhen pjesë e policisë së burgjeve dhe do paguhen nga 1 korriku me 80 % të pagës së inspektorit.

Rritja e pagës përfshin vetëm një nga elementët e pagës bruto, sepse komisioni i sotëm ka dhënë elementë të tjera si vjetërsia, natyrën e veçante të punës dhe kompensimet që kanë të bëjnë me normën e ushqimeve.

Pra rritje kanë pësuar të gjitha gradat dhe unë ju them sot se në i mbajmë premtimin dhe shpresoj që kjo nuk do të jetë rritja e fundit e pagave’’, deklaroi ministri Manja.

The post Rritje pagash në sistemin e burgjeve/ Ulsi Manja: Ja sa është numri i përfituesve sipas gradave appeared first on Albeu.com.

Sektori i shëndetësisë do të ketë rroga të reja. Kështu rritje të mëtejshme të pagave do të përfitojnë mjekët e përgjithshëm, infermierët dhe punonjësit e tjerë shëndetësorë. Po ashtu, rritje do të ketë edhe në sektorin e arsimit, ku do të përfitojnë kryesisht mësuesit në arsimin parauniversitar. Shtesë në pagë parashikohet edhe për forcat e rendit, të mbrojtjes, si edhe punonjësit e niveleve zbatuese në administratën qendrore.

Këtë vit reforma do të shtrihet edhe tek punonjësit e pushtetit vendor, pagat e të cilëve janë në nivele të ulëta në raport me institucionet qendrore. Sa i takon masës së shtesës, në buxhetin e vitit 2024, për afro 36 mijë punonjës në arsimor të Sistemit Arsimor Parauniversitar, parashikohet rritje e pagës me 23-36% të pagës bruto.

Rreth 18,858 punonjës të Sistemit Shëndetësor, përfitojnë rritje nga 26-34% të pagës bruto; Rreth 22 500 punonjës të sistemit me Grada parashikohet të përfitojnë rritje të pagës për gradë me mesatarisht 30% për vitin 2024. Në total, efekti vjetor për financimin e reformës së pagave llogaritet në afro 40 miliardë lekë, ose 400 milionë Euro. Reforma e pagave e nisur dy vite më parë synon të rrisë konkurrencën në tregun e punës, duke nxitur edhe rritjen e pagave në sektorin privat.

Pagesat elektronike

Nga ana tjetër Këshilli i Ministrave ka kaluar gjatë ditës së djeshme vendimin për projektin pilot të përdorimit të pagesave të shpejta elektronike. Kjo nismë që do të zbatohet fillimisht në tre qytete, synon që të rrisë konkurrencën dhe inovacionin në sektorin financiar, duke ofruar një shpërndarje të drejtë dhe të shpejtë të shërbimeve dhe produkteve financiare për qytetarët. Sipas Ministër Shteti për Sipërmarrjen dhe Klimën e Biznesit, Delina Ibrahimaj, përzgjedhja e qytetarëve që do të përfshihen në këtë projekt do të bëhet në mënyrë transparente dhe rastësore, duke siguruar përfaqësim të drejtë të grupeve të ndryshme në bazë moshe dhe gjinie. Në vendim, përcaktohet se numri total i përfituesve që do të përfshihen në këtë projekt pilot është 300, ku për secilin prej tyre do të jepet një vlerë monetare prej 10,000 lekësh në muaj të destinuara për shpenzim vetjak. Gjeografikisht zbatimi i projektit do të shtrihet në tre bashki, duke filluar me Tiranën, ku do të aplikohet në Njësinë Administrative nr.5, si dhe në Bashkinë e Dibrës dhe asaj të Përmetit. “Përzgjedhja e përfituesve që do të përfshihen në këtë projekt pilot do të kryhet në mënyrë rastësore dhe transparente, dhe do të jetë e tillë që të garantojë përbërje të drejtë midis moshës që përfshin përkatësisht përfitues nga grupmoshat 18-30 vjeç, 30-40 vjeç, 40-50 vjeç, 50-60 vjeç si dhe 60-70 vjeç dhe gjinisë së tyre, që banojnë brenda një hapësire gjeografike të afërt brenda territorit të bashkisë Tiranë, Dibër dhe Përmet”, sqarohet në vendimin e Ministër Shteti për Sipërmarrjen dhe Klimën e Biznesit që u kalua sot në mbledhjen e Këshillit të Ministrave.

