Gjithashtu, mësohet se në kërkim është shpallur dhe djali i Flamur Rrajës, Arjel Rraja, një person ky me precedent të mëparshëm penal në fushën e narkotikëve.

Sipas asaj që raportohet paraprakisht mësohet se Flamur Rraja dhe i biri kanë dhunuar shtetasin Kujtim Caca dhe familjen e tij.

Kjo ngjarje dyshohet se ka ardhur për shkak të konflikteve të vazhdueshme midis Rrajës dhe Cacës për pronat.

Lidhur me këtë ngjarje deri më tani nuk ka asnjë reagim nga Policia e Krujës, por vlen të theksohet se ngjarja e rëndë ka ndodhur dy ditë më parë.

The post Rrahën barbarisht Kujtim Cacën dhe familjen e tij, shpallet në kërkim vëllai i ish-deputetit Rrahman Rraja appeared first on Albeu.com.

Ajo është vajza e ish-deputetit socialit Rrahman Rraja, i cili dha dorëheqjen vitin e kaluar pas ngjarjes së dhunshme në të cilën u përfshi fisi Rraja, si dhe djali i tij, Rrexhep Rraja.

Ajo është zv/kryetare e Këshillit të Qarkut Durrës, ku përfshihet edhe Kruja.

Rrajat janë një fis i njohur më së shumti për problemet me drejtësinë dhe krimet.

Mesditën e 6 korrikut 2023, me shkopinj gome e bejsbolli anëtarët e fisit Rraja mësynë në një lokal në aksin Fushë Krujë-Thumanë, ku dhe dhunuan barbarisht dy kushërinjtë të fisit Maja, Bilbil dhe Jashar Majën.

Mes dhunuesve ishin dy vëllezërit e ish-deputetit socialist të Krujës, konkretisht Flamur dhe Xhelal Rraja, si dhe djali i Rrahman Rrajës, Rexhep Rraja alias Xheni.

Dy ditë më pas, 8 korrik erdhi edhe dorëheqja e Rrajës. Ai kërkoi ndjesë publike për dhunën që familjarët ushtruan ndaj kushërinjve Maja, si dhe tha se ndihej i turpëruar nga kjo ngjarje, duke shkruar më tej mes rreshtash se kishte dështuar si prind.

“Nuk kam fjalë për ta shprehur sikletin karshi të gjithë atyre që më kanë besuar gjithë këto vite. Fatkeqësisht unë dështova si prind dhe ndjehem i turpëruar publikisht nga fëmija im. Ju kërkoj ndjesë shokëve dhe kolegëve te grupit parlamentar dhe deklaroj dorëzimin e mandatit të deputetit dhe tërheqjen time nga jeta politike. Ju kërkoj ndjesë atyre që më kanë dhënë votën prej vitit 2000 si kryetar komune dhe prej 2 mandatesh si deputet. Ju kërkoj ndjesë viktimave të asaj dhune turpëruese për familjen time.

I bëj thirrje djalit tim të dorëzohet para drejtësisë. Zoti më dhëntë forcë që ta përballoj këtë dhimbje të madhe dhe jetë që ta shlyej këtë turp që më la mbi shpatulla si gur im bir. Në fund mirënjohje dhe ndjesë edhe kryetarit të partisë dhe kryeministrit, i cili nuk më kishte asnjë borxh për këtë shqetësim kaq të madh publik që i shkaktova”, u shpreh në atë kohë ish-deputeti socialist.

The post Rama fut në Asamble vajzën e ish-deputetit të dorëhequr Rrahman Rraja appeared first on Albeu.com.

Ariel Rraja është arrestuar pasi gjatë kontrollit në mjetin e tij, shërbimet e policisë I kanë gjetur kokainë dhe shuma parash, të cilat u sekuestruan në cilësinë e provës materiale së bashku me mjetin.

“Specialistët e Seksionit për Hetimin e Narkotikëve kanë arrestuar shtetasin A. Rr., 22 vjeç, banues në Nikël, Krujë, pasi gjatë kontrollit fizik dhe kontrollit në automjetin që drejtonte, shërbimet e Policisë gjetën sasi lënde të dyshuar narkotike kokainë dhe shuma parash, të cilat u sekuestruan në cilësinë e provës materiale, së bashku me automjetin”, thuhet në njoftimin e policisë.

