Një prej risive parashikon shtyrjen e së drejtës për t’u pajisur me leje drejtimi deri në 1 vit për personat që kapen duke drejtuar automjete pa patentë. Kur shkelja kryhet nga të mitur, kjo periudhë zgjatet deri në 2 vjet.

Për drejtuesit që rezultojnë me më shumë se 0,5 gram për litër alkool në gjak dhe që janë ndëshkuar më herët për drejtim mjeti nën ndikimin e alkoolit ose në gjendje të dehur, leja e drejtimit hiqet përgjithmonë.

Vatoci tha se ky ndryshim lidhet me nevojën për të frenuar aksidentet me pasoja të rënda që shkaktohen nga drejtimi i automjeteve nën efektin e alkoolit.

Ndryshimet e miratuara përmes Ligjit nr. 58/2026 “Për disa shtesa dhe ndryshime në Kodin Rrugor të Republikës së Shqipërisë” përfshijnë edhe masa më të ashpra ndaj sjelljeve të rrezikshme në rrugë.

Për drejtuesit që nuk përshtatin shpejtësinë në rrugë me fushëpamje të kufizuar, kryejnë manovra agresive, ndërrojnë shpesh korsinë pa sinjalizim ose kryejnë shkelje që rrezikojnë përdoruesit e tjerë të rrugës, në zona urbane, pranë shkollave, kryqëzimeve apo degëzimeve, masa administrative është rritur nga 20 000 deri në 60 000 lekë.

Sipas Policisë Rrugore, përcaktimi i sanksionit merr në konsideratë vendin ku ndodh shkelja dhe qartëson elementet e anës objektive të saj.

Rritja e masës është vlerësuar e arsyeshme për shkak të rrezikut të lartë që paraqesin këto veprime dhe shtimit të ngjarjeve rrugore në zonat urbane.

Përdorimi i telefonit celular gjatë drejtimit tashmë sanksionohet edhe për drejtuesit e biçikletave, motomjeteve deri në 50 cc dhe monopatinave me motor.

Gjithashtu, leja e drejtimit pezullohet kur një drejtues është ndëshkuar dy herë brenda të njëjtit vit për përdorim të telefonit celular. Më parë, pezullimi zbatohej pas tre shkeljesh.

Policia e konsideron përdorimin e telefonit gjatë drejtimit një ndër shkaqet kryesore të humbjes së kontrollit mbi mjetin dhe, rrjedhimisht, të aksidenteve rrugore.

Rregulla të posaçme janë përcaktuar edhe për drejtuesit e rinj, të cilët e kanë marrë lejen e drejtimit gjatë 24 muajve të fundit. Për këtë kategori parashikohen masa specifike lidhur me drejtimin nën ndikimin e alkoolit dhe kufizime të veçanta të shpejtësisë.

Një tjetër ndryshim heq mundësinë e konvertimit të pezullimit të lejes së drejtimit, të lëshuar nga shteti shqiptar, përmes pagesës së një shume sa dyfishi i masës administrative maksimale të parashikuar për shkeljen.

Para datës 7 gusht, drejtuesit e evidentuar për shkelje të Kodit Rrugor, ndaj të cilëve përveç gjobës parashikohej edhe pezullimi i lejes së drejtimit, mund të paguanin dyfishin e vlerës maksimale të gjobës për të shmangur masën plotësuese. Me ndryshimet e reja, kjo mundësi është hequr dhe leja e drejtimit pezullohet automatikisht.

Ndryshimet kryesore, të cilat kanë hyrë në fuqi më 07.08.2026, u bëjnë të ditur se personat e kapur pa leje drejtimi do ta kenë të shtyrë të drejtën për t’u pajisur me patentë deri në 1 vit, ndërsa për të miturit deri në 2 vjet. Për çdo rast, shërbimet e Policisë Rrugore në Policinë e Shtetit do të informojnë DSH­TRR-në, si institucionin përgjegjës për lëshimin e lejeve të drejtimit, në mënyrë që personat e konstatuar të regjistrohen në sistem dhe të ndiqen procedurat përkatëse.

Strukturat e Policisë Rrugore në të gjithë vendin janë informuar për ndryshimet e fundit dhe janë udhëzuar që t’i zbatojnë ato në mënyrë korrekte.

Policia e Shtetit u ka bërë thirrje drejtuesve të mos tejkalojnë shpejtësinë e lejuar, të mos drejtojnë automjete apo motomjete nën efektin e alkoolit dhe veçanërisht në gjendje të dehur, të mos përdorin telefonin gjatë drejtimit, si dhe të shmangin parakalimet e ndaluara dhe manovrat e rrezikshme ose agresive.

