Teksa emisioni preku temën e mbështetjes së Henrit në karrierën e saj muzikore, Sheila nuk i përmbajti dot lotët. Thjesht përmendja e emrit të tij mjaftoi për ta prekur thellë.

“Gjithmonë më ka përkrahur në mënyrën e tij”, u shpreh ajo.

“Më mungon çdo ditë. Mbeta pa gjysmën time, fizikisht… por e di që ai është drita dhe energjia që më mban sot këtu”.

Artistja tregoi se dhimbja është ende shumë e freskët dhe se pranimi i humbjes ka qenë i jashtëzakonisht i vështirë.

Gjithashtu, këngëtarja ndaloi edhe te vështirësitë shpirtërore që mund ta vendosin një njeri në situata të pakontrollueshme.

“Ndonjëherë jeta të çon në rrugë që gabon… Ka gjëra që janë më të forta se vetja dhe nuk i kemi në dorë”, tha ajo, duke shtuar se familja e saj ende kërkon përgjigje për çfarë e shtyu Henrin në një moment aq të errët.

E pyetur nëse familja kishte vërejtur ndryshime në sjelljen e tij para se të ndodhte ngjarja tragjike, Sheila ishte e prerë:

“Henri nuk ka treguar kurrë shenja shqetësimi. Nuk ka dashur asnjëherë të na rëndonte me problemet e tij”.

Sheila rrëfeu edhe çastin më të dhimbshëm: momentin kur e gjeti vëllanë pas aktit fatal.

“Kam qenë në shtëpi dhe nuk arrita ta shpëtoja… Ai moment është pengu im më i madh. Pse nuk i kushtova më shumë vëmendje? Pse nuk isha unë në vend të tij? Pse Zoti e sfidoi pikërisht atë, fëmijën më të butë”?

Ajo tha se këto pyetje e shoqërojnë vazhdimisht, edhe pse përgjigje nuk ka. Këngëtarja mohoi kategorikisht lajmet e mediave që pretenduan se Henri vuante nga depresioni.

“Henri nuk ka pasur depresion. Ajo që ka ndodhur ka qenë një moment i papritur axhitimi. Gjithçka tjetër që është thënë ka qenë abuzim mediatik”, deklaroi ajo.

The post Sheila Haxhiraj rrëfen mes lotësh humbjen e vëllait: Mbeta pa gjysmën time… appeared first on Albeu.com.

Berisha tha se bëhej fjalë për një familje prej tre personash, mbështetës të opozitës, e cila pretendohet se është përballur me presione në natën e zgjedhjeve.

Sipas deklarimit të Berishës, kryefamiljari i kishte treguar se në mes të natës në derën e tyre kishte trokitur një person i panjohur, i cili kishte lënë një zarf dhe ishte larguar menjëherë.

“Në zarf shkruhej ‘mos shko nesër në zgjedhje’ dhe brenda ishin 1000 euro. Gjithë natën u rropata, të shkoj apo të mos shkoj. Nga ana tjetër ishte edhe kërcënimi brenda. Si përfundim nuk shkova”, citoi Berisha qytetarin.

“Duke ardhur këtu tek ju, prita kryetarin e një dege të PD. Çfarë më tregoi?! Një familje 3 veta, mbështetës të opozitës. Dy ditë pas zgjedhjeve më erdhi kryefamiljari më tha unë po të rrëfej një gjë: ‘Natën e zgjedhjeve trokiti në derë një person, la një zarf dhe iku. Në zarf shkruhej “mos shko nesër në zgjedhje” dhe ishin 1000 euro. Gjithë natën u rropata, të shkoj apo të mos shkoj. Nga ana tjetër ishte edhe kërcënimi ishte brenda. Si përfundimisht nuk shkova. Ky njeri i ndershëm”, tha Berisha.

The post Berisha tregon historinë e 11 majit: Më erdhi një person dhe trokiti në derë, la një zarf dhe iku, brenda ishin… appeared first on Albeu.com.

Në një intervistë të fundit, aktori 43-vjeçar tregoi se babai i tij, i cili dikur menaxhonte karrierën e tij në Hollywood, ushtronte dhunë sistematike fizike dhe mendore ndaj tij.

Ai tha se që në moshë të vogël ndjente se ishte shfrytëzuar profesionalisht nga i ati, i cili e shtynte në një orar të lodhshëm xhirimesh, ndërsa përfitimet financiare shkonin kryesisht për familjen.

“Të shtatë fëmijët dhe katër nipërit e tij nuk kanë më asnjë kontakt me të. Ai ka qenë një njeri abuziv dhe i ashpër”, rrëfeu Culkin.

