Pal Shtufi ka ndarë rrëfimin e tij për një prej episodeve që e ka prekur më rëndë në marrëdhënien me Riza Salihun, pas vrasjes së Jusuf Gërvallës, Bardhosh Gërvallës dhe Kadri Zekës.

Duke folur në ciklin “Dosjet”, pjesë e emisionit “Debat Plus”, Shtufi tha se lajmin për vrasjen e tre veprimtarëve e kishte marrë vesh në mbrëmje, përmes televizionit. Disa ditë më vonë, Riza Salihu ishte paraqitur në shtëpinë e tij, rreth 700 kilometra larg.

Fillimisht, Shtufi kishte besuar se vizita e Salihut kishte të bënte me shprehjen e ngushëllimeve. Megjithatë, gjatë bisedës ai kishte kuptuar se qëllimi i vizitës ishte tjetër.

“Pas dy-tre ditëve, se besoj që e katërta ditë ka qenë, kur Rizahu vjen te ne. Edhe një befasi e dorës së parë. Nja 700 kilometra po vjen. Ne mendja na shkon që për ngushëllim se s’ka tjetër. Edhe, siç e përshkruaj edhe në libër, ai jo, ka ardhur për diçka tjetër. Policia e kanë kërkuar, edhe thotë, s’kam alibi”, rrëfeu Shtufi.

Ai tregoi se në atë periudhë nuk e dinte as kuptimin e fjalës “alibi” dhe i kishte kërkuar Salihut t’ia sqaronte.

Sipas rrëfimit të Shtufit, Salihu kishte deklaruar se kishte qëndruar në banesën e tij, por nuk kishte mundësi ta provonte këtë. Për këtë arsye, vizita te Shtufi do t’i shërbente si dëshmi se ai kishte qenë në shtëpinë e tyre.

“Vetë kam qenë në banesë, nuk mund me dhënë dëshmi që kam qenë në banesë. Edhe, domethënë, me u shpreh se këtu kam qenë te ju. Ne duhet me thënë, me dëshmu që jo, ka qenë këtu”, tha Shtufi.

Shtufi u shpreh se nuk pranoi të përfshihej në këtë kërkesë, ndërsa situata brenda shtëpisë u bë e tensionuar.

Gjatë bisedës, sipas tij, Riza Salihu dha edhe deklarata të ndryshme për atë që kishte ndodhur me Jusuf Gërvallën, Bardhosh Gërvallën dhe Kadri Zekën.

“Tha, jo s’është i vrarë. Gestapo-ja, këto domethënë Shërbimi sekret i Hitlerit, thotë, ka mbaruar një skenë asisoj, sikur këta janë vrarë, po në fakt këta i kanë çuar në shërbime të tjera, ua ndërrojnë identitetin, kështu gjëra, nuk janë vrarë”, rrëfeu ai.

Por më pas, sipas Shtufit, Salihu e kishte ndryshuar versionin, duke thënë se tre veprimtarët ishin vrarë.

“Tha, po ata janë të vrarë se UDB-ja i ka vrarë vetë”, tha Shtufi, duke përcjellë deklaratën që ia atribuoi Salihut.

Kjo mospërputhje e kishte shtyrë Shtufin ta pyeste pse Salihut i nevojitej një alibi nëse tre personat nuk ishin vrarë.

“Po pse thashë vetë? Tha, po e kanë kryer punën ata, s’ju duhen më. Thashë, po çfarë kanë kryer bre vëlla?”, rrëfeu Shtufi.

Sot, Shtufi mendon se Salihu mund të kishte frikë se ai dhe personat e tjerë do ta raportonin në polici. Megjithatë, ai theksoi se në atë kohë nuk e kuptonte peshën e kërkesës për alibi.

“Unë as ia dija rëndësinë asaj alibie. As s’e kam shkuar në mendja me e thirr”, tha ai.

Pas kësaj, Salihu ishte larguar nga shtëpia. Shtufi tregoi se e kishte shoqëruar deri te një stacion i vogël i trenit.

“Bile e përcolla deri te një stacion i vogël të trenit, edhe shkoi”, tregoi Shtufi.