Vlera monetare e përcaktuar për çdo qytetar që do të jetë pjesë e këtij projekti pilot do të disbursohet në formën e një transferte bankare, brenda datës 10 të çdo muaji, në periudhën kohore Maj deri në Gusht 2024.

Përfituesit

Përfituesit duhet të nënshkruajnë deklaratën për dhënien e dakortësisë për pjesëmarrjen në projektit pilot sipas kushteve të përcaktuara. Përfituesi përdor vlerën e transferuar vetëm nëpërmjet aplikacioneve që mundësojnë pagesat e shpejta, të përzgjedhur nga ai vetë, bazuar në listën e vënë në dispozicion nga Agjencisë Shtetërore për Mbështetjen e Startup-ve dhe Lehtësuesve. Subjektet e tregtisë me pakicë që do të jenë pjesë e këtij projekti do të përzgjidhen në raport të drejtë me afërsinë gjeografike të vendndodhjes së përfituesve brenda territorit të bashkisë Tiranë, Dibër dhe Përmet.

Kryerja dhe konfirmimi i pagesës nga qytetarët e përzgjedhur do të bëhet në kohë reale nëpërmjet portofolit elektronik që ofrojnë institucionet e parasë elektronike dhe institucionet e tjera financiare dhe që do të realizohet nëpërmjet përdorimit të kodit QR të faturës së fiskalizuar sipas një procedure teknike. Çdo faturë e gjeneruar nga sistemi, shoqërohet vetëm me një kod QR të faturës se fiskalizuar dhe përmban informacion mbi llogaritë bankare të shitësit, si dhe detajet e faturës.

Nëpërmjet një aplikacioni bankar të përzgjedhur nga blerësi, skanohet kodi QR dhe në aplikacion shfaqen të dhënat e faturës dhe llogarisë së shitësit. Në çdo rast, blerësit do t’i shfaqet edhe vlera e saktë që kushton kryerja e këtij transaksioni. Me përzgjedhjen e njërës prej llogarive të biznesit, blerësi konfirmon pagesën duke përdorur opsionin përkatës. Pas kryerjes së pagesës, nëpërmjet kanaleve bankare të ndërveprimit, konfirmimi i pagesës do të vij nga banka pritëse. Me marrjen e konfirmimit nga banka pritëse, e-albania informon sistemin elektronik te tatimeve. Sistemi i tatimeve e konsideron këtë faturë të përfunduar, dhe nuk lejon që të kryhet pagesë tjetër për këtë faturë, me qëllim shmangien dhe të gabimeve teknike. Fondi i vënë në dispozicion për zbatimin e këtij projekti është në vlerën 12,400,000 lekëve.

Nxitja dhe përfshirja e startup

Nëpërmjet këtij vendimi do të bëhet e mundur nxitja dhe përfshirja e startup në sektorin financiar, ku qëllimi kryesor është reduktimi i kostos së transaksioneve dixhitale për qytetarët dhe bizneset. Do të sigurohet rritja e përfitimeve për klientët, duke bërë të mundur promovimin e shërbimeve të reja, ulur kostot e përdorimit, përmirësimin e eksperiencës në përdorimin e shërbimeve financiare. Gjithashtu do të bëjë të mundur promovimin e konkurrencës nëpërmjet rritjes së numrit të aktorëve në fushën financiare, teksa do të sigurojë edhe rritjen e aksesit ndaj shërbimeve financiare për të promovuar përdorimin e produkteve inovatore nga grupe te pa-aksesueshme. Një tjetër objektiv i rëndësishëm është edhe rritja e inovacionit në sektorin financiar duke lehtësuar mënyrat alternative të ndërveprimit me aplikacione dhe module pagesash të reja në tregun shqiptar

The post Rritje e rrogave nga 1 korriku, ja cilat janë kategoritë që e përfitojnë appeared first on Albeu.com.

Sindikata Marburger Bund, e cila përfaqëson mjekët, tha se greva u organizua në dhjetëra qytete, përfshirë qytetet Aachen, Bonn, Këln, Dusseldorf, Heidelberg dhe Mynih.

Gjatë grevës, shumica e spitaleve universitare ofronin vetëm kujdes urgjent dhe shërbime minimale, ndërsa mijëra mjekë u bashkuan në tubime në qendrat e qyteteve për të tërhequr vëmendjen ndaj shqetësimeve të tyre.

Sindikata njoftoi se për shkak të grevës paralajmëruese, pacientët me siguri do të duhet të durojnë kohët më të gjata të pritjes dhe shtyrjen e operacioneve jo-urgjente në ditët në vijim.

