Bolojani ka udhëhequr një qeveri minoritare që nga fundi i prillit, kur Social Demokratët, partia më e madhe në parlament, kërkuan dorëheqjen e tij dhe më pas dolën nga koalicioni katërpartiak dhe u bashkuan me opozitën e ekstremit të djathtë për të paraqitur një votë mosbesimi.

Mocioni i mosbesimit të kësaj të marte mori në total 281 vota, duke e tejkaluar kufirin prej 233 votash të nevojshme për t’u mirartuar.

Edhe pse zgjedhjet e parakohshme duken të pamundura, tregjet financiare janë të shqetësuara se turbulencat mund të nënkuptojnë që Bukureshti të lëkundet në angazhimin e tij për të ngushtuar deficitin më të madh buxhetor të Bashkimit Evropian.

Presidenti i vendit Nicuşor Dan, do të fillojë konsultimet me partinë për vendosjen e një kryeministri të ri. Social Demokratët (PSD) kanë thënë shpesh se do të ribashkohen me një koalicion pro-BE nën një kryeministër tjetër. Presidenti Dan ka qenë kategorik se AUR e ekstremit të djathtë nuk do të luajë asnjë rol në asnjë qeveri të ardhshme.

Partia e Bolojanit deri më tani ka përjashtuar mundësinë e bashkëpunimit të ri me Social Demokratët, megjithëse disa anëtarë të lartë të partisë kanë kërkuar pajtim.

Koalicioni aktual erdhi në pushtet 10 muaj më parë me qëllim përmbajtjen e fitimeve të së djathtës ekstreme pas një serie zgjedhjesh polarizuese, dhe kishte filluar të zvogëlonte deficitin, duke shmangur mezi një ulje të vlerësimit nga shkalla e fundit e gradës së investimit.

Por Social Demokratët, pa të cilët nuk mund të arrihet një shumicë pro-BE, janë përplasur vazhdimisht me Bolojanin, pasi masat e tij të kursimit kanë goditur votuesit dhe rrjetet e tyre të patronazhit, ndërsa mbështetja popullore për ta është zbehur drejt të djathtës ekstreme, raporton Reuters.

The post Rrëzohet qeveria në Rumani! Presidenti largon “Ekstremin e djathtë” nga çdo koalicion i ardhshëm appeared first on Albeu.com.

Francois Bayrou, i cili mori detyrën vetëm nëntë muaj më parë, duhet të paraqesë dorëheqjen e qeverisë së tij të pakicës pas humbjes në votimin e së hënës pasdite. Gjatë fjalës në Kuvend, Bayrou bëri thirrje për unitet, ndërsa përpiqej të fitonte mbështetje si për kryeministrinë, ashtu edhe për planin e tij ambicioz për të frenuar shpenzimet publike të Francës.

Duke argumentuar se deficitet publike në rritje të vendit po kërcënojnë të ardhmen e ekonomisë së dytë më të madhe të Bashkimit Evropian, zoti Bayrou tha se borxhet shtetërore do të rëndojnë mbi brezat e ardhshëm dhe do ta lënë Francën të cenueshme ndaj kreditorëve të huaj.

“Vendi ynë funksionon, mendon se po pasurohet, por vazhdon të varfërohet”, tha ai.

The post Rrëzohet qeveria në Francë, kryeministri Francois Bayrou humb votëbesimin appeared first on Albeu.com.