Ngjarja është raportuar pak më parë dhe dyshohet se rrëmbimi ka të bëjë me larje hesapesh.

Sipas informacioneve paraprake, personi i rrëmbyer është identifikuar si shtetasi me inicialet F. M., i cili është marrë me forcë nga disa individë të paidentifikuar deri tani.

Forcat e shumta policore, kanë mbërritur në vendngjarje dhe janë angazhuar për zbardhjen e rastit dhe arrestimin e autorëve.

The post Rrëmbehet një person në Sarandë, policia në kërkim të autorëve/ DETAJET e para appeared first on Albeu.com.

Midis të arrestuarve janë nëna e vajzës dhe partneri i saj, të cilët janë dërguar në burg me urdhër-arrest evropian, ndërsa dy të afërm të tjerë ndodhen në arrest shtëpiak.

Sipas Prokurorisë Publike të Milanos, vajza ishte zhdukur që në moshën trevjeçare, pasi midis viteve 2013 dhe 2014, një vendim gjyqësor kishte urdhëruar që ajo të kalonte nën përkujdesjen e Bashkisë. Në vend që ta dorëzonte vajzën, nëna e saj ishte zhdukur duke u larguar nga Italia dhe duke e marrë fëmijën me vete.

Hetimet e Njësisë për Mbrojtjen e Grave dhe të Miturve të Policisë së Milanos, në bashkëpunim me Njësinë Hetimore të Karabinierëve, çuan në identifikimin e nënës në qytetin spanjoll Valencia. Ajo jetonte atje me vajzën nën një emër të rremë, ndërsa partneri i saj kishte bashkëpunuar në fshehjen e gjatë të së miturës.

Në një deklaratë të prokurorit Marcello Viola, theksohet se edhe gjyshja e vajzës dhe një anëtar tjetër i familjes dyshohet se kanë ndihmuar në fshehjen fillestare në Itali. Të katër personat përballen me akuza të rënda, përfshirë “rrëmbim të rëndë” dhe “rrëmbim ndërkombëtar të një fëmije”.

Vajza tashmë ndodhet nën mbrojtjen e autoriteteve përkatëse, ndërsa hetimet vazhdojnë për të zbardhur tërësisht rrethanat e këtij rasti që zgjati më shumë se një dekadë.

The post Nëna rrëmben vajzën e saj nga Italia dhe e fsheh në Spanjë për 11 vite appeared first on Albeu.com.

Dyshohet se ngjarja e rëndë ndodhi pas një konflikti çasti mes tyre në ambientet e parkimit të një lokali.

Sipas policisë, shtetasit me iniciale K. P., B. V. dhe Xh. E., të tre banues në fshatin Tresh, dhunuan dhe më pas futën me forcë në makinë Dod Gjokën.

Pasi policia ngriti pika kontrolli akset rrugore drejt Tiranës, Shkodrës dhe Kukësit, autorët e kanë zbritur 35-vjeçarin nga makina. Gjoka po merr ndihmë mjekësore në spitalin e Lezhës dhe është jashtë rrezikut për jetën.

The post Tre persona e dhunuan dhe e rrëmbyen! Pas ndjekjes nga policia, autorët lirojnë 35-vjeçarin appeared first on Albeu.com.

Raportohet se ngjarja ka ndodhur pak minuta më parë. Sipas informacioneve paraprake, mësohet se personi në fjalë, Dodë Gjoka, është marrë me forcë dhe është futur brenda një automjeti nga dy persona.

Autoritetet janë vënë në lëvizje për të zbardhur rrethanat e ngjarjes dhe për të kapur autorët, të cilët janë larguar menjëherë nga vendngjarja. Pas ndjekjes, Gjoka u la i lirë nga autorët, të cilët janë në arrati.

NJOFTIMI I POLICISE

Rreth orës 14:30, në vendparkimin e automjeteve të një lokali në aksin rrugor “Lezhë-Milot”, dyshohet se gjatë një konflikti fizik, tre shtetas kanë dhunuar dhe më pas kanë marrë me forcë me automjet, shtetasin D. Gj., rreth 35 vjeç, banues në Lezhë.

Menjëherë pas marrjes së njoftimit, shërbimet e Policisë së Lezhës kanë ngritur pika kontrolli në perimetrin rrethues dhe në akset lidhëse, me qëllim kapjen e autorëve, të cilët janë identifikuar nga Policia, konkretisht shtetasit K. P., B. V. dhe Xh. E., të tre banues në fshatin Tresh.

Gjithashtu, u ngritën pika kontrolli në akset rrugore drejt Tiranës, Shkodër dhe Kukësit.