Njoftimi i policisë:

Vihen në pranga 8 shtetas dhe procedohen në gjendje 2 të tjerë, për vepra të ndryshme penale.

Specialistët e Seksionit për Hetimin e Narkotikëve arrestuan shtetasin R. A., 26 vjeç, si dhe nisi procedimi penal për shtetasin Ç. S., 36 vjeç, të dy banues në Tiranë.

Gjatë kontrollit fizik ndaj tyre dhe kontrollit në automjetin me drejtues shtetasin R. A. dhe pasagjer shtetasin Ç. S., shërbimet e Policisë gjetën dhe sekuestruan në cilësinë e provës materiale, sasi municioni luftarak dhe sasi lënde të dyshuara narkotike kokainë e kanabis;

Gjithashtu, nga këta specialistë u arrestua shtetasi A. Rr., 22 vjeç, banues në Nikël, Krujë, pasi gjatë kontrollit fizik dhe kontrollit në automjetin që drejtonte, shërbimet e Policisë gjetën sasi lënde të dyshuar narkotike kokainë dhe shuma parash, të cilat u sekuestruan në cilësinë e provës materiale, së bashku me automjetin.

Specialistët e Seksionit të Kërkimit kapën shtetasin G. V., 52 vjeç, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Mashtrimi”.

Specialistët për Hetimin e Krimeve të Komisariatit të Policisë Nr. 3 arrestuan një shtetas 16 vjeç, si dhe nisi procedimi penal për një bashkëmoshatar të tij, pasi ditën e djeshme, janë konfliktuar fizikisht dhe me mjete të mprehta me njëri-tjetrin. Si pasojë, është dëmtuar njëri prej tyre, i cili ndodhet në spital, në kujdesin e mjekëve.

Specialistët për Hetimin e Krimeve të Komisariatit të Policisë Nr. 4 arrestuan shtetasin E. D., 32 vjeç, banues në Tiranë, pasi ka ushtruar dhunë ndaj babait të tij.

Specialistët për Hetimin e Krimeve të Komisariatit të Policisë Nr. 6 arrestuan shtetasin G. L., 32 vjeç, banues në Kombinat, pasi ka ushtruar dhunë ndaj të dashurës së tij.

Specialistët e Komisariatit të Policisë Rrugore Tiranë arrestuan shtetasit:

– M. D., 25 vjeç, banues në Tiranë, pasi u kap duke drejtuar automjetin, pa leje drejtimi;

– J. K., 38 vjeç, banues në Tiranë, pasi duke drejtuar automjetin, në gjendje të dehur, është përplasur me një automjet tjetër, me pasojë vetëm dëme materiale.

–

Në Komisariatin e Policisë Krujë është paraqitur shtetasi A. M., 33 vjeç, banues në Tiranë, i cili ka kallëzuar se është larguar nga banesa, motra e tij shtetasja S. M., 31 vjeçe. Punohet për gjetjen e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post EMRI+FOTO/ Iu gjet kokainë dhe shuma parash në makinë, arrestohet nipi i Rrahman Rrajës appeared first on Albeu.com.

Kontrollet zhvillohen me qëllim gjetjen e personave të shpallur në kërkim pas dhunës në Borizanë ndaj dy kushërinjve Maja, për guroren.

Personat e shpallur në kërkim janë, djali Rexhep Rraja, vëllezërit Flamur dhe Xhelal Rraja, Përparim Rraja, Klajdi Rraja dhe Edison Meta.

Ngjarja u shënua mesditën e 6 korrikut në një lokal në aksin Fushë Krujë – Thumanë, ku anëtarë të fisit Rraja në grup mësynë lokalin dhe goditën me shkopinj gome dhe shkopa bejsbolli Bilbil dhe Jashar Maja teksa ata ishin ulur në një tavolinë me inxhinierin e gurores për t’i kërkuar atij që shpërthimet të bëheshin më të kontrolluara pasi banesat e tyre po dëmtoheshin.

Kujtojmë se dhuna pasoi në dorëheqjen e deputetit Rraja dhe shkarkimin e ministrit të Brendshëm Bledi Çuçi. Në vend të Çuçit është emëruar Taulant Balla, ndërsa ish-deputetin socialist e ka zëvendësuar në Kuvend, Arkend Balla. /albeu.com

The post Policia zbarkon në Krujë, kontrolle në banesën e ish-deputetit Rrahman Rraja appeared first on Albeu.com.

