Rritja do të jetë e përmuajshme sipas kategorive të ndryshme të pensionistëve. Përfituesit në qytet do të marrin shtesë rreth 1.800 lekë në muaj, 800 lekë/muaj për pensionet urbane të pjesshme, 1000 lekë në muaj për pensionet rurale, 700 lekë në muaj për pensionet familjare dhe 600 lekë për pensionet e invaliditetit.

Kjo skemë e re e panjohur më parë, synon të përmbushë angazhimin e qeverisë për të çuar pensionin minimal, në vend 20 mijë lekë dhe pensionin mesatar në qytet 40 mijë lekë.

Por cfarë do të përfitojnë konkretisht një pensionist i cili sot merr 27 mijë lekë në muaj?

Në vitin 2029, ai do të marrë 40 mijë lekë në muaj. Edhe për pensionin e dalë nga kontributet në fshat, një individ që sot merr 11 mijë lekë, pas 4 vitesh ai do të ketë pension mujor 18 mijë lekë.

Sot përfitues në skemë e kontributeve shoqërore janë rreth 730 mijë individë, numri i të cilëve shtohet çdo vit me 15 mijë pensionistë.

Ndërkohë, Ministria e Ekonomisë dhe Inovacionit, ka lajmëruar se brenda vitit 2026 pritet reformimi i skemës së pensioneve me synim rritjen e qëndrueshmërisë dhe përfitimit.

The post Hyn në fuqi sot rritja e pensioneve çdo muaj, ja sa përfitohet sipas kategorive appeared first on Albeu.com.

Këto parashikime përfshihen në dokumentin zyrtar të Programit Buxhetor Afatmesëm (PBA) 2026–2028, i cili është miratuar nga Këshilli i Ministrave dhe publikuar në Fletoren Zyrtare.

Pensionet përbëjnë një nga zërat më të rëndësishëm të mbrojtjes sociale.

“VENDIM Nr. 371, datë 2.7.2025 PËR MIRATIMIN E PROJEKTDOKUMENTIT TË PROGRAMIT BUXHETOR AFATMESËM 2026–2028, në mbështetje të nenit 100 të Kushtetutës dhe të nenit 25, të ligjit nr. 9936, datë 26.6.2008, ‘Për menaxhimin e sistemit buxhetor në Republikën e Shqipërisë’, të ndryshuar, me propozimin e ministrit të Financave, Këshilli i Ministrave VENDOSI: Miratimin e projektdokumentit të programit buxhetor afatmesëm për periudhën 2026– 2028, sipas tekstit që i bashkëlidhet këtij vendimi dhe është pjesë përbërëse e tij. Ky vendim hyn në fuqi pas botimit në Fletoren Zyrtare”, – thuhet në Fletoren Zyrtare.

Sipas dokumentit, në vitin 2025 janë parashikuar 176.2 miliardë lekë për pagesat e pensioneve, ndërsa në vitin 2028 ky fond parashikohet të arrijë 205.4 miliardë lekë.

Shtesa neto prej mbi 29 miliardë lekësh pasqyron përpjekjen për të përmirësuar jetesën e pensionistëve.

“Rritja e fondit të pensioneve pasqyron jo vetëm indeksimet e zakonshme, por edhe përpjekjet për të përmirësuar të ardhurat e të moshuarve në një periudhë inflacioni dhe pasigurish ekonomike”, – thuhet në dokument.

Pjesa më e madhe e rritjes shkon për pensionet e pleqërisë dhe ato familjare, ndërkohë që do të vijojë edhe indeksimi i rregullt vjetor.

Shtresa në nevojë do të vijojë të mbështetet përmes skemës së ndihmës ekonomike, e cila për vitin 2025 ka një buxhet prej 8 miliardë lekësh dhe në vitin 2028 arrin 10.3 miliardë lekë. Kjo do të thotë një rritje prej më shumë se 28% gjatë tre viteve të ardhshme.

“Skema e ndihmës ekonomike mbështetet në parimin e synimit të targetuar, duke përfshirë vetëm kategoritë më të cenueshme ekonomikisht, për të përmirësuar cilësinë e jetës së tyre”, – thuhet në raportin shoqërues të PBA-së.

