Ai ka rrëfyer mes lotësh bisedën e fundit me të birin, teksa kujtoi se pas atentatit 26-vjeçari e telefonoi dhe i tha “Jam keq o babë më tha, më kanë gjujt”.

Genc Maloku, dëshmoi para togave të zeza se ishte në shtëpi në ato momente, teksa theksoi se mendoi se i biri po bënte shaka.

Babai i viktimës shtoi se i biri i kishte thënë që po udhëtonin me automjet, kur iu erdhi një makinë, ndërsa para atentatit kishin qenë në restorant. Ndërsa u shpreh se i biri ndërroi jetë pas 7 ditësh në spital.

Arjan Ndoj në atë periudhë ishte prokuror në Durrës. Ditën e ngjarjes isha në shtëpi, më mori vetë djali. “Jam keq o babë më tha, më kanë gjujt (Qan).

Ka qenë ora 4 e gjysmë, 5. Nuk e pashë orën tamam. Mendova se ishte shaka. Po ç’shaka. Orar pasditeje. Në spitalin ushtarak shkova, te vendi i ngjarjes jo.

Komunikova me djalin: “Po ecnim, nuk ishim me shpejtësi, veç kur na vjen një makinë”, më tha. Kishin qenë në një restorant përpara, djali ka qenë jashtë.

Në automjet me djalin kanë qenë prokurori dhe Rrumi. Pas ngjarjes jam takuar me prokurorin, më ka ardhur te shtëpia. Rrumi ishte akoma në spital, prokurori ishte më mirë, më erdhi te shtëpia. Pas 7 ditësh djali ndërroi jetë”, tregoi Genc Maloku.

Pjesë nga dëshmia:

Genc Maloku: Lexova dosjen. Në fillim nuk dinin gjë. Më thanë këtë që na ka gjuajtur Plarent Dervishi. Rrumi më tha, jo Arjan Ndoja. Nuk di të kenë pasur ndonjë konflikt.

Kanë ardhur familjarët e Redjan Rrajës. Janë nga Nikla ata.

Tre pleq kanë ardhur, një me mbiemër Boja, një plak. “Mos keni konflikte gjëra, gjersa të zbardhet”, këtë më thanë.

Pas ngjarjes, 1 javë pasi nuk ishte çuni më ka ndodhur takimi. Takimi i parë është bërë në Tiranë, isha unë, çuni i xhajës, Bashkimi. Takimi tjetër është bërë në Sukth, nuk e mbaj mend sa kohë kishte kaluar, por si fillim vitit më duket. Biseda ishte “prit të dalë njëherë e vërteta”. Redjan Rraja ishte arrestuar. Njeri tjetër nuk më ka kontaktuar.

Arjol Haliajn, e kam parë në proces. Familjarët e tij, po. Xhaxhain. Kemi diskutuar, “prit sa të dalë e vërteta”.

Halit Valterin e njoh. Ia kërkova unë takimin. I dhashë një USB. Ishte deputet në atë kohë. Ma sollën poshtë derës në një zarf USB, pak kohë pas ngjarjes. E hapa, ishte Redjan Rraja me kapele. Ishte dhe një qeros. USB e prisha. Autorët janë Redjan Rraja, kanë dalë. Unë vetë di që autorët janë këta.

Plaurent Dervishaj, Juljanin nuk e njoh, Vullnet Muçën e njoh. E njoh se jam rritur aty. Është vëllai i Rrumit.

Asnjë gjë nuk kam mësuar nëpër takime. As me Arjan Ndojën nuk kam mësuar gjë. Arben Malokun e kam çun xhaje. Personi që bëri lidhjen mes djalit e Arjan Ndojës.

Djali kishte një vajzë nga Durrësi, e takonte shpesh. Aty e pa çuni i xhajës. Bënte stërvitje, s’pinte as alkool, as cigare. Çuni i xhajës punonte shofer në prokurori. Ai i tha do ishte mirë të bëhej shofer. Unë s’pranova në fillim.