Si rezultat i reagimit të menjëhershëm të Policisë dhe të gjendur nën presionin e kontrolleve intensive të Policisë, autorët dyshohet se e kanë zbritur nga automjeti, shtetasin D. Gj., i cili aktualisht po merr ndihmë mjekësore në spitalin e Lezhës dhe është jashtë rrezikut për jetën. Grupi hetimor, në drejtimin e Prokurorisë, po punon për sqarimin e rrethanave dhe dokumentimin ligjor të rastit.

The post EMRI/ Merret peng një person në rrugën “Lezhë-Tiranë” appeared first on Albeu.com.

Lidhur me ngjarjen e cila u raportua nga mediat fillimisht, policia e Tiranës tha se gruaja është shpallur në kërkim, pasi babai i të miturës ka bërë kallëzim.

Pas këqyrjes së kamerave të marketit, është parë se gruaja ka marrë në krahë vajzën 2-vjeçe, ka dalë nga dera e marketit dhe më pas është rikthyer sërish.

Punonjësit e marketit kanë pohuar se gruaja gjatë komunikimit ka shfaqur probleme të shëndetit mendor. Mbrëmjen e djeshme, në emisionin “Opinion”, gazetari Besar Bajraktaraj, tha se të martën është bërë i mundur identifikimi i gruas. Bëhet fjalë për një grua rreth të 50-ave dhe që dyshohet se ka probleme të shëndetit mendor.

“Pasditen e sotme është bërë identifikimi i gruas. Policia nuk e bën të ditur emrin e saj pasi nuk është shoqëruar. Është një grua e cila është rreth të 50-ave, dyshohet me probleme pasi nga vetë komunikimet që ka mbajtur me stafin, nga ato që ata kanë deklaruar se kanë komunikuar me zonjën u ka dhënë përshtypjen se është me probleme mendore”, tha gazetari.

Ndërkohë, Bajraktaraj sqaroi se në videon e publikuar, gruaja tjetër që është e veshur me të zeza është mamaja e vajzës së vogël. Një nga pikëpyetjet e policisë është fakti se pse ajo nuk reagon. Pasi gruaja i ka marrë fëmijën, ajo ka dalë jashtë dhe më pas janë kthyer të treja në supermarket. Në fillim nuk është bërë denoncim nga ajo. Ka qenë babai i vajzës që më vonë e ka kallëzuar rastin në polici.

“Nëna ka deklaruar që ajo është shfaqur me fjalë përkëdhelëse dhe është larguar menjëherë duke i marrë fëmijën dhe më pas është kthyer. Ajo ka deklaruar se dukej si një person që kishte probleme”, tha Bajraktaraj.

The post Tentoi të rrëmbente 2-vjeçaren në një market në Tiranë, identifikohet gruaja appeared first on Albeu.com.

Në foton e mësipërme shikohet se gruaja qëndron pas fëmijës dhe në një moment ajo e merr në krah dhe më pas shkon drejt derës së marketit. Gruaja me fëmijën në dorë është pikasur shpejt nga personeli i marketit që ndërhyri në kohë.

Sipas burimeve besohet se gruaja vuan nga çrregullimet mendore, por ende policia e Tiranës nuk rënë në gjurmët e saj.

The post E pazakontë në Tiranë! Gruaja tenton të rrëmbejë një fëmijë në market appeared first on Albeu.com.

Sipas mediave greke, babai i të miturit ka deklaruar se djali i tij ka pasur një flirt me një shoqe klase, por prindërit e saj kanë qenë kundër kësaj marrëdhënie, kjo për shkak të origjinës së tij shqiptare.

Sipas asaj që ka thënë babai i 17-vjeçarit, i mituri ka marrë një telefonatë nga vëllai i vajzës dhe ka shkuar për ta takuar atë.

Aty ai është sulmuar ashpër nga dy persona, të cilët më pas e kanë kapur dhe e kanë futur në bagazhin e një makine, dhe më pas e kanë rrahur, shkruajnë mediat greke

Adoleshenti është dërguar në spital, ku është shtruar prej disa ditësh, ndërsa ndodhet në gjendje të rënduar psikologjike, ndërsa si pasojë e plagëve të marra, ai ka humbur dëgjimin në veshin e majtë.

Sipas mediave greke, babai i vajzës, i cili disa vite më parë kishte vrarë nënën e tij në Dyros, është arrestuar së bashku me djalin e tij dhe një person tjetër për rrëmbimin dhe rrahjen e 17-vjeçarit.

The post Dashuronte një vajzë greke, 17-vjeçari nga Shqipëria rrëmbehet dhe dhunohet për 3 orë appeared first on Albeu.com.