Do të vijojë aplikimi i sistemit të pikëzimit dhe vlerësimit të varfërisë për të përcaktuar përfituesit. Për mbrojtjen sociale, në mënyrë të veçantë për personat me aftësi të kufizuara (PAK), fëmijët jetimë dhe gratë viktima të dhunës, parashikohet një rritje graduale e buxhetit nga 20.4 miliardë lekë në vitin 2025 në 22.6 miliardë lekë në vitin 2028.

“Objektivi është të garantohet një rrjet i qëndrueshëm mbrojtjeje sociale për individët dhe familjet në rrezik, në përputhje me standardet evropiane të mirëqenies”, – theksohet në dokumentin qeveritar.

Gjithashtu, janë parashikuar programe integruese për përfshirjen e PAK në tregun e punës, si dhe shërbime sociale alternative për fëmijët në situatë rruge dhe të braktisur. Buxheti për shëndetësinë publike është një tjetër prioritet.

Nga 69.1 miliardë lekë në vitin 2025, fondi arrin në 75.8 miliardë lekë në vitin 2028, duke përfshirë edhe financime të dedikuara për: Barnat e rimbursueshme, që rriten nga 15.1 miliardë lekë në 2025 në 17.2 miliardë lekë në 2028, investime në spitale dhe pajisje mjekësore, fuqizimin e shërbimit të urgjencës kombëtare dhe telemjekësisë, mbështetjen për mjekët e familjes dhe shërbimet në zonat rurale.

“Fokusi do të jetë përmirësimi i aksesit, cilësisë dhe barazisë në kujdesin shëndetësor publik, me theks te parandalimi dhe ndërhyrjet në kohë”, – theksohet në dokument.

Gjithashtu, do të intensifikohen fushatat e vaksinimit, programet për shëndetin mendor, si dhe shërbimet për grupet e margjinalizuara.

The post Rritja e pensioneve/ Si do të shpërndahen mbi 205 miliardë lekë, financim shtesë për familjet në nevojë dhe… appeared first on Albeu.com.

 Ekspertja e ekonomisë, Romina Radonshiqi, në një intervistë për gazetën “Panorama”, tregon se kjo rritje nuk është e pritshme brenda vitit 2025 dhe as në vitin pasardhës, por me shumë mundësi mund të realizohet gjatë mandatit të katërt qeverisës.

Ajo analizon dallimet mes realitetit të pensionistëve shqiptarë dhe atyre europianë, duke vënë theksin te niveli i ulët i të ardhurave, stili i vështirë i jetesës dhe mungesa e një mbështetjeje sociale të qëndrueshme për të moshuarit në Shqipëri.

A do të shkojë këtë vit pensioni minimal 200 euro dhe ai mesatar 400 euro, sipas programit të qeverisë?

Ky është një objektiv për të cilin nuk është përcaktuar një afat i qartë se kur do të realizohet dhe nëse rritja e pensioneve do të ndodhë menjëherë, apo do të bëhet gradualisht çdo vit, derisa të arrihet pensioni minimal prej 200 eurosh dhe ai mesatar prej 400 eurosh. Mendoj se një rritje e tillë nuk mund të realizohet gjatë këtij viti dhe as në vitin 2026, por pritet të ndodhë gjatë mandatit të katërt.

Si paraqitet jeta e pensionistëve në Shqipëri krahasuar me atë të pensionistëve në vendet e Bashkimit Evropian?

Niveli i pensioneve në Shqipëri është i ulët në krahasim me atë të vendeve europiane. Një pensionist shqiptar, me të ardhurat që përfiton, përballet çdo ditë me vështirësi për të siguruar jetesën. Ndërkohë, një pensionist në Europë gëzon të ardhura të mjaftueshme për një jetë dinjitoze, madje edhe për të kursyer e për të shkuar në pushime, jo vetëm brenda vendit të tij, por edhe jashtë shtetit.

Cilat janë dallimet kryesore të një pensionisti në Shqipëri dhe një pensionisti që jeton në Europë?

