Çmimet e naftës dhe benzinës në vend kanë shënuar një rritje të dytë brenda pak ditësh, me një shtrenjtim total prej 8-9 lekësh për litër.

Në pikat e tregtimit të Kastrati, operatori më i madh i pakicës dhe shumicës në vend, një litër naftë tregtohet me 185 lekë, nga 179 lekë që ishte rritur pak ditë më parë, ndërsa më herët çmimi kishte zbritur në 176 lekë.

Në pikat e tregtimit të Eida Petrolum, nafta shitet me 184 lekë.

Me ritme të shpejta është shtrenjtuar dhe benzina. Një litër tashmë tregtohet me 188 lekë, nga 182 që ishte më parë, ndërsa para se të fillonte shtrenjtimi, kishte zbritur në 179 lekë.

Operatorët e tregut pohojnë se rritja ishte e detyruar për shkak të shtrenjtimit të naftës në bursat ndërkombëtare, ku treguesi Platts, që është referenca të cilën e përdorin importuesit, ka arritur në rreth 900 dollarë për ton.

Ky është ndryshimi i dytë që bëjnë operatorët e tregtimit të karburanteve, pas shkrirjes së Bordit të Transparencës, i cili që nga marsi 2022 deri në 7 qershor 2023 vendosi çmimet tavan të karburanteve.

Në momentin që Bordi u shfuqizua, nafta tregtohej me 176 lekë për litër, ndërsa niveli më i ulët ishte arritur në 169 lekë për litër, në fillim të muajit maj (shiko grafikun e ecurisë së çmimeve në vend).

Të dyja ndryshimet e operatorëve pas shfuqizimit të Bordit kanë qenë vetëm në rritje.

Operatorët e tregut pohuan se shkak për rritjen e çmimeve është bërë shtrenjtimi i karburanteve në bursa, ku nafta ka arritur fillimisht në 780 dollarë për ton dhe tani 900 dollarë për ton, nga 690 dollarë që ishte në fillim të qershorit kur Bordi mori vendimin.

Treguesi tjetër referencë i naftës, “Brent” arriti në 85 dollarë për fuçi,  nga 74-76 dollarë, që ishte në fillim të qershorit (shiko grafikun e dytë). Sipas Reuters, çmimet janë rritur vazhdimisht për shkak të optimizmit të investitorëve për ecurinë ekonomike globale nga njëra anë dhe shqetësimit për kufizimin e furnizimit me karburant nga ana tjetër.

Por, në kahun tjetër dollari, që është monedha me të cilën tregtohet karburanti ka rënë ndjeshëm në tregun e brendshëm, duke zbritur për disa ditë deri afër 90 lekëve dhe aktualisht në 95 lekë, nga 100 lekë që ishte në fillim të qershorit.

Për më shumë se një vit, që prej marsit 2022, çmimet tavan të karburanteve u vendosën nga Bordi i Transparencës, një mekanizëm i krijuar nga qeveria për të kontrolluar çmimet pas krizës që u shkaktuan në këtë treg nga sulmi i Rusisë ndaj Ukrainës.

Operatorët u shprehën kundër këtij Bordi, duke pohuar se cenon parimet e ekonomisë së tregut dhe nuk u mundësonte kompanive që të optimizonin blerjet në tregjet ndërkombëtare, çka do bënte që ata të furnizoheshin kur tregu ishte më lirë. Kjo sipas tyre do mundësonte çmime rreth 5% më të lira sesa ato që vendos Bordi.

Bordi u shfuqizua në datën 7 qershor, ndërsa vendimi i tij i fundit i përket datës 26 maj, ku çmimi tavan i tregtimit me pakicë të naftës ishte 176 lekë, dhe i benzinës 179 lekë./monitor

The post Rriten sërish çmimet, nafta shtrenjtohet me 8-9 lekë për litër brenda pak ditësh appeared first on Albeu.com.

Bordi i Transparencës në datë 8 Korrik 2022, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 233 lekë/litri,ndërsa i shitjes me shumicë jo më shumë se 221 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë./albeu.com

The post Bordi rrit çmimin e naftës appeared first on Albeu.com.

Nafta e papërpunuar Brent u rrit mbi 123 dollarë për fuçi të martën, më e larta në dy muaj. Çmimet e naftës dhe gazit janë rritur gjatë muajve të fundit, pjesërisht nga lufta në Ukrainë.

