Në fshatin Rezallë të Zubin-Potokut po zhvillohet një operacion për prishjen e disa ndërtimeve të kryera pa leje.

Veton Elshani, zëvendësdrejtor i Policisë së Kosovës për rajonin e veriut, ka deklaruar për KosovaPress se pjesëtarët e policisë janë angazhuar për t’u ofruar mbështetje inspektorëve të Ministrisë së Mjedisit, Planifikimit Hapësinor dhe Infrastrukturës.

“Njësitë përkatëse të Policisë janë duke asistuar inspektorët e Ministrisë së Mjedisit gjatë aksionit për rrënimin e objekteve të ndërtuara pa leje”, ka thënë Elshani për KosovaPress.

Fushata për largimin e ndërtimeve ilegale në hapësirën përreth Liqenit të Ujmanit ka nisur më 21 korrik 2026.

Më 30 korrik, ministrja e Mjedisit, Planifikimit Hapësinor dhe Infrastrukturës, Fitore Pacolli, njoftoi se deri në atë datë ishin rrënuar 17 objekte, mes tyre edhe vila.

“Deri tani, në zonën përreth Liqenit të Ujmanit janë rrënuar 17 objekte/vila. Ky aksion do të vijojë pa kompromis dhe do të zgjerohet edhe në zona të tjera të Kosovës, për të mbrojtur pronën publike dhe për të garantuar zbatimin e ligjit”, kishte shkruar Pacolli.

The post Aksioni në Rezallë, Elshani konfirmon rrënimin e objekteve pa leje appeared first on Albeu.com.

Fitore Pacolli, e cila mban postin e ministres në detyrë të Mjedisit, ka bërë të ditur se gjatë ditës së sotme Inspektorati Mjedisor do të ndërmarrë një aksion për shembjen e disa strukturave pranë Liqenit të Radoniqit. Sipas saj, këto ndërtime janë ngritur pa leje mbi tokën shtetërore.

Ajo theksoi se hapësirat publike do të çlirohen nga zaptimet e kundërligjshme. “Operacioni ynë për rivendosjen e sundimit të ligjit në mbarë Kosovën nuk do të ndalet dhe prona shtetërore do të pastrohet nga pushtimet ilegale”, deklaroi ministrja.

Përmes një postimi në rrjetet sociale, Pacolli njoftoi se po udhëtonte drejt Gjakovës për të qenë e pranishme në vendngjarje. “Jam rrugës për te Liqeni i Radoniqit, për të mbikëqyrur personalisht aksionin e Inspektoratit Mjedisor për prishjen e disa objekteve të ngritura pa autorizim në pronën publike”, shkroi ajo, duke shtuar thirrjen për rregull dhe respektim të ligjit në çdo skaj të vendit.

The post Pacolli njofton shembjen e ndërtimeve te Liqeni i Radoniqit, udhëton për të ndjekur aksionin nga afër appeared first on Albeu.com.

Faruk Mujka, kryeshef ekzekutiv i Ibër Lepencit, ka konfirmuar për KosovaPress se ka nisur aksioni për rrënimin e 11 shtëpive të ndërtuara në pronën e ndërmarrjes pranë liqenit të Ujmanit.

Ai deklaroi se operacioni po zbatohet nga Inspektorati i Ministrisë së Ambientit.

Sipas Mujkës, më 3 korrik, 11 personat që kishin ngritur shtëpi në pronën e Ibër Lepencit ishin njoftuar që të merrnin sendet e tyre dhe t’i lironin objektet deri më 17 korrik.

Meqë kërkesa nuk ishte zbatuar, Ibër Lepenci e kishte njoftuar inspektoratin, i cili doli sot në terren për të ndërmarrë veprimet. Mujka sqaroi për KosovaPress se fillimisht nga shtëpitë pritet të nxirren të gjitha gjërat dhe më pas objektet do të shemben.

The post Ibër Lepenci konfirmon nisjen e aksionit për shembjen e 11 shtëpive në Ujman appeared first on Albeu.com.

Kjo shumë është gati një e treta e fondeve totale prej 36,4 miliardë lekësh që do të marrë për të gjithë periudhën e koncesionit.

Por ndërkohë punimet në Rrugën e Arbrit janë larg përfundimit, teksa pjesa e përfunduar edhe pse u mor në dorëzim nga qeveria është në gjendje të jo të mirë. Tuneli i Murrizit që është aksi me më shumë kosto i rrugës është në ende në ndërtim dhe po përparon me ritme shumë të ulëta. Ministria e Infrastrukturës pret që punimet në këtë segment të përfundojnë brenda këtij viti.

Rruga e Arbrit ka kaluar një histori të komplikuar kostosh dhe procedurash nga planet fillestare për ndërtimin e saj me 70 milionë euro deri në ditët e sotme ku fatura pritet të arrijë mbi 350 milionë euro.