1. Niveli i të ardhurave – Në Shqipëri, nivelet e ulëta të pensioneve janë pasojë direkte e përhapjes së informalitetit dhe evazionit fiskal ndër vite. Mungesa e deklarimeve të sakta të të ardhurave dhe kontributeve në sigurimet shoqërore ka bërë që shumë qytetarë të mos përfitojnë pensione të mjaftueshme për një jetesë dinjitoze pas daljes në pension. Ndryshe paraqitet situata në vendet europiane, ku pensionistët gëzojnë një nivel shumë më të lartë mirëqenieje. Kjo për faktin se në këto shtete informaliteti ka qenë ndjeshëm më i ulët, ndërsa qytetarët kanë qenë më të ndërgjegjësuar dhe më të edukuar për rëndësinë e kontributit të rregullt në sistemin e sigurimeve shoqërore. Gjithashtu, qytetarët europianë i kushtojnë rëndësi planifikimit të pensioneve, duke investuar edhe në skema private pensioni. Kjo qasje i ka ndihmuar shtetet europiane të ndërtojnë sisteme pensionale më të qëndrueshme dhe me nivele më të larta të mirëqenies sociale.
2. Stili i jetesës – Një pensionist shqiptar nuk mund të mbështetet në një dietë të pasur ushqimore, pasi çmimet janë të njëjta, madje edhe më të larta se ato në Bashkimin Evropian. Ky nivel i lartë çmimesh është pasojë e varësisë së ekonomisë shqiptare nga importet, si dhe rritjes artificiale të çmimeve nga tregtarët gjatë periudhave festive apo sezonit turistik, veçanërisht në zonat me atraksione turistike. Pensioni i marrë në Shqipëri nuk mjafton për të pasur jetë sociale apo argëtime. Një pensionist europian ka të ardhura të mjaftueshme për t’u ushqyer mirë dhe për t’u kujdesur për veten. Gjithashtu, ai ka mundësi të zhvillojë një jetë sociale aktive, përfshirë edhe pushimet dhe aktivitetet e ndryshme rekreative.
3. Mbrojtja sociale – Pensionistët nuk gëzojnë mbrojtje të mjaftueshme sociale, pasi niveli i pensioneve në Shqipëri mbetet i ulët krahasuar me vendet e rajonit. Shërbimet shëndetësore kanë nevojë për përmirësim, ndërsa mundësitë për përfshirje sociale dhe kulturore për pensionistët shqiptarë janë të kufizuara. Pensionistët që jetojnë në zonat rurale përballen me një mbrojtje sociale edhe më të dobët. Të gjithë këta tregues dëshmojnë për një kategori njerëzish që ndihen të pasigurt përballë sfidave të përditshme financiare dhe shëndetësore. Pensionistët evropianë gëzojnë një mbrojtje të lartë sociale falë pensioneve të qëndrueshme, kujdesit shëndetësor cilësor, rimbursimit të medikamenteve, si dhe përfitimeve si ulje taksash, subvencione qiraje dhe shërbime për kujdes afatgjatë, që u mundësojnë të jetojnë me dinjitet dhe cilësi, pavarësisht moshës apo vështirësive.

Në kuadër të integrimit të Shqipërisë në Bashkimin Europian, çfarë mund të thoni rreth skemës së pensioneve?

Shqipëria po përballet me një sfidë të rëndësishme në kuadër të procesit të integrimit europian, pasi janë hapur negociatat për disa kapituj që lidhen me integrimin ekonomik. Konkretisht, kapitulli 19 “Politika sociale dhe punësimi” ka një rëndësi të veçantë, pasi ndikon drejtpërdrejt në përmirësimin e skemës së pensioneve dhe rritjen e numrit të kontribuuesve. Integrimi në Bashkimin Europian kërkon nivele pensioni dinjitoze, ku pensionistët shqiptarë të kenë mundësinë të krahasohen me pensionistët europianë. Një nga prioritetet kryesore është ulja e varfërisë dhe sigurimi i një mbrojtjeje sociale të fortë për të moshuarit, duke garantuar kështu një jetë me dinjitet dhe siguri në moshën e tretë.

The post Qeveria premtoi 400 euro për të moshuarit/ Ekspertja e ekonomisë zbulon kur pritet të ndodhë rritja e pensioneve appeared first on Albeu.com.

Sipas tij, indeksimi prej 4.1% që ka kryer ISSH në muajin tetor nuk ishte rritje, por ishte indeksim për ruajtjen e fuqisë blerëse.

“Sot në botë ka disa mënyra indeksimi pensionesh që përfshin rritjen ekonomike në vend, inflacionin dhe indeksimin e pagave. Ne kemi zgjedhur këtë mënyrë, indeksin e ndryshimeve të çmimeve”, tha ai.

