Rozeta dhe Havier Dobri Archives - Albeu.com

Vjedhja e ish-zyrtares, Klodiana Lala zbulon detaje: Çfarë mund t’i ofrojë SPAK, pastrueses

E B — Mon, 09 Jan 2023 20:41:13 +0000

Gazetarja Klodiana Lala e ftuar në studion e emisionit “Open” në News24 ka folur në lidhje me grabitjen e qindra mijëra eurove nga banesa e një ish-zyrtareje të Kryeministrisë së fundmi.

Lala deklaroi se ngjarja e ka zanafillën në datën 15 dhjetor të vitit të kaluar kur policia është informuar nga ish-zyrtarja e lartë e Kryeministrisë Alda Klosi të cilës i ka thënë vajza e mitur se dera e banesës kishte qenë e hapur.

Sipas saj Klosi ka denoncuar vjedhjen e 120 mijë eurove dhe disa bizhuterive prej floriri, ndërsa zbuloi se pas dërgimit në qelinë e paraburgimit të pastrueses Rozeta Dobri dhe djalit të saj Havier këta të dy janë përgjuar nga policia duke zbuluar se në banesën e tyre ishte shifra të tjera parash që dyshohen të vjedhura.

“U desh një pastruese dhe kapja e saj për të dëshmuar atë që është thënë [prej kohësh që në banesat e zyrtarëve të ndryshëm mbahen shuma të mëdha parash që nëse vidhen nuk i denoncojnë sepse nuk i justifikojnë. Ngjarja e ka zanafillën në 15 dhjetor të vitit 2022 kur policia është informuar nga Klosi e cila pretendonte se ishte vjedhur banesa e saj. Vajza e saj e mitur kishte konstatuar që dera ishte e hapur, Klosi u njoftua nga ajo dhe ka bërë denoncimin, në deklaratën që ka dhënë shprehet që janë vjedhur 120 mijë euro dhe disa bizhuteri floriri. Në momentin që ka ngritur dyshimet te pastruesja që kishte 5 vite aty ajo tha se ajo mund të ketë lidhje me ngjarjen, kur është pyetur pastruesja ka mohuar gjithçka.

Pas kontrollit policor Dobi ka pranuar vjedhjen në shtëpinë e Klosit sepse e urrente atë, ndërsa është arrestuar dhe i biri i cili shfaqte një jetë luksoze. Kur nënë e bir janë futur në paraburgim, policia ka përgjuar bisedat e tyre ku kanë thënë se në banesë kishte shuma të tjera prash pa treguar vendin, gjë që ka sjellë që policia të rikthehet duke sekuestruar rreth 400 mijë euro dhe bizhuteri të ndryshme. Kanë shkuar 5 persona për të tërhequr bizhuteritë e vjedhura, mes tyre edhe funksionarë, ndërsa shuma e parave nuk dihet kujt i përket. Kur ka ndodhur ngjarja, policia i ka sekuestruar celularin Dobit dhe ka identifikuar pronarët e banesave ku ajo pastronte të cilët kanë identifikuar bizhuteritë por nuk kanë folur për paratë, çështja që shtrohet është të kujt janë paratë, të Klosit apo personave të tjerë.

SPAK ka deklaruar se po ndjek më vëmendje ngjarjen dhe mund t’i ofrojë Dobit statusin e bashkëpunëtores që ajo të tregojë me detaje se kujt i përkisnin paratë. Thuhet se paratë dyshohet se u përkasin personave ku ka punuar Dobi. Rozeta Dobi ka gjithashtu llogari bankare që janë gjetur, dhe nëse ka para me shifra të mëdha do shihet si do veprohet me të”, tha ajo.

The post Vjedhja e ish-zyrtares, Klodiana Lala zbulon detaje: Çfarë mund t’i ofrojë SPAK, pastrueses appeared first on Albeu.com.

VOA: Pikëpyetje mbi vjedhjen e ish-zyrtares dhe sasitë e mëdha të parave të gjetura

E B — Mon, 09 Jan 2023 17:31:30 +0000

Në Shqipëri, Gjykata la sot në burg, Rozeta dhe Havier Dobin, nënë e bir të akuzuar për vjedhjen e sasive të mëdha në valutë të huaj në banesën e ish zyrtares Alda Klosi. Ngjarja tërhoqi vëmendje më së shumti për faktin se si një sasi prej më shumë se 120 mijë euro dhe 30 mijë dollarësh gjendeshin cash në shtëpinë e zonjës Klosi, ish drejtoreshë e koncensioneve në ministrinë e Financave para disa vitesh, dhe deri në korrik të 2022, shefe e kabinetit të ish zëvendës kryeministrit Arben Ahmetaj.

