Her arrest took place in January 2023, on charges of taking 120,000 euros, 30,000 US dollars, and valuables from the home of Alda Klosi, a former senior state official. Dobi had worked as a cleaner in her apartment for nearly five years.

As part of the investigation, police searched Rozeta Dobi’s home. Inside the vacuum cleaner tube, they discovered 404,000 euros, 8,500 US dollars, and a quantity of gold jewelry hidden, which were seized.

Authorities also seized 58,150 euros, 7,000 dollars, 368,000 new lek, and three vehicles. Two of the cars were suspected to have been purchased with money obtained from the theft.

The case attracted widespread public attention, both for the large monetary sums discovered and for the subsequent investigations regarding their origin.

After serving part of her sentence, Rozeta Dobi left her cell in Pojska prison today and regained her freedom thanks to the penal amnesty.

The post Penal Amnesty Frees Rozeta Dobi from Pojska Prison, Convicted of Stealing 120,000 Euros appeared first on Albeu.com.

Arrestimi i saj u krye në janar të vitit 2023, nën akuzën se kishte marrë 120 mijë euro, 30 mijë dollarë amerikanë dhe sende me vlerë nga shtëpia e Alda Klosit, ish-zyrtare e lartë e shtetit. Dobi kishte punuar si pastruese në banesën e saj për afro pesë vjet.

Në kuadër të hetimeve, policia kontrolloi shtëpinë e Rozeta Dobit. Brenda tubit të aspirimit u zbuluan të fshehura 404 mijë euro, 8 500 dollarë amerikanë dhe një sasi bizhuterish floriri, të cilat u sekuestruan.

Autoritetet sekuestruan edhe 58 150 euro, 7 mijë dollarë, 368 mijë lekë të rinj dhe tre automjete. Dy prej makinave dyshohej se ishin blerë me paratë e siguruara nga vjedhja.

Rasti tërhoqi vëmendje të gjerë publike si për vlerat e mëdha monetare të zbuluara, ashtu edhe për hetimet e mëvonshme lidhur me prejardhjen e tyre.

Pasi kreu një pjesë të dënimit, Rozeta Dobi la sot qelinë në burgun e Pojskës dhe rifitoi lirinë falë amnistisë penale.

The post Amnistia penale liron Rozeta Dobin nga burgu i Pojskës, ishte dënuar për vjedhjen e 120 mijë eurove appeared first on Albeu.com.

Përfundimisht me aplikimin e gjykimit të shkurtuar Klosi do të kryejë 20 muaj burg, Rozeta Dobi do të kryejë 4 vite e 8 muaj burg ndërsa Havier Dobi do të dënohet me 3 vite e 4 muaj burg

Ngjarja u zbulua në janar 2023 duke çuar në arrestimin e sanitares Dobi, djalit të saj Havier dhe më pas vetë ish zyrtares Alda Klosi.

Në seancën gjyqësore që u mbajt në gjykatën e Tiranës Rozeta Dobi shprehu pendesë për atë që ka ndodhur.

“Kërkoj mëshirë, kërkoj falje. Shumën e parave mi dha Alda Klosi për ti mbajtur disa kohë në shtëpinë time më pas tia ktheja. Kam punuar gjithë jetën me punë të ndershme jo të bëj vjedhje. Klosi më tha mbaj lekët, se donte të fajësonte bashkëshortin për vjedhje”

Klosi kërkon pafajësi

Vetë Alda Klosi nuk ishte e pranishme por u mbrojt nga avokati i cili kërkoi pafajësi sepse e pandehura Alda Klosi është kryefamiljare, ka një vajze dhe një djalë të mitur  dhe po ashtu ka probleme shëndetësore Gjithashtu kërkoi që dënimi të jetë i njëjtë me kohën e qëndrimit në paraburgim

Mbrojtja e Dobit: Gati të bashkëpunojë

Edhe avokati mbrojtës i Dobit kërkoi që të pezullohet dënimi me burg pasi gruaja ka djalin për tu kujdesur pasi i ka vdekur bashkëshorti.