Ai shtoi se Salihu ishte arrestuar po atë ditë ose të nesërmen. Rreth një vit më pas, Salihu e kishte telefonuar sërish.

“Pas një viti ai telefonon prapë dhe thotë: ‘Ju dogjën Gestapos letrat në dorë. Dola nga burgu’”, rrëfeu Shtufi.

Shtufi tha se kjo ngjarje kishte ndikuar ndjeshëm në mënyrën se si e kishte vlerësuar më vonë Riza Salihun.

Në të njëjtën intervistë, Shtufi deklaroi gjithashtu se Salihu e kishte cilësuar Jusuf Gërvallën si bashkëpunëtor të UDB-së. Sipas pretendimit të Salihut, shërbimi sekret jugosllav e kishte dërguar Gërvallën në Perëndim me qëllim që të shkatërronte lëvizjen ilegale shqiptare.

Sidoqoftë, Shtufi tha se nuk është i bindur që Riza Salihu ka qenë vetë në shërbim të UDB-së dhe shtoi se nuk dëshiron të japë një përfundim të prerë për këtë çështje.

The post Shtufi tregon çfarë i kërkoi Riza Salihu pas vrasjes së Gërvallajve dhe Kadri Zekës appeared first on Albeu.com.

Mediat italiane dhe shqiptare u ndezën në raportime për pistat që rrëzoheshin po aq me shpejtësi. Davide thotë se në Bosnjë po rigjente veten.

Davide Pecorelli: Qëndrova me priftërinjtë 4 muaj dhe këtë e quaj rilindja ime. Fillova të mendoj për gjërat e rëndësishme, për jetën që nuk po më dukej dështim. Punoja, lutesha, kultivoja domate, kultivoja sallatë. Shkurt, e ndryshova jetën plotësisht, humba peshë dhe ndërkohë rrita flokët. Dhe në prill më mori malli për familjen, për fëmijët e mi, doja të kthehesha në shtëpi, çfarëdo që të ndodhte, nuk më interesonte. Dua të them, as që doja ta dija çfarë kishte ndodhur me hetimin. Unë nuk dija asgjë çfarë thuhej, sepse nuk kisha telefon. Isha pothuajse i sigurt që mendonin se unë kisha vdekur, sepse askush nuk më pa. Celulari im ishte brenda makinës që përdorëm, ora, kockat njerëzore. Mendoja se kishin shpallur tashmë një funeral, por jo, s’kishte pasur.

Por ajo që për Daviden kishte qenë një arratisje nga problemet dhe borxhet, për policinë vazhdonte të ishte ende një vendngjarje sa kontradiktore aq edhe misterioze. Ekspertët edhe sot nuk e kanë gjetur dot se çfarë lënde djegëse u përdor për automjetin dhe as ku u siguruan eshtrat.

Fatbardh Kuliçaj: Kemi gjetur një makinë në cepin e rrugës duke u djegur.

Davide pretendon se gjatë bisedave me priftërinjtë mikpritës në Bosnjë, iu kërkua prej tyre të udhëtonte drejt ishullit të Montekristos, i paaksesueshëm për vizitorët. Në fakt, emri i këtij ishulli është i lidhur ngushtë me legjendën e një thesari të fshehur.

Davide Pecorelli: Unë u mendova se në fillim nuk doja, por thashë: unë kam humbur çdo gjë në Itali. Nuk kam asnjë pronë në Itali, sepse me falimentimet më morën gjithçka që kisha, të gjitha paratë, gjithçka. Kisha shumë prona, kisha 15 apartamente dhe dyqane, po flasim për miliona euro. Kjo është arsyeja pse isha në depresion. Ndaj u ktheva në Shqipëri për të marrë përsëri mësimet e detit për varkën. Prifti kishte njohje në Vlorë dhe kështu, në fillim të majit, unë udhëtova me makinë. Kalova kufirin ilegalisht. Unë isha pasagjeri. Në timon ishte prifti, të cilin e njihnin dhe nuk na thanë asgjë. Kjo është arsyeja pse nuk mund të them emrin e tij, sepse në çdo rast prifti ishte një njeri i mirë që më shpëtoi jetën.

