Në Mariupol me qindra ushtarë vijojnë të mbeten të bllokuar në fabrikën e çelikut Azovstal.

Ukraina akuzoi forcat ruse për hedhjen e bombave me fosfor në atë zonë.

Një video nga ajri që është postuar në mediat sociale tregon sulmin në uzinë, ku ushtarët ukrainas po bëjnë rezistencën e tyre të fundit në këtë qytet port, që është kthyer në rrënoja. Pas javësh të rrethimit dhe bombardimeve ruse, Mariupol, i vendosur në rajonin lindor të Donbasit të Ukrainës, është në duart e rusëve, por qindra luftëtarë ukrainas po qëndrojnë nën zjarr të fortë në fabrikën e çelikut.

Një numër i civilëve që ishin strehuar në uzinë u evakuuan këtë muaj me ndihmën e Komitetit Ndërkombëtar të Kryqit të Kuq dhe OKB-së. Video e sulmit nis me një pamje ajrore të uzinës Azovstal, kur papritmas një raketë ruse shpërthen në ajër, duke lëshuar një shpërthim mbi ndërtesat e fabrikës, që tashmë janë dëmtuar rëndë, raporton Daily Mail.

‘Shkëndijat’ – të cilat në fakt janë një grup municionesh ndezëse, bien në tokë dhe ndizen. Nga larg, shpërthimet duken pothuajse si flakë zjarri, por në realitet janë një seri shpërthimesh të panumërta.

Ndërsa kamera del jashtë, shihen më shumë breshëri municionesh që shpërthejnë mbi uzinë, duke rënë ‘shi’ eksplozivi dhe flakë nga lart. Ukrainasit pretenduan se videoja tregonte forcat e Vladimir Putinit duke hedhur bomba ndezëse dhe fosfor 9M22S në Azovstal, që një zyrtar tha se digjen në temperatura mbi 2,000 gradë Celsius.

“Vetë ushtria ruse pretendon se janë përdorur predha ndezëse 9M22S me shtresa termite”, thanë ukrainasit. Temperatura e djegies është rreth 2000 deri në 2500 gradë Celsius. “Është pothuajse e pamundur të ndalosh djegien”, tha të dielën Petr Andryushchenko, një këshilltar i kryetarit të bashkisë së Mariupolit.

Pas publikimit të videos, gratë dhe nënat e ushtarëve ukrainas të bllokuar në fabrikë i thanë Sky Neës se kishin frikë se luftimeve rezistente po i vinte fundi.

The post Momenti kur ushtria e Putinit sulmon me bomba fosfori në Azovstal (VIDEO) appeared first on Albeu.com.

Qofshin civilë apo ushtarë, Ankaraja zyrtare është e gatshme të ndërmarrë një operacion evakuimi.

Lajmin e ka konfirmuar zëdhënësi për shtyp i Presidencës turke, Ibrahim Kalin.

Rrethimi i Mariupolit vijon tashmë prej muajsh nga ana e ushtarëve rusë, ku i vetmi vend i padepërtuar është pikërisht uzina e Azovstalit.

Një numër i lartë civilësh është evakuuar ditët e shkuara nga Mariupoli, por mendohet se ende ka persona të bllokuar në fabrikë, përtej ushtarëve azov, të cilët është e sigurt se ndodhen aty.

Pikërisht kjo vendodhje është kthyer edhe ndër më të rëndësishmet, për shkak të rëndësisë strategjike që mbart.

Mariupoli ka një ndër portet jugore më të rëndësishme krahas atij të Odessas. Teksa, lidhja që qyteti i bën Krimesë me Ukrainën lindore, i jep edhe më shumë vlerë për rusët.

The post Turqia është gati të evakuojë ushtarët e Azovstalit appeared first on Albeu.com.

Komandanti në qytetin port, ka thënë se forcat në fabrikën e çelikut Azovstal nuk do të dorëzohen ndërsa vazhdojnë luftimet kundër forcave ruse, sipas skynews.

Majori Serhiy Volyna i brigadës së 36-të tha se ushtarët e tij do të vazhdojnë operacionet luftarake deri në fund. Në një video të dërguar në The ëashington Post, komandanti u kërkoi gjithashtu udhëheqësve botërorë të ndihmonin në evaukuimin e sigurt të civilëve nga Mariupol.

“Ky mund të jetë mesazhi ynë i fundit drejtuar botës. Mund të na kenë mbetur vetëm disa ditë apo edhe orë. Forcat armike janë 10 herë më të mëdha se tonat, kanë kontroll mbi hapësirën ajrore, artilerinë, në tokë, mbi tanket dhe epërsinë e automjeteve. Ne po mbrojmë një objekt, impiantin ku ndodhet garnizoni ushtarak i Mariupolit dhe civilët e kapur nga lufta.

Ne po i drejtohemi liderëve botërorë për të na ndihmuar. Garnizoni ushtarak i Mariupolit ka më shumë se 500 ushtarë të plagosur dhe qindra civilë, përfshirë gra dhe fëmijë. Ne po kërkojmë të na ofrojnë siguri,” përfundoi ai.

Kujtojmë se Rusia u ka dhënë përsëri një ultimatum trupave ukrainas për t’u dorëzuar deri në orën 14:00, pasi ultimatumi i ditës së djëshme skadoi.

The post Rrethimi i Mariupol, komandanti ukrainas: Mund të jenë orët e fundit për ne, janë 10 herë më shumë appeared first on Albeu.com.

Duke iu drejtuar parlamentit danez, ai tha se kjo po ndodhte para syve të të gjithë planetit në kohë reale.

Disa ekspertë ushtarakë sugjerojnë se rënia e Mariupolit mund të jetë e pashmangshme, por është e pamundur të thuhet se kur apo edhe nëse kjo do të ndodhë patjetër.

Ajo që mund të themi është se qyteti ka parë agresionin më të keq të Rusisë në Ukrainë, me dhjetëra mijëra civilë të bllokuar nën bombardimet dhe granatimet e pandërprera pa energji elektrike, ujë të rrjedhshëm apo gaz.

Me qytetin e rrethuar nga forcat pushtuese, njerëzit nuk kanë rrugëdalje të sigurt. Madje edhe rrugët e evakuimit janë vënë në shënjestër.

Agnes Callamard, sekretarja e përgjithshme e grupit të të drejtave të njeriut Amnesty International, ka akuzuar Rusinë për krime lufte në qytet.

“Rrethimi i Mariupolit, mohimi i evakuimit humanitar dhe arratisjes humanitare për popullatën, dhe shënjestrimi i civilëve, sipas hetimit të Amnesty International, përbën krime lufte”, tha ajo në një konferencë për shtyp duke shtuar se ky është realiteti i Ukraiës.

Rusia mohon të ketë shënjestruar civilët, megjithëse sulmet e saj ndaj objekteve joushtarake dhe ndërtesave të banimit në të gjithë vendin, përfshirë në Mariupol, janë dokumentuar mirë./albeu.com

The post Zelensky: Rrethimi i Mariupolit, krim kundër njerëzimit appeared first on Albeu.com.