The post Jam keq o babë, më kanë gjujt/ U vra në atentatin ndaj ish-prokurorit Arjan Ndoj, babai i Andi Malokut rrëfen mes lotësh bisedën e fundit me të birit appeared first on Albeu.com.

Në dëshminë e tij, Tafani ka treguar për nisjen e jetës së tij kriminale.

“Kam qenë emigrant në Greqi, ku u përfshiva me drogë dhe pata probleme. Më pas u ktheva në Shqipëri, ku në vitin 2015 u arrestova për vjedhje. Kisha probleme ekonomike dhe e vuajta dënimin në burgjet e Rrogozhinës, Kosovës dhe Lushnjes”, rrëfeu ai.

“Në 1997 më vranë babanë në fshatin Karbunare dhe ika me nënën në Greqi. Isha i vogël dhe kishim një biznes familjar me materiale ndërtimi. Fillimisht punova me punë të ndershme në Greqi, me bojëra dhe lyerje. Në 2006, pasi u ktheva në Lushnje, punova me xhaxhain në ndërtim dhe lyerje. Lashe drogën, por më pas u ngatërrova sërish dhe në 2015 rashe në burg për vjedhje në Western Union. Pas disa muajsh u arrestova dhe u dënova me 6 vjet burg”, ka rrëfyer ai.

Gjatë kohës në paraburgim, Tafani tregon se u njoh me disa anëtarë të bandës nga Lushnja.

Ai përmendi se një person me emrin Lulzim Spahiu, ishte në burg pas një ngjarjeje ku u plagos Xhulio Shkurti, nipi i Aldo Bares.

“Arma u gjet tek stani i babait të Laert Haxhiut. Pas Lulzimit erdhi dhe Qamili aty, me Lulzimin kemi ndenj aty, pasi dola nga burgu e kam takuar te një karburant i Saimir Taullahut, pasi dola nga burgu me çoi fjalë Klajd Taullahu do të takoj Lulzimin, donte të bënim ndonjë punë me mall. Pastaj u takuam tek Palma Nova me Laert Haxhiun, ishte hera e parë që e takoja. Anterio Kaloshin e kisha në burg në Rrogozhinë, un vetë kam dhe emrin tjetër Marius”, tha ai.

The post Zbërtheu 17 ngjarje kriminale, Artan Tafani rrëfehet në GJKKO: Laert Haxhiun e takova për herë të parë… appeared first on Albeu.com.

Në një rrëfim për emisionin “Goca & Gra”, ajo tregon se çfarë ndodhi mes saj dhe Mikelës, me të cilën shprehet se nuk kanë më raporte me njëra-tjetrën.

“Disa njerëz duhet t’i duash, t’i vlerësosh për aq kohë sa i ke. Dhe për sa kohë gjërat tuaja nuk përshtaten më me njëri-tjetrin, atëherë është momenti të ndaheni dhe secili të shohë jetën e tij. Do ta lidhim pak me përse nuk themi dot jo. Ky është pak defekti im si individ. Mund ta lidh dhe me shoqërinë. Nuk kam ditur ndonjëherë të them jo.

Nuk u zumë. Thjesht kemi diskutuar dhe kemi kuptuar që nuk përshtatemi aspak fare. Ziheshim shumë shpesh, ishim si macja me miun. Ndodhte gjithë kohës që kishte hatërmbetje, qoftë nga ana ime, qoftë nga ana e saj. Dolëm në një konkluzion që nuk mund të jemi më shoqe.

Nuk jemi parë më të them të drejtën. Nga Instagram-i unë nuk kam hequr njeri.

Shtatzëninë? Patjetër që e kam uruar Mikelën. Kam qenë te ‘baby-gender’. Kam qenë aty.

Nuk heq dorë kollaj nga njerëzit”, u shpreh Efi.

