rrahja e gazetarit Archives - Albeu.com

Deputeti turk rreh në studion e TV-së pa mëshirë gazetarin, i vjen në ndihmë edhe truproja e tij (VIDEO)

admin — Mon, 08 Aug 2022 08:02:06 +0000

Një skenë dhune e paprecedentë është regjistruar në një emision të kanalit TV100 në Turqi.

Panelistët përfunduan në përdorimin e grushteve, ku një deputet rrahu keq një gazetar.

Incidenti ndodhi të shtunën e kaluar kur në emision po diskutohej për çështjen e pavarësisë së gjyqësorit në Turqi dhe të ardhmen politike të liderit të burgosur kurd Selahettin Demirtas, si dhe Osman Kavala, i cili po mbahet gjithashtu në burg pa një akuzë konkrete.

“Policia dhe shteti na përkasin neve”, tha prerazi deputeti dhe nënkryetari i Partisë Demokratike Kemal Enginhurt.

Gazetari Latif Simsek i tha të ndalonte dhe në atë moment deputeti nacionalist u zhvendos me ton kërcënues në drejtim të tij.

E pasi të dy u përplasën, është shfaqur edhe truproja e deputetit dhe së bashku kanë nisur ta rrahin pa mëshirë gazetarin.

I tillë ishte intensiteti i goditjeve sa gazetares i ra të fikët, ndërsa emisioni u ndërpre dhe rifilloi pas 20 minutash, me prezantuesin dhe drejtuesit e stacionit që nuk e miratuan atë që ndodhi dhe kërkonin falje.

Në pauzë, siç tregojnë videot, gazetari është rrahur nga deputeti dhe truproja e tij. Latif Simsek paditi deputetin Kemal Enginhurt, i cili ishte një ish-ekzekutiv i “Ujqërve Gri”.

Prokurori ndërkohë ka vendosur masën e paraburgimit për truprojën, por jo për deputetin që mbulohet me imunitet.

Demokrat Parti milletvekili Cemal Enginyurt, katıldığı canlı yayında tartıştığı diğer konuğu reklam arasında koruması ile birlikte dövdü. (TV100)

pic.twitter.com/FyaYwRRa25

— ibrahim Haskoloğlu (@haskologlu) August 7, 2022

The post Deputeti turk rreh në studion e TV-së pa mëshirë gazetarin, i vjen në ndihmë edhe truproja e tij (VIDEO) appeared first on Albeu.com.

Gazetari rrihet në sy të vajzës, përfundon në koma (FOTO LAJM)

admin — Sat, 19 Mar 2022 11:30:02 +0000

Një gazetar është goditur me mjete të forta duke i shkaktuar dëme të mëdha trupore në Suedi. Gazetari turk Ahmet Donmez, i larguar nga vendi për shkak të përndjekjes nga qeveria, u godit nga dy persona të panjohur teksa ishte duke shoqëruar vajzën 6-vjeçare në kopësht. Ai u godit disa herë në kokë dhe trup me mjete të forta duke humbur ndjenjat, ndërkohë që vajza qante dhe kërkonte ndihmë.

Sëfundmi bashkëshortja e tij ka bërë një postim në Tëitter duke thënë se është duke u trajtuar në zonën e kujdesit intensiv në spital.

Donmez është një ndër gazetarët më në zë, i cili ka publikuar sëfundmi fakte mbi lidhjet e qeverisë me mafian në trafikun e drogës në Turqi. Më herët ai ka marrë kërcënime te ndryshme nga persona që ai i ka identifikuar si “njerëz të ministrit të Brendshëm turk”, të cilët i kanë thënë: Mos kujto se je ne Suedi dhe nuk të gjejmë!

Donmez akuzon këta të fundit për kërcënimet dhe sulmin e djeshëm./abcnews.al

The post Gazetari rrihet në sy të vajzës, përfundon në koma (FOTO LAJM) appeared first on Albeu.com.

Fyeu dhe rrahu gazetarin, procedohet 37-vjeçari nga Fieri

admin — Sat, 20 Nov 2021 09:59:59 +0000

Policia e Fierit ka proceduar penalisht një 37-vjeçar banues në fshatin Arapaj, Roskovec. Në njoftimin e bluve thuhet se shtetasi K. L., në fshatin Suk 1, Roskovec, për motive të dobëta, ka fyer dhe dhunuar fizikisht shtetasin A. T., 33 vjeç, banues në Tiranë, me profesion gazetar. Ndërkohë vijojnë veprimet proceduriale./albeu.com/ [...]