Qeveria e mori në dorëzim rrugën në nëntor të vitit 2021, edhe pse punimet nuk kishin përfunduar në një pjesë të madhe dhe me cilësi të dobët punimesh. Inxhinierët e fushës pohuan se, kostot ishin mjaft të larta nga studimet fillestare të fisibilitetit, teksa koncensionari nuk respektoi parametrat e gjerësisë, shesh- pushimet, mbrojtjen anësore të skarpateve, etj.

Reshjet e ditëve të fundit kanë përkeqësuar më tej situatën, ku segmente të saj janë gjendur me shembje masive të dherave, aq sa edhe mjetet e kompanisë koncesionare kanë përfunduar në përroin ngjitur.

Afati i kohëzgjatjes së ekzekutimit të kontratës është 13 vjet, ndërkohë që punimet nisën më 2019. Këtë vit mbushen 5 vite nga hyrja në fuqi e kontratës. Sipas përcaktimeve në kontratë rruga duhej të ishte dorëzuar e plotë maksimumi më 2022, por më shumë gjasë punimet në këtë aks tashmë të rrezikshëm edhe për përdoruesit do të zgjasë pa afat.

Rruga e Arbrit nuk është një projekt i ri, ajo ka nisur zbatimin në kohën e qeverisë “Berisha” gjatë së cilës u ndërtuan disa pjesë të segmentit.

Sipas të dhënave të Ministrisë së Transportit, kur nisi koncensioni ishin ndërtuar plotësisht 20.12 kilometra, pjesërisht në 15.17 km dhe ishin të paprekura nga punimet 26.3 kilometra.

Investimet publike po humbasin efektivitetin pasi janë copëzuar në projekte jofizibël dhe kontrata shumëvjecare. Rrugët kanë qenë prioriteti kryesore i qeverive ndër vite dhe vazhdojnë të jenë, por invetsimet janë përqendruar në periferi duke lënë qendrën e vendit me pa një rrjet bashkëkohor rrugor edhe pse 60 për qind e trafikut është na rajonin, Krujë, Durrës, Tiranë./monitor

The post Rruga e Arbrit e rrënuar dhe gjysmake, merr 1/3 e financimit deri në nëntor 2022 appeared first on Albeu.com.

Apple (AAPL), ExxonMobil (XOM), Ford (F), Boeing (BA) dhe Airbus (EADSF) iu bashkuan listës së kompanive që mbyllën ose pezulluan aktivitetin e tyre në Rusi në përgjigje të pushtimit të Ukrainës, përcjell Gazeta Express.

Rubla u dobësua sërish. “Ekonomia e Rusisë po përjeton goditje serioze”, tha zëdhënësi i Kremlinit Dmitry Peskov në një telefonatë me gazetarët e huaj.
“Por ka një kufi sigurie, ka potencial, ka disa plane, po punohet”, tha Peskov duke iu përgjigjej një pyetjeje në lidhje deklaratën e presidentit amerikan Joe Biden në fjalimin e tij se ekonomia ruse po goditet rëndë.

Sberbank (SBRCY), huadhënësi më i madh i Rusisë, tha të mërkurën se do të largohej nga Europa, me përjashtim të Zvicrës, pasi rregullatorët bankarë në Austri detyruan mbylljen e degës së saj të BE-së me bazë në Vjenë. Banka Qendrore Evropiane ka paralajmëruar në fillim të kësaj jave se Sberbank Europe ka të ngjarë të dështojë pasi depozituesit nxituan t’i tërhiqnin paratë e tyre pas vendosjes së sanksioneve perëndimore ndaj huadhënësit dhe pjesës më të madhe të sistemit financiar të Rusisë.

Sberbank tha se filialet e saj janë përballur me “një rrjedhje të jashtëzakonshme fondesh dhe një sërë shqetësimesh sigurie në lidhje me punonjësit dhe zyrat e saj”, thanë në një deklaratë.

Sanksionet bankare janë pjesë e një pakete më të gjerë masash që Perëndimi i ka marrë, në shkallë të paprecedentë kundër një ekonomie me rëndësi të Rusisë.

Franca vlerëson se 1 trilion dollarë asete ruse janë ngrirë, duke përfshirë rreth gjysmën e rezervave të luftës të qeverisë ruse.

Moska është përgjigjur me një sërë masash emergjente që synojnë parandalimin e krizës financiare, ndalimin e rrjedhës së parave jashtë vendit dhe ruajtjen e rezervave të saj valutore.

Tregu rus i aksioneve u mbyll të hënën dhe nuk është rihapur që atëherë. Banka qendrore tha se do të qëndrojë e mbyllur të mërkurën. Qeveria ka urdhëruar eksportuesit të shkëmbejnë 80% të të ardhurave të tyre në valutë të huaj për rubla dhe i ka ndaluar rezidentët rusë të bëjnë transfere bankare jashtë vendit.

The post Rubla ka “shkrirë”, Rusia e pranon: Sanksionet po na rrënojnë appeared first on Albeu.com.