The post Krisja e miqësisë me Mikelën, Efi rrëfehet për herë të parë: Dolëm në një konkluzion që… appeared first on Albeu.com.

“E di që tingëllon çmenduri, por vërtet nuk më pëlqen të jem e famshme.” shpjegoi ajo në një video të TikTok të postuar nga fansat. Unë isha vetëm atje, duke kërkuar për Michael Jordan, për të qenë e sinqertë me ju. Njerëzit me kamerë erdhën dhe më pyetën dy herë: ‘A ju pengon nëse ju filmojmë? Mund të të nxjerrim në ekran?’

Adele gjithashtu foli edhe rreth buzëve të saj, pasi shumë njerëz spekuluan se ajo i ka fryrë pas humbjes së peshës.

Unë kam buzë të mëdha në mënyrë natyrale…nuk kam nevojë për mbushës,” tha ajo. Arsyeja pse dukesha si një person tjetër ishte sepse isha e nevrikosur.”

The post Ka bërë apo jo ndërhyrje në buzë? Rrëfehet Adele appeared first on Albeu.com.

“Prindërit e mi janë ekonomist. Nuk donin ta pranonin që te unë ishte zgjuar pasioni që ishte media. Më çojnë për studime për Gjermani. Kam jetuar dy vjet në Frankfurt dhe kur u ktheva në Tiranë mbarova gazetarinë. Prindërit e mi ishin duke kaluar divorcin, ndonjëherë nuk je akoma gati t’i marrësh ca pesha mbi supe. Nuk ishte e lehtë. Është shumë e vështirë kur flet në celular dëgjon zërin e nënës që dridhet, dhe e mora vendimin pa ju thënë që nuk do iki më. Ika për të mos u kthyer më, ata në Gjermani nuk e pritën mirë, ime më u gëzua se i erdhi mirë që do kishte djalin pranë. Ata u ndanë, divorci i tyre ndodhi. Problemi nuk ishte tek unë, motra ishte më e pak e impaktuar, ajo është më e vogël se unë se mbase e ka ndjerë më shumë.

Nisi një rrugë e vështirë, për mua, mamin dhe motrën. Jetesa u bë e vështirë, puna që nga ai moment në 2004 nuk ishte më një luks. Gjysma e të ardhurave të mia që nga ai moment kanë shkuar për familjen. Gjatë këtyre viteve ka pasur shumë ulje dhe ngritje, por më e forta ishte humbja e babait. Ka qenë një marrëdhënie normale, është kujdesur për problemet, por nuk ishte aty. Humbja e jetës së tij ishte e vështirë dhe duke mos e pasur më, gjithë dashurinë e orientuam tek nëna. Rrethanat ishin të vështira, nuk vuante nga asgjë, vdiq në moshë të re, i ra hemorragji cerebrale në zyrë dhe nuk i thamë dot as fjalët e fundit njëri-tjetrit. Unë u detyrova ta rrisja intensitetin e punës sime, media të merr pak energji, të merr kohë.  Nëse ka një njëri që ka një fuqi të jashtëzakonshme, që sa herë ndodh diçka është ajo dmth dhe nuk e di”.

Me rrëfimin që preku gjithë ndjekësit e “Big Brother” gjatë spektaklit të së shtunës, Drini tha sot se ndihet mirë me atë që tregoi.

Madje, tregoi edhe reagimin e së motrës pasi ndërpreu garën dhe u kthye në shtëpi.

