Arrat dhe Rozmarina janë të pasura me ushqyes. Ato janë një burim i jashtëzakonshëm antioksidantësh, vitamine E dhe mineralesh. Të dy këto përbërës natyralë janë fantastike për shëndetin e trurit.

Arrat përbëjnë një zgjedhje të mençur ushqimore sepse kanë një përqendrim të lartë të acideve yndyrore omega-3 që parandalojnë sëmundjet degjeneruese të trurit siç janë sëmundja e Alzheimer, skleroza dhe sëmundja e Parkinsonit.

Arrat dhe Rozmarina parandalojnë sëmundjet koronare dhe janë një burim i shkëlqyer i acideve yndyrore mono-të-pangopura siç është acidi oleik.

Vlerat Kurative Për Shëndetin
Shumë studime kanë treguar se këta ushqyes janë të dobishëm për parandalimin e sëmundjeve të zemrës.

Gama e ushqyesve të rëndësishëm të arrave shtrihet edhe tek kockat. Acidet yndyrore i bëjnë arrat të jashtëzakonshme në rritjen e nivelit të përthithjes së kalciumit nga kockat.

Rozmarina ofron një spektër shumë të gjërë përfitimesh. Kjo barishte është e pasur me hekur, kalcium dhe fibër dietike. Ajo përmban gjithashtu shumë antioksidantë.

Disa prej përfitimeve shëndetsore të rozmarinës përfshijnë aftësinë e saj për të forcuar kujtesën, përmirësuar humorin, pakësuar inflamacionin, zbutur dhimbjen, mbrojtur sistemin imunitar, stimuluar qarkullimin e gjakut, pastruar organizmin, luftuar bakteret dhe infeksionet, parandaluar plakjen e parakohshme dhe shëruar lëkurën.

Receta që ekspertët e AgroWeb.org rekomandojnë përmban arra, rozmarinë dhe vaj ulliri, tre super fuqitë e shëndetit të mirë.

Përgatitja Krejt Lehtë në Shtëpi

Përbërësit

2 filxhanë me arra të grira trashë

2 lugë gjelle me vaj ulliri

1 lugë gjelle me rozmarinë

Çerek luge çaji me kripë

Përgatitja

Ngroheni furrën paraprakisht në 180° C. Hidhni arrat në një tepsi mbi të cilën keni shtruar një letër pjekjeje.

Spërkatini me rozmarinë, kripë dhe vaj ulliri. Piqini deri sa arrat të marrin një ngjyrë kafe të artë për rreth 10-15 minuta.

Më pas mund t’i ruani në një enë të mbyllur hermetikisht dhe të ruajtur në temperaturë ambienti.

The post Arra dhe rozmarinë për kujtesë të fortë appeared first on Albeu.com.

Rozmarina përmban karnosol, dhe acidi karnozik i rozmarinës vepron si mbrojtje duke mbledhur mbeturinat, radikalet e lira në trup.

Rozmarina është një antioksidant që është treguar shumë efektiv në parandalimin dhe shërimin e njerëzve që janë ekspozuar ndaj rrezatimit.

Përdorimi i ujit të rozmarinës parandalon formimin e toksinave.

Përbërësit:
▪ 2 lugë çaji gjethe rozmarine të grira hollë,
▪ një gotë me ujë të valuar

Përgatitja:
Hidhni rozmarinë të freskët në një filxhan dhe derdhni ujë të vluar mbi të. Para se ta merrni “përzierja” duhet të qëndrojë për rreth 5-10 minuta.

Këshillë shtesë: Përfitoni nga rozmarina duke përzier vaj rozmarine me disa nga vajrat bazë. Fërkojeni këtë përzierje në këmbët tuaja çdo ditë. Përveç kësaj, rekomandohet inhalimi.

The post Çdo ditë përballë telefonit rrezikoni sëmundje të rënda, por kjo bimë do t’ju mbrojë nga rrezet appeared first on Albeu.com.