Aktualisht vështirësi në qarkullim raportohen në segmentin rrugor Shtyllë-Panarit në zonën e Korçës, pasi reshjet e dëborës aty kanë arritur deri në 60 cm.
Momentalisht segmenti rrugor është në gjendje të kalueshme për shoferët e mjeteve, pasi dy fadroma po punojnë për hapjen e rrugës, por kalimi behet vetëm me zinxhirë. Ndërsa në segmente të tjera të qarkut, nuk paraqiten probleme, por shoferët duhet të jenë të pajisur me goma dimërore.

Po ashtu bëhet me dije se për shkak të motit të keq rreth 500 familje në gjithë qarkun janë pa energji elektrike, ndërsa disa grupe të OSHEE-së po punojnë në terren për rikthimin e energjisë.

The post Reshje intensive bore në Korçë, segmente rrugore të bllokuara dhe qindra familje pa energji elektrike appeared first on Albeu.com.

“Megjithëse do të ketë vranësira të shpeshta, nuk do të mungojnë dhe intervalet me kthjellime. Parashikohet në fakt që pas mesnatës së 31-shit dhe duke u futur në vitin 2024, do të kemi dhe shpeshtim të vranësirave, do të kemi reshje dhe kjo do të bëjë që datat 1, 2 dhe 3 të nisin me reshje, të cilat do të jenë të pakta dhe do të jenë në sasi që nuk do të sjellin problematika. Përsa i përket, vlerave termike, temperaturat e ajrit luhaten sot, nga 0 gradë më e ulëta, kjo në zonat e thella malore, ndërsa maksimalet ngjiten në 12 apo 13. Nga 5, 6 deri në 9 janë minimalet në bregdet dhe zonat e ulëta, ndërsa maksimalet në 17 apo 18 gradë”, shprehet sinoptikanja Lajda Porja.

Duket se krejtësisht e kundërta do të ndodhë me përfundimin e 2023-shit, gjatë ditëve të fundit të tij pritet të na shoqërojnë kthjellimet dhe kushtet e qëndrueshme atmosferike.

“Mbyllet viti 2023 me kushte të qëndrueshëm atmosferike, ku kthjellimet do të jenë prezente, vranësirat do të jenë të shpeshta dhe nuk pritet që të ketë reshje të paktën deri pas mesanatës. Në fakt, 2024-a do të futet me mot të paqëndrueshëm. Do të ketë vranësira, reshje të pakëta të cilat do të nisin që nga data 1”, thotë Lajda Porja.

Epo, me diell, shi, apo dëborë, rëndësi ka që 2024-shi të nisë mbarë për të gjithë!

The post Fundi i 2023-shit dhe fillimi i 2024-ës nuk do të kenë të njëjtat kushte atmosferike, sinoptikanja bën parashikimin e motit appeared first on Albeu.com.

Reshjet e dëborës janë rikthyer në juglindje të vendit, ndonëse gjatë natës reshjet janë ndërprerë. Për shkak të temperaturave të ulta borëpastrueset kanë qenë në terren prej orëve të para të mëngjesit për të bërë kriposjen e rrugëve.

Në zonën e Dardhës aty ku termometri ka shënuar deri në – 5 gradë gjatë natës, kanë qenë dy borëpastruese për të bërë të mundur kriposjen e gjithë segmentit.

Edhe në majën e Mashkullorës aty ku trashësia e dëborës shkoi deri në 1 metër, në të gjithë segmentin Shtyllë-Panarit është punuar që prej ditës së djeshme dhe aktualisht edhe në këtë segment nuk shfaqen probleme, por drejtuesit e mjeteve që përdorin këtë aks përveç gomave dimërore duhet të pajisen edhe me zinxhirë.

Ndërkohë në gjithë qarkun nuk shfaqen problematika, të gjitha rrugët janë të hapura por drejtuesit e mjeteve duhet të tregojnë kujdes të shtuar sidomos në zonat dhe segmentet e prekura nga dëbora dhe përveç gomave dimërore duhet të kenë me vete edhe zinxhirët.

Aktualisht në Korçë termometri shënon -1 gradë ndërsa në zonën e Dardhës -2. Ndërkohë disa fshatra raportohet se janë pa energji elektrike. Konkretisht fshatrat Leshnjë, Lekas, Mazrekë, Osoje, Gjinikas, Gur i Kuq, Mollas.

The post Qarku i Korçës mbulohet nga dëbora/ Termometri shënon -5 gradë në Dardhë, rekomandohet lëvizja me zinxhir appeared first on Albeu.com.

Në fshatin Dardhë të Korçës reshjet që vazhdojnë prej disa ditësh e kanë çuar në 7 centimetra trashësinë e dëborës.

Ndërkohë borëpastrueset po punojnë në rrugën e Dardhës dhe po bëhet kriposja e rrugës për të bërë të mundur kalimin e mjeteve. Aktualisht reshjet kanë ndalur, por temperatura shënon 1°C.

Qarkullimi kryhet pa probleme mjetet dhe punëtorët janë në terren, për të bërë pastrimin e rrugës dhe shpërndarjen e kripës pasi pritet që të temperatura të bien. Ndërsa Autoriteti Rrugor Shqiptar sugjeron që drejtuesit të tregojnë kujdes të shtuar gjatë drejtimit të mjeteve përgjatë këtij aksi, vendosni gomat dimërore dhe zinxhirë, ulni shpejtësinë, respektoni sinjalistikën dhe udhëzimet e Policisë Rrugore.

The post Reshje të dendura bore në Korçë, Dardha “shkon” në 7 cm trashësi, ARRSH: Kujdes, vendosni gomat dimërore appeared first on Albeu.com.

Reshjet e dëborës kanë bërë që disa rrugë në këtë pjesë të jenë të pakalueshme për disa automjete.

Nga pamjet shihet se rrugët ende nuk janë të pastruara.

The post Reshje të dendura bore në Kodrën e Diellit, vështirësi në qarkullim appeared first on Albeu.com.