Rritja ekonomik në vend lehtë do të përshpejtohet deri më 2,7 për qind në vitin 2024 dhe 2,9 për qind në vitin 2025.

Banka Botërore parashikon që i gjithë rajoni i Ballkanit Perëndimor këtë vit do ta përfundojë me një rritje ekonomike prej 2.6 për qind. Faktorët kryesorë që ndikojnë në perspektivën ekonomike janë ndikimet e luftës në Ukrainë, konsumi më i ulët personal, ashpërsimi i kushteve financiare globale dhe kërkesa më e dobët në Eurozonë.

Nga vendet e rajonit, këtë vit rritje më të lartë ekonomike do ta shënojnë Kosova 3.7% dhe Mali i Zi 3.4%. Shqipëria do të ketë një rritje prej 2.8%, Bosnja e Hercegovina 2.5%, Serbia 2.3%, Kroacia 1.9% dhe Bullgaria 1.5%.

Sa i takon perspektivës globale, Banka Botërore pret që rritja ekonomike gjatë këtij viti të ngadalësohet dhe të arrijë 2.1% krahasuar me vitin e kaluar me 3,1%.

The post Banka Botërore: Ekonomia e Maqedonisë së Veriut këtë vit do të shënojë rritje prej 2,4 për qind appeared first on Albeu.com.

Pas normave dyshifrore në vitin 2022, këtë vit inflacioni në Maqedoninë e Veriut do të ngadalësohet dhe do të arrijë në 9.2 për qind.

Nga vendet e rajonit, rritjen më të lartë ekonomike këtë vit do ta shënojnë Kosova 3.5 për qind dhe Mali i Zi 3.2 për qind. BPV-ja e Greqisë do të rritet me 2.6 për qind, e Shqipërisë me 2.2, e Serbisë dhe Bosnje-Hercegovinës me 2.0, e Kroacisë me 1.7 dhe e Bullgarisë me 1.4 për qind.

Në nivel global, FMN-ja nuk pret një recesion këtë vit, por një rritje prej 2.8 për qind krahasuar me vitin 2022. Fondi nuk pret recesion as në SHBA, duke parashikuar një rritje prej 1.6 për qind.

Eurozona do të shohë një rritje prej 0.8 për qind, por me një rënie të ekonomisë më të madhe evropiane, të Gjermanisë – prej 0.1 për qind.

Projeksionet e FMN-së për ekonomitë aziatike janë më pozitive. Këtë vit BPV-ja e Kinës do të rritet me 5.2 për qind, India do të ketë një rritje prej 5.9 për qind dhe Vietnami, Indonezia dhe Filipina gjithashtu do të kenë rritje me mbi pesë për qind.

The post FMN: Maqedonia rritje ekonomike vetëm 1.4% gjatë 2023 appeared first on Albeu.com.

Nga 2.5% që ishte pritshmëria në raportin e tetorit, në pasqyrën e fundit ekonomike globale, të publikuar sot, Fondi vlerëson se ekonomia e vendit do të rritet me 2.2%.

Ekonomia vendase pritet të përshpejtohet në 3.3% ë vitin 2024 dhe të mbesë përafërsisht në këto nivele deri në 2028-n, kur pritet të zgjerohet me 3.4%, pak a shumë në të njëjtat nivele me pritshmëritë në raportin e tetorit.

Kosova dhe Mali i Zi janë dy shtetet që pritet të kenë ecurinë më të mirë ekonomike në 2023, me përkatësisht 3.5 dhe 3.2%. Serbia dhe Bosnjë Hercegovina do të zgjerohen me 2%, ndërsa për Maqedoninë e Veriut pritshmëritë janë mjaft pesimiste, me vetëm 1.4%.

Për Shqipërinë, FMN parashikon që inflacioni të vijojë të mbetet i lartë edhe në vitin 2023, me një mesatare prej 5%, nga 6.7% që ishte në vitin 2022. Inflacioni do të ulet në vitet në vijim për të zbritur në 3%, që është dhe objektivi i bankës së Shqipërisë vetëm në vitin 2028.

