Linjat e pakicës janë njoftuar se, rritja e çmimeve do të jetë 10-20% për lloje të ndryshme të paketimeve.

Rritja më e madhe do të jetë për lëngjet e frutave në kanaçe, që do të kushtojë 80 lekë nga 60 lekë që shiten aktualisht. Rritje është lajmëruar edhe në pijet e tjera freskuese.

Vendi është në kulmin e sezonit turistik dhe kërkesa për pije freskuese shënon rritje jo të zakontë edhe për shkak të temperaturave të larta. Grosistët po e shfrytëzojnë këtë periudhë për të transferuar kostot e rritura të lëndëve të para gjatë këtij viti.

Vala e rritjes së çmimeve të ushqimeve dhe pijeve nuk po ndalet. Këto ditë kompanitë e prodhimit të bulmetit rritën njëkohësisht çmimet e produkteve kryesore të qumështit dhe kosit, teksa në tregu po përballet me krizë të furnizimit me djathë.

Prodhuesit e pijeve freskuese kanë pohuar këto ditë, se kostot e prodhimit janë rritur me nga 15-20%. Por ndërkohë tregu i këtyre produkteve po përballet me krizë të shumëfishtë që po vjen nga kostot e lëndëve të para dhe rënia e konsumit dhe ndryshimi i stilit të jetesës.

Popullsia e Shqipërisë po tkurret nga viti në vit nga emigracioni i lartë i moshave të reja që janë konsumatorët kryesorë të pijeve freskuese. Ikja e njerëzve krijon deficit të menjëhershëm në konsum, i cili po reflektohet jo vetëm tek pijet freskuese, por tek të gjitha produktet e tjera.

Gjithashtu prirja për t’u ushqyer shëndetshëm po ndikon negativisht tek konsumi i pijeve freskuese të cilat kanë në përbërje të tyre sheqer të shtuar. Kjo tendencë është rritur meë tej pas pandemisë Covid-19.

Grupi AGNA është detyruar të shtrenjtojë çmimet e pijeve freskuese këtë vit nga 6 deri në 10% më herët ketë vit. Përfaqësuesit e kompanisë shprehen se shtrenjtimi i çmimeve ka tkurrur konsumin, ndërsa pritshmëritë e stinës së verës nuk janë të kënaqshme.

Çmimet janë rritur edhe nga kompania Coca-Cola Bottling Shqipëri, CCBS. “Duke iu referuar vetëm të dhënave numerike, rritja e kostove të prodhimit me 18%, krahasuar me rritjen që pësuan produktet tona me vetëm 6,5%, kuptojmë një hendek prej 11,5% që u mbulua tërësisht nga kompania.

Një boshllëk i mbushur me humbjen e rentabilitetit nga ana e CCBS, e cila vendosi, sipas politikës së kompanisë, të mos spekulojë mbi spekulime, në përpjekje për të kompensuar rritjen e kostove, duke ruajtur përdoruesin përfundimtar”, shpjegoi pak ditë më parë për Monitor, presidenti i kompanisë CCBS, Luca Busi./monitor

The post Në kulmin e sezonit turistik, grosistët e pijeve freskuese lajmërojnë rritjen e çmimeve appeared first on Albeu.com.

Referuar të dhënave nga raportet vjetore të ERE-s duket se janë mbi 50 mijë abonentë familjarë që e kalojnë këtë fashë, të cilët pritet ta paguajnë më shtrenjtë energjinë elektrike. Në total, OSHEE ka rreth 1.2 milion abonentë familjarë, nga të cilët rreth 50 mijë vlerësohet sipas raporteve publike se harxhojnë më shumë se 700 kW/h në muaj.

Përllogaritet që kjo kategori të përbëjë 6% të numrit total të abonentëve, raporton abcnews.al.

Aktualisht, pas heqjes së fashës mbrojtëse prej 300 kW/h disa vite më parë, çdo abonent familjar e paguan një kW/h energji elektrike me 9.5 lekë pa TVSH, ndërsa nuk dihet ende se sa do të jetë çmimi mbi fashën 700 kW/h.

