Kështu u shpreh sot nga selia e Kuvendit, kreu i grupit të PD, Gazment Bardhi, duke treguar edhe detaje nga mbledhja me dyer të mbyllura të Këshillit të Mandateve.

“Prokuroria tha se kur u kërkua ndaj Ballukut masa e masave ndaluese, ajo rrezikonte dënim në maksimum deri në 10 vite burg, sot që flasim u shprehën prokurorët nëse provohen të gjitha akuzat e ngritura ajo rrezikon në maksimum 35 vite burg. Kjo tregon se jemi në një situatë të rënduar sa i takon krimeve të kryera prej saj”, tha Bardhi.

Ai shpjegoi se mbledhja duhet të ishte bërë me dyer të hapura për mediat, ndërsa akuzoi mazhorancën se po i bëhet mburojë zv/kryeministres së pezulluar për abuzime me detyrën dhe tenderët.

“Nuk ka asnjë vendim të Këshillit të Mandateve që seanca të ishte me dyer të mbyllura. Nuk kishte asnjë surprizë. Rama urdhëroi 5 anëtarët e PS në këshill të bëheshin mbrojtje politike për të korruptuarën Belinda Balluku. SPAK konfirmoi se situata penale ndaj Balluku është rënduar tepër krahasuar me masat e para që gjykata ka dhënë ndaj saj. Këto masa deri tani nuk mbrojnë dot hetimin e plotë ndaj Ballukut”, denoncoi deputeti demokrat.

Ai shpjegoi se prokurorët e SPAK dhanë dëshmi tronditëse gjatë mbledhjes dhe vunë në dispozicion prova të forta që çonin në hapjen e rrugës së heqjes së imunitetit dhe arrestimit të zv/kryeministres.

“Prokurorët në një dëshmi tronditëse i kanë vendosur në dispozicion këshillit të mandateve provat konkrete se si Balluku përmes dy formave, të fortëve që kanë kërcënuar me jetë dëshmitarë në çështjen Balluku dhe forma e dytë përmes zyrtarëve anëtarë të kabinetit të Balluku që kanë kërcënuar dëshmitarët se do hiqeshin nga puna familjarët atyre që dëshmonin ndaj Ballukut dhe më pas i kanë ofruar edhe para që të ndryshonin dëshmitë që kanë dhënë”, nënvizoi ligjvënësi opozitar.

The post SPAK solli prova dhe tha se Balluku rrezikon deri në 35 vite burg/ Bardhi flet për mbledhjen te Mandatet: Janë përdorur dy forma kërcënimi appeared first on Albeu.com.

Aktualisht, uji vijon të rrjedhë brenda shtratit të lumit, ndërsa situata po monitorohet.

The post Moti i keq në Tiranë, fryhet lumi Lana, rrezikon të dalë nga shtrati (VIDEO) appeared first on Albeu.com.

Valete, 27-vjeç në atë kohë dhe futbollist i Nanci në Ligue 2, akuzohet për përdhunimin e dyshuar të një vajze 18-vjeçare, një incident i cili, sipas prokurorisë, ndodhi jashtë një klubi nate në qendër të qytetit.

Lojtari, i cili ishte i dehur në atë kohë, siç e pranoi vetë, pohon se takimi ishte konsensual dhe deklaroi se përdori një emër të rremë për të shmangur identifikimin.

Megjithatë, vajza e re i tha policisë se kishte shprehur vazhdimisht mospajtimin e saj dhe e kishte akuzuar Valete se e kishte detyruar të kryente akte të shumëfishta seksuale kundër vullnetit të saj.

Ekspertët që e ekzaminuan dy vjet më vonë besojnë se ajo ende vuan nga çrregullimi i stresit post-traumatik, ndërsa të njëjtët specialistë theksojnë se futbollisti nuk duket se e kupton seriozitetin e akuzave.

The post Portieri francez rrezikon 20 vite burg, ja për çfarë akuzohet appeared first on Albeu.com.

Ekspertet e Arsimit, i lidhin arsyet e rënies me reduktim drastik të pranimeve në programet e doktoraturës dhe me emigrimin e lartë te të rinjve akademik.

Shqipëria po përballet me një hemorragji të humbjes së talenteve drejt vendeve të tjera që ofrojnë kushte më të mira për doktorantë dhe kërkues.

Anketat e mëparshme kanë treguar se Shqipëria ka nivelet më të larta të emigrimit të trurit në rang global në dekadën e fundit.