Apeli vjen edhe në kushtet e numrit të lartë të shkeljeve të evidentuara nga mjetet inteligjente dhe të forcimit të masave në funksion të mbrojtjes së jetës.

Sipas Policisë, ndëshkimi nuk përbën objektivin kryesor. Synimi është parandalimi i shkeljeve, shmangia e aksidenteve dhe mbrojtja e jetës.

Çdo drejtues mjeti duhet të sillet me përgjegjshmëri gjatë gjithë kohës që ndodhet në timon dhe të respektojë rregullat e qarkullimit rrugor.

Siguria në rrugë kërkon angazhimin e të gjithëve. Kontributi i çdo përdoruesi të rrugës ndihmon në krijimin e një qarkullimi më të sigurt dhe në shpëtimin e jetëve.

The post Kodi i ri Rrugor/ Nga heqja përfundimtare e patentës për alkoolin te gjobat deri në 60 mijë lekë, ja rregullat që kanë ndryshuar për qarkullimin appeared first on Albeu.com.

Rrjeti ndërkombëtar për mbrojtjen e gazetarëve, pranon detyrimin e gjykatës për të ruajtur sigurinë dhe zhvillimin normal të proceseve, por paralajmëron se ndërthurja e disa dispozitave mund të dëmtojë ndjeshëm lirinë e informimit.

Në deklaratë theksohet se nenet 76 dhe 93(16) vendosin ndalim të plotë për mbajtjen e telefonave, laptopëve dhe pajisjeve të tjera elektronike në sallë.

Sipas SafeJournalists, kjo masë ua vështirëson gazetarëve shënimin e informacionit, verifikimin e të dhënave dhe komunikimin në kohë reale me redaksitë.

Shqetësime ngre edhe sistemi i rreptë i akreditimit vjetor, së bashku me kërkesën që pjesëmarrja në seancë të njoftohet 24 orë më herët.

Rrjeti vlerëson se këto detyrime krijojnë ngarkesë administrative dhe mund të diskriminojnë gazetarët e pavarur, reporterët e rinj dhe mediat e vogla.

Po ashtu, kundërshtime ka për trajtimin përmes akreditimit të çështjeve etike ose të përdorimit të inteligjencës artificiale, si edhe për mungesën e një procedure të shpejtë ankimi ndaj refuzimeve.

Reagimi i plotë:

SafeJournalists shpreh shqetësimin e tij për disa dispozita që prekin median në Rregulloren e re të Brendshme, të miratuar nga Gjykata e Posaçme e Shkallës së Parë për Korrupsionin dhe Krimin e Organizuar me Vendimin nr. 49, datë 17 korrik 2026. Dokumenti u publikua më 31 korrik 2026 dhe është parashikuar të hyjë në fuqi më 1 shtator 2026.

Rrjeti pranon se Gjykata e Posaçme ka përgjegjësinë të garantojë sigurinë, të mbrojë të gjithë personat e përfshirë në proces, të sigurojë paprekshmërinë e procedimit gjyqësor dhe të mundësojë administrimin e rregullt të drejtësisë. Gjithashtu, ai vlerëson masat e përfshira në rregullore për transparencën, trajtimin e barabartë dhe marrjen e vendimeve të arsyetuara.

Megjithatë, zbatimi i përbashkët i disa prej këtyre dispozitave mund t’ua kufizojë gazetarëve mundësinë për t’i ndjekur drejtpërdrejt proceset, për të hedhur shënime të sakta, për të komunikuar me redaksitë dhe për të raportuar pa vonesë mbi çështje me interes jashtëzakonisht të lartë publik.

Neni 90 parashikon akreditim individual me afat njëvjeçar, ndërsa neni 93(1) përcakton mënyrën e aksesit për përfaqësuesit e akredituar të medias. Nga rregullorja nuk kuptohet qartë nëse një gazetar që nuk ka akreditim të përhershëm pranë Gjykatës së Posaçme mund ta ndjekë si pjesëtar i publikut një seancë që, në kushte të tjera, është e hapur.

Ndërkohë, Shtojca 7 u kërkon gazetarëve të pavarur të provojnë se kanë ushtruar veprimtari profesionale gjatë 12 muajve pararendës. Një kërkesë e tillë mund të dëmtojë gazetarët freelancer, reporterët e pavarur, ata që ndodhen në hapat e parë të profesionit ose gazetarët që sapo janë caktuar të raportojnë nga Gjykata. Akreditimi mund të ndihmojë në identifikim dhe në sigurimin e aksesit të barabartë, por nuk duhet të përdoret si filtër apo si kusht i panevojshëm për ndjekjen e procedimeve publike.