FMN: Qeveritë të luftojnë inflacionin dhe të mbrojnë shtresat e varfra

FMN thotë në raportin global se rritja anemike, që është e pranishme në të gjithë globin lidhet me shtrëngimin e politikës monetare me synim rënien e inflacionit, që ka përkeqësuar kushtet financiare si dhe vijimi i pasojave të luftës në Ukrainë. Edhe inflacioni, ndonëse në ulje, po ngadalësohet më pak sesa pritej. Rreziqet në të ardhmen janë shtuar , pasi stresi i sistemit financiar mund të përhapet, duke dobësuar ekonominë reale.

FMN thekson se Politikëbërësit kanë pak hapësira për të përmirësuar perspektivat dhe për të minimizuar rreziqet.

Bankat qendrore duhet të jenë të qëndrueshme në politikën e tyre për të frenuar inflacionin, por gjithashtu të jenë të gatshme të rregullojnë dhe përdorin instrumentet e politikës – duke përfshirë adresimin e shqetësimeve të stabilitetit financiar – në linjë me zhvillimet ekonomike.
Politikëbërësit fiskalë duhet të mbështesin veprimet e politikëbërësve monetarë dhe financiarë për të rikthyer inflacionin në objektiv duke ruajtur stabilitetin financiar.

Në shumicën e rasteve, qeveritë duhet të synojnë për politika shtrënguese, duke ofruar mbështetje të synuar për ata që po luftojnë më shumë me krizën e kostos së jetesës, rekomandon FMN./monitor

The post FMN ul parashikimin për rritjen ekonomike të Shqipërisë në 2023, çmimet do të mbeten të larta appeared first on Albeu.com.

“Rritja vazhdon të jetë e ngadalshme, në nivele historike, tani, dhe në periudhë afatmesme”, ka thënë Georgieva, duke shtuar se India dhe Kina kanë kontribuuar në gjysmën e rritjes ekonomike globale këtë vit.

Rritja është duke u ngadalësuar në 90 për qind të shteteve të industrializuara, përfshirë Eurozonën, ku sipas FMN-së, normat e larta të interesit do të rëndojnë mbi kërkesën.

FMN-ja do të prezantojë gjetjet e reja javën e ardhme, në takimin pranveror në Uashington.

Në janar, kjo organizatë pati parashikuar rritje ekonomike globale vetëm 2.9 për qind për këtë vit, për shkak të pasojave të shkaktuara nga lufta në Ukrainë dhe inflacionit të lartë.

Mirëpo tani pamja është edhe më e “zbehtë” sesa në tetor, ka thënë FMN-ja.

“Duke marrë parasysh tensioenet gjeopolitike në rritje dhe inflacionin ende të lartë, rimëkëmbja e fuqishme është pak e mundshme”, ka theksuar Georgieva, e cila i ka përgëzuar bankat qendrore për politikat e tyre strikte monetare.

Sipas saj, bankat duhet të vazhdojnë të luftojnë kundër inflacionit të lartë./rel

The post Shefja e FMN-së: Rritja ekonomike do të jetë e ngadalshme jashtë Indisë dhe Kinës appeared first on Albeu.com.

Bazuar në këtë raport, lufta në Ukrainë ka frenuar rritjen ekonomike, në vitin 2022 rritja ekonomike parashikohet të kapë shifrën 3.2%.

Nga ana tjetër ekonomistja e Bankës Botërore në Shqipëri, Hilda Shijaku ka theksuar se inflacioni ka goditur bizneset por edhe qytetarët.

Ajo ka theksuar se Shqipëria do të ketë rritjen më të vogël ekonomike në rajon. Kjo sipas Shijaku do të vijë si rrjedhojë e nivelit të lartë të rritjes së çmimeve.

Inflacioni do të vijojë të rritet dhe kjo do të ndikojë më së tepërmi tek të varfrit. Kjo është raportuar sot nga Emanuel Salinas, menaxheri i Bankës Botërore në Shqipëri në konferencën për zhvillimet ekonomike.

Ai ka theksuar se pasiguria ekonomike do të vijojë të jetë prezentë dhe në muajt në vijim. Sipas Slianas qeveria duhet të bëjë kujdes me shpenzime si dhe duhet të ketë një vëmendje të shëruar ndaj personave më të cenueshëm e që janë në rrezik varfërie.

The post Ekonomia e rajoneve, Banka Botërore: Shqipëria do të ketë rritjen më të vogël appeared first on Albeu.com.

