Burimet bëjnë me dije se Hoxha është rrëmbyer dhe po mbahet peng pasi është gjetur si provë celulari i biznesmenit.

Celulari është gjetur pranë Shkollës së Bashkuar dhe policia është vënë në ndjekje të një makine ku dyshohet se lëvizin autorët e këtij rrëmbimi.

Njoftimi i Policisë:

Më datë 24.10.2021, shtetasi S. H. ka bërë kallëzim në Komisariatin e Policisë Nr.5, se më datë 20.10.2021, rreth orës 23:00, është larguar nga banesa babai i tij, shtetasi Ruzhdi Hoxha, 43 vjeç, banues në Paskuqan, dhe prej asaj kohe nuk kanë pasur më kontakt me të. (Njoftimi i publikuar në ëeb-in e Policisë së Shtetit, në përmbledhjen 72-orëshe, më datë 25.10.2021

Menjëherë pas denoncimit të marrë, Sektori i Hetimit të Krimeve të Renda ndaj Jetës dhe Pronës në DVP Tiranë, në bashkëpunim me strukturat hetimore të Komisariatit të Policisë Nr.5, kanë vlerësuar maksimalisht denoncimin duke verifikuar çdo informacion dhe kanë kryer kërkime e kontrolle në ambiente e vende të ndryshme.

Veprimet procedurale shtesë i janë dërguar Prokurorisë dhe mbi bazën e tyre është regjistruar procedimi penal Nr.7713, datë 27.10.2021, për veprën penale “Rrëmbimi ose mbajtja peng e personit”.

Nga strukturat e DVP Tiranë, nën drejtimin e Prokurorisë së Rrethit Gjyqësor Tiranë, vazhdon puna e pandërprerë për gjetjen e shtetasit Ruzhdi Hoxha, si dhe për identifikimin dhe kapjen e autorëve. /albeu.com/

The post Biznesmeni në Tiranë është rrëmbyer, kjo është prova që alarmon policinë (FOTO LAJM) appeared first on Albeu.com.

Policia ka shoqëruar një 50-vjeçare e cila akuzohet se ka rrëmbyer 12-vjeçarin nga Tirana, dhe e ka përdorur atë për të lypur në Sarandë.

Në pranga ka rënë shtetasja Bukuroshe Muharremi, e cila akuyzohet për veprën penale “Trafikim i të miturëve”.

Në polici ajo ka mohuar të gjitha akuzat duke deklaruar se donte vetëm t’a ndihmonte 12-vjeçarin.

Kanë qënë banorët e zonës në fjalë të cilët të njohur me rastin nga mediat, kanë lajmëruar policinë dhe u bë e mundur gjetja e tij. /albeu.com/

The post EMRI/ Dëshmia në polici, kush është 50-vjeçarja që rrëmbeu të miturin në Tiranë dhe e nxorri të lypte në Sarandë? appeared first on Albeu.com.