Forca e tërmetit të një nate më parë ka qenë 4.7 Rihter, ndërkohë që është shoqëruar edhe me disa pasgoditje që janë të forcës 3.9, 3.7 dhe 3.4.
I kontaktuar nga Albeu.com, sizmiologu Rrapo Ormeni ka shpjeguar këtë fenomen që po ndodh aktualisht në vendin tonë.

Ormeni tha se të gjitha pasgoditjet janë më të ulta se tërmeti i një nate më parë.

Ai qetësoi qytetarët duke theksuar se lëkundjet do të vazhdojnë të ndihen por pa ndonjë rrezik.

Sipas tij ky fenomen mund të zgjasë disa ditë deri sa pllakat tektonike të qetësohen.

“Magnituda e tërmeteve që kanë rënë mbrëmjen ekaluar edhe sot, janë më të ulta se goditja kryesore. Lëkundjet mund të vazhdojnë për disa ditë, por nuk duhet të kemi asnjë shqetësim”, tha Ormeni për Albeu.com.

/albeu.com/ 

The post “Lëkundjet mund të vazhdojnë për disa ditë”, Shqipëria nuk gjen qetësi nga tërmetet, sizmiologu: S’ka vend për panik appeared first on Albeu.com.

Në 24 orët e fundit vetëm në zonën e Bulqizës sipas IGJEUM-it, janë shënuar gjashtë lëkundje sizmike.

Por si shpjegohet kjo?

Për të mësuar më shumë, Abcnews.al kontaktoi me sizmologun Rrapo Ormeni i cili u shpreh se nuk ka asgjë për t’u shqetësuar.

“Kjo e sotmja duket se është një goditje kryesore. Tërmetet janë dy tipologji, goditja kryesore ka para dhe pas goditje. Shumica janë pasgoditje. Është tipi i tërmetit që është shoqëruar me paragoditje. Janë procese normale që ndodhin. Ky tërmet është normal, i vogël” tha ai.

Sizmologu qetësoi qytetarët kur tha se tërmeti i regjistruar sot në Bulqizë nuk ka lidhje me atë që ndodhi në Durrës në 26 nëntor të 2 viteve më parë, tragjedia me 51 viktima. “Nuk ka lidhje. Është zonë tjetër nuk ka lidhje me zonën e Durrësit. Zona e Bulqizës është e dalluar, bie në cdo cdo vit një tërmet i kësaj madhësie”.

Muajin e fundit edhe Greqia është goditur nga disa tërmete të fuqishme, por sizmologu thotë se “Nuk ka lidhje, pasi Greqia është në pllakën e Egjeut, ne jemi me të Adriatikut”./abcnews.al

The post 6 goditje brenda pak orëve në Shqipëri, sizmologu shpjegon: Çfarë po ndodh me tërmetin appeared first on Albeu.com.