Në të vërtetë mbetet ende e pavërtetuar me prova se ku qëndroi gjatë 9 muajve Davide Pekoreli. Nëse u strehua vetëm në Vlorë apo u arratis edhe në Bosnjë. Ndonëse hetuesit nuk e përmendin Bosnjën dhe itinerarin Shqipëri dhe anasjelltas, kjo do të thoshte më vonë një tjetër akuzë ndaj tij, kalimi i paligjshëm i kufirit shqiptar.

Davide Pecorelli: Nuk kisha dokument, asgjë. Unë isha pa para. Isha i vetmi italian që në Vlorë nuk po paguaja asgjë. Kisha fare pak lekë, por aty luaja futboll. Dilja. Bëra mik Rapo Taon dhe miq të tjerë. Të gjithë ata më njihnin si Kristiano shkrimtari.

Autoritetet dypalëshe nisën të komunikonin me letërporosi, por kjo nuk mjaftoi. Një grup italian hetuesish mbërriti në Pukë e, gjithsesi, asnjë e re.

Fatbardh Kuliçaj: Djegia e makinës ishte në një shkallë të tillë…

Davide Pecorelli: Kisha humbur 25 kilogramë. Kisha flokë të gjatë, kështu që askush nuk më njihte. Nuk kisha telefon, por përmes telefonëve të të tjerëve nisa të shihja lajmet rregullisht. Dikush thoshte se mafia shqiptare më kishte vrarë. Qesha, sepse unë nuk isha mafioz. Policia italiane kishte hapur një hetim madje për trafik ndërkombëtar droge, sikur të isha Pablo Escobar. Nuk e kam kuptuar kurrë pse, se unë gjithmonë kam qenë sportist. Kështu gruan e vunë nën kontroll për të zbuluar nëse kishte kontakte, duke qenë shqiptare. Gjithashtu, një koleg i juaji gazetar ishte në plazh me ne dhe, në një moment të caktuar, ai donte që unë të prezantoja librin që thosha se po shkruaja.

Mikel Marsi, gazetar: Unë e takova përmes njerëzve të tjerë dhe më tha që po shkruante libër për ishullin e Sazanit dhe për një thesar. U prezantua si shkrimtar. Kur unë vajta ta takoja, ai më shmangej vazhdimisht për intervistën.

Ndërkohë, policia po pyeste dhjetëra persona.

Në të vërtetë, në dosjen e re që u hap pas gjetjes së Davides, ishte edhe Vasil Ruçi, futbollisti legjendë i Flamurtarit.

Vasil Ruçi, dëshmi e datës 21 tetor 2021: Në muajin shtator të këtij viti, së bashku me disa ish-futbollistë të viteve ’80-’90 të ekipit të Flamurtarit, u organizua një ndeshje miqësore në shtetin e Greqisë me një ekip ish-futbollistësh të të njëjtit brez të qytetit Paramithia. Gjatë stërvitjeve që kryem për këtë ndeshje, në një prej tyre, Rapo Tao më kërkoi që me ekipin të bashkohej për të luajtur në Greqi edhe një person që ai kishte njohur së fundmi, i cili ishte italian. Kam pranuar dhe e kam parë vetëm atë ditë shtetasin italian, të cilit i kam dhënë edhe fanellën për ndeshje. Të nesërmen, ky shtetas nuk u paraqit në vendin ku kryenim stërvitje. Pas disa ditësh u nisëm për në Greqi për aktivitetin sportiv dhe disa ditë më vonë pashë në media që në Itali ishte gjetur i gjallë një shtetas italian, i cili ishte shpallur i humbur prej muajit janar të vitit 2021 në Shqipëri.

Bardh Kuliçaj: Ne dyshuam se nga djegia dhe në kocka mund të kenë pasur ndonjë gjë.

Davide Pekorelli u gjet më 17 shtator 2021 pranë ishullit të Montekristos në Itali. Ai thotë se kishte udhëtuar drejt Romës me pelegrinë të Medjugorjes dhe se, për arratisjen nga borxhet, mori identitetin e një gjeologu.