Dhuna ndaj dy kushërinjve Maja është bërë për shkak se këta të fundit ishin ankuar për guroren e tyre, pasi po ua shkatërronte banesat.

Kjo ngjarje e rëndë gjithashtu bëri që opinioni publik të reagonte ashpër edhe ndaj veprimeve të Policisë së Shtetit, të cilët ditën e parë pas shoqërimit të autorëve të dhunës, i lanë këta të fundit të lirë.

Ngjarja e Borizanës çoi dhe në shkarkimin e ministrit të Brendshëm Bledi Çuçi. Në vend të tij, u emërua Taulant Balla./albeu.com/

The post Rrahman Rraja dha dorëheqjen pas dhunës për guroren në Krujë, KQZ i jep mandatin Arkend Ballës appeared first on Albeu.com.

Kujtojmë se familjarët e tij, përfshirë djalin dhe vëllain, dhunuan rëndë me shkopa bejzbolli Jashar dhe Bilbil Majës, disa ditë më parë në Borizanë të Krujës.

Dhuna ndaj dy kushërinjve Maja është bërë për shkak se këta të fundit ishin ankuar për guroren e tyre, pasi po ua shkatërronte banesat.

Kjo ngjarje e rëndë gjithashtu bëri që opinioni publik të reagonte ashpër edhe ndaj veprimeve të Policisë së Shtetit, të cilët ditën e parë pas shoqërimit të autorëve të dhunës, i lanë këta të fundit të lirë.

Ndërkohë që me largimin e Rrajës nga Kuvendi i Shqipërisë vendin e tij do e marrë një tjetër socialist. Bëhet fjalë Arkend Balla, i cili pritet që të pranojë mandatin e deputetit dhe më pas të bëjë betimin në Kuvend.

Ngjarja e Borizanës çoi dhe në shkarkimin e ministrit të Brendshëm Bledi Çuçi. Në vend të tij, u emëra Taulant Balla./albeu.com

The post Dha dorëheqje pas skandalit të dhunës në Borizanë, Rrahman Rraja dorëzon në Kuvend mandatin e deputetit, kush e pason appeared first on Albeu.com.

Shkak për dhunën e rëndë u bë një gurore, e cila sipas banorëve, pavarësisht dhunës së rëndë të dy ditëve më parë, vazhdon punën pa asnjë shqetësim.

Banorët kanë treguar për gazetarin Igli Çelmeta se janë bërë dhjetëra denoncime, por nuk janë marrë parasysh.

Ndër të tjera, ata tregojnë se prej gurores kanë hyrë në konflikt dy fiset më të mëdha të Krujës dhe paralajmërojnë ngjarje të tjera nëse autoritetet nuk reagojnë.

“Kemi bërë 40 denoncime, por i kanë lënë në sirtar. Në Dukagjin ka 100 vjet që nuk ikën gjakmarrja, tani shteti e ka fut edhe në Krujë. Nuk ka shtet këtu o vëlla. Këtu nuk ka kriminelë, por të parët janë policët e Fushë-Krujës dhe të dytët vijnë në Tiranë që nuk i komandojnë të Fushë-Krujës. I bëj thirrje Edi Ramës sepse keni për ta bërë gjakderdhje kot. A mund t’i dalin familjes para me gjithë atë dhunë që kanë bërë? Unë më mirë pranoj vdekjen se atë dhunë barbare, se nesër pasnesër më thotë gruaja ‘mos e ngre zërin se të kanë rrahur e s’ke surrat të më shohësh’.  A ka shtet a jo, a të shkojmë të vrasim veten a çfarë të bëjmë… Prej shtëpie na nxorën. Kanë hyrë në hamësi dy fiset më të mëdha të Krujës, se keni për t’ia dëgjuar krismën po nuk ndërhyri shteti”, tha një nga banorët.

The post “Keni për të bërë gjakderdhje kot”, flasin banorët në Borizanë: Gurorja vijon punën sikur nuk ka ndodhur asgjë appeared first on Albeu.com.

Kreu i grupit parlamentar të PD, Gazment Bardhi, ka reaguar pad deklaratës së dorëheqjes së deputetit socialist rahman Rraja pas dhunës së ushtruar nga djali i tij dhe anëtarët e fitit të tij ndaj kushërinjve Maja në Fushë Krujë, ku theksonte se ka dështuar si prind.