Kreu i ISSH-së, Hado theksoi më tej se shqetësimi publik dhe i ISSH, është që kemi kaluar nga risku i qëndrueshmërisë financiare të skemës në krahun që duhet të shikojmë te mjaftueshmëria e pensioneve.

Lufta ndaj informalitetit sipas tij, është një rrugë për përmirësimin e skemës.

Hado shpjegoi se nuk ka pasur rritje pensionesh në vitet e fundit, por indeksim dhe bonuse.

“Të paktën në 15 vitet e fundit nuk ka pasur asnjë rritje pensionesh, vetëm indeksim, sepse dhe filozofia e pensionit kjo është, caktohet një herë dhe pastaj mirëmbahet fuqia blerëse e parasë”, tha ai.

The post Astrit Hado: Rritja e pensioneve kërkon fonde, të cilat skema nuk i ka, indeksimi 4.1 % për ruajtjen e fuqisë blerëse appeared first on Albeu.com.

Tabaku theksoi se qeveria ka shpërfillur plotësisht nevojat e kësaj kategorie, duke bërë vetëm premtime boshe dhe pa asnjë ndihmë konkrete nga buxheti i shtetit.

“Kam tre javë që flas me pensionistët dhe kam krijuar kontakte të drejtpërdrejta me ta. Më vjen mirë që ndonjëherë edhe më dëgjojnë”, shprehet Tabaku, duke nënvizuar se qeveria e kujton çështjen e pensionistëve vetëm pasi ajo vetë ka ngritur zërin për këtë kategori të margjinalizuar.

Ajo vuri në dukje se rritja e pensioneve është qesharake, vetëm 20 lekë në ditë, ndërsa përfitimet e tjera buxhetore shkojnë në duart e një grupi të vogël monopolistësh dhe përmes koncesioneve.

“Si është e mundur që për pensionistët nuk gjenden 20 lekë, ndërkohë që qeveria pretendon dyfishimin e produktit të brendshëm bruto (PBB), por gjysma e kësaj PBB-je shkon për koncesionet“? – pyeti Tabaku.

“Të flasësh si opozitë, kur ke 12 vite në pushtet dhe të ankohesh për veten tënde, është e papranueshme, ”, shtoi ajo.

Tabaku gjithashtu, e kritikoi qeverinë për rritjen e informalitetit dhe përqendrimin e ekonomisë në pak duar, duke theksuar se këto janë pasoja të drejtpërdrejta të politikave të dështuara të saj.

Në përmbyllje të mesazhit, deputetja demokratike nënvizoi se qeveria vazhdon të prodhojë vetëm justifikime për pensionistët, ndërsa miliona lekë shkojnë për të dyshuarit e përhershëm përmes PPP-ve.

Kam tre javë që flas me pensionistët, kam takuar dhe kam krijuar kontakte me ta, dhe më në fund edhe qeveria u kujtua të flasë për ta. Më vjen mirë që ndonjëherë edhe më dëgjojnë. Dy elemente për të theksuar:

Së pari, rritja e pensioneve është vetëm 20 lekë në ditë. Çfarë dëgjuam sot në mëngjes? Dukej sikur fliste lideri i opozitës, sikur nuk ka 12 vjet në pushtet. Nxori justifikime pa fund, por asnjë lekë nga buxheti i shtetit. Tha se është rritur informaliteti në një mënyrë të pashoqe dhe ekonomia informale është zgjeruar. Por kush është fajtor që shqiptarët punojnë në të zezë? Kush i rriti taksat? Kush e komplikoi sistemin?

Ai tha gjithashtu, që tregjet janë rritur, monopolet janë forcuar dhe është e pamundur të operosh për shkak të rritjes së çmimeve. Por kush e ka fajin sot që ka monopole dhe që ekonomia është përqendruar në pak duar? Nuk është e mundur të paguash pensionistët sepse ky është buxheti i shtetit, tha ai. A nuk kanë muaj që thonë se e kanë dyfishuar produktin e brendshëm bruto? Si nuk u gjendën 20 lekë për pensionistët, kur 50% e PBB-së sot shkon për koncesione?