Davide Pecorelli: Në fillim u thashë që jam Xhuzepe Mundo dhe e telefonuan. I vërteti ishte për drekë me familjen e tij. Pas dy-tri orësh u thashë: dakord, do ju them, do ju tregoj se kush jam, por më lini të bëj një telefonatë.

Anila Hoxha: Kë telefonuat?

Davide Pecorelli: Më kujtohej vetëm numri i ish-bashkëshortes dhe ky është një problem me gruan time, sepse unë nuk i mbaj mend numrat. Komandanti i policisë e thirri në telefon dhe i tha: “Këtu është z. Pecorelli që do të flasë me ty.” Kur ma dha telefonin, mora fyerje për të paktën dy ose tre minuta. Çfarë mund t’i thuash një ish-burri për të cilin mendon se është i vdekur, ndërsa është shëndoshë e mirë? Gjëja qesharake që do ta mbaj mend është se karabinieri sapo ishte divorcuar nga gruaja dhe, kur dëgjoi bisedën, tha: “Të gjithë janë njësoj.”

Anila Hoxha: Nuk mund ta besoj.

Davide Pecorelli: Ju betohem, është një histori e vërtetë.

Fatbardh Kuliçaj: Është kapur në një ishull në Itali. Ranë të gjitha pistat pas kësaj.

Në Shqipëri Davide u dënua për dy vepra, për dhunim varresh dhe për shkatërrim prone me zjarr, për tre të tjera mori pafajësi.

Davide Pecorelli: Më sollën më 7 maj 2025. Më dorëzuan në burg te 313, Jordan Misja. Do ta kujtoj gjithë jetën.

Anila Hoxha: Ishte jeta jote e dytë apo e tretë në burg?

Davide Pecorelli: Ishte jeta e dytë e Davidit të ri. E mendoj pozitivisht, edhe pse qe një nga momentet më të vështira. Nëse nuk do të kisha pasur bashkëshorten shqiptare, nuk e di nëse do t’ia kisha dalë. Aty kishte padrejtësi. Edhe pse kishte njerëz që kishin bërë gabime, kushdo duhet të paguajë gabimet që bën, por “Jordan Misja” nuk është një burg normal. Kur u arrestova në Peruxhia bëra burg, por krahasuar me këtë është parajsë. Nuk e di, aty në Jordan Misja ka njerëz që jetojnë në ato kushte aspak higjienike. Unë mora hepatit aty. Foli madje një senator i Parlamentit Italian për kushtet kritike në burg.

Kur dënohesh nga gjykata, të gjithë pendohen, por është vonë. Shumë nuk i pranojnë krimet për dekada të tëra. Dhe Davide ka vendosur që mësimin që mori nga kjo aventurë ta ndajë me këdo që gjendet në vështirësi.

Davide Pecorelli: Tashmë çështja është në Gjykatën e Lartë. E pranoj që gabova, por nuk jam kriminel. E vetmja keqardhje është që i bëra njerëzit të vuajnë. Dua t’i them kujtdo që ka probleme me jetën se çdo gjë zgjidhet. Jam dëshmitar i kësaj. E kam braktisur Davidin e vjetër dhe tani jam ndryshe. Kur mendoj që atje në burg ka njerëz që për pesë muaj jetojnë me tetë njerëz, unë ndihem më shumë shqiptar se italian dhe po marr shtetësinë shqiptare, sepse jam martuar. Nuk besoj se vendimi i Gjykatës së Lartë do të më pengojë.

Anila Hoxha: A e keni mësuar gomonen?

Davide Pecorelli: Jo. Në fillim do të mësoj shqip dhe po provoj. /Top Channel

The post Italiani që inskenoi vrasjen e tij në Shqipëri: Dilja në Vlorë, thoja jam shkrimtar appeared first on Albeu.com.

Këngëtarja shqiptaro-britanike tregoi se përvoja e familjes së saj ka pasur një ndikim të madh në formimin e saj si artiste dhe si person. Rita, e cila aktualisht po punon në albumin e saj të katërt dhe është rikthyer në rolin e Mbretëreshës së Zemrave në filmin “Descendants”, kujtoi vështirësitë me të cilat u përballën prindërit e saj pas largimit nga Kosova.

