Departamenti i Shtetit, publikoi rregulloren përfundimtare në Regjistrin Federal nën titullin “Vizat:  Përmirësimi i Verifikimit dhe Luftimi i Mashtrimit në Programin e Vizave të Emigrantëve të Diversitetit”.

Rregulli do të hyjë në fuqi më 10 prill 2026 dhe kërkon që çdo aplikant të paraqesë të dhëna të detajuara nga pasaporta e tij, si pjesë e formularit elektronik të regjistrimit.

Aplikantët do të duhet të ngarkojnë gjithashtu, një skanim të faqeve biografike dhe të nënshkrimit të pasaportës.

Qëllimi, sipas zyrtarëve, është të forcohet verifikimi i identitetit dhe të zvogëlohet përdorimi i mashtrimeve, aplikimeve të dyfishta dhe paraqitjeve nga palë të treta pa dijeninë e individëve të përfshirë.

Çdo vit, deri në 55,000 viza emigrantësh jepen përmes një procesi të kompjuterizuar të përzgjedhjes së rastësishme.

Sipas Departamentit të Shtetit, kërkesa për dokumentacionin e pasaportës do të sigurojë që pjesëmarrja në Lotari të lidhet me individë të vërtetë dhe do ta bëjë më të vështirë përdorimin e informacionit nga ndërmjetës ose agjentë të paligjshëm.

Informacioni i kërkuar përfshin numrin e pasaportës, vendin ose autoritetin që e ka lëshuar, datën e skadimit dhe një kopje të skanuar të faqes biografike dhe të nënshkrimit.

Regjistrimet që nuk plotësojnë këto kërkesa mund të skualifikohen.

Përjashtime të kufizuara mund të aplikohen për individë pa shtetësi ose ata që nuk mund të marrin pasaportë për arsye qeveritare.

Rregullorja gjithashtu përfshin përditësime teknike, duke zëvendësuar termin “gjini” me “seks” dhe “moshën” me “datën e lindjes”, për të përmirësuar saktësinë e mbledhjes së të dhënave.

Këto ndryshime do të zbatohen duke filluar me Lotarinë DV të vitit 2027, dhe aplikantët duhet të kenë pasaportën gati gjatë plotësimit të aplikimit, pasi verifikimi i saj do të jetë një pjesë kyçe e procesit.

Informacioni i kërkuar përfshin:

Numri i pasaportës

Vendi ose autoriteti që ka lëshuar pasaportën

Data e skadimit të pasaportës

Një kopje e skanuar e faqes biografike dhe të nënshkrimit të pasaportës

The post Rikthehet Lotaria Amerikane/ DASH forcon rregullat, ja kriteret e reja që duhet që të plotësohen appeared first on Albeu.com.

Për një organizim sa më të mirë të udhëtimit dhe hyrjes në stadium, tifozët këshillohen të ndjekin udhëzimet e mëposhtme:

Policia polake ka lëshuar lejen për përdorimin e pikës së grumbullimit të tifozëve shqiptarë te Monumenti i Sirenës pranë lumit Vistula në Varshavë dhe do të marrë masa për garantimin e sigurisë së tyre në Fan Meeting Point.

Orari i hapjes së stadiumit

Dyert e stadiumit hapen në orën 18:45.
Ndeshja nis në orën 20:45.
Tifozët këshillohen të mbërrijnë sa më herët për të shmangur radhët dhe për të mos humbur fillimin e ndeshjes.
Mos sillni me vete bagazhe apo çanta të mëdha që nuk janë të nevojshme.

Hyrja e tifozëve shqiptarë në stadium

Hyrja e dedikuar për tifozët e Shqipërisë është Gate 10, në anën verilindore të stadiumit (rruga Siwca).
Pas kontrollit të parë të sigurisë, tifozët duhet të ndjekin hyrjen L, sipas biletës.
Personat me aftësi të kufizuara këshillohen të përdorin Gate 1.