Andreas Botzlar, nënkryetar i sindikatës së mjekëve, kritikoi autoritetet për shpërfilljen e problemeve në spitalet universitare dhe dështimin për të ndërmarrë hapat e nevojshme.

“Anëtarët tanë në spitalet universitare kanë orët më të gjata javore të punës, ata kujdesen për numrin më të madh të pacientëve në kujdes maksimal dhe gjithashtu kanë përgjegjësi të tjera si mësimdhënia dhe kërkimi”, tha Botzlar për transmetuesin publik NDR.

Ai theksoi se vendet dhe autoritetet federale duhet të bëjnë “përmirësime thelbësore” në pagat dhe kushtet e punës së mjekëve, në mënyrë që të parandalojnë kolapsin e spitaleve universitare.

Marburger Bund ka vendosur të organizojë një grevë paralajmëruese pasi raundi i katërt i negociatave me vendet federale dështoi muajin e kaluar.

Sindikata kërkon një rritje prej 12,5 për qind të pagave për rreth 20 mijë mjekë në spitalet universitare, si dhe tarifa më të larta për punën gjatë natës, fundjavave dhe festave publike. Mjekët po kërkojnë gjithashtu ndryshime në turnet e gjata dhe aranzhimet e punës në gatishmëri.

Sindikata thotë se paga e mjekëve që punojnë në spitalet universitare është shumë më e ulët se kolegët e tyre në spitalet bashkiake, edhe pse ata duhet të punojnë me turne më intensive.

The post Mjekët në Gjermani në protestë, kërkojnë rritje pagash appeared first on Albeu.com.

Rama theksoi se është krenar për rritjen e pagave, por theksoi se për ministrat dhe deputetët do të jetë dakord nëse hyn në fuqi, në momentin që do të hyjë në fuqi e gjithë paketa.

“Krahasohemi me rajonin, janë njësoj si ne. Nuk kam parë në asnjë vend të rajonit që pagat e deputetëve të jenë sa të mësuesve. Ideja që deputetë të mblidhen janë kot. E ka bazën te të gjithë pabesia historike që partia ish demokratike i ka bërë politikës me gjithë atë llum, akuza, shpufje, maskarallëqe, në një gjuhë që nuk ka asnjë lidhje me atë që ju doni që fëmijët tuaj të mësojnë. Sepse kenia të që kjo është politika. Politika nuk është kjo, por ajo që bëjmë ne. Dhe këtë që keni mbjellë 30 vjet nuk mund ta korrni dot ju. Pagat duhet të jenë sic janë propozuar sepse kanë logjikën e vetë. Unë njoh se ka nga ata që e meritojnë atë pagë me respekt, dhe nuk janë një e dy. Se ky nuk është vendi i kirminelave, drogaxhinjve, hajdutëve, por ëstë një vend që mund të ketë ndonjë që nuk duhet të jetë këtu fare, por prapa diellit. Fakti që këtu cmendeni dhe ktheheni në bisha, nuk ka lidhje me të vërtetën. E vërteta është se deputeti që misionin që ka dhe punën që i kërkohet, meritojnë pagën e propozuar. Sa e bëjnë punën, këto nuk lidhen si rrjedh paga. Unë nuk e votoj këtë pikë. Unë për rrirtjen e pagave jam shumë krenar, është rezultat reformash dhe ligjesh. Tek pika e pagës për për deputetët dhe ministrat që të hyjë në fuqi menjëherë , mua më keni kundër bashkë me Braçen. Duhet të hyjë në fuqi në momentin që do të hyjë në fuqi e gjithë paketa”, tha Rama.

The post Rritja e pagave për deputetët dhe ministrat, Rama: Mua më keni kundër appeared first on Albeu.com.

Rreth 100,000-150,000 mësimdhënës të shkollave fillore dhe të mesme ndaluan punën, derisa kërkojnë që qeveria e koalicionit të përmbushë kërkesat e tyre.

Bisedimet e minutës së fundit më 21 maj midis sindikatave të mësuesve dhe qeverisë së kryeministrit Nicolae Ciuca nuk arritën një marrëveshje dhe në këtë formë dështuan përpjekjet e qeverisë për t’i rikthyer mësimdhënësit në shkolla.

Marcel Ciolacu, nga partia PSD, që do të jetë kryeministër i ardhshëm sipas rotacionit të vendosur nga koalicioni, dërgoi një mesazh të vonuar të premten, përmes të cilit u tregua i “gatshëm” për të diskutuar gjatë fundjavës me krerët e sindikatave “për të shmangur grevën e përgjithshme”.