“Ne jemi treguar bashkëpunues dhe jemi arsyeja pse u zbulua e gjithë ngjarja. Të merret parasysh. Ata kanë edhe një faktkeqësi. Ka ndërruar jetë bashkëshorti i Rozeta Dobit dhe ajo duhet të kujdeset për djalin. Kërkojmë dënimin në minimum dhe pezullim të dënimit me burg. Ajo do të jetë e gatshme të bashkëpunojë me drejtesinë. Ndihet e penduar per atë që ka bërë. Ne kerkojmë që çdo pasuri e deklaruar para datës së vjedhur ti kthehen Rozeta Dobit” tha avokati

Ndërkohë prokuroria thotë se pretendimet e Rozeta Dobit që paratë i janë dhënë nga Alda Klosi për ti mbajtur bien poshtë për shkak të veprimeve dhe sjelljeve të saj në ditën e ngjarjes.

Akuza

Rozeta Dobi akuzohet për vjedhe me pasoja të rënda dhe vjedhje më shumë se njëhere.

Havier Dobi akuzohet për vjedhje me pasoja të rënda.

Alda Klosi akuzohet për fshehje të pasurisë.

Kush eshte Alda Klosi

Klosi ka mbuluar funksione të larta në administratë, si ish drejtoreshë e koncensioneve në ministrinë e Financave para disa vitesh dhe deri në korrik të 2022, shefe e kabinetit të ish zëvendës kryeministrit Arben Ahmetaj, për të kaluar më pas në Autoritetin e Mbikqyrjes Finaciare./albeu.com

The post Gjykata jep vendimin, me sa vite burg u dënuan Rozeta Dobi dhe Alda Klosi appeared first on Albeu.com.

Mësohet se Prokuroria ka kërkuar që Alda Klosi  të dënohet me 2 vite e 6 muaj burgim.

Për pastruesen Rozeta Dobi ka kërkuar të shpallet fajtore dhe të dënohet me gjashtë vite burg.

Ndërsa për djalin e saj është kërkuar 4 vite burg dhe të aplikohet ulja e dënimit me 1/3./albeu.con

The post Prokuroria kërkon 6 vite burg për Rozeta Dobin, dhe 2 vite për Alda Klosin appeared first on Albeu.com.

Siç shihet nga pamjet, Rozeta, pastruesja që akuzohet se vodhi një shumë të madhe eurosh në banesën e Alda Klosit, ish-zyrtares së lartë, bashkëpunëtore dikur e ish-zëvendëskryeministrit Arben Ahmetaj.

Mësohet se Alda Klosi, nuk është paraqitur sot në seancë, ndërkohë që sot do të jepet pretenca nga prokuroria.

The post Të heshtur pas kafazit prej xhami, pastruesja Rozeta Dobi dhe djali i saj në gjykatë appeared first on Albeu.com.

Këto para sipas denoncimit të familjes së Roland Xhaxhos dhe bashkëshortes së tij ishin kursime të nënës së gruas së doktorit, kursime të mbledhura në 30 vite pension dhe ata e kanë konstatuar vjedhjen vetëm pasi nëna (vjehrra e doktorit) kishte ndërruar jetë.

Pastruejsa e cila është vënë nën akuzë rezulton se nuk ka vjedhur para vetëm në banesën e doktorit Roland Xhaho por po ashtu dyshohet se ka vjedhur sende me vlerë edhe në banesën e vajzës së tij, doktoreshë Ina Xhaxho.

Pas denoncimt të familjes Xhaxho ka qenë policia dhe prokuroria që kanë hetuar ngjarjen duke bërë të mundur zbulimin e krimit dhe dënimin e pastrueses, shtetases A.Xhemali me 2 vite e 8 muaj burg./Weblajm

The post Jo vetëm Rozeta Dobi, një tjetër pastruese i “fshin” mijëra euro doktorit të klinikës ku humbi jetën 3-vjeçari appeared first on Albeu.com.

