Ai tha se këtë çështjen urgjente po e ndjekin nga afër dhe se janë në kontakt me të dyja palët dhe KFOR-in.

“Kjo është çështje që po e ndjekim nga afër dhe është një çështje urgjente. [Jemi] në kontakt me të dyja palët, si dhe me KFOR-in që është i rëndësishëm në këtë kontekst për ta kuptuar se çfarë ka ndodhur dhe si ka ndodhur. Ne nxisim Kosovën dhe Serbinë që të përmbahen nga ndonjë veprim apo reagim që do t’i kontribuonte tensioneve që janë të rritura”. /Express/

The post Zëdhënësi i BE-së flet për rrëmbimin e policëve të Kosovës: Çështje urgjente, po e ndjekim nga afër appeared first on Albeu.com.

Kurti ka publikuar foton e hartës ku ka ndodhur rrëmbimi i policëve dhe deklaroi se ngjarja ëshë shënuar brenda territorit të Kosovës.

Kurti: Këtu e kemi një foto të hartës ku mund të shihni se si vendi ku janë rrëmbyer tre policët ndihet 1 km larg kufirit në thellësi të territorit të Kosovës. Rrëmbimi ka ndodh në këtë vendin që është thellë, është 1 km larg kufirit në njërën anë që i bie të jetë pjesa veri perëndimore, pastaj 670 m larg pjesa veriore, 300 metra në jugperëndim. Kemi foton edhe e rrugës së prerë që shihet qartazi se nuk kanë mundur të kalojën tutje siç pretendon Serbia, që paskan shkuar në Serbi dhe qenkan arrestuar, bëhet fjalë për rrëmbim në Kosovë.  Kjo rruga e prerë është bërë për të ndalur 16 shtigjet ilegale që janë bërë vitin e kaluar dhe nuk bëhet fjalë për tejkalim të kufirit sic pretendon Serbia. Në vendin e ngjarjes ka qenë KFOR, policia e Kosovës dhe janë gjendur gjurmët e këpucëve të huaja në drejtim të Serbisë, por edhe prangat lidhëse plastike, si është e mundur që pretendojnë se janë arrestuar në Serbi ku prangat janë në vendin që themi ne.

Kryeministri tha se nuk e kupton heshtejen e KFOR. Sipas tij, provat janë të qarta dhe reagimi i tyre zyrtar duhet të ishte bërë para mbledhjes së Këshillit të Sigurisë në orën 07:00 të mëngjesit të sotëm.

Kurti: Ajo çfarë mua vazhdon të më habisë është fakti se as të nesërmen me këtë të vërtetë që po e shfaqim para jush, nuk del KFOR. Ky vend është qartazi në Kosovë, edhe automjeti edh e ushqimi që kanë ngrënë policët është thellë në territorin e Kosovës. Bëhet fjalë për 2 formacione të armatosura të Serbisë që kishin hyrë në territorin tonë me të cilat duhet të merrej KFOR-i. Dy njësitë serbe duket që kanë bërë vëzhgim dhe më pas rrëmbimin. Nuk bëhet fjalë për arrestim, arrestimin e ka bërë policia e Kosovës për kriminelin Millun Millenkoviç. Vetë policët kanë përjetuar hakmarrjen e Serbisë. Ne me partnerët tanë i ndajmë informatat, por heshtja e tyre nuk i kontriubuon deskalimit dhe drejtësië. Nuk ka kuptim që për një njgjarje në territorin e Kosovës, as të nesërmen të mos kemi kurrëfarë deklarate zyrtare.

Nga ana tjetër, presidenti serb Aleksandër Vuçiç tha se policët janë arrestuar brenda territorit të Serbisë. Por Kurti, në konferencën për mediet deklaroi se ka folur mbrëmë me Escobar dhe me ambasadorin amerikan në Kosovë Havenier me të cilët ka diskutuar situatën e sigurisë.

Kurti: I kam thënë që pres informacion nga KFOR para mbledhjes së Këshillit të Sigurisë e cila u mbajt sot në orën 07:00. Por, asnjë informacion. Ne kemi shkuar me iformacionet tona, të cilat janë të sakta. Serbia thotë se i ka arrestuar, por është përpjekje për të deformuar rrëmbimin në territorin e Kosovës. Ky është akt agresioni. Unë jam në kontakt me ta (ndërkombëtarët) dhe do t’i takoj dhe sot. Do të zhvillojmë vizita në ambientet e burgut ku po mbahen policët./Albeu.com. 

The post Kurti nxjerr hartën ku u rrëmbyen policët e Kosovës: Provat janë të qarta, KFOR-i nuk ka reaguar appeared first on Albeu.com.

The post Rrëmbimi i tre policëve të Kosovës, reagon Vuçiç: Tre efektivët u arrestuan 1.8 kilometra larg kufirit appeared first on Albeu.com.

Në një konferencë për media të mbajtur pas mbledhjes së jashtëzakonshme të partisë së tij, Haradinaj shtoi se kushdo në botë e di që Kosova humb nëse nuk e ka besimin e aleancës veriatlantike të NATO-s e Amerikës.

“Kurti intensivisht me çdo veprim të vetin po e prish këtë aleancë, pra ky ose është spiun i Serbisë ose është ai që me zor do me mbet në pushtet sa me fshehë qeverinë e tij humbëse të zhytur në korrupsion e nepotizëm, e po e kërkon shpëtimin në kriminelë, duke i arrestuar ata e duke na shitur këtë si fitore të Kosovës”, tha ai.