Në Shqipëri, programet doktorale kanë pësuar tranzicion gjatë viteve të fundit. Në vitin 2014, qeveria shqiptare vendosi të mbyllë të gjitha programet e ciklit të tretë të studimeve (doktoraturat) në universitetet publike dhe private, për shkak të shqetësimeve mbi cilësinë dhe shkeljet procedurale.

Kjo ndërprerje zgjati për rreth pesë vjet, duke shkaktuar pasoja negative për kërkimin shkencor dhe zhvillimin akademik në vend.

Pas kësaj periudhe, disa universitete kanë rifilluar programet doktorale me kritere më të rrepta.

Universiteti Europian i Tiranës (UET) rinisi programin e doktoraturave në vitin 2022, ndërsa Universiteti Bujqësor i Tiranës ka hapur thirrje për aplikime në disa fusha për vitin akademik 2024-2025.

Sakaq, ministria e Arsimit dhe Sportit, ka planifikuar të fillojë programe të reja për mbështetjen dhe financimin e doktoraturave në fillim të vitit 2025.

Këto zhvillime ndikojnë negativisht kërkimin shkencor në vend, pikërisht në kohën kur shkenca dhe inovacioni janë vënë në qendër të konkurrencës globale.

Shqipëria rrezikon të mbetet në periferi të zhvillimit teknologjik dhe shkencor, pa kapacitete të brendshme për të zhvilluar projekte të rëndësishme.

Nga ana tjetër trupa akademike e universiteteve po plaket, ndërkohë që ka mungesa të brezit të ri me titull doktor. Kjo do të ndikojë në cilësinë e arsimit të lartë dhe në aftësinë për të konkurruar në nivel rajonal dhe europian.

Doktorantët janë të nevojshëm jo vetëm në universitete, por edhe në institucione publike, agjenci zhvillimi, dhe sektorin privat për të analizuar, projektuar dhe zbatuar politika me bazë të dhënash.

BE kërkon nga vendet aspirante si Shqipëria zhvillim të qëndrueshëm të kërkimit shkencor, si pjesë e kapitujve të negociatave në kapitujt 25 dhe 26.

Pa doktorantë dhe pa zhvillim shkencor të qëndrueshëm, Shqipëria do ta ketë më të vështirë të përmbushë këto standarde.

Rënia e doktoraturave është një sinjal alarmi për një boshllëk strukturor që po krijohet në sistemin akademik, shkencor dhe zhvillimor të vendit./ Monitor.al

The post Shqipëria rrezikon të mbetet pa titullin “doktor”, numri i diplomave të doktoraturave ra me 73% në 2024 appeared first on Albeu.com.

U raportua se në Borsh ka nisur një furtune ere, e cila ka bërë që zjarri të marrë përmasa të frikshme.

Ndërsa bëhet me dije se tymi është shumë i dendur dhe është e pamundur të qëndrohet në zonë.

Ndërkohë që paniku është i madh tek qytetarët e shumtë pushues, por edhe tak banorët e zonës nga zjarri i frikshëm.

Në mëngjesin e sotëm, ka nisur ndërhyrja nga ajri me dy helikopterë të Forcave Ajrore, në terren janë edhe forcat zjarrëfikëse, të cilat po luftojnë me flakët.

The post Zjarri në Borsh del jashtë kontrollit, flakët rrezikojnë banesat dhe bizneset (VIDEO) appeared first on Albeu.com.

Ky aparat tashmë është çuar në laboratorin e hetuesve specialë, ku po punohet mbi hapjen e tij.

Deri më tani një grup hetuesish kanë në dorë një provë të fortë, pasi ka dyshime se Haxhiu ka pasur komunikime me njerëz të botës së krimit, duke vijuar aktivitetin e tij kriminal.

Në të tilla kushte për Laert Haxhiun, mund të kërkohet një regjim i posaçëm “41 biss”.

Pak ditë më parë, një kontroll blic i kryer nga Policia e Burgjeve në qelitë e burgut të sigurisë së Lartë në Korçë, ka çuar në zbulimin e një aparati telefoni, që përdorej për thirrje telefonike nga Laert Haxhiu.

Haxhiu, kishte disa kohë që u transferua nga ambjentet e burgut Nr.313 në Tiranë në drejtim të burgut të sigurisë së lartë në Drenovë të Korçës, aty ku vuajnë dënimin me burg përjetë dhe dy bashkëpunëtorët më të ngushtë të tij, Anterio Kaloshi dhe Orgest Bilbili.