Edhe procedura për sigurimin e aksesit mund të sjellë ngarkesë të panevojshme burokratike, sidomos për gazetarët e pavarur dhe ata që angazhohen në redaksi të vogla. Kur vihet në zbatim procedura e posaçme e nenit 93(2), neni 93(3) përcakton si rregull që kërkesa të dorëzohet të paktën 24 orë përpara zhvillimit të seancës.

Më tej, gazetarëve mund t’u kërkohet të rikonfirmojnë pjesëmarrjen, të zbatojnë parimin e përgjithshëm që lejon vetëm një përfaqësues për çdo media dhe, kur synohet mbulim audioviziv, të paraqesin një kërkesë tjetër në bazë të nenit 95. Procedura të tilla mund të jenë të dobishme për organizimin kur ka një arsye konkrete që lidhet me kapacitetin e sallës ose me sigurinë, por ato nuk duhet të kthehen në një parakusht të zakonshëm për praninë në seancat publike. Për seancat urgjente, njoftimet në momentet e fundit dhe zëvendësimin e reporterëve nevojitet një proces i shpejtë dhe i thjeshtë.

SafeJournalists shpreh shqetësim të veçantë për nenet 76 dhe 93(16), të cilat nuk u lejojnë gazetarëve të pranuar vetëm për ndjekjen e seancës që të mbajnë ose të përdorin telefona celularë, laptopë dhe mjete të tjera elektronike. Ndalimi i transmetimeve ose regjistrimeve të paautorizuara është i ligjshëm, por një kufizim i përgjithshëm pengon njëkohësisht shënimet elektronike pa zhurmë, raportimin me shkrim, kontaktin me redaktorët, kontrollin e informacionit juridik dhe përdorimin e pajisjeve për arsye aksesueshmërie.

Për këtë arsye, duhet të vlerësohen zgjidhje më pak kufizuese dhe praktikisht të zbatueshme. Mes tyre mund të jenë përdorimi i pajisjeve në modalitetin pa zë, krijimi i hapësirave të posaçme për median, çaktivizimi ose kufizimi i funksioneve të kamerës dhe dhënia nga drejtuesi i seancës e udhëzimeve të përshtatura për rrethanat konkrete.

Neni 95 trajton posaçërisht mbulimin audioviziv të proceseve gjyqësore, duke përfshirë fotografimin, filmimin, regjistrimin zanor dhe transmetimin. Marrja paraprake e lejes gjyqësore dhe vendosja e kufizimeve për këtë lloj raportimi mund të justifikohen kur synohet mbrojtja e dëshmitarëve, të miturve, privatësisë, provave, rregullit në sallë ose administrimit të drejtë të drejtësisë.

Sidoqoftë, çdo masë kufizuese duhet të mbështetet te kushtet konkrete të seancës, të ketë arsyetim dhe të jetë proporcionale. Përpara një ndalimi të plotë duhen marrë në konsideratë alternativa më pak kufizuese. Pamjet apo materialet e përgatitura nga Gjykata, ose ato që shpërndahen përmes një sistemi “media pool”, mund ta ndihmojnë aksesin kur ka pengesa teknike ose sigurie, por duhet të shërbejnë si plotësim dhe jo të zëvendësojnë rregullisht praninë e pavarur të gazetarëve brenda sallës.

Një tjetër çështje lidhet me nenin 96(3)(e)–(g), ku trajtohen manipulimet e kryera me inteligjencë artificiale, përmbajtjet e cilësuara si mashtruese dhe publikimi i fotografive të personave të dallueshëm kur identifikimi i tyre vlerësohet i panevojshëm. Mbrojtja kundër manipulimeve të rreme dhe publikimeve të paligjshme është e justifikueshme. Megjithatë, sistemi i akreditimit nuk duhet të përdoret për të kontrolluar vendimet editoriale ose sjelljen pas publikimit që zhvillohet jashtë mjediseve të Gjykatës. Raste të tilla duhet të zgjidhen nëpërmjet legjislacionit në fuqi, mjeteve juridike, procedurave të korrigjimit dhe standardeve të etikës profesionale.