Sipas aktorit, xhelozia për suksesin e tij të hershëm në kinematografi e përkeqësoi më shumë sjelljen e të atit, i cili, siç e përshkruan ai, kishte një natyrë narciste dhe kontrolluese.

“Ai nuk e përballonte dot që një fëmijë të tërhiqte vëmendjen që ai vetë kurrë nuk e mori si aktor”.

Për pasojë, në fund të viteve ’90, Culkin ndërmori një hap të rrallë për moshën e tij: emancipimin ligjor nga prindërit, duke marrë kontrollin mbi jetën dhe financat e veta.

Sot, Macaulay Culkin, është baba i dy fëmijëve me partneren e tij, aktoren Brenda Song, dhe thotë se përpiqet çdo ditë të jetë “i dashur, i pranishëm dhe i kujdesshëm”, – krejt ndryshe nga përvoja që pati vetë në fëmijëri.

The post Ylli i “Home Alone” shokon me rrëfimin e tij: Babai më keqtrajtonte sistematikisht, nuk dua të jem kurrë si ai appeared first on Albeu.com.

Jetonim vetëm me rrogën e mamit që ishte minimaliste dhe pensionin e gjyshit. Gjyshi më thoshte që dihet të bëhem vajzë e fortë, një nga pengjet e mëdha që kam në jetë është që nuk arrita dot ta takoja ditën e fundit kur vdiq.

Në shkollën e lartë njoh ish-partnerin tim dhe kam jetuar me familjen e tij, derisa vendosim të shohim jetët tona.

Janë pesë vite që më kanë bërë grua, më bërë të njoh më mirë veten tim. Kam kërkuar nga vetja gjithmonë të kem pavarësinë time.

Ky ka qenë një moment që kam humbur veten time, që çoi në një fazë të errët. Atë ditë ishte pikërisht diplomimi dhe paralelisht kënga ime e parë. Mes gjithë kësaj ngarkese, e gjej veten duke kaluar një atak paniku.

Kanë qenë tre muaj të tmerrshëm. Harrova si ishte të ushqeheshe, kisha frikë të rrija vetëm ose me njerëz, nuk isha më unë nuk doja të zgjohesha më mëngjes. Drejtohem me mamin tek një mjek i fushës për të marrë kurim, në një gjenjde të keqe”, këtë rrëfeu Egli gjatë linjës së jetës.

 

View this post on Instagram

 

A post shared by Big Brother Alb VIP Edition (@bigbrotheralb_vip)

The post Egli rrëfen linjën e saj të jetës në lot: Kanë qenë muaj të tmerrshëm… (VIDEO) appeared first on Albeu.com.

Radhën për të bërë pyetje në seancën e sotme e kishte avokatja e Altin Ndocit.

Nuredin Dumani: “Në momentin e ndalimit më kanë marrë në pyetje drejtori i Elbasanit dhe unë nuk i jam përgjigjur të korruptuarve. Fillimisht më kanë çuar në spital të Fierit dhe pastaj te “Ushtaraku” (Në Tiranë)!

Të pasnesërmen më kanë ardhur Kreshnik Ajazi, Tonin Vocaj dhe Çipa, drejtori i Policisë Elbasan. Nuk kam firmosur asgjë. Pas arrestimit, deklarimin tim të parë e kam bërë te spitali i burgut dhe aty kam firmosur”.

The post Nuredin Dumani vijon rrëfimet në GJKKO: Nuk i jam përgjigjur të korruptuarve Ajazi, Vocaj e Çipa appeared first on Albeu.com.

Në një lidhje telefonike në studio, ajo ka zbuluar më shumë detaje në lidhje me ngjarjen.

Ajo ka deklaruar se aktualisht është shumë e tronditur për gjithçka që kishte ndodhur. Sipas saj, ditën e ngjarjes ka qenë duke qëndruar në oborr kur kunati është afruar dhe ka filluar të ofendojë dhe më pas e ka goditur atë në qafë dhe e ka kapur nga fyti.

Djali i saj së bashku me nusen, e kanë ndihmuar dhe e kanë dërguar në spital.

Ajo shtoi se policia e Roskovecit, e ka akuzuar djalin për dhunën duke e marrë si të pandehur.

”Jam shumë e tronditur. Ditën e ngjarjes po qëndroja në oborr kur ai erdhi më ofendoi dhe më goditi në pjesën e qafës. Pasi u rrëzova nusja dhe djali erdhën të më ndihmonin. Djali erdhi më shoqëroi në spital dhe në komisariat, por u mor si i pandehur nga policia e Roskovecit”, u shpreh ajo.

Gjithashtu, ka reaguar edhe bashkëshorti i saj, dhe vëllai i autorit.

