Prokuroria e Tiranës e konsideroi rrethanë lehtësuese nervozizmin nga gjobat e shumta ndaj një qytetari, i cili kur mori masën e radhës administrative reagoi duke shtyrë policin Zeqir Musaj.

Por edhe pse polici u dëmtua mbasi ju thyen gjymtyrët, dhe teksa referimi u krye për plagosje të rëndë me dashje, akuza e ka zbutur qëndrimin ndaj autorit.

Top Channel shkruan se në mbyllje të hetimeve Ermal Mucolli u akuzua vetëm për kundërshtim të policisë, pasi akuza tjetër ‘plagosje e rëndë me dashje’, nuk u gjet e provuar.

Prokuroria thotë se polici Musaj gjatë detyrës konstatoi një automjet të parkuar në trotuar. Efektivi ka vendosur gjobë ndaj automjetit  dhe në këto çaste pranë tij është afruar qytetari që i ka thënë: “mos e vendos gjobën se po pija kafenë dhe do iki menjëherë.”

Gjatë bisedës mes të dyve, efektivi është përgjigjur se ndërkohë e kishte prerë gjobën. Më pas, Ermal Mucolli është nervozuar dhe i acaruar është përgjigjur: Pse ma vendose se dje i pagova ca gjoba?

Ai ka marrë bllokun e gjobave dhe e goditi efektivin në kokë. Më pas e qëlloi me grushte e shkelma. Kjo përleshje është mbyllur me rrëzimin përtokë të efektivit Zeqir Musaj, i cili theu këmbën e u dërgua menjëherë në spital. E pavarësisht se e gjithë ngjarja është filmuar nga kamerat e sigurisë së një biznesi në zonë, Prokuroria nuk e ka faktuar dot dhunën ndaj efektivit.

The post I theu këmbët policit, efektivi “tradhtohet” nga Prokuroria: Ishte nervoz nga gjobat appeared first on Albeu.com.

Ai u arrestua në datën 21 prill pasi në zonën e Yzberishtit i theu këmbën oficerit në detyrë.

Efektivi po kryente detyrën dhe i vendosi gjobë për parkim të gabuar shtetasit Ermal Mucolli.

I nevrikosur, siç duket në pamjet ekskluzive, ai del nga lokali, i kërkon llogari efektivit dhe mandej e shtyn dhe e godet.

Polici duket i shtirë për tokë nga kamera e sigurisë së një biznesni. Efektivi shfaqet duke mbajtur këmbët dhe duke kërkuar ndihmë derisa aty mbërrijnë kolegët kurse autori largohet për tu arrestuar në ndjekje e sipër nga uniformat blu.

Prokurori i çështjes këmbënguli në gjykatë se veprimet e qytetarit nga Kombinati janë të rënda dhe rrezikuan jetën e efektivit i cili përfundoi në spital me gjymtyrë të thyer./TCH

The post I theu këmbën policit për një gjobë makine, momenti i sherrit në Yzberisht (VIDEO) appeared first on Albeu.com.