Si të shkoni në stadium

Stadiumi ndodhet rreth 3.2 km nga qendra e qytetit dhe rekomandohet përdorimi i transportit publik.
Mund të shkoni me metro, tramvaj, autobus ose tren urban.
Distanca në këmbë nga qendra është rreth 35 minuta.
Stacionet më të afërta janë:
Rondo Waszyngtona dhe Aleja Zieleniecka (autobus dhe tramvaj)
Stadion Narodowy (metro)
Warszawa Stadion (tren urban)

Parkimi për tifozët shqiptarë

Tifozët që udhëtojnë me makinë ose autobus kanë një zonë parkimi të dedikuar pranë stadiumit.
Parkimi ndodhet në rrugën Sokola, me hyrje nga rrugët Wybrzeże Szczecińskie dhe Zamoście.
Çdo automjet duhet të vendosë në xham një fletë A4 me shkronjën “A”.

Transporti publik falas ditën e ndeshjes

Bileta e ndeshjes shërben edhe si biletë transporti publik falas në Varshavë.
Transporti falas është i vlefshëm nga ora 06:00 e mëngjesit deri në 01:00 pas mesnate.
Përtej këtij orari duhet të blihen bileta normale.

Hyrja në stadium dhe kontrolli

Çdo tifoz duhet të ketë biletë të vlefshem, pavarësisht moshës.
Autoritetet mund të kërkojnë dokument identifikimi (ID, pasaportë ose patentë).
Bileta duhet të ruhet deri në fund të ndeshjes.
Nëse largoheni nga stadiumi, nuk lejohet rikthimi.
Telefoni duhet të jetë i karikuar, pasi hyrja bëhet vetëm me biletën në telefon.

Rregullat e sigurisë në stadium

Tifozët dhe sendet personale mund të kontrollohen nga policia dhe stafi i sigurisë.
Duhet të ndiqni gjithmonë udhëzimet e stafit të stadiumit.
Uluni në vendin që tregohet në biletë dhe përdorni hyrjen e përcaktuar.

Objektet e ndaluara në stadium

Ndalohet hyrja me:

Fishekzjarre, flakadanë, tymuese apo çdo mjet piroteknik
Shishe, kanaçe ose objekte qelqi
Alkool apo substanca narkotike
Materiale raciste, politike ose propagandistike
Shtylla flamujsh të forta ose më të gjata se 1 metër
Spray, substanca të ndezshme ose korrozive
Kamera profesionale me lente të mëdha
Çanta të mëdha, valixhe apo objekte më të mëdha se 25x25x25 cm
Megafonë, vuvuzela, pajisje zhurmuese
Laser, topa ose dronë

Ushqim dhe pije në stadium

Në stadium do të ketë pika ku mund të blihen ushqime si hot dog, sallamra, kokoshka dhe pije joalkoolike.

Pagesat mund të bëhen me karta VISA ose MasterCard.
Për arsye sigurie, tifozët e skuadrës mike duhet të konsumojnë pijet në zonat e korridoreve dhe jo në tribuna.

Pas përfundimit të ndeshjes

Tifozët shqiptarë mund të kërkohen të qëndrojnë në tribunë rreth 10–20 minuta pas përfundimit të ndeshjes.

Njoftimi do të bëhet nga spikeri i stadiumit.

Kujdes në qytet

Si në çdo qytet të madh, tifozët duhet të jenë të kujdesshëm me sendet personale për të shmangur vjedhjet.

Rregullat për alkoolin në Poloni

Konsumi i alkoolit në vende publike është i ndaluar, përveç bareve, restoranteve dhe zonave të licencuara.
Personat nën ndikimin e alkoolit mund të mos lejohen të hyjnë në stadium.

Monedha në Poloni

Monedha zyrtare është Zloty polak (PLN).
Kartat bankare pranohen gjerësisht në shumicën e dyqaneve dhe restoranteve.

Rekomandime për tifozët shqiptarë

Autoritetet polake paralajmërojnë se ekziston rrezik për përplasje mes grupeve huliganësh para ose pas ndeshjes, ndaj tifozët shqiptarë duhet të tregojnë kujdes maksimal gjatë qëndrimit në Varshavë.
Tifozët këshillohen të lëvizin në grupe dhe të shmangin zonat e izoluara në qytet.
Për arsye sigurie rekomandohet që simbolet apo ngjyrat kombëtare shqiptare të mos mbahen jashtë stadiumit.
Të gjithë tifozët duhet të ndjekin udhëzimet e policisë, shërbimeve të sigurisë dhe stafit organizator.