Duke komentuar lajmin e rrëmbimit të pjesëtarëve të policisë së Kosovës nga ana e Serbisë, ish-kryeministri Haradinaj tha se u përdhos uniforma dhe kërkoi menjëherë lirimin e tyre.

“Lusim bashkësinë ndërkombëtare që të ushtrojë preson mbi Serbinë për lirimin e tyre, kthimin e tyre në familje, dhe që aktet te tilla të mos përsëriten më kurrë. E ftojmë ministrin Sveçla të pranojë dorëheqjen sepse sot është përdhosur uniforma e institucionit të Policisë së Kosovës”, tha ai.

“Ne mendojmë që Kurti po shkon në drejtim të kundërt, ai s’po e udhëheqë Kosovën drejt stabilitetit. E ka sjellë Kosovën në palë të dështuar. Pra aleatët tanë, përkrahësit tanë të sigurisë kanë filluar ndëshkime për ne që do të rezultojë në dobësimin tonë të brendshëm dhe të jashtëm”, shtoi Haradinaj.

Haradinaj po ashtu tha se kryeministri Kurti po e rrezikon ekzistencën e Republikës dhe se po synon me vetëdije shkatërrimin e mëtejmë të të arriturave të deritanishme.

“Është momenti par ta ndalur Kurtin, mocioni dhe çdo formë tjetër që të mos e lejojmë t’i rrezikojë marrëdhëniet me aleatet tanë të sigurisë”, përfundoi Haradinaj./Albeu.com. 

The post Rrëmbimi i policëve, Haradinaj “sulmon” Kurtin: Ose është spiun i Serbisë, ose do të mbetet në pushtet me zor appeared first on Albeu.com.

Tre policë të Kosovës janë rrëmbyer në fshatin Bare që ndodhet thellë në territorin e Kosovës, dhe arrestimi i tyre dyshohet të jetë bërë nga njësitë speciale të policisë serbe.

Zëdhënësi i Policisë së Kosovës, Baki Kelani, në një konferencë të jashtëzakonshme për shtyp tha se për rastin janë njoftuar edhe mekanizmat ndërkombëtarë, në mënyrë që të ushtrohet presion ndaj Serbisë për lirimin e policëve patrullues kosovarë.

“KFOR-i është njoftuar dhe jemi duke i koordinuar të gjitha aktivitetet e ta, dhe janë duke i kryer edhe ekzaminimet brenda në terren”.

“Njëkohësisht, përveç KFOR-it, i kemi njoftuar të gjitha mekanizmat ndërkombëtarë duke kërkuar që t’u bëhet trysni autoriteteve të Serbisë që zyrtarët tanë të lirohen dhe t’u kthehen familjeve të tyre”, ka thënë Kelani, raporton Klankosova.tv.

Ai theksoi se çdo informatë që ka PK-ja, ia ka përcjellë te KFOR-i dhe këta kanë konfirmuar se i kanë pranuar informatat. “…Janë procedura për të cilat besoj se ata do të japin përgjigje”.

“E kemi shfrytëzuar këtë të drejtë, dhe i kemi lëvizur të gjitha mekanizmat që zyrtarët tanë të kthehen shëndosh e mirë në Kosovë”, theksoi Kelani. 

The post Rrëmbimi i efektivëve, policia e Kosovës në konferencë të jashtëzakonshme: Jemi koordinuar me KFOR, njoftuam ndërkombëtarët appeared first on Albeu.com.

Ajo tha se rrëmbimi i tre zyrtarëve policorë brenda territorit të Republikës së Kosovës është agresion nga ana e Serbisë.

“Ky akt dëshmon edhe njëherë se Serbia nuk është e interesuar për paqe e stabilitet në rajon, por për të shkaktuar destabilizim të Kosovës dhe gjithë rajonit. Akti i sotëm dëshmon se Serbia vazhdon të veprojë me logjikën e së kaluarës, tendencat hegjemoniste të së cilës kanë shkaktuar krime të tmerrshme dhe shumë viktima”.

Osmani tha se Policia e Kosovës ka treguar përkushtim e vendosmëri për ta ruajtur rendin dhe ligjin për të gjithë qytetarët pa dallim, ndaj një akt i tillë kërkon një reagim të ashpër dhe veprim të unifikuar të komunitetit ndërkombëtar ndaj tendencës së Serbisë për destabilizim të rajonit.

“Zyrtarët policorë duhet të lirohen menjëherë dhe pa asnjë kusht! Institucionet e Kosovës nuk do të heqin dorë nga angazhimi për sundimin e ligjit, sikurse edhe nga përkushtimi për paqe e stabilitet afatgjatë!”, ka shkruar ajo. /Express/

The post Rrëmbimi i tre policëve në Kosovë, reagon Vjosa Osmani: Agresion i Serbisë appeared first on Albeu.com.

Përmes një postimi në Facebook, Bislimi shkruan se Brukseli ka mbyllur sytë përballë këtij rrëmbimi dhe para të gjitha shkeljeve të marrëveshjeve nga ana e Serbisë.

Postimi:

 Vrazhdësia me të cilën Serbia po shkel marrëveshjet është e krahasueshme me vullnetin e Brukselit për t’i mbyllur sytë karshi këtyre shkeljeve.

The post Rrëmbimi i tre policëve në veri, Bislimi: Brukseli ka mbyllur sytë para shkeljeve të Serbisë appeared first on Albeu.com.