Sipas nenit 98, ndaj gazetarëve mund të merren masa që nisin me paralajmërimin, vijojnë me pezullimin e akreditimit deri në gjashtë muaj dhe arrijnë deri te heqja e tij. Për sanksionet më të rënda, rregullorja përmban disa garanci të rëndësishme, mes të cilave kërkesa për fakte konkrete, nxjerrja e një urdhri të argumentuar dhe mundësia që gazetari ose media të paraqesë qëndrimin e vet.

Pavarësisht këtyre garancive, dokumenti nuk përcakton qartë një procedurë të përshpejtuar rishikimi, përmes së cilës një refuzim aksesi ose një masë ndaj akreditimit të zgjidhet përpara se seanca përkatëse të humbasë rëndësinë e saj gazetareske.

SafeJournalists i kërkon Gjykatës së Posaçme të pezullojë zbatimin e dispozitave të kontestuara që kanë të bëjnë me median dhe të zhvillojë një proces të përqendruar rishikimi, përmes konsultimeve të mirëfillta me gazetarët, organizatat mediatike, specialistët e ligjit dhe shoqërinë civile.

Rregullat e rishikuara duhet të sigurojnë që çdo kufizim mbi aksesin dhe raportimin e medias të ketë bazë ligjore, të jetë i domosdoshëm, proporcional, i formuluar qartë dhe i zbatuar në mënyrë të barabartë. Ato duhet t’u mundësojnë gazetarëve të ushtrojnë punën në kushte të arsyeshme dhe praktike, ndërsa refuzimet, përjashtimet ose masat ndaj tyre duhet të argumentohen dhe t’i nënshtrohen një shqyrtimi të shpejtë e efektiv.

Rrjeti SafeJournalists do t’i njoftojë për këtë çështje aktorët përkatës brenda dhe jashtë vendit, si dhe do të vazhdojë të vëzhgojë mënyrën se si do të zbatohet rregullorja.

Prishtinë – Shkup – Sarajevë – Zagreb – Beograd – Podgoricë – Tiranë, 7 gusht 2026

Asociacioni i Gazetarëve të Kosovës

Asociacioni i Gazetarëve të Maqedonisë

Shoqata e Gazetarëve të Bosnjë dhe Hercegovinës

Shoqata Kroate e Gazetarëve

Shoqata e Pavarur e Gazetarëve të Serbisë

Sindikata e Medias e Malit të Zi

The post SafeJournalists kundërshton rregullat e reja të GJKKO-së për median: Të rishikohen kufizimet ndaj gazetarëve dhe informimit publik appeared first on Albeu.com.

EES-ja është sistem digjital që zëvendëson vulosjen manuale të pasaportave për qytetarët e të ashtuquajturave vende të treta, kur hyjnë në zonën Shengen.

Ky sistem regjistron të dhëna biometrike – gjurmët e gishtërinjve dhe imazhin e fytyrës – si dhe të dhëna personale dhe të dhëna udhëtimi, me qëllim përmirësimin e sigurisë kufitare, zbulimin e atyre që tejkalojnë afatin e qëndrimit dhe parandalimin e vjedhjes së identitetit.

Sistemi EES, do të zbatohet për qytetarët që mbajnë pasaporta biometrike, pavarësisht nëse u duhet vizë për të hyrë në BE apo jo.

Zbatimi i pjesshëm i këtij sistemi kishte filluar në tetor të vitit 2025.

Për zyrtarët e Komisionit Evropian, ky është sistemi më modern në botë që ka treguar tashmë rezultate konkrete.

“Me sistemin e hyrje-daljeve, ne po ndërtojmë sistemin kufitar më modern të IT-së në botë. Dhe tashmë po i shohim rezultatet në pesë muajt e fundit. Janë regjistruar më shumë se 45 milionë hyrje dhe dalje. Ka pasur më shumë se 24.000 refuzime hyrjeje, nga të cilat mbi 600 njerëz janë identifikuar si kërcënim për sigurinë e bllokut tonë. Pra, kjo tregon vërtet se po funksionon për qëllimin për të cilin u miratua fillimisht”, tha Arianna Podesta, zëdhënëse e Komisionit Evropian.

Megjithatë, disa shtete anëtare tashmë po përballen me probleme teknike.

Belgjika, përveç Francës dhe Holandës, për shembull, e kishte njoftuar tashmë Komisionin Evropian se sistemi nuk do të ishte plotësisht funksional në të gjitha pikat kufitare deri në afatin e caktuar ligjor, përkatësisht më 10 prill.

Këto vende janë përballur me radhë pasagjerësh në aeroporte në muajt e fundit, të cilat në disa raste kanë rezultuar në pritje prej disa orësh në pikat kufitare.