Rregullat ligjore në Poloni

Në Poloni është plotësisht e ndaluar sjellja, posedimi ose përdorimi i mjeteve piroteknike, flakadanëve apo materialeve të rrezikshme në evente masive ose gjatë rrugës drejt stadiumit.
Shkelja e këtij rregulli mund të sjellë gjobë, kufizim të lirisë ose dënim me burg nga 3 muaj deri në 5 vjet.
Konsumi i alkoolit në vende publike është i ndaluar në të gjithë territorin e Polonisë.
Ndalohet përdorimi i simboleve që promovojnë nazizmin, komunizmin, fashizmin apo sisteme të tjera totalitare, si dhe çdo material që nxit urrejtje kombëtare, etnike, racore apo fetare. Shkeljet dënohen deri në 3 vjet burg.

The post Sfida Poloni-Shqipëri, çfarë duhet të dinë tifozët kuqezi që do të ndjekim Kombëtaren në Varshavë appeared first on Albeu.com.

Rozana Radi, e ka bërë të qartë se nëse i bie kutia e Pandorës, do nominojë veten, Gertën dhe Laertin.

“Mua po më erdhi Kutia e Pandorës do të çojë në nominim veten time, Gertën dhe Laertin. Ne nuk marrim autoritetin e Vëllait të Madh, kanë bërë gabim të rëndë të dy por ne prapë do i shpëtojmë nëse vjen Zarfi i Zi. Unë kam ardhur për të luajtur këtu. Unë nuk kam frikë nga ty o Gerta”,– tha Rozana.

Po ashtu, edhe banorët e tjerë, Gerta, Loredana dhe Aldo, kanë diskutuar se në rast se ata do të përballeshin me Kutinë e Pandorës, do nominonin disa banorë. Gerta ka thënë se do dërgonte në nominim Gjestin, Rozin dhe Eglin.

Këtë gjë Gerta ua kërkoi edhe banorëve të tjerë që ta bënin nëse iu bie Kutia e Pandorës, pasi sipas saj, në këtë mënyrë del Egli nga shtëpia.

The post Nga Rozana te Gerta, banorët thyejnë rregullat në “Big Brother Vip” appeared first on Albeu.com.

Në ligjin e ri, për shtetasit e huaj parashikohen dhe përjashtime në rast pensioni apo aksidentesh.

Kushtet e lejeve të qëndrimit për shtetasit e huaj në Shqipëri, do të ndryshojnë.

Në ligjin e depozituar për konsultim publik, parashikohet që shtetasit nga vendet e BE-së dhe SHBA-së, duhet të jetojnë apo punojnë në vendit tonë për të paktën 5 vite, për t’u bërë shtetas të përhershëm.

Por në ndryshimet e reja parashikohen dhe përjashtime.

Një person i huaj nga vendet e Bashkimit Evropian, zona Shengen apo SHBA që janë në prag të pensionit dhe kanë kontribuuar për të paktën 12 muaj në vendin tonë, mund të pajisen me lejen e përhershme.

Lehtësim do të ketë edhe në rastet kur një person që ka punuar për 2 vite, shpall paaftësinë për të punuar.

Në këto raste përfshihen aksidentet në punë apo një sëmundje që mund t’i ketë ardhur, për shkak të profesionit.

Kushte për leje qëndrimi do të ketë dhe për studentët e huaj.

Ata do të mund të lëvizin në vendin tonë për një vit, ndërsa do t’i lejohet dhe e drejta e punësimit duke respektuar limitin maksimal të 15 orëve në javë.

Studentët e huaj, gjithashtu, do të mund të zgjasin afatin e tyre të qëndrimit në Shqipëri, deri në përfundimin e shkollës.