Zonja Klosi ka deklaruar se “paratë i kishte të xhaxhait dhe nuses së xhaxhait të saj i cili i’a ka lënë për të kompletuar shtëpinë e tyre dhe për nevoja të tyre pasi xhaxhain e ka të sëmurë me kancer dhe për çdo nevojë që do të kishte, pasi djali i tyre është me probleme dhe këto lekë janë të mbledhura ndër vite nga ana e tyre pasi jetojnë në Amerikë dhe në këtë kohë ai po kurohet në Amerikë”. Megjithatë pikëpyetjet mbeten dhe mbi këtë version. Prokuroria ka shpjeguar nga ana e saj se do të hetojë origjinën e këtyre parave.

Rozeta Dobi punonte si pastruese në shtëpinë e zonjës Klosi, ku shkonte një herë në javë. Ajo ka pranuar përpara policisë se më 15 dhjetor, i shoqëruar me automjet nga i biri ka vajtur në banesën e zonjës Klosi, duke hapur derën me çelësin që e dispononte dhe pas kontrollit në banesë ka zbuluar një kasafortë të cilën e ka marrë me vete. Ajo është shprehur se këtë e ka bërë nga urrejtja për zonjën e shtëpisë. Rrëfimi i saj duket po ashtu me dritëhije, përsa kohë është e paqartë se si ajo arriti të hapte kasafortën, gjatë rrugës së kthimit në shtëpi me të birin, ndërkohë që gjithshka duket e përllogaritur që më parë, duke qenë se në banesën e zonjës Klosi ka lënë rrumujë dhe derën të hapur, për të krijuar idenë e një grabitjeje.

Ngjarja mori përmasa dhe më të mëdha, kur një kontroll i dytë në banesën e Rozeta Dobit, e cila prej vitesh punonte si pastruese në shtëpitë e personave të ndryshëm, ka zbuluar dhe 404 mijë euro të tjera, të cila dyshohet që po ashtu të jenë të vjedhura. Por për momentin nuk rezulton që të ketë patur denoncime nga persona të tjerë, për zhdukjen e këtyre parave, gjë e cila po ashtu ngre dyshime të tjera mbi mënyrën se si i kanë siguruar këto, përsa kohë nuk kanë patur guximin të denoncojnë humbjen e tyre./voa

The post VOA: Pikëpyetje mbi vjedhjen e ish-zyrtares dhe sasitë e mëdha të parave të gjetura appeared first on Albeu.com.

Vjedhja e zyrtares së Kryeministrisë nga pastruesja, vjen reagimi i parë i Ramës

E B — Mon, 09 Jan 2023 16:38:38 +0000

Kryeministri Edi Rama ka reaguar në lidhje me vjedhjen e banesës së zyrtares së Kryeministrisë Alda Klosi nga pastruesja dhe djali i kësaj të fundit, Rozeta dhe Havier Dobri.

Në reagim, Rama shkruan se puna e drejtësisë së re nxorri në pah këtë “llum”, ndërsa thekson se me Reformën në Drejtësi, mburoja e vjetër politike ka rënë.

Reagimi:

Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!

E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!

E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!

— Edi Rama (@ediramaal) January 9, 2023

Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë.

— Edi Rama (@ediramaal) January 9, 2023

The post Vjedhja e zyrtares së Kryeministrisë nga pastruesja, vjen reagimi i parë i Ramës appeared first on Albeu.com.

Pastruesja i grabiti pasurinë me vlerë 120 mijë euro, ku i gjeti paratë zyrtarja e Kryeministrisë

E B — Sun, 08 Jan 2023 12:54:13 +0000

Një ditë më parë, policia vuri në pranga nënë e bir, Rozeta dhe Havier Dobri, pasi kishin vjedhur në banesën e zyrtares së Kryeministrise, Alda Klosi, pasuri me vlerë 120 mijë euro.