E lindur në Prishtinë, Rita u largua me familjen në fillim të viteve ’90, gjatë periudhës së vështirë për shqiptarët e Kosovës. Nëna e saj, Vera, ishte mjeke, ndërsa babai Besnik ekonomist, por pasi u vendosën në Mbretërinë e Bashkuar, ata nisën një jetë të re dhe u përshtatën me sfidat e emigrimit.

Në një intervistë për “The Times”, Rita tha se nuk ka ndier kurrë turp për historinë e saj dhe se është mirënjohëse për mundësitë që i janë dhënë.

“Gjithçka që di është se do të jem gjithmonë mirënjohëse për arsimimin që kam marrë dhe krenare që jam emigrante”, u shpreh ajo.

Artistja theksoi se shumë emigrantë kanë një dëshirë të veçantë për të provuar veten dhe për të arritur më shumë në jetë.

“Mendoj se shumë emigrantë kanë një energji të veçantë. Ndoshta kanë një ndjenjë se duhet të dëshmojnë veten, që i shtyn të përmirësohen vazhdimisht”, tha Rita.

Këngëtarja foli gjithashtu për dëshirën e saj për të bashkëpunuar në të ardhmen me bashkëshortin e saj, regjisorin Taika Waititi, në një projekt filmik.

Përveç karrierës artistike, Rita ndau edhe detaje personale për shëndetin e saj, duke treguar se ka vendosur të ruajë vezët e saj në moshë të re dhe se historia e nënës së saj me trajtimin e kancerit të gjirit e ka bërë më të vetëdijshme për kujdesin ndaj trupit dhe ndryshimet që sjell mosha.

Rita Ora mbetet një nga artistet shqiptare më të njohura ndërkombëtarisht, ndërsa shpesh ka folur me krenari për rrënjët e saj dhe historinë e familjes që e ka shoqëruar në rrugën drejt famës.

The post Rita Ora rrëfen historinë e familjes: Jam krenare që jam emigrante, rrënjët e mia më kanë bërë më të fortë appeared first on Albeu.com.

“Unë jam vërtet Britney Spears e hip-hopit.

I kam shumë qejf këta të famshëm, sikur e di kush se çfarë po bëjnë, të gjitha ato gjëra të këqija. Askush nuk raporton për këtë. Sepse askujt nuk i intereson”,shkroi ajo në një Instastory.

Me këtë postim Cardi B shprehu zhgënjimin e saj pse ishte në qendër të vëmendjes së tabloidëve.

Spears ndërkohë me paparacët dhe tabloidët e viteve 2000, ndiqej për çdo lëvizje të saj dhe më vonë dokumentuan problemet e saj me shëndetin mendor.

Cardi B nga ana tjetër po përflitet për marrëdhënien me portierin nigerian të futbollit Maduka Okoye.

The post Cardi B shokon me deklaratën: Jam Britney Spears e hip-hopit appeared first on Albeu.com.

Egli tregoi se askush nuk mund ta kuptojë çfarë ndodh brenda shtëpisë nëse nuk e ka përjetuar vetë.

“Kur hyn aty nuk e di nëse jeta vazhdon jashtë”, tha ajo, ndërsa pranoi se i kishte dhënë besën partnerit të saj dhe nuk kthehej më pas, edhe pse ishte e vetëdijshme se po gjykohej nga publiku.

Gjatë intervistës, Egli foli edhe për mënyrën se si e percepton dashurinë në ditët e sotme.

“Sot njerëzit nuk po dashurojnë më njeriun, nuk ta japin kohën. Në marrëdhënie vajzës i lejohet të jetë më e përkëdhelur. Në një lidhje vajza duhet të jetë princesha jo mashkulli. Këtë duhet ta pëlqej edhe partneri, do ta bënte më burrë”, u shpreh Egli, ndërsa foli edhe për materializmin dhe mënyrën se si shumë djem përpiqen të impresionojnë vajzat me luks, në vend të lidhjes së vërtetë.

Ajo tregoi edhe pse vendosi të heqë dorë nga trupi shumë muskuloz që kishte ndërtuar në palestër.