“Problematikat e motrës, janë një gjë shumë e shpeshtë kudo, por që pak flitet. Fillon me ca shenja të vogla për t’u agravuar. Ndonjëherë nisin me atë lodhjen, për të vazhduar te situata që nuk do të kesh kontakte me botën jashtë dhe është i nevojshëm kontakti me mjekun. Ne jemi në një situatë, ajo është një vajzë e rritur që është e pjekur mjaftueshëm për ta trajtuar, kjo është gjysma e punës, eksperienca ime prej 12 vitesh, gjysma e punës është të pranosh që ke një problem. Më ka ndodhur një proces shumë i çuditshëm, sa shumë njerëz më ka thënë sa mirë bëre që fole për këtë se shumë njerëz kanë frikë  dhe ankth që ta pranojnë. Gjithë kjo vala e madhe e kësaj mbështetjes, lidhet me faktin se njerëzit e kanë të vështirë ta pranojnë.  Ajo më shihte, ishte e kënaqur, madje po e shijonte. Atë dit e gjeta duke parë “Big Brother” dhe u habit, nuk e priste që kisha vendosur të lija “Big Brother”. E përqafova. Vendosa t’i qëndroja afër”.

The post Drini Zeqo rrëfehet mes lotësh: Prindërit u divorcuan, më pas babai u nda nga jeta, motra nuk e besoi kur… appeared first on Albeu.com.

Gjithçka që kishte ndodhur në shtëpi që prej moshës 9-vjeçare, u denoncua në policinë e Volosit nga vajza ditën e sotme.

Vajza, tashmë 18-vjeç, ka treguar në polici se si filloi abuzimi dhe se si së fundmi ai i dërgonte video në cellular, duke i kërkuar paratë.

Në fakt ajo i ka paraqitur policisë mesazhet e viktimës dhe i ka dorëzuar celularin, në të cilën viktima i dërgonte videot për t’i bërë presion psikologjik.

Në të njëjtën kohë, babai 50-vjeçar përshkroi në polici se si mësoi nga vajza e tij makthin që ajo jetonte dhe si mori vendimin për të vrarë vëllain e gruas së tij.

Siç tha ai, madje e kuptoi se diçka nuk shkonte kur vajza e tij, e cila studionte, filloi të mos paguante qiranë e banesës dhe t’i kërkonte dhe më shumë para.

“Herën e fundit që vajza ime studionte vazhdimisht më kërkonte t’i dërgoja para. E dija se diçka nuk shkonte kur pronari i banesës ku jeton më telefonoi duke i thënë se i kishte borxh qiranë ndërsa unë dhe nëna e saj po i dërgonim para rregullisht. Kur fola me fëmijën për të parë çfarë po ndodhte ajo filloi të qante dhe më tregoi gjithcka jetonte prej kaq vitesh me 33-vjecarin që e përdhunonte dhe videot që kishte duke e shantazhuar dhe duke i marrë paratë, ai më helmoi fëmijën, bëra atë që duhej të bëja, jam baba…”, ka thënë ai.

50-vjeçari ka marrë armën, ka njoftuar bashkëshorten dhe i ka thënë se i është dëmtuar makina duke i kërkuar të thërrasë vëllanë dhe të shkojë ta gjejë për ta ndihmuar.

Autori i ka zënë pritë viktimës së tij, duke e qëlluar në gjoks dhe fytyrë dhe është dorëzuar menjëherë në polici.

The post Rrëfimi tronditës i babai të vajzës që u abuzua nga vëllai i gruas së tij: E vrava se ai më “helmoi” fëmijën appeared first on Albeu.com.

Duke folur publikisht për herë të parë që kur 27-vjeçari, i cili kërkonte azil në Angli, u gjet i vdekur në një dhomë dushi në anijen hotel muajin e kaluar, 20-vjeçari Yusuf Deen Kargbo, i kërkoi Zyrës së Brendshme të ndalonte përdorimin e saj për të akomoduar refugjatët.

Sipas The Guardian,Kargbo, një ish-konkurrent i Lojërave të Commonwealth nga Sierra Leone, tha se Farruku ishte një “njeri i mirë dhe i sjellshëm që gjithmonë buzëqeshte dhe thoshte përshëndetje”.