Konkretisht, gjatë kontrollit në banesën e shtatasve të arrestuar, dje u gjetën dhe sekuestruan në cilësinë e provës materiale, 58 150 euro, 7000 dollarë, 368 000 lekë të rinj, sende me vlerë (aksesorë floriri), 3 automjete, 2 prej tyre të blera nga paratë e vjedhura, si dhe veshje të përdorura gjatë kryerjes së kësaj veprimtarie.

Gruaja që ka vjedhur Klosin ka qenë pastruese në banesën e zyrtares.

Operacioni i policisë vijoi dhe sot, ku në banesën e dy të arrestuarve u gjetën shuma të tjera parash dhe aksesorë floriri.

Konkretisht, të fshehura në tubin e aspirimit, janë gjetur 404 800 euro, 8500 dollarë dhe aksesorë floriri.

Por ku i gjeti kaq para ish-shefja e kabintetit të ish-zv/kryeministrit Arben Ahmetaj? Pozicioni i punës që ajo akulaisht ka në Kryeministri, nuk justifikon vlerat e mëdha të parave që i janë vjedhur.

Kujtojmë se në mars të 2022, gazetari i ndjerë Kastriot Myftaraj, bëri një emision me titull “SPAK të arrestojë dy “Stela Gugallat” TNLD, Alda Klosi (Çiko) dhe Rovena Beqiraj në “Ju flet Moska”.

Myftaraj tha se SPAK ka lëshuar urdhër arrestet për disa persona lidhur me aferën e incineratorëve dhe theksoi se Alda Klosi (Çiko) dhe Rovena Beqiraj kanë qenë persona kyç në çështjet e incineratorëve të këtyre koncesione në këto 9 vite të qeverisjes.

“Të dyja janë Trup i Nivelit të Lartë Drejtues të shërbimit civil. Gratë më e lartë në administratë. Të dyja këto nuk janë arrestuar sot, edhe pse janë shumë të përziera. Alda Klosi ka dalë foto së bashku me Rovena Beqirajn, që ka qenë drejtoreshë e agjencisë së trajtimit të koncesioneve dhe PPP-ve në ministrinë e zhvillimit ekonomik.

Kjo Alda Klosi ka qenë drejtoreshë koncesionet, edhe për incineratorin. Kudo ku ka ikur Ahmetaj e ka marrë me veten Klosin. Klosi është në kryeministri tashmë. Kur u bënë ato procedurat e incineratorëve, kjo i ktheu përgjigje ministrisë së Mjedisit me shpejtësi të rrufeshme.”, shprehej Myftaraj aso kohe.

Ndërkohë, Beqiraj doli në komisionin parlamentar të incineratorëve duke thënë se për Elbasanin nuk kishte lidhje sepse nuk kishte kërkesë për agjencinë e saj./albeu.com

The post Pastruesja i grabiti pasurinë me vlerë 120 mijë euro, ku i gjeti paratë zyrtarja e Kryeministrisë appeared first on Albeu.com.

Ra pre e vjedhjes, kush është zyrtarja në Kryeministri që nënë e bir i vodhën 120 mijë euro

E B — Sun, 08 Jan 2023 11:49:21 +0000

Ditën e djeshme, policia arrestoi nënë e bir Rozeta dhe Havier Dobri në Tiranë pasi kishin vjedhur në një banesë rreth 120 mijë euro. Operacioni ka vijuar dhe ditën e sotme ku policia gjatë kontrollit në banesën e tyre ka gjetur dhe sekuestruar në cilësinë e provës materiale të fshehura në tubin e aspirimit, 404 800 euro, 8500 dollarë dhe aksesorë floriri.

Burime për BW bëjnë me dije se gruaja që ka rënë pre e vjedhjes është zyrtare në Kryeministri. Bëhet fjalë për Alda Klosit, ish shefja e kabinetit të ish-zëvendëskryeministrit Arben Ahmetaj,

Pasi kanë marrë paratë ata kanë bërë rrëmujë të gjithë banesën për të humbur gjurmët dhe më pas janë larguar. Kjo është bërë me qëllimin e një inskenimi sikur banesa është grabitur nga persona të tjerë. Ngjarja ka ndodhur në datë 15 dhjetor./albeu.com

The post Ra pre e vjedhjes, kush është zyrtarja në Kryeministri që nënë e bir i vodhën 120 mijë euro appeared first on Albeu.com.