Zëdhënësja e Podestes konfirmoi se Komisioni Evropian ka qenë në kontakt me vendet që përballen me probleme, duke ndarë praktikat më të mira nga ato shtete anëtare ku sistemi po funksionon shumë mirë.

Zyrtarët kompetentë të Komisionit Evropian pohojnë se duhen mesatarisht 70 sekonda për të regjistruar një hyrje ose dalje.

Megjithatë, lejohet fleksibilitet për të siguruar rrjedhën e qetë të kufijve, veçanërisht duke pasur parasysh sezonin e verës kur pritet lëvizje e shtuar.

Ky fleksibilitet do të jetë i mundur vetëm gjatë muajve të pushimeve verore.

“Rregullat u lejojnë shteteve anëtare të pezullojnë regjistrimin e të dhënave biometrike, në një farë mënyre për të pezulluar pjesërisht funksionimin e EES, në rast të kohës së tepërt të pritjes. Kjo mundësi ekziston deri në shtator, duke mbuluar kështu periudhën e verës kur mund të pritet rritje e trafikut”, tha Podesta.

Sistemi EES shihet si një mënyrë për të siguruar sigurinë e kufijve të BE-së.

Udhëtarët që qëndrojnë më gjatë se afati i lejuar i qëndrimit të tyre në BE (90 ditë në një periudhë 180-ditore) konsiderohen se qëndrojnë jashtëligjshëm në Zonën Shengen dhe do t’iu nënshtrohen një procedure kthimi.

Sipas rregullores së Komisionit Evropian, vendimet për kthim në raste të caktuara do të shoqërohen me një ndalim hyrjeje (kur nuk është dhënë një periudhë për largim vullnetar ose kur detyrimi për t’u kthyer nuk është përmbushur), ndërsa në raste të tjera mund të vendoset edhe një ndalim hyrjeje.

Si ndalimet e hyrjes ashtu edhe vendimet e kthimit do të regjistrohen në sistemin EES.

Kohëzgjatja e ndalimit të hyrjes do të përcaktohet duke marrë parasysh të gjitha rrethanat përkatëse të rastit individual dhe, si rregull, nuk do të kalojë pesë vjet.

Nëse personi ndaj të cilit zbatohet ndalimi përpiqet të kalojë përsëri kufirin Shengen, hyrja do t’i refuzohet në kufi dhe të dhënat e refuzimit do të regjistrohen në sistem.

Në raste të caktuara, parashikohet edhe mundësia e pavlefshmërisë së pasaportës pas përpjekjes për hyrje./REL

The post Hyjnë në fuqi rregullat e reja të udhëtimit në BE, çfarë duhet të kenë parasysh qytetarët shqiptarë appeared first on Albeu.com.

Ndaj dhe autoritetet arsimore nisin që herët përgatitjet për të garantuar proces të drejtë dhe transparent.

Edhe këtë vit, rregullorja e Maturës Shtetërore parashikon ndryshime nga ajo e një viti më parë.

Këto ndryshime prekin veçanërisht aspektet në lidhje me nxënësit mbetës dhe masat disiplinore gjatë provimeve.

Drejtoresha e përgjithshme e Drejtorisë së Arsimit Parauniversitar, Mirela Cami, shpjegoi për ATSH-në ndryshimet e parashikuara në këtë rregullore.

“Nxënësit që rezultojnë mbetës në një apo dy lëndë gjatë gjithë vitit shkollor nuk do të mund të hyjnë në provimet e qershorit. Këta nxënës do të duhet t’i nënshtrohen këtyre provimeve gjatë sezonit të vjeshtës dhe më pas do hyjnë në Maturën Shtetërore në sezonin e dytë. Në rast se rezultojnë jokalues në 3 lëndë, ata e humbin vitin shkollor dhe do t’u duhet ta përsërisin”, theksoi Cami.

Sipas saj, drejtoritë rajonale, Qendra e Shërbimeve Arsimore dhe të gjitha institucionet arsimore do të njoftohen në mbyllje të vitit shkollor për listën emërore të këtyre nxënësve.

Një tjetër ndryshim i rëndësishëm lidhet me përdorimin e pajisjeve teknologjike gjatë provimeve.

“Maturanti, i cili paraqitet në qendrën e provimit dhe konstatohet gjatë provimit me celular, orë smart dhe pajisje të tjera teknologjike, përjashtohet nga ai provim, por ka të drejtë ta japë atë në sesionin pasardhës”, sqaroi Cami.