“Ora News” mëson se pastruesja Dobi është shpërblyer nga Alda Klosi me 10 mijë euro, ndërsa premtimin për dhurimin e një tharëse rrobash, Alda Klosi nuk e ka mbajtur.

“…lidhur me këtë shërbim dua të tregoj se si shpërblim Alda do më jepte vlerën 10 mijë Euro, si dhe një tharëse rrobash…”-ka treguar në prokurori Rozeta Dobi.

E pyetur nga prokurorët se a e kishte marrë, nëse po dhe si e ka marrë këtë shpërblim nga Alda Klosi, pastruesja ka treguar se:“…pas ditës së enjte, që kisha marrë eurot e dollarët dhe i kisha sistemuar në shtëpi, të dielën në darkë e kam telefonuar Aldën, i kam thënë se: …A të vij nesër në punë…?, ajo më ka thënë se: ”…po hajde…”.

Të hënën pasdite kam vajtur në banesën e Aldës, kam sistemuar rrobat që i kisha bërë rrëmujë të enjten, kam pastruar shtëpinë, dhe në fund ka ardhur Alda, e cila më ka bërë pagesën e muajit 100 euro, më pas më ka dhënë edhe shumën e shpërblimit për mbajtjen e lekëve në shumën 10 mijë euro.

Lexo edhe: DOSJA/ Rrëfimi i plotë i pastrueses, Rozeta Dobi: Vjedhjen e eurove e sajuam me Alda Klosin, donte të fuste në burg ish-burrin që e kërcënonte

Me sa më kujtohet, prerjet kanë qenë 200 e 100 euro. Ndërsa për tharësen e rrobave më ka thënë se:”…do të shikoj se si do më eci puna dhe kur të kthehem nga Amerika do ta blej…”.

Pastruesja ka treguar në prokurori se është e gatshme të përballet me Aldën dhe t’ia thotë të gjitha këto që deklaronte para oficerëve.

Pastruesja Rozeta Dobi, në dëshminë e saj ka treguar dhe një apartament dhe garazh të blerë nga Alda Klosi kundrejt 76 mijë eurove, pasuri që nuk e kishte deklaruar dhe tashmë janë sekuestruar nga prokuroria e Tiranës.

Në 6 shkurt 2023, Rozeta Dobi është nxjerrë nga burgu dhe ka çuar oficerët e policisë, pikërisht në vendin ku ndodhej pallati ku ajo ka punuar, në afërsi të Rr. “Federik Shiroka”.

Dobi, i ka treguar oficerëve me gisht apartamentin ku ajo ka shërbyer si sanitare për rreth dy vite tek familja e shtetases Alda Klosi.

E pyetur se gjatë kohës që Alda ka qenë në Amerikë, a e ka telefonuar dhe çfarë kanë biseduar, ajo Dobi është përgjigjur se: “…po kam komunikuar. Alda, më ka marrë në WhatsApp, më ka pyetur …ku je…?, i kam thënë “…jam në shtëpi…”. A ke qenë nga Altini? (ish-bashkëshorti) më thoshte, …po…- i kam thënë.

Si është gjendja e Altinit (ish-bashkëshorti). I kam thënë është shumë i qetë.

Dua të deklaroj se Altini (ish-bashkëshorti) më kishte thënë se do ikte në Belgjike, a ka vajtur apo jo nuk e di.

Alda më tha se ishte në dijeni që Altini do ikte në Belgjike, pasi i kishte treguar vajza. Kjo bisedë ka qenë dy tre ditë para Vitit të Ri.

Deklaroj se Alda më ka bërë mesazh në WhatsApp ku më ka pyetur …si je? dhe …ku je?.

Unë e kam marrë në celular në “WhatsApp” dhe i kam thënë se jam në punë dhe pasdite do iki tek Altini (ish-bashkëshorti), kjo telefonatë ka qenë në datën 6 janar 2023, që përkon me ditën që jam arrestuar.