Të flasësh si opozitë kur qeveris prej 12 vjetësh dhe të ankohesh për veten tënde? Nuk di qeveri në botë ta bëjë këtë!

The post Jorida Tabaku: Rritja e pensioneve është qesharake, asnjë lekë shtesë për të moshuarit appeared first on Albeu.com.

Sipas Tabakut, kjo rritje është një ofendim për 750 mijë pensionistët, të cilët përballen çdo ditë me çmime që janë rritur deri në 30% për ushqimet dhe shpenzimet bazë.

Ajo theksoi se ndërkohë që qeveria socialiste mburret me këtë rritje milimetrike, fondet publike po shkojnë për një pakicë të privilegjuar.

“Çfarë mund të blejë një pensionist me 25 lekë shtesë në ditë, kur çmimet e jetesës janë në rritje të vazhdueshme? Kjo është një padrejtësi e madhe ndaj pensionistëve tanë, që janë ndër shtresat më të nënpërkrahura të shoqërisë”, -tha Tabaku.

Ajo e cilësoi këtë situatë si pasqyrë e keqmenaxhimit të buxhetit nga qeveria, që mbështet pakicën në kurriz të shumicës së popullit.

Gjithashtu, Tabaku paralajmëroi se familjet shqiptare po varen gjithnjë e më shumë nga të ardhurat e emigrantëve, pasi rritja e çmimeve dhe mungesa e mbështetjes shtetërore po i shtyn të rinjtë të largohen në masë nga vendi.

Ajo nënvizoi faktin se 26% e familjeve shqiptare mbijetojnë falë të ardhurave nga jashtë, ndërsa qeveria vijon të mospërfillë nevojat e tyre reale.

”Ne duhet të ndryshojmë këtë situatë dhe të mbështesim shtresat në nevojë, përfshirë pensionistët, të cilët kanë kontribuar për këtë vend dhe meritojnë më shumë se një rritje simbolike që nuk i mbulon as nevojat minimale” ,-përfundoi Tabaku.

REAGIMI:

25 lekë në ditë është rritja e pensioneve që ka premtuar Qeveria për 750 mijë pensionistët duke nisur që nga fillimi i muajit Tetor. Cfarë mund të blejë një pensionist me 25 lekë në ditë shtesë? Cmimet janë rritur pothuajse 30%, duke nisur nga qumështi, djathi, perimet, vaji,orizi , sheqeri, cdo lloj cmimi gjatë 3-4 viteve të fundit është rritur deri në maksimumin 30% ndërkohë që rritja e Qeverisë ka qenë milimetrike. Cfarë mund të blejë një pensionist me këtë 25 leksh në ditë? Si mund t’ja dalë të mbijetojë në një vend ku cmimet e rritura përditë gllabërojnë pagat e të gjithë shqiptarëve? Kjo është dhe arsyeja kryesore se pse janë rritur të ardhurat nga emigracioni. Familjet shqiptare sot po varen nga të ardhurat e emigracionit. 26% e familjeve shqiptare sot jetojnë me të ardhurat e fëmijëve të tyre që janë jashtë. Përvec faktit shqetësues që nga 700 mijë pensionistë , në vitin e fundit kanë shkuar në 750 mijë e të rinjtë largohen.40% e forcës së punës sot është larguar.Qeveria e majtë socialiste krenohet e përmallohet me 25 lekë në ditë. Këtë situatë duhet të ndryshojmë ne. Këtë situatë, për të mbështetur të rinjtë që t’ja dalin këtu e për ta cuar atë te gjithë shtresa sociale e duke e cuar tek pensionistët që janë sot shtresa më e nënfinancuar.

The post Jorida Tabaku: Rritja e pensioneve, një ofendim për pensionistët appeared first on Albeu.com.

I këtij mendimi ka qenë edhe ekspertja e ekonomisë Teuta Nunaj, e cila ishte e ftuar në emisionin “7pa5, ku ka folur me detaje për këtë çështje.

Ajo tha se indeksimi është detyrim ligjor të cilën qeveria po e zbaton, duke theksuar se kjo nuk quhet një rritje për të moshuarit.

Ajo më tej duke iu referuar edhe deklaratave nga qeveria se sa do të jetë indeksimi, bëri me dije se në xhepat e pensionistëve do të hyjnë vetëm 5 mijë lekë të vjetra, ç`ka është shumë pak në krahasim me çmimet e produkteve të shportës.