Në reagimin e tij Bardhi shkruan se nuk ka dështuar Rrahman Rraja i prind, por kjo ngjarje tregoi gjunjëzim të shtetit.

Reagimi i Bardhit:

Ngjarja e rëndë e Krujës është thelbi i qeverisjes së Edi Ramës. Është po aq shokuese sa dhuna shtazarake e fisit Rraja, pafuqia e institucioneve për të vepruar dhe për të zbatuar ligjin.

Ngjarja në Krujë nuk është dështim i një deputeti si prind apo vlla, siç po tentohet të shitet, por gjunjëzim dhe dështim i shtetit përballë bandave me pushtet politik. Për shkak të këtij modeli qeverisës sot kemi disa oficerë policie në azil, që duhej të ishin në punë, për të ofruar rend e siguri për qytetarët, por nuk janë, janë larguar, sepse në përballjen që ata kishin me bandat, qeveria e Edi Ramës zgjodhi ti braktiste ata dhe të mbronte bandat me pushtet politik, siç tentoi të bënte edhe për këtë ngjarje 2 ditë më parë.

Qytetarët protestojnë prej ditësh se një gurore në pronësi të familjes së deputetit po dëmton shtepitë e një fshati të tërë dhe institucionet fshihen, nuk veprojnë. Deputetët e opozitës kanë denoncuar një muaj më parë rastin në Parlament dhe ministrat e Edi Ramës bëjnë sikur nuk dëgjojnë. Edhe sot nuk ka asnjë veprim nga instituconet përgjegjëse për të ndaluar veprimtarinë e paligjshme të atyre guroreve.

Qytetarët paraqiten të masakruar në Policinë e Shtetit, dhe drejtuesit e policisë jo vetëm nuk veprojnë, por kujdesen të thonë që ka shoqëruar disa familjarë të deputetit por i kanë lënë të lirë sepse gurorja është me leje. Veprimet e Policisë së Shtetit për arrestimin e personave erdhën vetëm pas publikimit të pamjeve shokuese të dhunës ndaj dy qytetarëve të pafajshëm.

Prandaj ngjarja nuk mund të kalohet pa vënë përpara përgjegjësisë edhe zyrtarët përgjegjës që nuk vepruan, institucionet që kanë dhënë lejet e paligjshme, zyrtarët e Policisë së Shtetit që tentuan të fshehin dhe manipulojnë ngjarjen. Ngjarja e rendë e Krujës nuk mund të kalohet me përgjegjësi individuale apo familjare, por me përgjegjësi të plotë politike, duke nisur nga arkitekti i këtij modeli qeverisës Edi Rama që qeverisë sipas parimit “merr dhe mbaj pushtet me krimin, dhe jepi pushtet në qeverisje pa kufi krimit.

/AlbEu.com/

The post Dorëheqja e Rrahman Rrajës pas dhunë në Fushë Krujë, Bardhi: Nuk dështoi si prind, ngjarja tregoi se shteti është gjunjëzuar appeared first on Albeu.com.

Rexhep Rraha është shpallur në kërkim dhe vijon puna për kapjen e tij, teksa janë 4 të dnaluar.

Njoftimi i policisë:

Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.

Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.

Vazhdon puna për identifikimin e personave të tjerë të përfshirë në këtë ngjarje.

Kujtojmë që konfikti i dhunshëm nisi për shkak të guroreve në zonë, që janë në pronësi të fisit Rraja.

Fisi Maja ankohet për zhurmat e krijuara nga plasjet në një gurore në Borizanë, në pronësi të Përparim Rrajës, vëllait të deputetit socialist, Rrahman Rraja

Përplasja mes fiseve Rraja dhe Maja ka degraduar në përdorimin e sendeve të forta siç janë shkopat e bejzbollit por edhe të pistoletës.

Anëtarët e fisit Rraja kanë shkuar në një lokal në zonë dhe kanë sulmuar me shkopa bejzbolli dy anëtarët e fisit Maja, të cilët në ato momente po pinin kafe.

Jashar Maja ka treguar se në momentin e dhunës ata kanë qenë duke pirë kafe me kushëririn e tij Bilbil Maja dhe një inxhinier, me të cilin po diskutonin për minimet qëu kanëdëmtuar shtëpitë.

Bilbil Maja është në gjendje më të rëndë, teksa kushëriri i tij ka paralajmëruar autoritetet se nëse nuk merren masa do të bëjë vetëgjyqësi.