Gjatë kësaj kohe, Alda më kërkoi një foto timen që t’ia dërgoja, unë nuk ja dërgova pasi nuk dija të përdor telefonin, por e mora në telefon në “WhatsApp” dhe ajo më është përgjigjur ”…o bo bo, flasim më vonë se nuk kam internet…”.

Nga kjo ditë jam arrestuar dhe nuk kam komunikuar më me të.

The post Rozeta Dobi: Për shërbimin që bëra, Alda Klosi më dha 10 mijë €. Më premtoi dhe tharëse rrobash, por s’ma solli appeared first on Albeu.com.

Vjedhja e 550 mijë eurove në shtëpinë e Klosit, ka qenë një sajesë e ndërmjetësuar mes vetë pronares së shtëpisë Alda Klosi dhe pastrueses së saj, Rozeta Dobi.

Kjo e fundit, sipas Ora News, ka treguar para hetuesve të prokurorisë së Tiranës, se gjithçka që ka ndodhur ishte një skenar i thurur mes dy grave.

Ku sigurisht qëllimi i Alda Klosit ishte për të akuzuar dhe më pas futur në burg, ish-bashkëshortin e saj, shtetasin Altin Klosi me të cilin ishte divorcuar prej disa vitesh.

Konfliktet ishin rindezur mes ish-çiftit dhe shkak i sherreve ishte bërë ndarja e pasurisë mes tyre.

Sipas pastrueses, Altin Klosi e kërcënonte vazhdimisht Alda Klosin, ndaj dhe kjo vendosi të hakmeret, duke sajuar grabitjen dhe futjen e tij në burg.

Por me sa duket plani i tyre dështoi, dhe prej 10 mujash, të dyja ndodhen pas hekurave.

Nga ky skenar nuk shpëtoi dhe Havier Dobi, djali i pastrueses Rozeta Dobi, i cili vijon të qëndrojë në burg. Për të shpëtuar nga burgu djalin e saj, Rozera Dobi, në 3 shkurt 2023 vendosi të pendohet dhe bashkëpunojë me prokurorinë e Tiranës, duke treguar gjithçka që kishte kurdisur me Alda Klosin.

Në këtë dëshmi Dobi rrëzoi totalisht dëshminë e parë të dhënë në prokurori, duke shtuar se:

“…po është e vertetë që kam dhënë deklarime të ndryshme, nga ato të herës së parë. Deklarimet që unë kam dhënë në momentet e para të pyetjes si deklaruese dhe person nën hetim, nuk janë të vërteta. Ato i kam dhënë në atë formë, pasi nuk e besoja që situata do të arrinte deri këtu ku jemi sot. Pasi kisha besim tek Alda, që nuk do të arrinte deri këtu, pasi ne e kishim lënë që të fajësonte bashkeshortin , pasi ajo e donte patjetër në burg…”.

Në dosjen hetimore, thuhet se  në datën 3 shkurt 2023 e arrestuara Rozeta Dobi, ka shprehur vullnetin për bashkëpunim me organin e Prokurorisë, duke deklaruar të vërtetën se si realisht ka ndodhur, në lidhje me vjedhjen e banesës së Alda Klosit.

Dobi ndër të tjera ka deklaron se:

“…kam filluar punë si sanitare në banesën e Alda Klosit që prej pesë vitesh. Banesa e parë që kam filluar punë ka qenë ajo, në afërsi të “Mozaikut“ të Tiranës, e pikërisht përballë me banesën e vjetër. Ky pallat është pallat i ri. Në këtë banesë kam shërbyer për rreth dy vite. Pas kësaj periudhe kam shërbyer tek banesa tjetër, e cila është pallat i vjetër dhe ndodhet po në të njëjtin vend ku gjendet edhe banesa e parë. Tek banesa e vjetër kam shërbyer deri ditën që jam arrestuar. Deklaroj se në banesën e marrë me qira në Rr.”Kosovarëve”, kam punuar rreth dy muaj e gjysmë. Deklaroj se tek pallati i ri ku ka banuar Alda Klosi, i cili gjendet afër “Mozaikut” të Tiranës, për herë të parë kam vënë re, sipër krevatit të mbuluara me batanije disa tufa në Lekë dhe Euro.I kam marrë ato dhe i kam futur në sirtarin tek komoja e krevatit të Aldës. Pas këtij momenti kam telefonuar Aldën dhe i kam treguar se lekët dhe eurot që kishe mbi krevat t’i kam futur në sirtar tek dhoma e gjumit, ajo më është përgjigjur: “…faleminderit…”. Këtë fakt e kam konstatuar në fillimet e punës time rreth muajve të verës së vitit 2018. Pasi Alda, është larguar familjarisht nga kjo shtëpi, dhe pasi kanë vajtur tek banesa e vjetër, përballë, aty kam parë disa kuti me vlera të mëdha monetare në euro. Këtë fakt e kam konstatuar gjatë kohës së pastrimit të dollapëve. Për mënyrën e lëvizjes së tyre nuk kam dijeni se ku i merrte dhe ku i dërgonte ato Alda. Këtë konstatim e kam bërë rreth vitit 2021. Deklaroj se këto kuti me euro kanë qëndruar në këtë banesë deri nga fundi i vitit 2022. Eurot që gjendeshin në këto kuti, ishin të prerjeve të ndryshme nga 500 deri në 20 euro. Tek banesa e marrë me qira nga Alda Klosi në Rr. ”Kosovarëve”, gjatë kohës që unë kam pastruar në të, në fillim nuk kam konstatuar vlera monetare në Lekë apo Euro. Ditët e fundit të muajtit Dhjetor 2022, datë e saktë nuk më kujtohet, Alda ka bërë një bisedë me mua, dhe më ka kërkuar që unë ti mbaja në banesën time të gjithë shumën që është sekuestruar nga policia, pasi ajo kishte frikë nga ish -bashkeshorti, i cili e kërcënonte. Duke qenë se kisha vite që punoja në banesën e saj, pranova këtë fakt. Ajo më kishte treguar se eurot, dollarët gjendeshin në kasafortën brenda dollapit të rrobave. Kam marrë kasafortën, e kam futur në një çantë, kam zbritur poshtë, kam hipur në makinë me djalin dhe i kam çuar në banesën time, në “Unazë të Re”. Fillimisht kasafortën me gjithë euro, dollarë e kam futur në dollapin tim të rrobave. Lidhur me shumën që ka pasur kjo kasafortë nuk kam patur dijeni, pasi nuk i kam numëruar ndonjeherë. Pas një dite, kam menduar se ku t’i sistemoja në banesë, pjesën më të madhe i kam futur lart në tubin e aspiratorit të kuzhinës, ndërsa një pjesë tjetër, e kam vendosur në sirtarin tim në dhomën e gjumit, për t’i sistemuar edhe ato më vonë. Deklaroj se këto veprime i kam kryer e vetme…”.

Ndryshe nga ky rrëfim bashkëpunues me prokurorinë e Tiranës, në muajin Janar 2023, periudhë kur Rozeta është arrestuar nga Komisariati nr. 2, ajo ka treguar një version tjetër si më poshtë vijon:

“…unë e pranoj e kam bërë ketë veprim, pasi nuk kisha parë ndonjëherë një shumë aq të madhe dhe m’u errësuan sytë që të bëhesha mirë dhe të ndihmoja familjen time, pasi gjithmonë kemi qënë në varfëri. Ndihem shumë e penduar, do të doja shumë të ktheja kohën mbrapa dhe mos ta kisha bërë këtë gjë, jam ndjerë e penduar që në momentin e parë që i kam marrë, por nuk kisha si i rregulloja më gjërat. Askush nuk ka patur dijeni në familjen time për vjedhjen që unë bëra në familjen ku unë punoj. Me vjen shumë turp dhe me vjen shumë keq, që pa dashur është përfshirë dhe djali im. Vjedhjen e kam bërë vetëm unë dhe ai është i pafajshëm dhe unë e mora në qafë. Djali im e ka marrë vesh një javë përpara Vitit të Ri 2023, kur po rregulloja sirtarët në dhomën e gjumit dhe ai kaloi aty rastësisht dhe pa lekët dhe më pyeti. Unë i tregova të vërteten dhe ai me tha: “…çfarë ke bërë moj mama kështu…”./Albeu.com 