The post Ndryshojnë rregullat për të marrë pasaportën shqiptare/ Drafti i ri prek edhe lejet e qëndrimit appeared first on Albeu.com.

Sipas ligjit, mbi 18 vjeç në Gjermani do të lejohet të posedojnë sasi të konsiderueshme kanabisi, por rregullat strikte do ta bëjnë të vështirë blerjen e drogës, shkruajnë mediat e huaja.

Pirja e kanabisit në shumë hapësira publike do të bëhet e ligjshme nga 1 prilli.

Mbajtja e deri në 25 g, duhet të lejohet në hapësirat publike. Në shtëpitë private kufiri ligjor do të jetë 50g.

Siç theksojnë mediat, tashmë policia në disa pjesë të Gjermanisë, si në Berlin, shpesh “mbyll njërin sy” ndaj pirjes konsumimit të tij në publik, megjithëse mbajtja e drogës për përdorim rekreativ është e paligjshme dhe mund të ndiqet penalisht. Përdorimi i drogës tek të rinjtë është rritur për vite me rradhë pavarësisht ligjit ekzistues, thotë ministri i Shëndetësisë Karl Lauterbach, i cili po nxit reformat.

Ai dëshiron të minojë tregun e zi, të mbrojë ata që e konsumojnë nga kanabisi i kontaminuar dhe të shkurtojë rrjedhat e të ardhurave për bandat e krimit të organizuar. Një debat rreth dekriminalizimit të kanabisit ka nisur prej vitesh në Gjermani, me grupet e mjekëve që shprehin shqetësime për të rinjtë dhe konservatorët duke thënë se liberalizimi do të nxisë përdorimin e drogës.

The post Gjermania legalizon kanabisin – këto janë rregullat që duhet të zbatohen që nga 1 prilli appeared first on Albeu.com.

Konkurrentët iu kundërvunë Eglës, ndërsa disa prej tyre planifikuan hakmarrje. Ilnisa u përpoq të bindte Vesën, Artën, Rozën dhe Julin, që të vendosnin qepë në shtratin e aktores. Ky plan nuk u vu në zbatim, por Françeska veproi më shpejt. Ajo prishi krevatin e Eglës dhe kjo e fundit u revoltua jo pak:

Françeska: Na vjen Egla tani dhe do të na tregojë se kush është!

Egla: Nuk merrem dot me ty se je shumë për mua shpirti

Françeska: Vjen dhe bën gjithë këto skena nëpër shtëpi, kjo je ti

Egla: Je shumë për mua

Françeska: Të vjen inat? Unë jam më lart se ty vetëm për një fakt, se ndryshe nga ti nuk vij dhe i prish qetësinë të gjithë shtëpinë

Egla: Pse përsërit çfarë them unë

Françeska: Ty të intereson vetëm tekat e tua, je shumë e ulët. Je pa edukatë

Egla: Ti je me shumë edukatë dhe sapo e tregove te dhoma e gjumit

Françeska: Por, të ktheva mbrapsht atë që na bërë neve

Egla: Nuk merrem dot me ty, se kam frikë mos të prish ndonjë fije floku.

Debati vijoi edhe me banorë të tjerë, ndërkohë që Egla shkoi të shtratin dhe Fraçeskën, ku shkeli me këmbë rrobdishanin, fluturoi në dhomë çarçafët dhe ngriti krevatin.

The post Dënimi nga Vëllai i Madh/ Françeska prish shtratin e Eglës, aktorja merr hak! Përplasje e ashpër mes banorëve appeared first on Albeu.com.

Aktorja mbajti fikur mikrofonin, pavarësisht paralajmërimeve të “Vëllait të Madh”. Në shtëpi, mbërriti më pas një zarf i zi, që njofton se uji do të jetë i limituar dhe ngrohëset në oborr do të jenë të fikura.

“Banorë, sikurse edhe ju e dini, rregullat e ‘Vëllait të Madh’ duhet të respektohen nga të gjithë me përpikmëri. Një nga rregullat bazë është që mikrofoni të jetë i ndezur. Ky rregull është thyer vazhdimisht nga Egla sot. Për këtë arsye, ‘Vëllai i Madh’ ju dënon të gjithëve duke pasur ujë të limituar dhe të qëndroni pa ngrohje jashtë, deri në një njoftim të dytë”.