Sa i përket administratorëve, Cami vuri në dukje se ata nuk do të kenë vetëm detyra, por edhe përgjegjësi për mbarëvajtjen e procesit.

“Administratorët e provimit janë të trajnuar dhe përcaktohen me short elektronik në praninë e drejtorit të ZVAP-së. Janë të qarta detyrat e tyre lidhur me administrimin e procesit të provimit që nga identifikimi i maturantëve, moslejimi i ndërrimit të vendit gjatë provimit, kontrolli fizik për pajisje teknologjike, raportimi i parregullsive, respektimi i orareve dhe rregullave të tjera në përputhje me rregulloren për Maturën Shtetërore 2026, që e ngarkojnë me përgjegjësi lidhur me mbarëvajtjen e procesit”, nënvizoi Cami.

Provimet e maturës do të përmbajnë 30-35 pyetje, duke përfshirë pyetje me alternativa dhe shtjellim.

Ndërkohë që për orientimin dhe përgatitjen e maturantëve, testet model për provimet e ardhshme janë shpërndarë në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

Për të marrë notën 10 absolute, maturanti duhet të grumbullojë 60 pikët e mundshme.

The post Rregullat e reja të Maturës Shtetërore, forcohet mbikëqyrja gjatë provimeve appeared first on Albeu.com.

Në fletoren zyrtare, është publikuar akti normativ “Për disa ndryshime dhe shtesa në ligjin nr. 107/2014, “Për planifikimin dhe zhvillimin e territorit”, që parashikon konfiskim të objekteve që anë tejkalim të lejes mbi masën 10% të sipërfaqes totale ndërtimore.

Disa nga rregullat e reja:

Gjobat

1. Kryerja e punimeve pa leje dënohet me gjobë të barabartë me vlerën e punimeve të kryera, por jo më pak se 35 000 lekë për metër katror.

2. Ndryshimi i destinacionit apo aktivitetit pa leje dënohet me 5 000 000 lekë.

3. Mosveprimi i autoriteteve për miratimin në heshtje të lejeve dënohet me 2 000 000 lekë.

4. Punime të padeklaruara dënohen me 50 000 – 150 000 lekë, si dhe me vendim prishjeje.

5. Për punime pa leje në brezin bregdetar gjoba është jo më pak se 35 000 lekë/m², plus 10% e vlerës së preventivit ose e shitjes.

Konfiskimi dhe prishja e ndërtimeve pa leje

1. Në rastet kur tejkalohet 2% e sipërfaqes totale ndërtimore, konfiskohet pjesa pa leje për interes publik apo strehim social.

2. Kur tejkalohet 10%, konfiskohet i gjithë objekti ose urdhërohet prishja.

3. Shpenzimet e prishjes dhe pastrimit të inerteve paguhen nga ndërtuesi dhe ekzekutohen me bllokim llogarish bankare.

4. Nëse objekti nuk përputhet me projektin arkitektonik, ndërtuesi detyrohet të korrigjojë brenda 90 ditëve, përndryshe objekti konfiskohet për interes publik.

Përjashtime dhe “Lista e zezë”

1. Krijohet një “listë e zezë kombëtare” me ndërtues, shoqëri apo individë që shkelin ligjin e ndërtimit.

2. Ata përjashtohen nga marrja e lejeve për 5 vjet.

Në listë përfshihen ata që kanë kryer shkelje të rënda teknike e ligjore; janë dënuar për vepra penale në ndërtim; kanë shitur të njëjtin apartament më shumë se një herë; kanë pasur ndërtime objekt konfiskimi ose prishjeje.

Ndëshkim për punonjësit publikë

1. Nëse një punonjës shteti përfshihet në ndërtim pa leje, konsiderohet shkelje shumë e rëndë dhe hiqet menjëherë nga puna; nuk mund të punojë në administratë për 7 vjet.

Rregulla të tjera të reja:

1. Ndalohet ndryshimi i funksionit të ndërtesës pa leje të re.

2. Lejet për mure rrethuese janë të detyrueshme dhe sipas modeleve tip.

3. Lejet në bregdet jepen vetëm nga Këshilli Kombëtar i Territorit (KKTU).

4. Punimet që nuk nisin brenda 1 viti nga miratimi i lejes, leja konsiderohet e pavlefshme.

5. IKMT mund të propozojë konfiskimin e objekteve me shkelje. (A2

The post Hyjnë në fuqi rregullat e reja për ndërtimet pa leje appeared first on Albeu.com.

