Departamenti i Zjarrfikësve të New Yorkut (FDNY) mori njoftimin, pasi në zonën e ndërtesës u raportua rënia e tullave.

Sipas Departamentit të Ndërtimit, një zyrtar i sigurisë konstatoi se një tra metalik në katin e 21-të kishte pësuar dëmtime të rënda.

Ndërkohë, FDNY bëri të ditur se dy kolona mbështetëse brenda ndërtesës kishin filluar të përkuleshin, ndërsa disa prej kateve të sipërme po shfaqnin shenja fundosjeje.

Si masë sigurie, të gjithë punëtorët u evakuuan menjëherë nga kantieri, ndërsa autoritetet urdhëruan edhe evakuimin e dy ndërtesave aty pranë.

Inxhinierët e Departamentit të Ndërtimit ndodhen në vendngjarje për të vlerësuar gjendjen strukturore të objektit. Për arsye sigurie, janë evakuuar gjithashtu hotele, dyqane dhe apartamente në zonë, ndërsa disa rrugë janë mbyllur për qarkullimin.

Autoritetet u kanë bërë thirrje qytetarëve dhe drejtuesve të automjeteve të shmangin zonën deri në përfundimin e inspektimeve dhe stabilizimin e situatës.

BREAKING out of NYC: a high-rise building in Manhattan had to be evacuated this morning as officials reported “structural issues.”

We’re now waiting on a presser with the city that’s expected any moment.

Here’s what we know, for @CNN : pic.twitter.com/ffD1lZItTK

— Danny Freeman (@DannyEFreeman) July 7, 2026

The post Alarm në New York! Rrezikon shembjen, evakuohet ndërtesa 38-katëshe në Manhattan (VIDEO) appeared first on Albeu.com.