“Më pëlqen trupi që kam tani, më i hollë dhe femëror”, tha ajo.

E pyetur për jetën sentimentale, Egli pranoi se i mungon të ketë një partner, sidomos në fundjavë, por shtoi se nuk do të pranonte një lidhje që nuk e bën të lumtur./ Top Channel

The post Egli Tako rrëfen dashurinë: I dhashë besën dhe nuk kthehesha pas, në lidhje, vajza duhet të jetë “princesha”, jo djali appeared first on Albeu.com.

“Dyert ishin plot me plumba”, kujton këngëtari, ndërsa rrëfen përjetimet që e kanë shoqëruar që nga fëmijëria.

Në intervisten ekskluzive, Bardhi tregon se besimi në Zot e ka ndihmuar të kalojë zhgënjimet dhe momentet më të vështira të jetës, ndërsa flet edhe për familjen e madhe ku është rritur dhe vlerat që ka marrë prej saj.

Një pjesë e rëndësishme e intervistës i kushtohet jetës private. Bardhi tregon se ardhja në jetë e fëmijës e ka ndryshuar rrënjësisht.

“Pse nuk jam bërë baba më herët?”, shprehet ai, duke pranuar se prindërimi i ka dhënë një kuptim krejt tjetër jetës, duke folur edhe për vajzën tjetër që pritet të vij në jetën.

Në fund, Bardhi bën edhe një deklaratë romantike që nuk kalon pa u vënë re: “Edhe një jetë tjetër ta kisha, nuk do të gjeja një më të mirë se Sara.”

The post “Dyert ishin plot me plumba”/ Këngëtari i njohur, Bardhi sjell histori prekëse nga jeta: Na hodhën bombën mbi shtëpi appeared first on Albeu.com.

Gjatë intervistës, moderatorët i kanë drejtuar pyetjen direkte për të zbuluar vendin më të çuditshëm ku ai ka kryer marrëdhënie seksuale.

Ndryshe nga personazhet e tjerë që shpesh zgjedhin të hanë specin djegës për t’u shpëtuar përgjigjeve të tilla, Miri u tregua plotësisht i hapur.

Përpara se të jepte përgjigjen, ai komentoi me humor se pyetje të tilla nuk duhen shmangur:

“Është e thjeshtë… Të tjerët kanë ngrënë specin të gjithë që mos t’i përgjigjen kësaj pyetjeje… Sepse kanë komplekse me veten. Nuk e tregojnë. Kjo është një gjë shumë e thjeshtë sepse nëse ti nuk ke arritur të bësh në një vend të çuditshëm për ty atë marrëdhënie seksuale, do të thotë që ti s’ke jetuar! Kështu mendoj unë”.

Pas këtij argumenti, këngëtari zbuloi se për të, ky vend ka qenë thjesht “në makinë”, duke e kaluar situatën me shumë sportivitet dhe pa komplekse përpara kamerave.

The post Miri tregon vendin më të çuditshëm ku ka kryer marrëdh*nie appeared first on Albeu.com.

Modelja e njohur Bella Hadid ka ngritur shqetësime te ndjekësit e saj pasi ka ndarë një moment të vështirë nga përballja e saj me sëmundjen e Lyme-t, një gjendje me të cilën është përballur prej vitesh.

Përmes një postimi në rrjetet sociale, Hadid publikoi një fotografi ku shfaqej duke qarë, ndërsa tregoi se po kalon një përkeqësim të simptomave dhe se trajtimet e provuara deri tani nuk po i sjellin lehtësim.

“Nuk kam arritur ta kaloj këtë përkeqësim të gjendjes… Kam fjetur 11 orë. Përsëri… Fle çdo ditë gjatë ditës. Kam provuar çdo trajtim dhe çdo protokoll që më ka rekomanduar secili mjek që kam vizituar. Ende asgjë nuk po ndihmon”, shkroi modelja.

Ajo gjithashtu sqaroi se po përpiqet të kujdeset për veten dhe të qëndrojë e hidratuar, ndërsa përshkroi vështirësitë që po përjeton në përditshmëri.

