Pavarësisht emrit që këto “pije freskuese” mbajë në to, këto produkte kanë një ndikim të madh në shëndet.

Efektet anësore të konsumit të pijeve me sheqer të shtuar.

Mund të përjetoni luhajtje të mëdha të sheqerit në gjak. Një kanaçe standarde me pije të tilla ka gati 39 gram sheqer, që është gjithashtu rreth 77% e kufirit ditor për konsum të sheqerit. Thënë kështu, disa gllënjka mund të stimulojnë një rritje intensive të sheqerit në gjak që ndiqet më pas nga një rënie e menjëhershme.

Një farmacist britanik i quajtur Niraj Naik, shkoi aq larg sa të krahasonte efektet që mund të ketë konsumi i një pijeje të tillë me përdorimin e drogës. Sipas tij, mënyra se si këto pije stimulojnë disa qendra të caktuara në tru është e krahasueshme me efektet drogës.

Megjithëse ky krahasim është padyshim pak ekstrem, ajo që nuk mund të mohohet është se përmbajtja e lartë e sheqerit dhe mungesa e lëndëve ushqyese në pije të tilla mund të shkaktojë rritje dhe ujle drastike të sheqerit në gjak.

Ka vetëm një rast kur këto pije mund të shërbëjnë për mirë. Kjo mund të jetë një zgjedhje e mirë për njerëzit që përjetojnë rënie të sheqerit në gjak dhe kanë nevojë për një rritje të shpejtë.

Ju mund të rrisni rrezikun e diabetit të tipit 2.

Edhe pse konsumi i një pijeje të tillë herë pas here nuk ka gjasa të lidhet me rrezikun e diabetit, konsumimi i shumtë apo i përditshëm, mund të mos jetë zgjidhja më e mirë kur bëhet fjalë për diabetin. Konsumi i shpeshtë i pijeve me sheqer të shtuar është i lidhur me rrezikun e diabetit të tipit 2. Megjithatë, është ende e paqartë nëse janë këto pije ato që kontribuojnë në këtë rrezik apo nëse është regjimi i përgjithshëm ushqimor dhe mënyra e jetesës.
Ju mund vendosni në rrezik shëndetin tuaj dentar.

Nuanca e kaftë në disa pije të tilla mund të çojë në njollosjen e dhëmbëve tuaj dhe duke qenë të pasura edhe në sheqer, ju rrezikoni prishjen e dhëmbëve tuaj. Për më tepër, këto pije kanë një pH shumë acid, i cili do të çojë në dekalcifikimin e smaltit të dhëmbëve kur konsumohet me tepricë.

Mund të shkurtojë jetëgjatësinë tuaj

Disa studime sugjerojnë se konsumi i rregullt i tyre mund të frenojë jetëgjatësinë tuaj. E kjo sepse vetitë inflamatore të pijeve të gazuara e plot me sheqer mund të rrisin rrezikun e komplikimeve kardiovaskulare, duke rritur rrezikun për të pasur një atak në zemër me 20%.

Mund të shtoni në peshë dhe të rrisni rrezikun e obezitetit

Këto pije janë të pasura me sheqer dhe nuk ofrojnë fibra, proteina apo yndyrna, tre lëndë ushqyese që nxisin ngopjen. Dhe siç tashmë e dimë, konsumimi i sheqernave mund të çojë në shtim të peshës.

Pra, a është në të vërtetë kaq i dëmshëm konsumi i tyre?

Për njerëzit e shëndetshëm, që ndjekin një regjim të plotë ushqimor, ekspertët e shëndetit shprehen se pijet mund të shijohen herë pas herë, por jo të konsumohen rregullisht në përditshmëri. Ndërsa për ata që janë në rrezik për të zhvilluar sëmundje kronike apo që tashmë vuajnë prej tyre, këshillohet që këto pije të eleminohen plotësisht nga regjimi ose të konsumohen sa më rrallë.

The post 4 rreziqet e shëndetit që ju vijnë nga pijet e konservuara appeared first on Albeu.com.

Ju dëmton zemrën

Studimet kanë treguar se  personat që punojnë ulur kishin rreth dy herë më shumë të rrezikuar të prekeshin nga sëmundjet e zemrës sesa ata që qëndronin në këmbë.

Gjasat për demencë rriten

Qëndrimi ulur gjithashtu rrit rrezikun e sëmundjeve të zemrës, diabetit, goditjes në tru, presionit të lartë të gjakut dhe kolesterolit të lartë, të cilat nxisin demencën.

Zbeh efektet e aktivitetit fizik

Edhe nëse stërviteni 7 orë në javë, nuk mund të ndryshoni efektet e qëndrimit ulur 7 orë, por ky nuk duhet të jetë justifikim për të lënë aktivitetin.

Gjasat për diabet rriten

Nuk është e qartë pse, por mjekët mendojnë se qëndrimi ulur mund të ndryshojë mënyrën se si trupi juaj reagon ndaj insulinës, hormoni që e ndihmon atë të djegë sheqerin dhe karbohidratet për energji.

Ju mund të prekeni nga TVTH

Tromboza e Venave të Thella (TVTH) është një mpiksje që formohet në këmbë, shpesh për shkak se qëndroni ulur për një kohë të gjatë.

Do të shtoni në peshë

Mungesa e lëvizshmërisë rrit rrezikun për shtim në peshë.

Ankthi mund të rritet

Nëse qëndroni ulur përpara pajisjeve elektronike, kjo mund të ndikojë në cilësinë e gjumit dhe të shkaktojë shqetësim. Plus, koha e tepërt vetëm mund t’ju bëjë të tërhiqeni nga miqtë dhe të dashurit, gjë që lidhet me ankthin social.

Ju dëmton shpinën

Pozicioni ulur ushtron stres të madh në muskujt e qafës dhe shpinës, sidomos nëse përkuleni. Ngrihuni dhe lëvizni për një ose dy minuta çdo gjysmë ore për të mbajtur shtyllën kurrizore drejt.

Nxit variçet

Uluni për një kohë të gjatë dhe gjaku mund të grumbullohet në këmbët tuaja. Kjo vendos presion të shtuar në venat tuaja duke krijuar venat me variçe ose venat merimangë.

Nxit osteoporozën

Të rriturit e moshuar që nuk janë aktivë mund të kenë më shumë gjasa të preken nga osteoporoza, (kocka të dobësuara).

Rreziku nga kanceri rritet

Personat që qëndrojnë ulur për një kohë të gjatë janë më të predispozuar të preken nga kanceri

The post Nga diabeti, te problemet me zemrën dhe shtimi në peshë, rreziqet që i kanosni shëndetit duke qëndruar gjatë ulur appeared first on Albeu.com.