Referuar asaj që thotë kryeministri, i cili tha se “qeveria nuk mundet që të mbrojë nga çmimet e tregut këta abonentë krahasuar me mbrojtjen që u ofrohet familjeve të mësuesve, infermierëve, etj”, gjasat janë që më shumë se 50 000 abonentë ta paguajnë energjinë e harxhuar mbi 700 kW/h me çmimin e tregut rajonal, i cili aktualisht është tepër i lartë duke gjeneruar kështu fatura dy apo trefish më të larta se këto aktualet për ta.

The post SHIFRA/ Mbi 50 000 familje do ta paguajnë më shtrenjtë energjinë elektrike appeared first on Albeu.com.

Tarifat e shpërndarjes që aplikohen nga Operatori i Sistemit të Shpërndarjes (pjesë e OSHEE Group) mund të pësojnë rritje më të madhe sesa pritej në skenarin e parë. Kompania publike ka argumentuar pranë Entit Rregullator të Energjisë (ERE) se po përballet me kosto të shumta për shkak të situatës dhe se aplikimi i saj i parë ka nevojë për rishikim duke rritur më tej tarifat sipas tensionit ku janë të lidhur subjektet.

Kështu tarifa e shpërndarjes për bizneset e lidhur në tension 35 kilovolt që aktualisht është 1.5 lekë është kërkuar të rritet me rreth 75 për qind duke e çuar atë në 2.62 lekë për çdo kilovat/orë energji të shpërndarë. Më herët aplikimi i parë parashikonte një tarifë 2.61 lekë/kWh.

Sa i takon biznesit të lidhur në 20,10,6 kilovolt tarifa aktuale e shpërndarjes e aplikuar nga OSSH është 3.9 lekë për KWh ndërkohë që në aplikimin e përsëritur të dorëzuar në 4 shkurt 2022 kërkohet një rritje me 6 për qind në raport me tarifën në fuqi. Tarifa e re e shpërndarjes për këtë nivel tensioni kërkohet 4.14 lekë/kWh ndërkohë që më herët në aplikimin e parë ishte kërkuar një rritje me 0.09 lekë nga ajo në fuqi. Ky nivel tensioni i përket 7440 bizneseve që janë të lidhur në rrjetin e OSHEE dhe që kanë detyrimin e daljes në treg të lirë.

Aktualisht këto biznese janë pjesërisht të liberalizuar dhe po furnizohen nga kompania publike me çmim preferiencial dukshëm më i ulët se çmimi i tregut por gati dyfish në raport me atë që kishin më herët. Për janarin ky biznes kishte një tarifë 18.8 lekë/kWh.

Po kështu tarifa e shpërndarjes për ata që janë të lidhur në tension 0.4 është kërkuar që të shkojë në 7.37 lekë nga 6.42 që ishte kërkuar më herët.

Tarifa mesatare e shpërndarjes që aktualisht është 4.79 lekë për çdo kilovat të transmetuar është kërkuar që të shkojë në 6.69 lekë/kWh gati 40 për qind më shumë sesa tarifa aktuale ndërkohë që më herët në aplikimin e parë u kërkua një rritje me 34 për qind.

Operatori i Shpërndarjes së Energjisë Elektrike ka argumentuar në shkresën drejtuar Entit Rregullator të Energjisë se janë kushtet në tregje ato që po diktojnë ndryshim të kërkesave në aplikime.

“Si rrjedhojë e rritjes së vazhdueshme të çmimit të energjisë në tregun e lirë llogaritjet në dokumentin “Aplikimi për tarifa të shpërndarjes së energjisë elektrike 2022” sipas shkresës sonë nr.8016/3 prot. 18.10.2021 do të duhet sërish të ndryshojë” thuhet në shkresën e OSHEE e cila më poshtë paraqet edhe propozimet për tarifat e reja./Monitor

The post Aplikimet e reja, kërkohet që bizneseve në treg të lirë t’iu rritet sërish energjia appeared first on Albeu.com.

Në pikat e tregtimit të “Kastrati”, më i madhi në vend për shumicën dhe pakicën, nafta tregtohet me 192 lekë, ose 8 lekë më shumë se më parë. Benzina është shtrenjtuar në 194 lekë, po me rritje prej 8 lekësh.