Mësohet se Haxhiu, është përgjuar teksa fliste me persona të tjerë jashtë burgut, ndaj kontrolli në orët e mesnatës është kryer posaçërisht në qelinë e tij.

Laert Haxhiu, është dënuar me burgim të përjetshëm për atë që njihet si masakra e Lushnjes në vitin 2017, ku mbetën të vrarë dy persona, Zamir Latifi, mik i nipit të Aldo Bares, dhe Jurgen Hoxha.

Ndërkohë, pronari i lokalit ku ndodhi ngjarja dhe një kalimtar mbetën të plagosur aksidentalisht.

Aktualisht, Haxhiu po gjykohet në gjykatën e Posaçme për të paktën 17 ngjarje kriminale, mes të cilave vrasje e atentate, shpërthime me tritol e grabitje me dhunë.

Zbërthimi i bandës së tij erdhi përmes dëshmisë së bashkëpunëtorit të drejtësisë Artan Tafani. Laert Haxhiu, u ekstradua më 3 korrik të vitit të kaluar nga Greqia një vit pasi ishte arrestuar në qytetin e Janinës.

The post Laert Haxhiu rrezikon “41 biss”/ Ekspertët e SPAK-ut nisin “thyerjen” e celularit që iu gjet në qeli appeared first on Albeu.com.

Partia Demokratike, ka marrë në total 26162 vota, me 24.49%, duke u përkthyer kjo në 3 mandate, që ka sjellë edhe rënien e një mandati nga lista e mbyllur, i cili ishte numri 4 në listë, Atird Hoxha.

Por brenda socialistëve duket se ka garë pavaresisht pse ka 9 mandate, ka një garë mes dy kandidatëve për vendin e 9-të. Në garë janë Vasil Llajo dhe Klejvis Kaso.

Nga votimi brenda vendit, Vasil Llajo, ka 4894 vota dhe Klejvis Kaso, ka 4623 vota, me një diferencë prej 271 votash, ka kryesuar Vasil Llajo, i cili ka marrë mandatin e 9-të të socialistëve për Qarkun e Vlorës.

Por po të shohësh tashmë votimin që po vjen nga emigrantët, Vasil Llajo, deri në këto momente ka vetëm 65 vota, ndërsa Klejvis Kaso, ka 282 vota, duke bërë që diferenca prej 271 votash tashmë të jetë vetëm 54 vota.

Në total, Vasil Llajo, deri në këto momente ka 4959 vota, ndërsa Klejvis Kaso ka 4905 vota. Diferenca është mjaft e madhe.

Klejvis Kaso, ka marrë nga votat e emigrantëve rreth 5 herë më shumë sesa Vasil Llajo. Janë numëruar në total 5298 zarfe dhe janë rreth 10700 zarfe të tjerë për t’u numëruar.

Pra, rreth 10 mijë zarfe më shumë se ato që janë numëruar deri në këto momente, ç`ka do të thotë se me këtë trend ku me 5 mijë votat e para, Klejvis Kaso, ka një diferencë shumë të madhe me Vasil Llajon.

Gara është mjaft e ashpër dhe duket se kandidati socialist, i cili është renditur i pari në listën pritëse, mund të rrëzojë Vasil Llajon, biznesmenin e “Intermedica”, i cili tashmë rrezikon ta humbasë mandatin me votat e emigrantëve.

The post Beteja mes socialistëve në Vlorë/ Ja kush rrezikon të humbasë mandatin appeared first on Albeu.com.

Ajo që nisi si një moment i papritur, ka marrë një kthesë të rëndësishme në aspektin juridik.

Sipas Nenit 90 të Kodit Penal të Shqipërisë, goditja e një personi tjetër, pavarësisht se nuk lë pasoja të rënda fizike, konsiderohet akt dhune me dashje, dhe në këtë rast, Jozi mund të përballet me dënime që shkojnë deri në 2 vjet burgim.

Kjo situatë dramatike nuk është vetëm një ngjarje që shkaktoi skandal në ekranin televiziv, por gjithashtu ngre shqetësime të mëdha për ndikimin social të mediave dhe sjelljes së publikut në to.

Rasti ka ngritur pyetje të shumta mbi ndjeshmërinë morale dhe sociale të dhunës në transmetime televizive. A është e pranueshme që një akt i tillë të ndodhi gjatë një shfaqje që ndjekin mijëra shikues? Si e përfshin kjo ndodhi konceptin e përgjegjësisë ligjore për sjelljen e personave në publik?