Sipas tij së bashku me vëllanë, ata kishin rreth 1 vit që ishin në konflikt, për arsye të kanalit të ujit që ishte në oborr .

Ai shtoi se autori ishte ishte një njeri problematik, dhe se djali i tij ndodhet në paraburgim pa të drejtë sepse ai ditën e ngjarjes vetëm e ka shoqëruar nënën e tij.

“Kemi 1 vit që jemi në një konflikt. Ai mbulonte kanalin e ujit afër oborrit, dhe sipas tij është në pronësi të tij. Vëllai im është një njeri problematik. Djali ndodhet në paraburgim pa të drejtë, sepse ai ditën e ngjarjes vetëm e ka shoqëruar nënën e tij, nuk e ka dhunuar”, tregoi ai

The post U dhunua brutalisht nga kunati/ Gruaja rrëfen ngjarjen tronditëse: Më kapi nga fyti, më gjuajti në qafë dhe… appeared first on Albeu.com.

Ajo akuzon mjekët që patën në dorë djalin e saj për neglizhencë, duke i atribuar kësaj pasojat që çuan në vdekjen e të birit.

Në një gjendje shumë të vështirë emocionale, Roveta Sadiku tregon se e dërguan djalin në Spitalin e Korçës për herë të parë më 28 dhjetor, ku pas marrjes së mjekimit, mjekët e dërguan atë në shtëpi.
Më 29 dhjetor, pasi gjendja e djalit nuk përmirësohej, ata shkuan përsëri në spital, ku pas disa vizitave, djali u shtrua. Sipas nënës, Leo kishte dhimbje të vazhdueshme barku, diarre, dhe të vjella.

Roveta tregon momentet e fundit të jetës së Leos, i cili sipas saj, ndërroi jetë në duart e dajës së tij.

“Leo kishte një djegie të paparë në trup dhe donte të zbulohej. Po digjej, kam zjarr më thoshte. Ia thamë doktoreshës por nuk bëri asgjë. Djali e pashë që i kishte duart e ftohta dhe goca ka marrë në një lokal ujë të ngrohtë që t’ia vinim në këmbë dhe duar. Në një moment Leo u ngrit i trembur. I thashë çfarë ke bir i mamit? Asgjë më tha mos ki frikë se asgjë nuk kam. Mos qaj se nuk ka asgjë më tha djali. Më kërkoi të shtrihesha pas tij. I thashë është turp të keqen mami se ka njerëz. Mami të lutem shtrihu pas meje më lër të të puth, më puth, më shtrëngo fort po më thoshte djali. U shtriva pas djalit dhe po e përkëdhelja, nuk e dija që po i plotësoja dëshirat e fundit. Nuk zgjati shumë. Bëri një frymëmarrje jo të mirë. I thërrita Leo bir çfarë ke? Më tha nuk mbushem dot me frymë. Lajmërova direkt, nuk erdhi doktoresha por erdhi një infermiere me një matës oksigjeni në dorë. Ia vendosi në dorë dhe matësi nuk punonte në dorën e Leos. Leo kaloi një krizë, i kërcyen sytë përpjetë. Në atë moment kemi thirrur si të marrë. Një zotëri ka ardhur nga një dhomë tjetër, na nxorrën me dhunë jashtë mua dhe tim vëlla. Kur më pa vëllai që po ulërija hyri me forcë. Një zotëri tjetër mori bombolën e oksigjenit, e vendosën aty dhe vetëm i thërrisnin Leo shtrëngo dajën, Leo mendo për mamin. I luteshim të bëhej i fortë, por Leon ma kishin shkatërruar, ma neglizhuan”, ka rrëfyer ajo.

The post Nëna e 12-vjeçarit që ndërroi jetë në QSUT, rrëfen mes lotësh momentet e fundit të të birit: Më kërkoi të shtrihesha pranë tij e ta përqafoja, por… appeared first on Albeu.com.

“Babain e kisha shumë të urtë. Ai ishte pothuajse i heshtur. Nuk shkova në shkollë një ditë, isha në klasën e parë apo të dytë, isha i mërzitur. Babai më pa e më tha:

Pse nuk shkon në shkollë more bir?

Nuk shkoj më.

Po pse?

Po mua më rrahin të gjithë.

Kush të rreh?

Të gjithë, kush më del përpara.

Sepse unë shkruaja shkruaja me dorën e majtë. “Do shkosh sot dhe nuk do shkosh më”, më tha babai.

Babai vjen në klasë dhe i tha mësueses “po sikur djali im të mos e ketë dorën e majtë fare, quhet sakat?” “Të lutem, se jemi në mësim”, tha mësuesja. “Për mësim thashë dhe unë”, i tha babi . “Pse ma bën djalin sakat”, i tha babai”, rrëfeu aktori Malkaj.