Që nga viti 2021, çmimi i naftës është rritur disa herë, duke arritur në rreth 192 lekë aktualisht. Në krahasim me nivelin e ulët prej rreth 148 lekësh, që arritën gjatë periudhës së pandemisë, nafta në vend është shtrenjtuar me 44 lekë për litër, ose rreth 30%.

Aktorët e tregut pohojnë se arsyeja kryesore e rritjes së çmimeve lidhet me shtrenjtimin e karburanteve në bursa, ku nafta tregtohet me 90 dollarë për fuçi, nga rreth 20 dollarë që zbriti në mars 2020, kur bota filloi të vuante pasojat e pandemisë, ndërsa është afër niveleve më të larta që nga nëntori i vitit 2014. Nafta e papërpunuar është rritur ndërsa ekonomitë rikuperohen nga pandemia e COVID-19 dhe kërkesa gjallërohet.

Një tjetër arsye lidhet me paketën e fundit fiskale e cila parashikon indeksimin e akcizës me inflacionin, që ka filluar të zbatohet nga tregtuesit. Në fundit inflacioni arriti në nivelin më të lartë të dekadës prëj 3.7%, ndërsa mesatarja vjetore e 2021 sipas Instat është 2%.

Aktualisht nafta në vend ka kapur niveleve rekord historike prej 190-200, duke tejkaluar nivelin më të lartë prej 190 lekësh që u arrit në periudhën 2008-2009, kur ari i zi në bursa i kaloi 140 dollarë për fuçi. Ndërsa aktualisht në bursa, nafta tregtohet me 90 dollarë për fuçi, por rritja e taksave mbi këtë produkt që nga ajo kohë ka bërë që karburanti në tregun vendas të tregtohet më shtrenjtë. Aktualisht taksat mbi naftën arrijnë në 110-120 lekë për litër, pas shtrenjtimit të fundit (nga akciza, rilicencimi, skanimi, markimi), ose 38 lekë më shumë se 10 vite më parë.

Ndërsa nga 1 janari këtyre taksave iu shtua dhe indeksimi i inflacionit, që sipas aktorëve të rishikohet çdo tre muaj.

Vetëm nga indeksimi i inflacionit nafta është shtrenjtuar me rreth 3-4 lekë për litër./Monitor

The post Taksat e reja dhe bursat çojnë naftën në nivele rekord afër 200 lekë për litër appeared first on Albeu.com.

Rritje është vërejtur në grupin Ushqim për 0,4 për qind, Pije alkoolike për 0,6, Pije joalkoolike për 0,6 dhe Bujtje për 0,6 për qind.

Indeksi i çmimeve të shërbimeve hotelierike në dhjetor 2021, në krahasim me muajin e njëjtë të vitit paraprak është rritur për 1,7 për qind. Indeksi kumulativ i çmimeve të shërbimeve hotelierike për periudhën janar-dhjetor 2021, në krahasim me periudhën e njëjtë të vitit të kaluar është rritur për 0,6 për qind, përderisa në raport me dhjetorin 2020 është rritur për 0,5 për qind./alsat

The post Shtrenjtohen edhe shërbimet hotelierike në Maqedoninë e Veriut appeared first on Albeu.com.

Këtë e konfirmojnë për Radion Evropa e Lirë zyrtarë të Kompanisë kosovare për Distribuim të Energjisë Elektrike (KEDS), duke thënë se kriza energjetike në Evropë prek direkt edhe Kosovën.

“Rritja do të jetë e domosdoshme, mbi 30 për qind, në bazë të gjendjes së tanishme. Mirëpo, çfarë do të ndodhë gjatë muajve të dimrit, cili do të jetë konsumi? Cili do të jetë çmimi i importit? Cili do të jetë pastaj edhe prodhimi vendor? Kjo e determinon edhe rritjen”, thotë për Radion Evropa e Lirë zëdhënësi i KEDS-it, Viktor Buzhala.

Evropa, tash e sa javë, është përfshirë nga kriza energjetike, për shkak të rritjes së çmimit të gazit dhe faktorëve të tjerë. Për rrjedhojë, konsumatorët janë duke marrë fatura shumë më të larta të rrymës.

Qytetarët e Kosovës aktualisht paguajnë çmimin me të ulët në rajon për energjinë e shpenzuar elektrike. Për një kilovat në orë, ata paguajnë rreth 6 centë.

