Njësitë e shitjes me pakicë në kryeqytet pohuan se shitjet e miellit u dyfishuan.

“Ka raste ku një familje ka blerë njëherazi dy ose tre kuintalë. I gjithë furnizimi që më parë shitej për dy javë po shitet për dy ditë”, tha Samiu, i cili zotëron një njësi të shitjes me pakicë në zonën e “5 Majit”.

Ai tha se, blerjet e miellit nisën të rriten pas lajmeve se sasitë më të mëdha të grurit vijnë nga Rusia dhe Ukraina.

Të njëjtën tendencë pohojnë dhe pika të tjera të tregtimit me pakicë në kryeqytet.

Reagim të ngjashëm patën edhe konsumtorët në rrethe. Edhe në Kosovë, gjatë dy ditëve të fundit, u panë shumë qytetarë që ishin të interesuar për blerje jo të zakonta të miellit.

Nga Rusia vjen 46% e grurit

Shqipëria, gjatë vitit 2021, importoi nga Rusia dhe Ukraina 50% të sasisë vjetore të grurit që vjen nga jashtë.

Nga totali i importeve të drithërave, 46% vijnë nga Rusia, 35% nga Serbia, 4% nga Ukraina dhe pjesa tjetër 15% nga vende të tilla si Franca, Italia etj.

Importuesit pohuan se po bëjnë përpjekje për ndryshimin e burimeve të furnizimit, duke garantuar se nuk do të ketë mungesa në treg, por sipas tyre çmimet do të jenë në varësi të situatës.

Adi Haxhiymeri, i cili drejton Shoqatën e Përpunuesve të miellit, tha se, grosistët kanë rezerva deri në 45 ditë. Ai tha se gjatë dy ditëve të fundit janë gjetur blerës të rinj jashtë Rusisë, në Francë, Hungari dhe deri në Argjentinë.

Qeveria nga ana e saj nuk ka bërë të ditur rezervat me grurë të vendit, sakaq grosistët e grurit pohuan se shteti nuk ka asnjë rezervë. Importuesit sugjeruan se qeveria duhet të kishte marrë masa për të krijuar rezerva me grurë që pas pandemisë.

Rusia e përdori eksportin e grurit për gjeopolitikë duke ndikuar në një rritje artificiale në tregjet ndërkombëtare më 2020.

Çmimi i një ton gruri në ditën e parë të luftës më 24 shkurt u rrit me 5.3%, por çmimi u ul sërish dje, pasi sanksione më pak të ashpra u vunë ndaj Rusisë nga shtetet perëndimore./Monitor/

The post Dyfishohen shitjet, frika nga lufta dhe shtrenjtimi i mundshëm i çmimeve nxit blerjet e miellit në vend appeared first on Albeu.com.

Biba ka pranuar se ka pasur shkelje megjithatë sipas tij institucioni që ai përfaqëson nuk ka prova.

Përfaqësuesja e opozitës, Jorida Tabaku ka hedhur akuza se nuk është marrë asnjë masë për rritjen e menjëhershme të çmimit të miellit, ku ka shtuar se e njëjta gjë ka ndodhur edhe me karburantet.

“Në shtator ngrita shqetësimin e miellit dhe bukës e cila ishte e menjëhershme dhe dukej sikur ishte e koordinuar. Nuk janë marrë masa dhe as janë reflektuar ato në treg. Jam e interesuar edhe me tregun e hidrokarbureve” ka thënë Tabaku.

Denar Biba Kryetar i komisionit të Konkurrencës ka deklaruar se pas mbledhjes së komisionit në korrik të 2020 janë evidentuar disa shkelje por nuk janë vendosur gjoba, vetëm janë dhënë rekomandime.

“Në 2020 pati një ankesë nga një subjekt dhe monitoruam tregun. Pas përfundimit të monitorimit të tregut është vlerësuar nga komisioni që hetimi paraprak meriton hetim më të thelluar.

Në korrik 2020 është mbledhur komisioni dhe është përgatitur raporti por për shkak të pandemisë.

U evidentuan elementë të marrëveshjes së ndaluar por komisioni nuk ka vlerësuar të gjobisë subjekte dhe është lënë tregu dhe 4 subjektet të mbahen nën monitorim duke i dhënë disa rekomandime por pa gjoba.

Tashmë po i përfundon afati prej 1 vit periudhë monitorimi.

Në dokumentat e monitorimit u vërejt se ka problematika në atë treg, nuk krijuam bindje por në mungesë të provave dhe vetëm me indicie pa analizë të çmimit nuk mund të vendosnim gjobë.

Të gjitha kompanitë e importojnë grurin nga të njëjtat destinacine si Rusia e Ukraina.

Kjo bëri që komisioni të mos ishte në gjendje të merrte një vendim ,dhe prandaj u kërkua hetimi i tregut për një vit më shumë.

Kjo bëri që komisioni të mos ishte në gjendje të merte një vendim ,dhe prandaj u kërkua hetimi i tregut për një vit më shumë.

Nuk kishim prova dhe sipas OECD rritja e çmimeve nuk është provë konkrete .

Ishin vetëm çmime të ngjashme dhe asgjë tjetër. Në dokumentat e monitorimit u vërejt se ka problematika në atë treg, nuk krijuam bindje por në mungesë të provave dhe vetëm me indicie pa analizë të çmimit nuk mund të vendosnim gjobë. Të gjitha kompanitë e importojnë grurin nga të njëjtat destinacine si Rusia e Ukraina.

Kjo bëri që komisioni të mos ishte në gjendje të merrte një vendim dhe prandaj u kërkua hetimi i tregut për një vit më shumë.” tha Denar Biba.

Anëtarja e Autoritetit të Konkurrencës, Leida Matja duke raportuar në Komisionin e Ekonomisë lidhur me problematikat e rritjes së çmimit të miellit në vend është shprehur se në kohën kur janë bërë monitorimet kishte vetëm 1.5% fitime dhe nuk janë vërejtur shkelje.

“S’kishte asnjë nga ata pozitë dominuese. E dyta ishte sjellje e bashkërenduar, dhe çmimet ndiqnin njëri tjetrin dhe kishin një lloj sjellje të bashkërenduar. Në 2021 çmimi i grurit në tregjet botërore u rrit dhe ndryshuan kushtet e tregut.

Ky ndryshim i kushteve të tregut dhe elementet e tjera, pasi elementi i çmimeve për situatën kartel është një pikë në oqean. Fitimi i kompanive në atë kohë ishte 1.5%, nuk kishin abuzuar me çmimet. Ishim në pamundësi për të marrë një vendim. Në këto kushte të tregut të ndryshuara ne nuk jemi në kushtet për të dhënë një vendim. /albeu.com

The post Rritja e çmimit të bukës, Biba del para Komisionit të Ekonomisë: Ka shkelje, por nuk ka prova appeared first on Albeu.com.