Ai hodhi fajin sindikatave, duke thënë se “kjo grevë është e dëmshme jo vetëm në funksionimin e shkollave, por edhe në jetën e miliona familjeve”.

Ciolacu u përpoq të ushtronte presion mbi drejtuesit e sindikatave, duke shtuar se rumunët presin prej tyre – dhe nga politikanët – zgjidhje të qeta dhe racionale “ndërsa fëmijët e shohin paqen e tyre në shkollë”.

“Ishte obligim i Qeverisë dhe i atyre që kanë role vendimmarrëse që të dalin me zgjidhje më të shpejta, siç kanë premtuar”, ka qenë përgjigja nga tri sindikatat e arsimit të Rumanisë të cilat organizuan grevën.

Të dielën pasdite, krerët e sindikatave morën pjesë në negociatat me kryeministrin Nicolae Ciucă dhe anëtarë të tjerë të ekzekutivit, por propozimi që iu dha nga qeveria nuk i kënaqi ata.

Kërkesa kryesore e grevistëve është një pagë fillestare për mësuesit e rinj të paktën e barabartë me mesataren e vendit.

Paga mujore e një mësuesi rumun të sapo-diplomuar është pak më shumë se 520 dollarë (480 euro), ndërsa paga mesatare në vend është 988 dollarë (rreth 913 euro)./REl

The post Mësuesit në Rumani hynë në grevë për paga më të mira appeared first on Albeu.com.

Pas diskutimeve në komision, kryetarja Klotilda Bushka e hodhi në votim draftin, duke kujtuar që në komisionin e ekonomisë do të shkojnë edhe sugjerimet për ndryshimin e koeficientit për kategorinë e deputetëve dhe ministrave, çka do të thotë rishikim edhe të pagave të tyre.

Bushka: Ne do kalojmë në miratimin nen për nen dhe në tërësi me sugjerimin e kolegut Xhoxhi që të rishikohet raporti i pagës për funksionet e seksioneve A, B, C dhe D të lidhjes 1 në kuadër të parimit të hierarkisë së pagës. Kjo do të jetë pjesë e sugjerimit të komisionit tonë për komisionin e ekonomisë. Ne nuk do bëjmë amendamente sepse do të jetë komisioni përgjegjës që do të bëjë shqyrtimin e këtyre çështjeve.

Gjatë mbledhjes së zhvilluar sot, e para pas zgjedhjeve të 14 majit, deputeti socialist, Fatmir Xhafaj u shpreh se rritja e pagave, me variantin siç ka ardhur nga qeveria, nuk e ruan hierarkinë e piramidës shtetërore.

Xhafaj: E garantoni këtë apo është një argument thjesht për ta bërë këtë gjë? Unë konstatoj se nuk ruhet kjo hierarki. Mund të vendosni koeficentë të caktuar, por hierarkia nuk ruhet. Do kemi njerëz që do marrin shumë më tepër se funksione të caktuara. A mund të kishte një formulë tjetër që të ndryshonit ligjet kuadër që të ndryshojnë pagat.

Ndërsa deputeti demokrat, Sajmir Koreshi u shpreh se shumë kategori janë lënë pas dore dhe se sidomos pensionistët nuk kanë pasur vëmendjen e duhur.

Korreshi: Marr shkas në lidhje me ligin, ka 10 vite që nuk është rritur asnjë 1000 lekë. 10700 lekë merr mamaja ime. Një bukë misri dhe një shishe kos bën 200 l, pra 6000 lekë në muaj. 4000 lekë janë ilaçe, tani mbeten 8 mijë lekë për drita ujë dhe me radhë. Të tjerët s’kanë leke për të blerë mbathje, për të ngrënë bukë./Albeu.com/

The post Deputetët e Komisionit të Ligjeve dhe Ekonomisë kërkojnë rritje pagash, Bushka: Do t’ia sugjerojmë Kuvendit appeared first on Albeu.com.

Banka Botërore, në raportin e rregullt ekonomik 3-mujor, vuri në dukje se shumica vendeve në Ballkan aplikuan rritje të pagave në sektorin publik në fillim të vitit 2023.

Serbia, për shembull, rriti pagat me 12.5% për nëpunësit civilë në fillim të vitit 2023.

Mali i Zi rriti pagat neto administratës publike, arsimit dhe shëndetësisë me gati 20%.