The post Dhuna ndaj kushërinjve Maja, shpallet në kërkim djali i deputetit Rrahman Rrahja appeared first on Albeu.com.

Vetë Jashar Maja ka treguar edhe një herë të gjithë dinamikën e ngjarjes, teksa ndodhej në një lokal duke pirë kafe bashkë me kushëririn e tij, po ashtu i plagosur rëndë, dhe një inxhinier të gurores, e cila dyshohet se ishte dhe shkaku i ngjarjes.

Jashar Maja ka thënë se ata ishin duke diskutuar me inxhinierin për mundësinë që shpërthimi i minave të ishte më i butë, pasi u janë dëmtuar banesat.

Gjatë këtij momenti kanë mbërritur një grup personash nga fisi Rraja dhe kanë ushtruar dhunë ndaj tyre me shkopa bejsbolli dhe qytën e armës. Sipas Jashar Majës, ai ka parë vëllanë e deputetit, Xhelalin, i cili kishte pistoletë në dorë.

Ai ka treguar se ka mbetur pa ndjenja, teksa sipas tij policia ka mbërritur dy orë me vonesë, pasi i tremben këtij fisi. Jashar Maja u bën apel autoriteteve ligjzbatuese, duke kërkuar që të arrestohen dhe dënohen të gjithë personat që morën pjesë në këtë sulm, për ndryshe thotë se do të bëjnë vetëgjyqësi.

“Ishim në prani të një inxhinieri të gurores dhe po diskutonim për minat, që t’i bëjnë më të buta shpërthimet sepse po na shembin shtëpinë. Menjëherë kanë ardhur fisi Rraja, me armë me shkopinj bejsbolli, na kanë dhunuar brutalisht deri sa të dy kemi rënë pa ndjenja. Kur kam ardhur në vete kam shkuar dhe kam ndihmuar çunin e xhaxhit, kemi dalë në xhade dhe kemi njoftuar policinë.

Pas dy orësh kanë ardhur se kishin frikë me këta persona. Nuk kanë njoftuar as ambulancën. Na shoqëruan me një makinë dhe kemi shkuar në spital më pas. Bilbili është shumë keq, unë kam dëmtime por jam pak më lehtë. Bilbili ndodhet në një klinikë private sepse ka thyerje dore, këmbë, shpatull, ka shumë të çara në kokë.

Kanë qenë tre veta me armë, Xhelal Rraja, atë që e kam njoh. Disponojmë dhe një video që e kanë nxjerrë po ata, nuk e di pse e kanë nxjerrë. Me dash shteti i verifikon. Unë i bëj thirrje shtetit që t’i dënojë sa i parashikon ligji nëse nuk e bën do bëj vetëgjyqësi sepse skam çfarë të bëj.

Përparimi ka një gurore, për shkak se kemi protestuar sepse na kanë plasur shtëpitë nga minat, për këtë kemi protestuar dhe kemi denoncuar. Nuk na është hapë asnjë derë. Shkojmë te policia na thonë mos shkoni te gurorja se do t’u marrim të pandehur. Ne jemi të dëmtuar nga çdo anë, ajo gurore prapë vazhdon aktivitetin. Kemi shumë dëmtime në banesë, janë të plasaritura nga shpërthimi i minave.

Ne nuk kemi as mbrojtje as ka ardhur policia të na pyes a jemi gjallë apo kemi vdekur.

Unë kërkoj të vihen autorët të gjithë të marrin dënimin përkatës, ose do ta kthej në vetëgjyqësi. Xhelal Rrajas nuk ia fal sa të jem gjallë sepse nuk i kam faj. E kam bërë shtëpinë me djersë.

Kur na sulmuan nuk na folën fare, vetëm na ofenduan. Më kanë goditur edhe me armë, edhe me shkop bejsbolli.

Kryesorët që kanë qenë me armë dhe kanë kryer dhunën, nuk janë arrestuar, sepse nuk ka kapacitet ky shtet me i kap. Për këtë gurore jam bërë kështu, se kam bërë me pisllëk sikur janë ata. Nuk kam shkuar unë te Rrajat, por kanë ardhur ata tek unë. Kryesorët e kësaj ngjarjeje janë të lirë”, u shpreh ai.

The post “Nuk e fal sa të jem gjallë”, Jashar Maja flet pas dhunës nga fisi Rraja: Policia i ka frikë, do bëj vetëgjyqësi appeared first on Albeu.com.