Mbështetur në analizën e raportit, Banka e Shqipërisë vlerëson se në gjashtëmujorin e parë të vitit 2022, veprimtaria e sektorit bankar u zhvillua në mënyrë të qëndrueshme.

Depozitat dhe kreditë u rritën me ritme më të ulëta se në periudhat e mëparshme, cilësia e kredisë vijoi përmirësimin dhe treguesit e tjerë të qëndrueshmërisë financiare mbetën në nivele të përshtatshme. Në tërësi, ekspozimi i sektorit bankar ndaj rreziqeve u paraqit i kontrolluar.

Sipas Bankës së Shqipërisë, zhvillimet ekonomike përgjatë periudhës ishin pozitive, ndonëse rritja ekonomike dhe çmimet e larta të energjisë dhe të ushqimeve në tregun ndërkombëtar, ruajtën presione të theksuara inflacioniste.

Në këto kushte ka nisur normalizimi i politikës monetare për uljen e normës së inflacionit në afatin e mesëm dhe po merren masa të natyrës fiskale dhe administrative për sigurimin e energjisë së nevojshme për ekonominë.

Në deklaratën e saj, banka qendrore nënvizon se, për shkak të çmimeve të jashtëzakonshme të energjisë në tregun ndërkombëtar dhe pozicionit të vendit tonë si një ‘importues neto’ i energjisë, sfida për rritjen e ekonomisë në muajt e ardhshëm është e konsiderueshme.

“Nëse ekonomia ngadalësohet, kjo mund të ndikojë në rënien e aftësisë paguese të bizneseve e të familjeve, dhe të përcillet në sektorin bankar nëpërmjet rënies së cilësisë së aktiveve, rënies së niveleve të fitimit të veprimtarisë apo krijimit të humbjeve financiare. Për të administruar këtë skenar, nevojitet që bankat të evidentojnë ekspozimet e tyre më të ndjeshme dhe të ndërmarrin në kohën e duhur veprimet e nevojshme për mbulimin e rreziqeve, duke përfshirë krijimin e rezervave financiare dhe fuqizimin e pozicioneve të kapitalit. Banka e Shqipërisë do të vijojë të monitorojë me kujdes zhvillimet në sektorin bankar dhe në treguesit makroekonomikë e financiarë. Ky proces siguron që vendimet e politikave të institucionit t’i përgjigjen zhvillimeve aktuale dhe pritjeve që ndërtohen mbi to, duke synuar gjithmonë ruajtjen e stabilitetit makroekonomik dhe financiar,” thuhet në njoftimin e Bankës së Shqipërisë.

Raporti i Stabilitetit Financiar është një nga dokumentet e rëndësishme periodike të përgatitura nga Banka e Shqipërisë, me qëllim kryesor identifikimin dhe vlerësimin e rreziqeve me të cilat operon sistemi financiar dhe infrastruktura e tij./monitor

The post Banka e Shqipërisë: Çmimet e energjisë, sfidë e konsiderueshme për rritjen ekonomike appeared first on Albeu.com.

Gjatë fjalës së tij, Ahmetaj tha se ekonomia u rimëkëmb me hapa të shpejtë në vitin 2021 dhe se kjo rritje vijon. Sipas tij falë paketave mbështetëse të qeverisë u mbush gropa e shkaktuar gjatë krizave.

“Ekonomia u rimëkëmb me hapa të shpejtë në vitin 2021. Rritja në vitin 2021 është më e madhja në rajon dhe dua ta them për ju dhe qytetarët, përkujdesja m reforma dhe paketa, bëri të mundur që të ishte vit galopant në rritje duke mbushur të gjithë gropën e vitit 2020. Është e vërtetuar nga një skanim i BSH për ekonominë.

Papunësia ka rënë në 11.3%. asnjë nga mallrat e konsumit përveç karburantit nuk ka rënie. Të gjitha mallrat kryesore të konsumit kanë rritje. Të gjitha këto janë për të vendosur një raport të vërtete me atë që po ndodh. Ne kemi arritur me politikat tona të mbushim atë gropë që u krijua nga të tre krizat. Në raport referohet me detaje cfarë ka ndodhur me rimëkëmbjen. Është besim te ekonomia”, tha Ahmetaj.