Më shumë se sa një incident personal, ky rast u bë viral në rrjetet sociale, duke shkaktuar reagime të shumta dhe debate të ashpra mbi sjelljen e individëve në situata të stresuara dhe përgjegjësinë e televizionit për të siguruar një ambient të sigurt për pjesëmarrësit e saj. Procedimi penal për këtë vepër zakonisht nis me kallëzim nga viktima, por në raste të tilla, prokuroria mund të vendosë të ndërhyjë menjëherë, duke marrë parasysh reagimin e publikut.

Një aspekt tjetër të rëndësishëm është fakti që, në rast se do të provohet përmes raportit mjekësor se viktima, Gjesti, ka pësuar dëmtime fizike, rasti mund të klasifikohet më rëndë dhe të klasifikohet sipas Neneve 88 ose 89 të Kodit Penal. Në këtë rast, dënimet pritet të jenë më të ashpra dhe deri në 5 vjet burgim, duke e bërë situatën edhe më serioze për Jozi-n.

Kujtojmë se pas incidentit, Gjesti u trajtua menjëherë dhe gjendja e tij u raportua si e stabilizuar, megjithatë, pasojat ligjore për Jozi-n mund të vazhdojnë të kenë efekte afatgjata. Arrestimi i tij nga policia në vendngjarje tregon se autoritetet e dinë seriozitetin e situatës dhe kanë ndërmarrë hapa për të garantuar që incidentet e tilla të trajtohen në mënyrë të duhur.

Për më tepër, ky incident mund të shërbejë si një paralajmërim për të tjerët që janë në qendër të vëmendjes publike.

Si duhet të reagojmë ndaj provokimeve dhe vështirësive në jetën reale, sidomos kur ato ndodhin në një skenë publike? Shqetësimi është që një përplasje e tillë mund të ndikojë në karrierat e individëve dhe perspektivat e tyre në shoqëri.

The post Pasojat ligjore/ Sa vite burgim rrezikon Jozi pas incidentit në “Big Brother”? appeared first on Albeu.com.

Ka pasur zëra që SPAK-u e ka bërë shumë mirë punën e tij, ka pasur zëra që ka qenë e dirigjuar nga Edi Rama, ka pasur zëra se Erion Veliaj, kishte marrë veten më qafë.

Gjithashtu, ka të pakënaqur, ndër analistët publikë, se Erion Veliaj, nuk duhet të ishte arrestuar për këto akuza që tashmë i ka bërë publike SPAK-u, por duhet t’i faturoheshin inceneratorët, “5D” etj.

Ka zëra që thonë se akuzat janë shumë të rënda dhe Erion Veliaj, rrezikon të qëndrojë shumë vite pas hekurave.

Por përtej tyre, le të shohim se çfarë parashikon Kodi Penal i Republikës së Shqipërisë në lidhje me akuzat që SPAK-u i ka ngritur Erion Veliajt.

Akuza e “Korrupsionit aktiv dhe pasiv i të zgjedhurve vendorë”, neni 260 i Kodit Penal, është nga 4 deri në 12 vite burg.

Duhet të kemi parasysh se në rastin e kryebashkiakut Erion Veliaj nuk kemi të bëjmë me një, por me të paktën 9 raste, thonë vendimet e njëpasnjëshme të gjykatës.

Më i fundit, ai i Engert Pëllumbit, tregon edhe rastet e ngjashme të kolegëve të Erion Veliajt, kryebashkiakë, të cilët janë dënuar nga GJKKO.

Akuza e dytë është “Pastrimi i produkteve të veprës penale”, e cila shkon nga 7 deri në 15 vite burg.

Akuza e tretë për “Futjen e sendeve të ndaluara në qelitë e paraburgimit”, e cila sipas nenit 324/a të Kodit Penal, Erion Veliaj rrezikon 5 deri në 10 vite burg.

Në rast se do të mblidheshin në mënyrë matematikore, Erion Veliajt, në minimum duhet t’i kërkonin nga 16 në 37 vite burg, por nuk bëhet kështu përllogaritja.

Pra, nuk merret mbledhja e minimumit dhe maksimumit në kërkesën që paraqitet nga prokurorët në gjykatë, por merren nenet që kanë, merret vepra. Vitet e tjera të dënimit përthithen nga vepra më e rëndë penale.

Erion Veliaj, rrezikon me këto tri vepra, që në gjykatë me akuzë, të shkojë me kërkesë nga 7 deri në 15 vite burg.