“Po, kam pirë ujë. Dhe jo, nuk dola për shëtitje, sepse më merrej fryma edhe vetëm duke ecur deri në kuzhinë”, u shpreh Hadid.

Modelja shtoi me humor të hidhur se gjendja e saj e ka lodhur edhe mendërisht:
“Nuk besoj se kam qoftë edhe një qelizë të vetme të trurit që po funksionon, dhe dy të fundit po grinden me njëra-tjetrën.”

Postimi i saj shkaktoi reagime të shumta nga fansat, të cilët shprehën mbështetje dhe shqetësim për gjendjen e saj shëndetësore.

Një ditë më vonë, Hadid publikoi një tjetër postim ku sqaroi se thjesht po përpiqej të përballonte emocionet dhe presionin e përditshëm, duke theksuar se kishte nevojë të shprehte atë që po kalonte.

The post Bella Hadid alarmon fansat me rrëfimin e saj: ‘Kam provuar çdo trajtim, asgjë nuk po më ndihmon’ appeared first on Albeu.com.

Ajo flet pa dorashka për dashurinë që nuk e gjeti ashtu siç e kishte ëndërruar, lidhjet që sot i konsideron të gabuara, sakrificat që ka bërë për të tjerët dhe vështirësitë për t’i thënë ‘jo’ njerëzve.

Teksa po fliste për dashurinë, Big Mama u shpreh se pas humbjes së nënës së saj, kuptoi se nuk e ka dashur njeri. Ajo shton se ka kuptuar se gjithmonë e kanë dashur ‘o t’a shfrytëzojnë ose për interes’.

“Kam pasur gjithmonë lidhje të gabuara. Tani në moshën 40-vjeçare unë po kuptoj, duke e lidhur dhe me pjesën e humbjes së nënës, u ndala dhe pashë se kush më do dhe kush nuk më do. Edhe kuptova që nga të gjitha lidhjet e mia apo njohjet që kam pasur, mua nuk më paska dashur njeri.

Big Mamën nuk e ka dashur asnjë njeri. Gjithmonë kanë dashuri diçka tjetër nga unë. Kanë dashur o të më shfrytëzojnë, se di, gjithmonë ka patur diçka me prapavijë apo me interes. Asnjë njeri nuk më ka dashur”, tha këngëtarja e dashur për publikun.

The post “Kam pasur gjithmonë lidhje të gabuara”/ Këngëtarja si asnjëherë më parë: Kanë dashur të më shfrytëzojnë appeared first on Albeu.com.

Dumani tha se Lamaj e kishte goditur disa herë pas shoqërimit në komisariat, ndërsa shtoi se pas daljes nga burgu kishte marrë vesh se komisari ishte vrarë dhe se ishte ndier i lehtësuar nga ky lajm.

Më tej, ai shprehet se ka biseduar me mikun e tij, Festim Qoli, i cili i kishte thënë se ekzekutorët e ish-shefit të policisë ishin “vëllezërit” e tyre.

Deklarata:

Nuredin Dumani, i penduar i drejtësisë: Nuk e di kur dola, ose 2021 ose 2012, nuk më kujtohet, ishte se dola nga burgu dhe i thashë për një shef policie që ka qenë tek komisariati numër gjashtë, pasi më goditi disa herë atë natë kur jam arrestuar, dhe kur kam dalë nga burgu mora vesh, thashë shyqyr që e vranë se më goditi kot, më hyri në hak, bëhet fjalë për Dritan Lamaj. Më u bë qejfi shumë që e kanë vrarë, do u jepja një drekë po t’i njihja ata çunat. E më tha kur të duash se vëllai jonë është tha.

Gjyqtarja: Kush ishte vëllai i Festimit se s’po e kuptoj?

Nuredin Dumani: Ishte Henrik Hoxha.

Gjyqtarja: Pse i referohej si vëllai?

Nuredin Dumani: Se e kishte caktuar si vëlla, edhe unë e kam vëlla gjaku…/Top Channel

The post “Mu bë qefi që e vranë”, Nuredin Dumani flet për shefin e policisë që u ekzekutua: Më goditi disa herë brenda Komisariatit appeared first on Albeu.com.