Sipas Agjencisë Evropiane të Statistikave, në Serbi një kilovat orë kushton rreth 8 centë, në Maqedoni të Veriut po ashtu rreth 8 centë, në Bosnje e Hercegovinë rreth 9 centë, në Shqipëri rreth 9.5 centë dhe në Mal të Zi më së shtrenjti: rreth 10 centë.

Sipas zyrtarëve të KEDS-it, çmimi në Kosovë nuk pritet të ndryshojë së paku deri më 1 prill, 2022, kur Zyra e Rregullatorit të Energjisë (ZRRE) të bëjë rishikimin e rregullt të tarifave.

Disa qytetarë thonë se nuk përballojnë dot rritje të çmimeve

Qamil Nika, një pensionist që jeton në Prishtinë, thotë se rritja e çmimit të rrymës, do ta vështirësonte edhe më shumë jetën, në kohën kur çmimet e produkteve të tjera të konsumit tashmë janë rritur.

“Sidomos rryma nuk bën të shtrenjtohet assesi. Këtë muaj kam paguar 71 euro. Nëse rritet çmimi i energjisë elektrike, duhet ta bëj gati një pension për ta paguar. Pension i marr 182 euro”, thotë Nika.

Nëse rryma shtrenjtohet për 30 për qind, fatura e tij prej 71 eurosh mund të arrijë në mbi 90 euro.

Nika thotë se në familjen e tij 8-anëtarëshe, disa punojnë, porse kanë paga të ulëta për të mbuluar koston e jetesës.

“Nuk po guxojmë të futemi as në shitore. Nuk ke pse futesh, vetëm nëse futesh dhe i shikon produktet rreth e rreth. Po gënjejnë kinse po i lirojnë produktet, por, në të vërtetë, ata po i shtrenjtojnë”, thotë Nika.

Idriz Fazliu thotë se fatura e tij e rrymës për muajin tetor ka qenë 20 euro. Ai jeton i vetëm në shtëpi dhe ngrohjen e bën me djegie të drurëve.

“Krejt çmimet janë dyfishuar, me sheqer, me çaj e me artikuj të tjerë, nuk ka asgjë lirë. Çdo ditë janë duke u shtrenjtuar. Si ta paguajmë edhe rrymën me rritje?”, pyetet Fazliu.

Në Kosovë, muajve të fundit, janë shtrenjtuar dukshëm çmimet e produkteve bazë.

Sipas të dhënave të Agjencisë së Statistikave të Kosovës, rritja e çmimeve ka filluar nga muaji prill me 1.2 për qind, duke arritur në 4.9 për qind në muajin shtator.

Lëvizje më të mëdha të çmimeve kanë pasur: buka, vaji, sheqeri, mielli dhe pemët e perimet.

Katërfishimi i çmimit të energjisë së importuar

Përkundër shqetësimit të qytetarëve, në KEDS thonë se rritja e çmimit të rrymës do të jetë e domosdoshme, në rast se çmimet e importit të energjisë elektrike vazhdojnë të jenë të larta.

Zëdhënësi i KEDS-it, Buzhala, thotë se rritja e konsumit në Kosovë është vërejtur qysh në muajin tetor – gjë që, sipas tij, e ka shtyrë këtë kompani të importojë energji elektrike me çmim 4 deri në 5 herë më të shtrenjtë se vitin e kaluar.

“Në bazë të kalkulimeve që i kemi bërë – të çmimeve aktuale të importit – kostoja shtesë do të jetë diku rreth 60 milionë euro, mirëpo kjo mund të rritet apo të zvogëlohet, varësisht edhe nga konsumi dhe prodhimi vendor”, thotë Buzhala.

Sipas KEDS-it, çmimi mesatar për megavat/orë për energjinë e importuar në muajin tetor të vitit 2020 ka qenë 49 euro, për dallim prej tetorit të këtij viti, kur ky çmim ka arritur në 242 euro.

Për të menaxhuar situatën e krijuar nga kriza energjetike, Qeveria e Kosovës ka krijuar një grup punues, që, sipas ministres së Ekonomisë, Artane Rizvanolli, do të ketë rol informativ dhe këshillëdhënës. Pjesë e grupit punues do të jenë të gjithë akterët e zinxhirit elektro-energjetik.