“Kemi të bëjmë me rritjen epagave të pushgtetit vendor dhe kjo ishte e protshme. U oremntua një pagë 900 euro si pagë për pushtetin vendor dhe jo si mesatare e pagës.

Ajo që është detyrim ligjor është indeksim i pensioneve. Indeksim do të thotë të ulësh fuqinë blerëse. Indeksimi nuk sjell mirëqenie, por çdo rritje të mbështetet që të mos ulet niveli i konsumi familjar por pensionistët të marrin të njëjtat produkte si një vit më parë.

Nuk ka ende një vendim se sa do jetë masa e indeksimit. Ka që në korrik që po diskutohet një gjë e tillë. Indeksimi është bërë gjithmonë në muajin prill. Mendohet të jetë në kufijtë 3,4 apo 5 % që në vlerë monetare do të thotë 5 mijë lekë të vjetra.

Ne kemi rritje pensione, nëse vlera do të jetë mbi indeksimin. Pagat në sektorin publik nuk janë rritur prej vitesh dhe kjo u përkthye në një rritje më të lartë”, shprehet Nunaj.

The post Rritja e pensioneve/ Sa lekë do përfitojnë të moshuarit appeared first on Albeu.com.

Kovaçevski tha se vetëm për këtë vit, pensionet janë rritur për 10 %, kështu që sipas tij, pritet të rriten edhe 6 %.

Komentet shefi i ekzekutivit i bëri në paraqitjen e tij të sotme në Kampin Universitar në Shkup, ku tha se pret që kjo të ndodhë sipas metodologjisë së re të miratuar nga qeveria.

“Shikoni, nga ky muaj ne kemi rritje të pensioneve për mbi 6 për qind, bashkë me rritjen e kaluar, kjo është 10 për qind rritje pensioneve vetëm në këtë vit kalendarik, ndërsa në nivel vjetor, me rritjen që do të vijojë në mars, rritja me siguri do të jetë në nivel të 16 për qind”, tha Kovaçevski./albeu.com/

The post RMV/ Kovaçevski: Deri në mars të vitit të ardhshëm, pensionet do të rriten edhe për 6% appeared first on Albeu.com.

Mbi këtë rritje  të pensioneve ka folur edhe Drejtori i Sigurimeve Shoqërore, Astrit Hodo. I ftuar në studion e Abc Live, Hodo thotë se rritja e pensioneve me indeksim ka efekte pozitive afatgjata për pensionistët, teksa thotë se pensionistët që do të dalin për herë të parë në pension në vitin 2023 do të marrin shumën e cila do të ketë të përfshirë rritjen e pensionit bashkë me indeksimin.

“Indeksimi vlen dhe për të gjithë pensionistët e rinj, apo ata të vitit 2023, sepse është një pension i indeksuar, që nuk ndryshon dhe është për të gjithë kohën, dhe sipas tij është më shumë sesa një një paketë krize“, tha Hado./albeu.com

The post Rritja e pensioneve, Drejtori i ISSH: Do të ketë efekte afatgjata appeared first on Albeu.com.

Lajmin Rama e bëri të ditur teksa ka zhvilluar një komunikim për mediat ku është prezantuar edhe paketa anti-krizë.

“Dua të jem sa më i përmbledhur. Jam këtu për të detajuar pjesë të caktuara të paketës antikrizë. Ajo është konceptuar i një mbështettje afatmesme dhe jo e përkohshme. pra e kemi marrë në konsideratë faktin që kjo krizë është e një natyre të paparashikueshme se kur e ka fundin. Angazhimi është t’u japim njerëzve tanë një mbështetje afatmesme.

Do të kemi një indeksim të pensioneve të llogaritur me normën e indeksionit. Kjo do të ndodhë edhe për persona me aftësi të kufizuara, do të bëjmë një ndërhyrje me 7.5% për të gjithë Do të rrisim me 10% ndihmën ekonomike dhe do ta dyfishojmë për gratë kryefamiljare me dy fëmijë”, tha ai./albeu.com/

The post Paketa e krizës, Rama: Sa do i rrisim pensionet, ndihmën ekonomike dhe ndihmën për personat me aftësi të kufizuar këtë vit appeared first on Albeu.com.