The post DOSJA/ Rrëfimi i plotë i pastrueses, Rozeta Dobi: Vjedhjen e eurove e sajuam me Alda Klosin, donte të fuste në burg ish-burrin që e kërcënonte appeared first on Albeu.com.

Nga kqyrja e bërë nga oficerët e policisë gjyqësore rezulton se ka pasur kontakte të vazhueshme mes Klosit dhe Dobit pas denoncimit të vjedhjes deri në datën 6 janar.

Ky akt ekspertim konfirmon thënien e Dobit e cila ka rrëfyer se me ish-punëdhënësen e saj ka pasur kontakte deri diten e arrestimit të saj, si normalisht.

Rozeta Dobi dhe djali i saj Havier, janë vënë në prangat e policisë pasi akuzohen se në bashkëpunim me njëri-tjetrin kanë vjedhur nga banesa e Klosit 120 mijë euro.

Pas publikimi të rastit në komisariatin Nr.2 në Tiranë pati denoncime edhe nga qytetarë të tjerë për shuma parash e sende personale të vjedhura nga pastruesja./Albeu.com/

The post Zbardhet akt-ekspertimi i telefonit të Rozeta Dobit, komunikoi me Klosin edhe pas denoncimit në polici appeared first on Albeu.com.

Pasi kanë dhënë dëshinë, ato janë dërguar sërish në ambientet e burgut ku po mbahen.

Sipas BalkanWeb, Klosi ka dalë nga Prokuroria duke qeshur, por si ajo ashtu edhe Dobi i kanë qëndruar dëshmive që kanë dhënë më herët.

Ish-zyrtarja ka mbajtur të njëjtin version që ka thënë më parë, se në shtëpinë e saj janë vjedhur 120 mijë euro 30 mijë dollarë dhe disa bizhuteri, ndërsa dyshimet i kishte të pastruesja Rozeta Dobi.

Ajo iu tha hetuesve se paratë janë të xhaxhait të saj, edhe pse ka kontradikta me rrëfimin e të vëllait.

Ajo ka këmbngulur se shuma prej 404 mijë eurosh dhe 8500 dollarë që u zbuluan në tubin e aspirimit në shtëpinë e pastrueses nuk i përket asaj, pasi nuk ka pasur asnjëherë një sasi të tillë parash.

Nga ana tjetër, pastruesja thotë se paratë janë të ish-zyrtares së lartë dhe se ja la t’i ruante e në bashkëpunim me të inskenuan vjedhjen, me qëllim që Alda Klosi të akuzonte ish-burrin e saj me të cilin kishte përplasje.

Prokuroria ka thelluar hetimet, pasi dëshmitë janë të kundërta, ndërkohë që mbetet për t’u sqaruar kujt i përkasin paratë dhe cili ishte roli i pastrueses rozeta Dobi të djalit të saj, Havierit.

Si Rozeta Dobi, ashtu edhe djali i saj mbahen në paraburgim nën dyshimet për akuzën e vjedhjes.

Ndërkohë Alda Klosi pritet të përballet të hënën me gjykatën e Apelit të Juridiksionit të përgjithshëm, ku synon një masë më te lehtë sigurie. /albeu.com

The post Zbardhen dëshmitë, Alda Klos idhe Rozeta Dobi përballen në Prokurori, ish-zyrtarja doli duke qeshur appeared first on Albeu.com.