The post Raporti i Bankës së Shqipërisë, Ahmetaj: Rritja ekonomike vijon të jetë galopante appeared first on Albeu.com.

“Ne jemi vendi i vetëm që nuk përcaktojmë minimumin jetik. Familjet në nevojë nuk mund të jetojnë me 80 mijë lekë të vjetra. Diskutimi i buxhetit me shifra, apo arritjen me pandemisë dhe tërmetit janë shifra që nuk thonë asgjë. Ju vini në foltore dhe se herë gjendeni keq thërrisni në ndihmë foltoren tonë atje. Sa herë që kryeministrit i thuhet që duhet llogaridhënie. Se çfarë bëhet me pandeminë, tërmetin, apo me koncesionet, ne të gjithë marrin përgjigjet…Çfarë thu morr burrë. ëë ça thu… shkoni shihni andej nga oborri juaj! Unë shoh ministra kukulla që përdoren për balancë gjinore. Ju thoni se SPAK nuk ka asnjë të dënuar apo të proceduar. Në atë foltoren tonë dhe oborrin tonë do ta zgjidhin se na takon ne ta zgjidhim, edhe kur hu shkelni syrin dhe fërkoni barkun se ju vjen mirë. Ne do ta zgjidhim sepse çështja më e madhe se PD , është historia 30-vjeçare ku maja e piramidës nuk preket dhe kokat e turkut hidhen gjatë gjithë kohë për të dhënë mesazh të thellë. Pse nuk ka e djathta të dënuar? Ndaj duhet që kjo foltorja këtu të mos fshihet pas asaj foltore  atje.. Ju flisni për rritje ekonomike, por nuk thoni që do të rriten çmimet. Ju nuk dini të thoni të vërtetat. Ju flisni për tërmetin, por publikisht m të gjitha mjetet kam shkuar te familjet që i keni tallur në zgjedhje. Nuk e di se si qëndroni këtu dhe thoni shqiptarët na kanë votuar sërish. Cilët ju kanë votuar ? Kjo shoqëri e jonë që është masakruar nga varfëria dhe kur vjen fushata zgjedhore kapin më të parin dhe kapin nga më i pari dhe nuk arrijnë dot të mendojnë për nesër. Sot për një fëmijë shqiptar buxheti i shtetit harxhin 0.7 euro. Kjo klasë politike nuk thotë një herë të vërtetën. Ju keni bërë investime infrastrukturore dhe kthimi në ekonomi është zero sepse rritjen 7.8 e keni sepse keni rritur borxhin publik. Vetëm kostot që keni sot janë 13% më të larta”, ka thënë Duma./albeu.com

The post Duma-qeverisë: Flisni për rritje ekonomike, por nuk tregoni të vërtetën për borxhin appeared first on Albeu.com.

Gjithashtu, Manastirliu njoftoi se në projekt-buxhetin e vitit 2022, parashikohet të rritet paga e personelit mjekësor në masën 6%.

“Do të ketë një rritje të masës së ndihmës ekonomike me 2 herë, do të mbështesim fëmijët pa prindër duke ia dyfishuar masën e mbrojtës të atit programi që mbështeten direkt me këtë masë të re. Edhe për gratë e trafikuara do të ketë një rritje me tre herë të masës ekonomike që jepet nga ky program.

Kategoritë në nevojë, 45 mln dollarë do të vendosen në dispozicion për shtresat në nevojë në këtë krizë energjike. Ashtu si kemi mbështetur personelin mjekësor për rritjen e pagave, gjithashtu do të vijojmë e këtë politike duke vijuar në vitin 2022, me rritjen pre 6%, kjo rritje futet në fuqi në vitin 2022.

Do të vijojmë të garantojmë furnizimin me vaksina, duke vendosur në buxhetin e MSH të gjithë buxhetin e nevojshëm për të garantuar vaksinat e nevojshme”, tha Manastirliu./albeu.com

The post Vendimet e qeverisë: Rritet ndihma ekonomike për shtresat në nevojë, kush përfiton appeared first on Albeu.com.