Menjëherë, reaguan të revoltuar banorët:

Erjola: Seriozisht, për faj të një personi

Ledjona: Prandaj e bën ajo

Françeska: Kaq shumë të ka ndikuar ky nominim, që po i bën këto gjeste

Romeo: E ke inatin me “Vëllain i Madh”?

Meritoni: Të paktën më mundëson të bëj një dush

Egla: Ore, a ke vesh kur flas unë? Nuk jam as ujësjellësi, as Vëllai i Madh. Nuk të ndihmoj dot. Mos më hajde këtu

Meritoni: Për tri ditë, nuk veprove për komunitetin

Egla: Po ik o Meriton. Mendoje dhe bëj një zgjidhje

Meritoni: Do e bëj patjetër

The post Zarf i zi në shtëpi! Të gjithë dënohen për shkak të Eglës, shpërthejnë kundër konkurrentes appeared first on Albeu.com.

Eksperimenti përfshin edhe federata të tjera evropiane si Suedia dhe Holanda, gjithmonë të përfshira në turnetë kombëtare të të rinjve. FIGC-ja do ta vazhdojë këtë studim në kampionatin U-18.

Por cili është objekti i eksperimentit?

Eksperimenti parashikon që një lojtar nuk konsiderohet më i dënueshëm nëse ndonjë pjesë e trupit me të cilën mund të shënojë gol është në linjë me mbrojtësin e parafundit.

Prandaj, për të sanksionuar një pozicion jashtë loje, duhet të ekzistojë e ashtuquajtura dritë midis sulmuesit në pozicionin më të avancuar dhe mbrojtësit, d.m.th. duhet të ndahen vizualisht.

Eksperimentimi përfshin dy kanale:

Një cilësor, nëpërmjet një sondazhi online që synon mbledhjen e opinionit të lojtarëve, trajnerëve dhe gjyqtarëve, për aspekte që lidhen me strategjitë e lojës;

Një sasior, nëpërmjet treguesve të saktë të performancës që do të vlerësojnë ndikimin aktual të vetë eksperimentit.

The post Ndryshojnë sërish rregullat e futbollit, FIFA do të ndërhyjë në pozicionin jashtë loje appeared first on Albeu.com.

Kjo sepse do të luhet në vjeshtë dhe jo në verë, kjo për shkak të temperaturave të larta që ka Katari. Pak muajh më parë, FIFA prezantoi rregulloren që do të zbatohet në Kupën e Botës Katar 2022 dhe do të jetë e ngjashme me ato të herëve të tjera. Ajo që dihet nga këto rregulla është se një fitore të jep tre pikët dhe barazimi një pikë.

Në raundet e eliminimit direkt, në rast barazimi në fund të kohës së rregullt, do të ketë 30 minuta shtesë të ndara në dy pjesë nga 15 minuta dhe nëse ndeshja është ende në barazim pas 120 minutave, do të ekzekutohen penalltitë për të gjetur një fitues.

Si do të jetë raundi i penalltive?

Rregullat e garës thonë se penalltitë do të lejohen vetëm për lojtarët që kanë qenë në fushën e lojës para përfundimit të ndeshjes, pra nuk do të ketë ndërrime pas mbylljes së ndeshjes, me përjashtim të vetëm portieritm, mne kusht që ekipi që dëshiron të bëjhë ndërrimin të ketë në dispozicion zëvendësime.

Të dyja skuadrat do të duhet të gjuajnë me të njëjtin numër lojtarësh të disponueshëm, apo për të sqaurar, nëse njëra nga skuadrat e përfundon ndeshjen me më pak se 11 lojtarë, qoftë shkaku i dëmtimit apo përjashtimit me të kuq, skuadra tjetër do të duhet të eliminojë aq lojtarë sa duhet për të barazuar numrin e lojtarëve të disponueshëm në ekipin kundërshar.