Ai tha se ai dhe Farruku kishin ndarë një dhomë për rreth një javë e gjysmë përpara vdekjes së tij, e cila po hetohet nga ekzaminimet dhe nga Ministria e Brendshme.

“Leonardi nuk fliste shumë anglisht dhe të dy nuk kalonim shumë kohë në dhomat tona gjatë ditës. Por ishte miqësor dhe më tregoi se si t’i varja peshqirët në dhomën e dushit. Ndonjëherë e shihja duke parë video në telefonin e tij. Nuk dija për ndonjë problem të shëndetit mendor që ai mund të kishte pasur”, tha ai.

Motra e Farrukut, Jola Dushku, 33-vjeçe, e cila jeton në Itali, i tha The Guardian se vëllai i saj nuk kishte probleme të shëndetit mendor, përpara se të hipte në anije nga Home Office.

Ajo gjithashtu, i bëri homazhe atij.

“Leonardi ishte më shumë se një vëlla për mua dhe motrën tonë. Ai ishte një person shumë simpatik, ishte plot humor dhe mbi të gjitha ishte shumë i drejtpërdrejtë. Ai kishte shumë miq në Shqipëri dhe mbante marrëdhënie të forta me ta. Ai kurrë nuk do të fliste për askënd pas shpine”, tha ai.

Karta e tij e identitetit të Home Office, tregon se atij i ishte dhënë leja për të punuar vetëm disa ditë para vdekjes së tij, për faktin se puna e tij, që mendohej të ishte shërbimi, ishte në listën e profesioneve me mungesë.

Kargbo tha se hera e fundit që e pa të gjallë, ishte kur ai shkoi për darkën në dhomën e ngrënies së anijes.

Kur u kthye në dhomën e tij pas darkës dhe donte të përdorte tualetin, ai e gjeti derën të mbyllur dhe mendoi se Farruku ishte duke përdorur banjën, kështu që doli nga dhoma dhe përdori një banjë tjetër.

Më pas, ai shkoi në një pjesë tjetër të anijes, ku sinjali Wi-Fi ishte më i mirë dhe bëri një telefonatë të gjatë prej rreth një ore e gjysmë.

Më pas ai u kthye në dhomën e tij, u shtri në shtrat dhe e zuri gjumi.

Ai u zgjua herët në mëngjes rreth orës 5.30 të mëngjesit dhe pa që Farrukut nuk kishte fjetur.

Ai shkoi në banjë dhe përsëri pa se dera ishte e mbyllur, ai ngriti alarmin me personelin e sigurisë në bord.

“Trokita në derë dhe vazhdova të thosha: ‘Përshëndetje, përshëndetje’, por nuk mora përgjigje. Në fillim nuk më morën seriozisht, por pasi i pyeta sërish, erdhën dhe e panë. Kur nuk morën përgjigje, hapën derën me forcë dhe e gjetën Leonardin pa ndjenja”, tha ai.

Shoku i dhomës u nxor me shpejtësi nga dhoma.

“Kisha një ndjenjë të keqe për këtë. Policia vazhdoi të më bënte shumë pyetje dhe nuk më lejuan të kthehesha në dhomën time as për të marrë rrobat apo dokumentet e mia”, tha ai.

Ai tha se nuk iu ofrua asnjë mbështetje nga Zyra e Brendshme për traumën që përjetoi.

“Gjërat janë shumë keq në anije. Frika më e madhe në mesin e azilkërkuesve është se Home Office do të heqë anijet nga ankorimi i saj dhe ne do të zgjohemi duke kuptuar se po lundrojmë për në Ruanda. Për këtë arsye shumë njerëz kanë frikë të flenë natën”, tha ai.

Disa ditë pas vdekjes së Farrukut, shoku i dhomës u hoq nga anija si rezultat i ndërhyrjes së shoqatës bamirëse Care4Calais.

Ai tani është zhvendosur në një hotel në Cardiff.