Në Kosovë hyri një ligj i ri për pagat në sektorin publik, që synon të rrisë shpenzimet totale të pagave me 15%.

Maqedonia e Veriut po punon për një Ligji të ri të pagave, pas kërkesave të vazhdueshme nga Federata e Sindikatave.

Inflacioni rriti presionet për rritjen e pagave që më 2022 në të gjitha vendet e Rajonit.

Në Mal të Zi, paga mesatare mujore neto u rrit me 18.7% në terma realë në vitin 2022.

Në Shqipëri, më 2022, pagat nominale u rritën me 10.8% deri në dhjetor 2022 (ose 3.4% në terma realë), duke reflektuar rritjen e kërkesës për punë në sektorin privat.

Paga mesatare në Serbi u rrit me 13.8% në terma nominalë dhe 1.7% në terma realë. Më 2022, rritja ishte më e theksuar në sektorin privat sektori, ku paga mesatare neto u zgjerua me 17%, ndërsa pagat e sektorit publik u përmirësuan me 7.3%.

Në vitin 2922, pagat në Maqedoninë e Veriut u rritën me 11%. Megjithatë, inflacioni dyshifror i çoi pagat reale në rënie. Në Bosnjë dhe Hercegovinë, rritja e pagave nominale ishte 14.2%, por në terma realë, pagat ranë me 0.5% në dhjetor.

Tre vitet e fundit, pagat në vendet e rajonit janë rritur me ritme shumë më të shpejta sesa në Shqipëri, duke thelluar diferencën mes të ardhurave që merr një punonjës në Serbi, Maqedoninë e Veriut, Malit të Zi dhe Bosnjë-Hercegovinën, në krahasim me një shqiptar.

Paga mesatare bruto për këto vende luhatet midis 800-900 euro në muaj, nga rreth 520 euro që është mesatarja në Shqipëri, ose mesatarisht rreth 40% më e lartë sesa tek ne./monitor

The post Vendet e Ballkanit aplikojnë rritje të mëdha të pagave në këtë fillim vit, Shqipëria më e vonuar appeared first on Albeu.com.

“Dalim vullnetarët që të na hiqen financimet për nevojat e domosdoshme. Në këtë kuadër, kam dëgjuar edhe grupi parlamentar i mazhorancës do dalin vullnetarë që mos t’u rritet rroga. Iniciativë më idiote dhe qesharake nuk mund të gjendet për ta poshtëruar dhe shkelur më këmbë deputetin, që të renditet baras me një përgjegjës sektori në ministri. Kjo tregon se sa seriozë jeni ju në të gjitha këto iniciativa që ndërmerrni. Kështu që, ju bëj thirrje mbani arsyen dhe mos veproni sipas interesave tuaja politike, por sipas ligjit”, tha Spaho./Albeu.com/

The post Spaho ankohet te socialistët: Iniciativë idiote, po kërkoni që deputetëve të mos u rritet rroga appeared first on Albeu.com.

Së bashku me ministen e Shëndetësisë, Ogerta Manastirliu, Rama zhvilloi një takim me mjekët dhe infermierët dhe i prezantoi planin e hartuar nga qeveria për të bërë të mundur rritjen e rrogave.

Rama: Ne kemi aprovuar një plan shumë ambicioz të rritjes së pagave. Është rritja më e madhe e pagave, por është edhe ajo rritje për të cilën jemi përpjekur dhe kemi gëlltitur shumë gjëra me durim sepse kjo nuk është vetëm cështje dëshire, është cështje mundësish. Mundësitë vijnë kur ekonomia merr frymë dhe rritet. Kjo rritje e pagave është pasqyra e rritjes së qëndrushme të ekonomisë. Paga e mjekëve të përgjithshëm do të rritet me 5900 lekë dhe do të shkojë në 111672 lekë. Paga e infermierëve do të shkojë 72.000 lekë. Por ky është hapi i parë sepse në harkun midis 2 prilleve do ta plotësojmë kuadrin. Mjekët specialistë për momentin nuk do kërkojnë më shumë shpresoj. Por mjekët e përgjithshëm do shkojnë në 131 mijë lekë dhe infermierët në 87 mijë lekë.

Rama theksoi se sërish  se ambicia e qeverisë është që në Shqipëri paga mesatare të shkojë në 900 euro./Albeu.com/

The post “Eknomia është rritur”, Rama premton “paga të majme” edhe për mjekët e infermierët appeared first on Albeu.com.