Në rast se pas 10 goditjeve në total nga të dyja skuadrat ndeshja është ende e barabartë, do të ketë penallti fituesem në të cilin çdo ekip do të ketë nga një goditje në dispozicion dhe skuadra e parë që do të humbasë penalltinë, do të eliminohet.

Asnjë lojtar nuk do të lejohet të gjuajë dy herë derisa pjesa tjetër e bashkëlojtarëve të skuadrës, duke përfshirë portierinm, të kenë kryer gjuajtjet e tyre.

FIFA gjithashtu ka bërë të ditur se këto gola që shënohen gjatë goditjeve të penalltive në fund, nuk do të futen në statistikat e lojtarëve për sasinë e golave të shënuar në total të kompeticionit./h.ll/albeu.com

The post FIFA prezanton rregullat e Kupës së Botës, ja si do të goditen penalltitë appeared first on Albeu.com.

Prej disa vitesh, tashmë në rolin e trajnerit, Gerrard është po ai, lojtari që ishte strikt në çdo gjë, si një mënyrë për të arritur sukses dhe harmoninë në skuadër.

Edhe tashmë në krye të Aston Villës, rregullat strikte të vendosur nga ish-mesfushori i Liverpool  janë po aty, madje për disa mund të quhen të “çmendura”.

Mbërritja me vonesë në stërvitje, pasi Gerrard t’i ketë rënë bilbilit për fillimin e seancës së ditës, kushton një gjobë të majme prej 500 stërlinash.

Ky penalitet është mjaft i zakonshëm në ekipet e futbollit, por në listën e gjobave të Gerrardit ka të tjera shumë të çuditshme. Ndoshta sanksioni më befasues është ai që tregon se nëse një lojtar harron të sjellë një tortë në ditëlindjen e tij, ai duhet të paguajë 50 stërlina për çdo ditë që kalon. Kuptohet qartë që trajneri i kushton vëmendje të veçantë marrëdhënieve të ngushta në grup.

Një tjetër sanksion, që mund të duket befasues, por që ka një logjikë të caktuar, është ai i futjes në dush zbathur. Lojtarët e Aston Villa duhet të veshin pantofla dhe thyerja e këtij rregulli do të thotë të gjobitesh 100 stërlina.

Lista e Gerrardit është e pafundme dhe disa shkelje disiplinore u kushtojnë lojtarëve mjaft para. Të mbërrish me vonesë në kampin stërvitor ose në një takim do të thotë të paguash 200 stërlina… në minutë. Nëse kjo vonesë ndodh në një ditë ndeshjeje, shuma do të jetë 1,000 stërlina (1,188 euro).

Trajneri i Aston Villas gjithashtu dëshiron që lojtarët e tij të jenë të respektueshëm në fushë. Nëse dikush merr një karton të verdhë për protestë, dënimi do të jetë 200 stërlina, ndërsa ai që merr karton të kuq duhet të ftojë për për të ngrënë të gjithë skuadrën brenda katër javësh nga përjashtimi nga loja.

100 stërlina kushtin nëse ke harruar të marrë GPS në stërvitje apo të parkosh në një vend të ndaluar. Të vishesh keq do të thotë gjithashtu se do ta marrësh gjobë. Gerrard nuk mund ta imagjinojë që lojtarët e tij të jenë të veshur keq. Çdo veshje e papërshtatshme në ditët e ndeshjeve do të pasohet me një gjobë prej 100 stërlinash. Dhe vonesa në një ngjarje biznesi në klub do të rezultojë në një gjobë prej 250 stërlinash.

Dhe së fundi, ndoshta më surrealja nga të gjitha (edhe pse ajo me tortën e ditëlindjes duket më e veçanta) është ajo që tregon lojtarin më të keq në stërvitje një ditë para ndeshjes, i zgjedhur me votim, i veshur me një fanellë me mbishkrimin “Isha më i keqi në stërvitje”./ h.ll/albeu.com

The post Gerrard me “dorë të hekurt”, trajneri i Aston Villa ka shpalosur gjobat nëse thyhen rregullat appeared first on Albeu.com.