Ky është shpjegimi që japin avokatët dhe juristët në lidhje me tri akuzat, që i janë bërë me dije kryebashkiakut të Tiranës, Erion Veliaj.

Përtej çdo debati, përtej çdo opinioni dhe përtej çdo diskutimi, Kodi Penal është i ftohtë, i ka të mirëpërcaktuara nenet dhe dënimet dhe kryebashkiaku i Tiranës në minimumin e tij, sipas tre veprave penale që ka konsumuar dhe janë bërë me dije, rrezikon nga 7 deri në 15 vite heqje lirie.

Në rast se do të dënohet nga gjykata, sipas këtyre tre neneve të Kodit Penal, që janë bërë tashmë publike.

Më i rëndi është ai i “Pastrimi i produkteve të veprës penale”, që ka dhe vitet më të mëdha të dënimit, që mesa duket qartazi do t’i paraqiten në gjykatë kryebashkiakut të Tiranës./ CNA

The post PËRLLOGARITJA/ Akuzat e SPAK-ut, sa vite burg rrezikon Erion Veliaj? appeared first on Albeu.com.

Degradimi i parametrave jetësorë të liqenit dhe mosdhënia e kontratave të qirasë për përdorimin e impianteve nga fermerët, rrezikon të lerë Liqenin e Butrintit pa midhje.

Ata i bëjnë thirrje ministrisë së bujqësisë që të kthejë sytë nga midhja, me atë emrin domethënës “Mbretëresha e Butrintit”.

“Për të disatën herë kemi ardhur për të bërë prezente për situatën që është krijuar në liqenin e Butrintit, konkretisht për industrinë e kultivimit të midhjes.

Parametrat jetësorë të liqenit të Butrintit kanë rënë dhe sivjet riskuam edhe humbjen e farës.

Nga analizat që kemi bërë në mënyrë të pavarur për Liqenin e Butrintit vihet re që ka mungesë të oksigjenit të tretur në ujë që do të thotë që uji nga Bistrica nuk vjen mjaftueshëm në Liqen dhe kjo ndodh edhe tani që jemi në periudhën e dimrit, mendo se si do të jetë situata në sezonin e verës kur të ngrihen temperaturat e ujit.

Kështu që kemi ardhur këtu të bëjmë thirrje ta ftojmë institucionin e bashkisë, të ftojmë institucionin e këshillit bashkiak që të na bëhet pjesë në këtë shqetësim tonin në mënyrë që ta çojmë së bashku zërin aty ku duhet.

Liqeni i Butrintit i krijon parametrat jetësorë përmes ujëkëmbimit, ku nga pjesa veriore vjen uji i ëmbël i freskët nga Bistrica, Syri i Kaltër, në pjesën jugore merr kripën e nevojshme, kombinim ky i dy elementëve që krijon kushtet e përshtatshme për kultivimin e midhjes.

Kjo u vu re nga analizat se në këtë rast kemi neglizhencë njerëzore dhe jo ashtu siç është pretenduar nga ngrohja globale.

Ngrohja globale ka ndodhur po në ato laguna që nuk kanë thellësi ndryshe nga Liqeni i Butrintit që është lagunë me thellësi maksimale 19-21 m.

Kështu që thirrja jonë sot është të kthehet liqeni i Butrintit në gjendjen optimale për kultivimin e midhjes.

Duke qenë se midhja është e lidhur me industrinë e turizmit, unë vetë si tur operator por edhe kolegët e tjerë e kemi futur këtë produkt në kulinarinë tonë aq thellë sa që shihet e pa ndarë dhe bashkia e Sarandës bëri një veprim, sipas këndvëshrtimit tonë, qesharak, që festën traditë të midhjes që zhvillonim vit pas viti, që ndihmonte fermerët të lobonin të ngrinin zërin e ktheu në festën e peshkut.

Prandaj jemi këtu përballë që këtë problematikë ta shohë me këmbë në tokë, t’ja rikthejë qytetit atë festë traditë të midhjes.

Tjetër gjë është edhe ajo që bashkisë ka një drejtori bujqësie. Fusha të tëra të Palit janë në varësi të kësaj drejtorie.

Ata menaxhojnë kanalet kulluese që derdhen në liqen, kanë hidrovoret, impiantin e përpunimit të mbetjeve të ujërave të zeza që është në fushën e Palit”,-tha Soraldo Nebo operator turistik.

The post E pazakontë në Sarandë/ Peshkatari futet në mbledhjen e Këshillit Bashkiak dhe hedh një kovë me midhje (VIDEO) appeared first on Albeu.com.