Kadriaj: Duhet plan i shpejtë për bizneset dhe ekonomitë familjare

Profesori i ekonomisë, Mustafë Kadriaj, thotë se rritja eventuale e çmimit të rrymës për më shumë se 30 për qind do të shkaktojë telashe për bizneset, si dhe do të rëndojë gjendjen ekonomike të familjeve që nuk kanë opsion tjetër të ngrohjes, përpos me energji elektrike.

“Dihet që së pari janë bizneset që do t’iu rëndohet pak të bërit biznes, e po ashtu edhe ekonomitë familjare. Më e rënda është se tani po futemi në sezonin e dimrit, ku një pjesë e madhe e qytetarëve – sidomos në zonat urbane – e kanë të imponuar që të ngrohen përmes energjisë elektrike. Sigurisht se kjo do ta rëndojë xhepin e qytetarit, sepse dihet edhe niveli i ulët i pagave në Kosovë, si dhe shkalla e lartë e papunësisë”, thotë Kadriaj.

Sipas tij, çdo rritje çmimesh paraqet problem për qytetarët, meqë, prej vitesh, nuk ka pasur ngritje pagash as në sektorin publik, as në atë privat.

Paga mesatare bruto në Kosovë llogaritet të jetë rreth 460 euro.

Paga mesatare bruto në sektorin publik është rreth 620 euro, ndërsa në sektorin privat rreth 380 euro.

Pagat mesatare në shtetet e tjera të Ballkanit Perëndimor nuk dallojnë shumë nga ajo e Kosovës.

Në periudhën janar-shtator, 2020, sipas të dhënave të Byrosë Republikane të Statistikave në Serbi, paga mesatare neto në sektorin privat ishte 431 euro, ndërsa në sektorin publik 521 euro.

Instituti të Statistikave i Shqipërisë (Instat) ka publikuar të dhënat për pjesën e parë të vitit 2021, duke përfshirë vetëm pagën bruto që është 460 euro.

Paga mesatare neto në Bosnje dhe Hercegovinë llogaritet të jetë 483 euro. Në këtë shtet nuk janë bërë publike pagat mesatare neto në sektorin privat dhe publik.

Të dhënat e fundit për Malin e Zi bëjnë të ditur se paga mesatare neto është 520 euro, ndërsa ajo bruto arrin shumën mesatare prej 784 eurosh.

Në Maqedoni të Veriut, sipas të dhënave të fundit publike, paga mesatare neto është 473 euro.

Sektori privat kërkon subvencionim

Drejtuesi i Sindikatës së Pavarur të Sektorit Privat të Kosovës, Jusuf Azemi, thotë se rritja e çmimit të energjisë elektrike do të rëndonte më shumë xhepin e punëtorëve të sektorit privat.

“Ne, edhe pa shtrenjtim të rrymës, faktikisht mezi po ia dalim”, thotë Azemi për Radion Evropa e Lirë.

Sipas tij, punëtorët e këtij sektori kanë pasiguri në punë dhe paga të ulëta.

“Institucionet është dashur që të bëjnë përgatitje që, nëse vjen deri te shtrenjtimi i energjisë elektrike mbi 30 për qind… atëherë sidomos familjet, të cilat janë vetëm me pagën minimale, do të duhej (të përfitonin subvencionim nga shteti) një shumë prej 100 eurosh brenda muajit, derisa të bëhet stabilizimi i gjendjes energjetike në Kosovë”, shprehet Azemi.

Azemi thotë se qeveritë në rajon kanë krijuar strategji për t’u përballur me krizën energjetike dhe të njëjtën gjë, sipas tij, do të duhej ta bënte edhe Kosova, duke mbështetur sidomos familjet që jetojnë me asistencë sociale.

Sipas të dhënave të institucioneve të Kosovës, shkalla e papunësisë në vend është 25 për qind.

Rreth 26 mijë familje në Kosovë janë të varura nga asistenca sociale që arrin shumën prej 60 deri në 180 euro./REL

The post Çmimi i energjisë në Kosovë mund të rritet me 30% appeared first on Albeu.com.