Nafta e papërpunuar Brent është rritur më shumë se 70% gjatë vitit të kaluar. Rusia aktualisht furnizon 27% të naftës së importuar të BE-së dhe 40% të gazit të saj, dhe çmimet e naftës u rritën sërish pas lajmeve për embargon e fundit të BE-së.

Russ Mould, drejtor investimesh në AJ Bell, tha se çmimet po rriteshin sepse vendet eUropiane tani duhet të gjejnë burime alternative të furnizimit.

Ndërkohë, rritja e kostos së jetesës kërcënon të pakësojë oreksin e disa vendeve të BE-së për sanksione të mëtejshme, të cilat mund të dëmtojnë gjithashtu ekonomitë e tyre.

The post Embargoja e BE-së ndaj Rusisë, rritet çmimi i naftës appeared first on Albeu.com.

Në Kosovë pati sërish lëvizje të çmimit të naftës. Një ditë më parë u raportua se kishte ulje të cmimit të karburanteve, por gjatë së premtës ky cmim vetëm se ishte rritur.

Madje, çmimet e furnizimit me naftë po dallojnë nga kompanitë e ndryshme të derivateve në vend.

Gjatë së enjtës cmimi për një litër naftë ishte 1,55 euro, ndërsa nje dite me pas litra e saj pafuhej 1.59 euro, e në disa vende 1 cent më pak.

E këtë luhatje të cmimeve qytetarët po e shohin si sfidë.

Përderisa në tregjet ndërkombëtare cmimi i naftës ka filluar të bie, në Kosovë nuk po ndodhë e njejta.

E njëri prej qytetarëve në Prishtinë këtë rritje po e arsyeton me situatën ku eshte perfshire rajoni dhe e gjithe Evropa.

Lufta në mes Ukrainës dhe Rusisë vazhdimisht permendet si nje factor qe ka ndikuar per rritjen e cmimeve per shume produkte.

E kjo situatë sipas njohësit të cështjeve ekonomike Safet Gërxhaliut, ka krijuar spekulacione tregtare.

Gërxhaliu tutje shton se duhet të ketë më shumë kontrolla në kompanitë e derivateve.

Ndryshe, çmimi i naftës në Gjermani është aktualisht 2.03 euro, në Zvicër dhe Greqi 2.05 euro, kurse ne vendet e tjera evropiane kryesisht me i ulet.

Çmimet më të larta janë vërejtur në Holandë, Norvegji dhe Finlandë. Në këto vende është 25-30% më e lartë se mesatarja evropiane.

Ndër vendet e Ballkanit, cmimi i naftës në Gjermani është 2.03 cent, në Zvicër dhe Greqi 2.05 cent.

Çmimet më të larta janë vërejtur në Holandë, Norvegji dhe Finlandë. Në këto vende është 25-30% më e lartë se mesatarja evropiane.

The post U tha se do të ulet, çmimi i naftës në Kosovë rritet sërish appeared first on Albeu.com.

Ndërkohë që ndikim kryesor në rritjen e çmimit ta naftës gjatë kësaj periudhe e sjellë  ka shtrenjtimi i karburantit  në bursa ku një fuçi naftë është shitur 90 dollarë, çmim ky që nuk ishte parë që nga tetori i vitit 2018. Ekspertët parashikojnë rritje të mëtejshme këtë dimër, ndërsa efektet e shtrenjtimit kanë prekur edhe gazin, qymyrin e karbonin. Vetëm në vitin 2021 çmimi i naftës është rritur disa herë, duke arritur në rreth 193 lekë aktualisht.

Ky rezulton të jetë niveli  më i lartë i regjistruar që prej periudhës së pandemisë ku për shkak të kufizimeve çmimi i karburanteve ra ndjeshëm. Edhe sipas të dhënave të global “Petrol Price” çmimi i naftës në Shqipëri rezulton se është disa herë më i lartë se në vendet e rajonit. Kjo rritje e çmimit të karburanteve parashikohet që të stabilizohet në gjysmën e parë të këtij viti.

The post Si përherë, brenda natës: Çmimi i naftës kap shifra rekord në Shqipëri appeared first on Albeu.com.