Kargbo shtoi: “Unë kam qenë për të parë mjekun atje për të marrë ndihmë për traumën që kalova. Një tjetër vdekje mund të ndodhë atje në çdo kohë. Më shumë njerëz do të vrasin veten. Të gjithë në anije janë të izoluar. Ndihem shumë i stresuar nga gjithçka që ndodhi dhe ankthi dhe depresioni im janë shtuar. Shumë nga njerëzit që Home Office i vendosi në anije janë shumë të rinj si unë”.

Steve Smith, CEO i Care4Calais, tha: “Në një shoqëri të kujdesshme dhe të dhembshur, trauma e përjetimit të vetëvrasjes së personit me të cilin ju është thënë të ndani një dhomë do të shkaktonte menjëherë një paketë mbështetjeje. Jo nën këtë qeveri. Ne ishim të tmerruar që klienti ynë kaloi ditë të tëra në anije pas vetëvrasjes, u zhvendos në një dhomë tjetër, pa sendet e tij, i izoluar nga të tjerët dhe pa asnjë mbështetje emocionale. Vetëm ndërhyrja e ekipit ligjor me të cilin e kishim nënshkruar çoi në transferimin e tij nga anija”.

Një zëdhënës i Home Office tha: “Ky ishte një incident tragjik dhe mendimet tona janë me të gjithë të prekurit. Kjo është duke u hetuar nga policia dhe mjekësia ligjore”.

The post I dha fund jetës në anijen hotel, rrëfehet shoku i dhomës së Leonard Farrukut: U la 12 orë pa asnjë lloj ndihme appeared first on Albeu.com.

Stilisti 31-vjeçar ka shërbyer për lojtarë si Jack Grealish, Eden Hazard, Kylian Mbappe dhe Paul Pogba.

Duke funksionuar nga distanca ose nga dyqani i tij “A Star Barber” në Chessington, pranë terrenit të stërvitjes Cobham të Chelsea, gjithçka filloi për Ahmed në 2013, kur një numër të rinjsh donin të ndryshonin pamjen e tyre.

Që atëherë, biznesi ka lulëzuar për sipërmarrësin irakian, i cili fluturoi në Kupën e Botës 2018 në Rusi për të qethur skuadrën kombëtare të Francës, me kërkesën e shokut të tij Pogba, dhe mori një viralitet në një video të mediave sociale pasi fituan turneun.

Madje ai u shfaq në një reklamë të Pepsit, përkrah mesfushorit francez, legjendës së Argie, Lionel Messi, asit të Liverpool-it, Mo Salah dhe anësorit të Anglisë, Raheem Sterling.

Por ishte prerja e tij e fundit e Grealish, i cili së fundi nënshkroi një marrëveshje për të qenë ambasador i markës së modës Gucci, që u bë virale.

“Ai është ikonik sepse të gjithë kopjojnë modelin e tij të flokëve”, tha Alsanawi për “SunSport”.

“Edhe djali im vjen tek unë dhe thotë se dëshiron t’i rrisë flokët si Jack. Ai ka një ndikim pozitiv, kjo është arsyeja pse Gucci e mori atë, kështu që është kënaqësi ta stilosh”.

Ai filloi të mësonte zanatin duke prerë flokët e tij, pastaj të familjes së tij, përpara se të punësohej në një berber.

“Isha pak i humbur dhe nuk e dija se çfarë doja të bëja. Kisha një diplomë për art, kështu që kisha një sy për të. Por kur merrja një prerje flokësh të dyshimtë nga berberët, më bëri të vendos t’i pres flokët vetë. Prej aty fillova t’i pres familjarët dhe nja dy vite punova në një dyqan. Gruaja ime dhe unë hapëm “A Star Barber” në vitin 2013, dhe është rreth dhjetë minuta nga fusha e stërvitjes së Chelsea.