Këto udhëzime, kanë për qëllim rritjen e përfaqësimit të lojtarëve nga kampionati vendas dhe ofrimin e më shumë mundësive për talentet që zhvillohen në Shqipëri. Përqindja ndryshon sipas grupmoshës, duke reflektuar nevojat specifike të secilës kombëtare.

Për ekipet kombëtare të vajzave:

U-17 (2009): 7 lojtare nga jashtë, 13 nga kampionati vendas (rreth 65%).

U-16 (2010): 6 lojtare nga jashtë, 14 nga kampionati vendas (rreth 70%).

U-15 (2011): 5 lojtare nga jashtë, 15 nga kampionati vendas (rreth 75%).

U-14 (2012): 4 lojtare nga jashtë, 16 nga kampionati vendas (rreth 80%).

Për ekipet kombëtare të djemve:

U-21 (2004/05): 16 lojtarë nga jashtë, 7 nga kampionati vendas (rreth 30%).

U-19 (2007/08): 14 lojtarë nga jashtë, 6 nga kampionati vendas (rreth 33%).

U-17 (2009): 11 lojtarë nga jashtë, 9 nga kampionati vendas (rreth 45%).

U-16 (2010): 8 lojtarë nga jashtë, 12 nga kampionati vendas (rreth 60%).

U-15 (2011): 6 lojtarë nga jashtë, 14 nga kampionati vendas (rreth 70%).

U-14 (2012): 5 lojtarë nga jashtë, 15 nga kampionati vendas (rreth 75%).

Megjithatë, Drejtoria Teknike e FSHF, thekson se përzgjedhja finale e lojtarëve mbetet gjithmonë në vendimmarrjen e saj, duke pasur parasysh nevojat e skuadrës dhe performancën e secilit futbollist.

Ky vendim synon të krijojë një ekuilibër të qëndrueshëm, mes zhvillimit të kampionatit vendas dhe shfrytëzimit të talenteve shqiptare që luajnë në kampionatet e huaja, duke garantuar progres të vazhdueshëm në të gjitha grupmoshat.

The post FSHF publikon rregullat e reja për përzgjedhjen e lojtarëve në ekipet kombëtare të moshave appeared first on Albeu.com.

Avokati Naim Hasani, teksa i ftuar në një intervistë në studion e lajmeve në “Ora News” u shpreh se sistemi ETIAS, është një formë në të cilën BE-ja kërkon që të kontrollojë kush futet në këto vende, për të shmangur kontingjentin e krimit.

Sipas tij, kjo është përngjashme me ligjin amerikan, tha ai, përgjigja pritet të merret brenda 72 orëve.

Megjithatë, Hasani shton se pritet që ky afat të shtyhet.

The post ETIAS/ Rregullat e reja për të udhëtuar në BE, Naim Hasani: Ja çfarë duhet të dinë udhëtarët pas janarit appeared first on Albeu.com.

Qeveria ka miratuar futjen në fuqi të orarit fleksibël në punë, por me një fashë orari të detyruar nga ora 09:30-15:30 nga e hëna në të enjte dhe 09:30-13:00 të premten.

Ministrja e Shtetit për Administratën Publike dhe Antikorrupsionin, Adea Pirdeni, tha se punonjësit e administratës mund të vijnë me herët në punë ose edhe më vonë.

“Miratimin e rregullave për kohëzgjatjen e punës dhe të pushimit, orët shtesë dhe kompensimin e tyre në institucionet e administratës shtetërore, institucionet e pavarura dhe institucionet e pushtetit vendor.

Parashikohet për herë të parë konceptimi në legjislacion konceptimi i orëve fleksibël të punës për të garantuar një balancë më të mirë mes punës dhe jetës private të të gjithë punonjësve.

Në bazë të këtij vendimi parashikohet që ndërkohë që kohëzgjatja ditore e punës mbetet e njëjta, pra nga e hëna në të enjte 8 orë e 30 minuta, ndërsa ditën e premte 6 orë. Punonjësit mund të zgjedhin ta nisin ditën e punës me herët dhe ta përfundojnë më vonë ose ta nisin më vonë dhe ta përfundojë më vonë, duke garantuar që të gjithë punonjësit janë prezent në zyrat e tyre në një fashë orare nga 09:30-15:30 nga e hëna në të enjten dhe nga ora 09:30-13:00 ditën e premte”, tha ministrja.

Po ashtu, ministrja prezantoi edhe rregullat e reja për akordimin e pushimeve vjetore jo vetëm për punonjësit e administratës, por edhe për sektorin privat.

