Në fjalën e tij nga Foltorja e Parlamentit, zv/kryeministri Arben Ahmetaj ndërsa drejtohej nga opozita dhe i pyeste me ironi që të ndajnë mendjen nëse janë të djathtë apo “gjysmë të djathtë” theksoi se PS është e majtë dhe për këtë arsye do të ndihmojë shtresat në nevojë.

Ndërsa përshkruante mënyrën sesi qeveria i është përgjigjur krizës së çmimeve pas pushtimit të Ukrainës, Ahmetaj shtoi se shumë shpejt do të shtohen edhe 500 milionë lekë për naftën e fermerëve.

Më 7 korrik është paralajmëruar nga opozita një protestë për situatën e çmimeve në vend, por për zv/kryeministrin duket se situata është krejt tjetër. Ai u shpreh se ekonomia “si askund tjetër” është në rritje.

Krahas blegtorisë, edhe bujqësia sipas Ahmetajt po sheh rritje të prodhimit, “pavarësisht situatës.”

“Invazioni rus në Ukrainë. Sot, shqyr zotit keni lexuar 7 faqe dhe keni gjetur që gjithë bota e ka pranuar që kriza e çmimeve është pasojë e invazionit rus. Qeveria bëri një paketë injektuese për qytetarët në nevojë e pensionistët. Filozofia nuk ndryshoi. Çmimet e energjisë i mbajtëm si asgjëkundi tjetër të pandryshuara. Shumë shpejt do të shtojmë edhe një 500 milionsh për naftën e fermerëve. Ju me demek të djathtët duhet ta vendosni…Investimet publike kanë një ngërç sepse vjen nga çmimet. Çfarë bën qeveria kompenson në favor të të mirës publike. Ekonomia është në rritje. E vetmja ekonomi në rajon që ka mbajtur ritmin gati 6%. Nga vjen kjo, nga fryma e Zotit? Nuk ka këtu kontribut injektimi i qeverisë? Edhe bujqësia, veç blegtorisë ka rritje të ndjeshme në prodhim. Nga se vjen kjo? Kjo vjen për shkak të politikave injektuese subvencionuese fiskale. Cila është arsyeja që janë rritur investimet? Është rekord injektimi…Po vendoseni, nëse jeni të majytë, gjys të djathtë. Ne jemi të majtë dhe do t’i mbështesim të gjithë qytetarët në nevojë. Do vazhdojmë me paketë të re nëse do të jetë nevoja në nevojë.”

Ahmetaj u ktheu përgjigje edhe atyre që thonë se Shqipëria radhitet mes vendeve me çmimin më të lartë të naftës. Sipas zv/kryeministrit ka shtete të Evropës që i kanë çmimet edhe më të larta. /albeu.com/

The post Rritja e çmimit të naftës, Ahmetaj: Evropa e shet më shtrenjtë appeared first on Albeu.com.

Ish ministri i infrastrukturës dhe Energjisë, aktualisht deputet dhe sekretari i përgjithshëm i PS-së është i të njëjtit mendim me planin e qeverisë për kursim dhe lëvizjen sa më pak me makinë.

“Unë përdor biçikletë” u tha ai gazetarëve të cilët e pyetën para se të hynte në Kuvend.

Ndërsa deputeti Fatmir Xhafaj thotë se “qeveria duhet të marrë masa për rritjen e çmimit të naftës”.

Kujtojmë se ditën e djeshme, u mbajt edhe një protestë përpara kryeministrisë, për të kundërshtuar rritjen e çmimeve./albeu.com/

The post Rritja e çmimit të naftës, befason Gjiknuri: Unë përdor biçikletë appeared first on Albeu.com.

Ndërkohë një qytetar i është drejtuar Ramës duke i thënë se përse nuk i pyet qytetarët nëse duan reduktim të 7 taksave të përfshira në çmimin e naftës.

Kreu i qeverisë i është përgjihur se nuk ka 7 taksa në çmimin e naftës, ndërkohë ka shtuar se detyrimet janë njëllojë për të gjithë qytetarët që kanë makinë, nuk ka rëndësi e nget apo jo.

Komentuesi: Pse nuk i pyet këta 71 qytetarë në anketim në rast se duan apo jo t’u reduktosh disa nga 7 taksat e përfshira në çmimin e naftës?

Edi Rama: Nuk ka 7 taksa në çmimin e naftës e para dhe e dyta vendet e tjera me të cilat krahasojnë çmimet ata që flasin për taksat, ato që i kanë jashtë çmimit, domethënë o i paguan kur nget makinë, o i paguan edhe po se ngave makinën, mjafton të kesh makinë. Kështu që nuk do të ndryshonte gjë për xhepin e drejtuesve të automjeteve, sepse ato detyrime në një mënyrë a një tjetër nuk hiqen.

The post 7 taksa në çmimin e naftës? Ja si i përgjigjet Rama komentuesit appeared first on Albeu.com.