Të dhënat e INSTAT për tremujorin e dytë të vitit referojnë për rritje me ritme dyshifrore në shumicën e sektorëve në krahasim me tremujorin e dytë të 2020 (Industria 39,9%, Ndërtimi 41,6%, tregtia 31,8%, informacioni dhe Komunikimi 13,3%, Aktivitetet Financiare 27,3%, Aktivitetet e pasurive të paluajtshme 10%, Aktivitete shkencore dhe profesionale 18.4%, Administrata publike, arsimi, shëndetësia 13.6%, Artet dhe argëtimi, 34 %). Vetëm bujqësia ishte më rënie 0.6 %.

Rënia e sektorit bujqësor pasqyrohet edhe në ecurinë e punësimit. INSTAT referon se për të njëjtën periudhë në bujqësi ishin 47 mijë punonjës më pak se në 3-mujorin e dytë të vitit 2020.

Gjatë tremujorit të dytë 2020 gjatë karantinës totale, ndryshe nga shumë sektorë të tjerë puna në bujqësi nuk u pezullua dhe sektori u zgjerua me 1.9 për qind, ndërsa i gjithë viti u mbyll me rënie 0.2%.

Ministrja e Financave Delina Ibrahimaj tha se, volumi i prodhimit bujqësor ka shënuar rritje, por vlera e shtuar dmth rritja në vlerë e bujqësisë si sektor është cenuar nga çmimet e lëndëve të para.

Sektori i bujqësisë shënoi rënie në mënyrë paradoksale, pavarësisht masave që mori qeveria për subvencionimin e naftës pa akcize ndaj fermerëve dhe me rritjen e mbështetjes me grante nga fondet IPARD që ishin më të larta sidomos para zgjedhjeve.

Sektori më i madh i ekonomisë shqiptare me 18 % të PBB -se dhe 40 % të punësimit total vuan nga mungesa e produktivitetit. Paga mesatare e sektorit është më e ulëta në vend në krahasim me sektorët e tjerë dhe me ulëta në raport me punonjësit e bujqësisë në Ballkanin Perëndimor.

Sipas përllogaritjeve të Monitor duke u bazuar në të dhënat e INSTAT dhe statistikave zyrtare të vendeve përkatëse, Shqipëria ka pagën më të ulët në bujqësi me 291 euro. Më pas renditet Maqedonia e Veriut me 457 euro, Serbia me 550 euro. Paga më e lartë është në Malin e Zi, ku sipas statistikave zyrtare, një i punësuar në bujqësi atje paguhet 766 euro.

Një i punësuar në bujqësi paguhet 30% më pak se paga mesatare e vendit. Por edhe pse me nivelin me një nivel të ulët pagese, Shqipëria ka përqindjen më të lartë të forcës punëtore në këtë sektor krahasuar me rajonin. Sipas të dhënave të Bankës Botërore, rreth 40.2% e forcës punëtore i përkiste sektorit të bujqësisë, me një diferencë të thellë me vendet e rajonit. Në Bosnje dhe Hercegovinë, forca punëtorë në sektorin e bujqësisë ishte rreth 19.2%, ndërsa në Serbi 19%. Në Maqedoni të punësuarit në bujqësi përbënin rreth 16.4% të forcës punëtore, kurse Mali i Zi ka shënuar përqindjen më të ulët me vetëm 7.6% të të punësuarve në sektorin bujqësor.

Për fat të keq, ndonëse, ka një përqindje të konsiderueshme të burimeve njerëzore në këtë sektor, ata janë jo produktiv. Krahasuar me Malin e Zi që kishte përqindjen më të ulët të të punësuarve në këtë sektor në rajonin e Ballkanit Perëndimor, në Shqipëri vlera e shtuar në ekonomi është 5 herë më e vogël, sipas të dhënave të Bankës Botërore.

Bujqësia shqiptare ende vuan prej fragmentarizmit të tokës bujqësore, ku fermeri e ka të vështirë që të krijojë ekonomi shkalle. Në të njëjtën kohë sektori i bujqësisë ka vuajtur edhe mungesën e politikave të qëndrueshme për të nxitur zhvillimin e sektorit. Fermerët vijojnë të mbjellin në mënyrë të paorganizuar dhe janë të pa orientuar me tregun rajonal apo më gjerë./B.Hoxha-Monitor

The post Bujqësia nuk ndjek trendin e ekonomisë, punësimi dhe prodhimi me rënie këtë vit appeared first on Albeu.com.