Në mënyrë organike, të gjithë të rinjtë, Reece James, Dominic Solanke dhe disa të tjerë dolën nga dera në fillim. Kam punuar me yjet e Chelseat për tre vjet, duke qethur  Eden Hazard, Diego Costa, madje edhe Jose Mourinho. Unë në fakt i preva flokët Mourinhos ditën që u shkarkua! Ai donte të shkonte shkurt, kështu që ia hoqa të gjitha flokët!”

Rrjetet sociale patën një dorë për të ndihmuar ngritjen e “A Star”. Sot, llogaria e tyre në Instagram ka rreth 718,000 ndjekës dhe ka qenë përmes futbollistëve që ndajnë modelin e flokëve të Alsanawi që edhe më shumë klientë e kanë njohur atë.

“Futbollistët filluan të shpërndanin foto në rrjetet sociale të prerjeve të flokëve që u bëra dhe më shpërtheu”.

Brenda pesë viteve nga hapja e dyqanit të tij të berberit, Alsanawi u ftua në Rusi gjatë Kupës së Botës 2018 nga Pogba dhe ylli i Real Madridit, Hazard, për të prerë flokët e tyre përpara gjysmëfinales.

“Paul dhe Eden më thirrën përpara se të luanin kundër njëri-tjetrit, kështu që më duhej të shkoja në kampet e të dyja skuadrave për të rregulluar flokët e tyre”, tha Alsanawi.

“Para asaj gjysmëfinaleje duhet të kem bërë rreth 30 ose 40 prerje flokësh ditën dhe natën para asaj ndeshjeje. Isha shumë i zënë.”

Franca përfundimisht fitoi Kupën e Botës, duke mundur Kroacinë në finale. Kjo i dha Alsanawi kënaqësi të madhe, si dhe një falënderim nga Pogba që e ndihmoi të arrijë ëndrrën e tij.

“Isha me pushime kur Franca fitoi finalen dhe duke e fituar atë më bëri të ndihem sikur kam kontribuar në të. Dhe më pas Paul i bëri një dedikim “A Star” në një video live kur ata po festonin më pas, gjë që ishte thjesht e mahnitshme.”

Kompania në rritje e Alsanawi tani ka linjën e saj të kafesë, “A Star Coffee”, ata bëjnë tatuazhe me “A Star Tattoos” dhe ai së shpejti do të lançojë produktet e tij për flokët.

Duke qenë se viti 2022 është një vit i Kupës së Botës, ai po përgatitet tashmë për turneun në Katar.

“Asgjë nuk është e sigurt, sepse mund të gjejnë një berber tjetër, por mendoj se do të shkoj në Katar me Anglinë, Francën dhe Belgjikën. Disa lojtarë nga kombëtarja e Katarit kanë kontaktuar edhe mua, gjë që do të ishte e mahnitshme. Unë jam nga Lindja e Mesme, kështu që do të ishte një privilegj t’u bëja atyre prerje flokësh. Kur kam një futbollist në vendin tim, ne nuk flasim për lojën”, zbuloi Alsanawi.

“Unë e mbaj atë profesionale dhe përpiqem të ruaj miqësitë duke folur për gjëra të tjera. Sepse, në fund të fundit, unë jam berberi i tyre dhe detyra ime është t’i bëj ata të duken mirë në fushë”./ h.ll/albeu.com

The post Dikur qethte vetëm veten, sot është berberi i yjeve të futbollit: Rrëfehet Ahmed Alsanawi appeared first on Albeu.com.

Ajo doli çift nga programi me Andin, ndërsa më vonë tregoi për publikun se kishte qenë një gënjeshtër, pasi në të vërtetë ishte e lidhur me një tjetër ish-konkurrent të “Për’puthen”, Beart Rexhepin.

Lidhja me këtë të fundit zgjati pak dhe pavarësisht deklaratave të shumta të dashurisë që kishin dhënë për njëri-tjetrin, ata s’u ndanë mirë.