Shehu ka treguar se në periudhën kur vendi ynë ka qenë në tranzicion, ajo ka rënë pre e një rrëmbimi që fatmirësisht mundi t’i shpëtonte më pas. Periudhë e cila përkon me kohën kur astrologia ka qenë studente në qytetin e Elbasanit.

“Momente të vështira, kur Shqipëria ishte në tranzicion në 97 edhe unë desh kam rënë viktimë e rrëmbimit. Isha studente, shoqërova një shoqen time që do kalonte kufirin për në Gjirokastër. Kthehem, hipi në një autobuz i cili shkonte deri në Fier. Zbrita në Fier, por më duhej të shkoja në Elbasan, në qytetin ku studioja. Kur po shkoja në stacionin e Elbasanit pash disa figura mashkullore që po rrotulloheshin. Dhe instiktivisht ndjeva diçka që nuk shkonte dhe më trembi ajo gjë. Nga trembja thash më mirë të mos prisja autobuzin dhe tre apo katër orë, kështu që mora një taksi. Dhe ky ishte gabimi im, sepse hipa në taksi, aty hipi dhe një burrë i moshuar dhe i thash taksistit të lutem më dërgo në Elbasan.

Sa bëri taksia tre, katër kilometra, ata burra dolën përpara dhe ndaluan taksinë. Hapën dyert me forcë dhe mua më tërhoqën me zor dhe dy apo tre meshkuj sa ishin më futën me dhunë në një makinë tjetër dhe po më çonin drejt një pylli, që duhet të jetë pylli i Semanit. Por, pata fatin që para meje ishte një makinë me ushtarë, të cilët po futeshin në atë zonë për stërvitje ushtarake. E panë skenën, nuk ndërhynë menjëherë, por kur panë ata njerëz që më goditën dhe me grusht në fytyrë, ata bërtitën “lëshoje”. Dhe më lanë në mes të qytetit. Ajo më është kthyer në traumë. Të paktën një vit nuk dilja dot nga shtëpia, doja të ikja jashtë vendit, ashtu siç ika dhe në Greqi”, ka rrëfyer e prekur Meri Shehu.

The post Meri Shehu rrëfen momentin më të vështirë të jetës: Kam rënë viktimë e rrëmbimit, më futën me dhunë në një makinë appeared first on Albeu.com.

Në kuadër të operacionit policor “Sundimi i Ligjit”, ditën e djeshme, në rrugën “Skënderbeu”, në lagjen nr.1, shërbimet e Komisariatit të Policisë Sarandë, pas adiministrimit të informacionit, kanë ndërhyrë menjëherë duke ndaluar automjetin tip “BMË”, me drejtues shtetasin A. T. dhe pasagjerë shtetasit J. B. dhe S. B. (vëllezër) dhe Gj. P.

Gjatë kontrollit në automjet, në vendin e pasagjerit ku qëndronte shtetasi J. B., shërbimet e Policisë gjetën 1 armë zjarri pistoletë dhe lidhëse plastike, të cilat u sekuestruan në cilësinë e provës materiale.

Në vijim të veprimeve procedurale u arrestuan në flagrancë shtetasit J. B., 28 vjeç, S. B., 27 vjeç, A. T., 20 vjeç dhe Gj. P., 29 vjeç, për veprat penale “Heqja e paligjshme e lirisë”, mbetur në tentativë, kryer në bashkëpunim dhe “Prodhimi dhe mbajtja pa leje e armëve, armëve shpërthyese dhe municionit luftarak”.

Këta shtetas dyshohet se në kërcënimin e armës do të rrëmbenin një shtetas 49 vjeç, banues në Sarandë, për motive të dobëta.

Materialet procedurale i kaluan Prokurorisë, për veprime të mëtejshme./albeu.com

The post VIDEO/ Të armatosur deri “në dhëmbë”, 4 persona do rrëmbenin 49-vjeçarin, parandalohet krimi në Sarandë appeared first on Albeu.com.

Vireldo Dervishin akuzohet se ka kryer veprën penale “heqja e paligjshme e lirisë”, pasi e ka çuar në banesën e tij 27-vjeçaren, pa dëshirën e saj.

Gjatë kohës kur ka ndodhur e gjithë ngjarja, 38-vjeçari ka ushtruar dhunë dhe ndaj nënës së tij, pasi kjo e fundit ka ndërhyrë duke ndihmuar të renë të largohet nga banesa.

The post Rrëmbeu një vajzë dhe tentoi të abuzonte s*ksualisht me të, gjykata e Fierit në lë burg 38-vjeçarin appeared first on Albeu.com.