Tabaku shton se mbyllen gjithnjë e më shumë dyer biznesesh, kryesisht për shkak të taksave të larta, mungesës së mbështetjes dhe politikave të qeverisë socialiste që nuk favorizojnë sipërmarrjen e ndershme.

Tetë nga 12 qarqe po përjetojnë rënie të fortë të bizneseve të vogla. Ndërsa qeveria flet për “rritje ekonomike”, kjo duket vetëm si një fasadë, pasi realiteti tregon një krizë ekonomike serioze që prek familjet dhe komunitetet lokale, thekson demokratja.

Sipërmarrja e vogël, shtylla kurrizore e ekonomisë, po sulmohet dhe pengohet, ndërsa shtresa e mesme lufton kundër monopoleve dhe një sistemi që favorizon vetëm pakicën, përfundon ajo.

Postimi i Tabakut:

Turizmi rritet. Gjithnjë e më shumë të huaj vijnë për të parë mrekullitë e Shqipërisë.

Por gjithnjë e më pak shqiptarë hapin biznese të vogla.

Gjithnjë e më shumë dyer mbyllen.

Pse?

E dinë të gjithë: taksat e larta, mungesa e mbështetjes, dhe një qeveri socialiste që nuk e do sipërmarrjen e ndershme.

8 nga 12 qarqe të vendit kanë rënie të ndjeshme të bizneseve të vogla.

Ato që qeveria i quan “rritje ekonomike” janë vetëm fasada. Janë reklama. Janë mashtrime.

E vërteta është kjo: Shqipëria është në krizë.

Sa herë mbyllet një biznes i vogël, një familje futet në vështirësi.

Sa herë mbyllet një punishte, humb një lagje, zbehet një komunitet.

Shtylla kurrizore e ekonomisë shqiptare është sipërmarrja e vogël.

Dhe për qeverinë socialiste, kjo shtyllë është armiku numër një.

Sepse shtresa e mesme nuk është klienteliste. Nuk shitet. Nuk hesht.

Ajo lufton.

Kundër monopoleve. Kundër shtetit të kapur. Kundër një ekonomie që punon vetëm për pakicën.

The post Jorida Tabaku: Turizmi rritet, por gjithnjë e më shumë dyer biznesesh po mbyllen, shtresa e mesme po sulmohet appeared first on Albeu.com.

Instituti i Statistikave, publikoi lëvizjen e shtetasve ku rezulton se gjatë muajit maj 2024, rezultojnë të kenë hyrë, në territorin shqiptar, 1.606.520 shtetas shqiptarë dhe të huaj.

Ky tregues ka shënuar rritje me 30,6%, krahasuar me maj 2023. 1.615.862 shtetas shqiptarë dhe të huaj rezultojnë të kenë dalë nga territori i republikës së Shqipërisë, duke shënuar një rritje me 30,8%, krahasuar me të njëjtën periudhë të një viti më parë.

“Në maj 2024, numri i shtetasve shqiptarë që kanë hyrë në territorin shqiptar është 632.832, duke shënuar një rritje me 20,5%, krahasuar me maj 2023. Numri i shtetasve të huaj që kanë hyrë në territorin shqiptar është 973.688.

Ky numër është rritur me 38,1%, krahasuar me të njëjtën periudhë të vitit 2023”, thuhet në publikimin e INSTAT.

Sipas statistikave në Maj 2024, krahasuar me Maj 2023, hyrjet e shtetasve të huaj shënojnë: rritje, për qëllime personale me 37,9%; rritje, për qëllime pushime, vizitë tek të afërm, etj. me 45,0%; rritje, për biznes dhe qëllime profesionale me 48,3%.

I njëjti vlerëson se në muajin Maj 2024, 662.095 shtetas shqiptarë numërohen të kenë dalë nga territori i Shqipërisë, duke shënuar rritje me 23,9%, krahasuar me Maj 2023.

“Daljet e shtetasve të huaj nga territori i Shqipërisë gjatë muajit Maj 2024, janë 953.767. Krahasuar me të njëjtën periudhë të një viti më parë, ky tregues është rritur me 36,0%.

Në Maj 2024 rajoni me numrin më të lartë të hyrjeve të shtetasve të huaj në Shqipëri është rajoni i Evropës me 927.906 shtetas, pasuar nga Amerika, Azia Lindore dhe Paqësori, përkatësisht me 24.191 dhe 8.219 shtetas”, vlerëson INSTAT.

Viti 2024 pritet një tjetër rekord historik.

Tur-operatorët vendas që punojnë me turizmin e organizuar, por edhe strukturat akomoduese të regjistruara në platforma si Booking apo Air BNB raportojnë se viti 2024 ka ardhur me rritje të kërkesës.

Sa u takon turistëve në grupe të organizuara, bien në sy grupet e polakëve dhe çekëve të cilët kanë shënuar numër më të lartë kontratash garancie, teksa italianët dhe spanjollët po vijnë në të gjitha format por sërish me rritje të numrave.

Ksamili dhe Saranda, duket se edhe këtë vit janë në krye të listës sa i takon rezervimeve individuale teksa Durrësi dhe më pak Vlora qëndrojnë në krye të rezervimeve te organizuara.

Ky vit parashikohet që të regjistrojë një tjetër vit historik, sa i takon vizitorëve të huaj që vitin e shkuar kaluan 10.5 milionë.

The post Rritja e turizmit vijoi edhe në maj, 3.3 milionë të huaj hynë në Shqipëri në 5 muaj appeared first on Albeu.com.

Rama ka ndarë në “Facebook” një grafik që tregon se Shqipëria ka pasur rritje positive me 18%, ndërsa ka lënë pas shumë destinacione të preferuara.

“Shqipëria radhitet e para nga Organizata Botërore e Turizmit (UNWTO) si destinacioni me performancën më të mirë në rritje të flukseve turistike krahasuar me vitin 2019”, shkruan Rama.

The post Rritja e turizmit krahasuar me vitin 2019, Rama publikon grafikun: Shqipëria e para appeared first on Albeu.com.