Në rrjete sociale nisën thumbat, ndërsa Tea e cila fillimisht kishte hedhur vrer mbi Olsa Muhametin, u rikthye në “Për’puthen” për të treguar historinë e saj dhe gjithçka që kishte ndodhur kohëve të fundit.

Në një intervistë 60 sekondëshe për “Prive”, ish-konkurrentja është pyetur sa lidhje toksike ka pasur në jetën e saj.

“Vetëm një”- u përgjigj Tea, duke lënë të kuptohet se është ajo me Beartin.

Për kënaqësi personale, Tea mund t’i futet muzikës ndërsa për qetësi mendore mund të mbyllë rrjetet sociale.

Sa paguhet për reklama tashmë që është personazhi më i përfolur dhe i ndjekur?

“Mjaftueshëm”- ka thënë ajo pa zbuluar një shifër.

Gjithashtu, Tea ka treguar se s’flet me asnjë nga djemtë e emisionit, megjithëse së fundmi e kemi parë shpesh në shoqërinë e Fation Kuqarit.

The post Nga lidhja toksike me Beartin te planet për këngëtare, Tea Trifoni i rrëfen të gjitha (VIDEO) appeared first on Albeu.com.

Personi 32-vjeçar i identifikuar si Arben Mema, është neutralizuar nga i riu 22-vjeçar i quajtur Klodian Elqeni.

Heroi i ditës së djeshme ka qenë i ftuar së fundmi në studion e “Rudinës” në Tv Klan, ku rrëfyer më gjatë rreth kësaj situate dhe përjetimet e tij.

“Kur shkoi para tendave, ai u ndal, e ndali shpejtësinë e madhe që kishte, iu vërsulën njerëz për ta nxjerrë nga makina, ndër ta ishte edhe policia e shtetit, por agresori tentoi që të largohej përsëri. i dha gaz makinës dhe nuk pranoi që t’u bindej qytetarëve dhe policëve të shtetit. Kur i dha gaz, bëri disa rrotullime shumë të rrezikshme për të gjithë, sepse u mblodhën njerëz aty dhe u tremba, sepse kishte dhe fëmijë që luanin me biçikletë. Në momentin e parë, mendova që ky është një akt terrorist, kur pashë që policia nuk e neutralizoi dot me hapjen e derës dhe me disa goditje që i bëri, të vetmen rrugë që pashë, ishte vetëm nga dritarja. Mora guximin për hir të qytetarëve që ndodheshin aty”, u shpreh Klodiani.

I pyetur nga Rudina se a mendoi që po ndodhte një akt terrorist, ai tha se nuk kishte mendur për veten në ato çaste.

“Është e vërtetë që po rrezikoja jetën time, por ndërkohë po rrezikoheshin dhe shumë jetë të tjera. Unë kam qenë i fundit nga turma, kur u nisa vrap për të shkuar në shënjestër, dëgjova policinë të thoshte mos u afroni se është i armatosur. Unë nuk u ndala, u hodha në dritare edhe shyqyr e godita dhe personi u shtri nga ana tjetër e sediljes”.

Rudina Magjistari: Ke rrëshqitur në makinë në mënyrë spekatakolare, thashë si aktor dhe jo si një ngjarje reale.

Klodian Elqeni: Qëllimi im i vetëm ishte ta godisja fort me këmbë që ai të ngelte pa ndjenja sepse kisha frikën e armës. Pasi e godita, kam bërë edhe disa lëvizje të tjera me shkelmë sepse po mendoja që nëse do nxirrte armën, mos më qëllojë. Kam pasur ndihmën e qytetarëve përreth, policisë, e kanë hapur derën dhe e kanë tërhequr më pas dhe shyqyr shkoi gjithçka për mrekulli.

The post Shpëtoi dhjetra jetë, heroi që neutralizoi shoferin në mes të Tiranës rrëfen detajet (VIDEO) appeared first on Albeu.com.