The post Mehdi Malkaj rrëfen historinë me babain: Më rrihnin të gjithë, erdhi në shkollë dhe i tha mësueses… appeared first on Albeu.com.

Babai i Martinit, 14-vjeçarit që u vra me thikë të hënën pas sherrit me bashkëmoshatarin Mario Perlleshi, rrëfeu bisedën e fundit që kishte me të në një intervistë për emisionin Top Story në Top Channel.

Para se të shkonte në shkollë, 14-vjeçari i kishte kërkuar para për të blerë tost, duke i thënë se s’do blinte gjëra të shtrenjta.

Babai i Martinit: Sikur na e lehtëson pak dhimbjen gjithë ky popull. Më tha Babush po iki për shkollë! Një ditë para se të shkonte në shkollë më tha do më japësh një 2 mijë lekësh, do marr një tost s’do marr gjëra të shtrenjta.

Shpeshherë ai i thoshte se donte të bëhej futbollist kur të rritej, rrëfen babai mes lotësh, i cili shton se gjithmonë e kishte mbështetur në ëndrrën e tij që u la në mes.

Babai i Martinit: Çdo shok i tij, çdo komshi thoshte që Martini ishte i bukur, i çiltër, talent, dëshira e tij ishte futbolli mësimet, bëhu futbollist i thoja do të të ndihmojë babi. Shpresoj të largohemi për Amerikë, vëllai na ka bërë dokumentet për bashkim familjar dhe presim përgjigje.

E gjithë Shqipëria u trondit të hënën pas ngjarjes tragjike, ku 14-vjeçari Martin Cani, u vra me thikë dhe një tjetër u plagos nga një bashkëmoshatar i tyre.

Ngjarja ndodhi pak metra larg shkollës 9-vjeçare “Fan Noli”, ku pas një sherri që dyshohet se kishte nisur disa ditë më parë. 14-vjeçari, Mario Perlleshi. i arrestuar tashmë goditi disa herë me thikë Martin, plagë të cilat i morën jetën.

Katër plagë ka marrë edhe një tjetër i mitur, shok me viktimën, i cili aktualisht ndodhet në spitalin e Traumës nën kujdesin e mjekëve.

Pas ngjarjes, në rrjetet sociale janë shpërndarë disa foto të autorit të dyshuar, i cili pozon “me krenari” pas krimit, teksa shfaqet i ulur në sendiljen e pasme të një mjeti.

Në foto ai tregon edhe dorën e tij të gjakosur e të fashuar, pasi është lënduar gjatë sulmit. Po ashtu, kanë qarkulluar edhe foto të thikës me përmasa të mëdha, me të cilët dyshohet se ka kryer aktin e rëndë.

Seanca gjyqësore për caktimin e masës së adoleshentit, do të mbahet nesër në orën 9:30. Ai ndodhet në një spital privat, pas plagëve që mori gjatë sherrit ku mbeti i vdekur bashkëmoshatari.

The post Babai i Martinit rrëfen mes lotësh bisedën e fundit me të birin: Do më japësh një 2 mijë lekësh të blej tost? appeared first on Albeu.com.

Në video Besi shfaqet brenda një avionic, ku në sfond dëgjohen të qara fëmijësh dhe zëra njerëzish të revoltuar.

Aktori u shpreh se i kishin mbyllur brenda në avion prej një ore dhe pa kondicioner. I djersitur aktori i humorit shprehet: “Është një tmerr, sikur të kemi dalë nga deti ose dushi, tmerr fëmijët janë bërë qull”.

Më tej, me një video tjetër Besi tregon se stafi i hapi dyert dhe nxori pasagjerët jashtë në pistë. Në sfond dëgjohet duke bërtitur një person i stafit të linjës ajrore “Georgian Wings”.

“Na nxorrën të marrim frymë, ai tjetri bërtet se i thonë pse nxore njerëzit në pistë. Kush do rezistonte aty”?- tha Besi.

Besi e mbylli me një video nga autobusi ku pasagjerët u dërguan pas disa orësh vuajtje në të nxehtë, për të qëndruar me ajër të kondicionuar.

“Situatë kaotike dhe trajtim çnjerëzor për shqiptarët”, shkruan Kallaku.

 

View this post on Instagram

 

A post shared by Bes Kallaku (@bes_kallaku)

The post Desh vdiqëm/ Bes Kallaku rrëfen eksperiencën e tmerrshme, çfarë i ka ndodhur (VIDEO) appeared first on Albeu.com.