“Ky vendim përcakton edhe disa rregulla për akordimin e pushimeve vjetore. Kjo e drejtë mund të delegohet nga drejtuesi i institucionit ose nga sekretari i përgjithshëm tek drejtuesi i departamenti i burimeve njerëzore për të optimizuar procesin e dhënies së lejeve. Dëshiroj të theksoj se më 26 korrik Kuvendi miratoi ndryshimet në kodin e punës për të garantuar një tjetër element fleksibël në mënyrën si menaxhohet gjithë procesi i pushimeve për të gjithë punonjësit e administratës publike, por jo vetëm edhe për sektorin privat. Në ndryshimet e kodit të punës është hequr kufizimi sipas të cilit punonjësit nuk mund të merrnin leje vjetore në një kohëzgjatje më pak sesa një javë kalendarike. Është përcaktuar që kohëzgjatja vjetore e pushimeve është 22 ditë pune ku janë shtuar edhe dy ditë ekstra për të gjithë punonjësit”, u shpreh ministrja.

The post Qeveria miraton rregullat e reja për administratën/ Ja fasha kur punonjësit janë të detyruar të shkojnë në punë appeared first on Albeu.com.

Objektivi i qëndrueshmërisë financiare do të arrihet përmes tre shtyllave kryesore: aftësisë paguese, stabilitetit dhe kontrollit të kostos.

Për sa i përket aftësisë paguese, rregulli i ri për mungesën e borxheve të prapambetura (për klubet e futbollit, punonjësit, autoritetet sociale/taksore dhe UEFA) do të sigurojë mbrojtje më të mirë të kreditorëve. Kontrollet do të kryhen çdo tremujor dhe do të ketë më pak tolerancë ndaj të vonuarve.

Kërkesat e reja të fitimit të futbollit janë një evolucion i kërkesave ekzistuese të shortit dhe do të sjellin kapacitet më të madh në financat e klubit. Për të lehtësuar zbatimin për klubet, llogaritja e të ardhurave nga futbolli është e ngjashme me llogaritjen e rezultateve . Ndërsa devijimi i pranueshëm është rritur nga 30 milionë euro gjatë tre viteve në 60 milionë euro gjatë tre viteve, kërkesat për të siguruar vlerën e drejtë të transaksionit, përmirësimin e bilanceve të klubeve dhe uljen e borxhit janë forcuar ndjeshëm.

Risia më e madhe në rregulloret e reja do të jetë futja e një rregulli të kostos së ekipit për të arritur kontroll më të mirë të kostos në lidhje me pagat e lojtarëve dhe kostot e transferimit. Rregullorja kufizon shpenzimet për pagat, transferimet dhe tarifat e agjentëve në 70% të të ardhurave të klubit. Vlerësimet do të kryhen në kohë dhe shkeljet do të sjellin penalitete financiare dhe masa të paracaktuara sportive./ h.ll/albeu.com

The post Lamtumirë Fair Play Financiar, UEFA shpall rregullat e reja appeared first on Albeu.com.

Kjo vjen pas një sërë reformash të tregut të punës, të shpallura këtë të martë, ku të gjithë ata persona të cilët janë në marrëdhënie pune do të kenë të drejtë që të zgjedhin një javë katërditore për të punuar.

Paketa e reformës e rënë dakord nga qeveria e koalicionit shumëpartiak të vendit, do t’u japë gjithashtu punëtorëve të drejtën të fikin pajisjet e punës dhe të injorojnë mesazhet në lidhje me punën pas orëve të përfunduara, pa frikë nga mbikqyrësit e tyre.

“Ne kemi përjetuar dy vite të vështira. Me këtë marrëveshje, ne vendosëm një fener për një ekonomi që është më inovative, e qëndrueshme dhe dixhitale. Qëllimi është të jemi në gjendje t’i bëjmë njerëzit dhe bizneset më të fortë,” tha kryeministri belg Alexander de Croo, gjatë një conference për shtyp ku u shpall paketa e kësaj reforme.

Gjithashtu, të gjithë punëtorët do të marrin mbrojtje më të forta ligjore sipas srregullave të reja, ndërsa punonjësit me kohë të plotë do të jenë në gjendje të punojnë me orare fleksibël sipas kërkesës./albeu.com/

The post Vendimi i qeverisë belge: Punonjësit do të zgjedhin vetë ditët kur duan të punojnë, mund të injorojnë pronarin jashtë pune appeared first on Albeu.com.