Partizani triumfoi 2-0 ndaj Skënderbeut në provën e dytë miqësore nën drejtimin e Florin Bratut. Për trajnerin rumun, ky ishte testi i parë i një niveli të lartë, përballë një kundërshtari që do të garojë në Superiore gjatë sezonit të ri 2026/27.

Të kuqtë realizuan nga një gol në secilën pjesë. Xhuliano Skuka zhbllokoi takimin nga pika e bardhë, ndërsa Rowan Human vulosi rezultatin, në një ndeshje që i dha shumë sinjale teknikut rumun në kulmin e përgatitjeve për edicionin e ardhshëm.

Florin Bratu ka ende një rrugë të gjatë përpara dhe shumë punë për t’i zbatuar tërësisht idetë e tij te “Demat”, por para nisjes së Superiores është shfaqur tashmë shkëndija e parë.

Për trajnerin debutues, i cili mban mbi vete përgjegjësi të shumta, sfida kryesore mbetet krijimi i një Partizani të bashkuar dhe me synime të përcaktuara qartë, në mënyrë që skuadra të rikthehet te pretendimet e mëparshme, minimalisht te kupat e Europës.

GOLAT:

Goli i Skukës

Goli i Human

The post VIDEO/ Partizani i Florin Bratut gjen ritmin, sulmuesit i japin zemër rumunit para Superiores appeared first on Albeu.com.

Vdekja tragjike e Jayden Adams ka tronditur opinionin sportiv në mbarë botën. Futbollisti ishte vetëm 25 vjeç dhe vetëm një muaj më parë kishte luajtur në Kupën e Botës, duke përfaqësuar Afrikën e Jugut.

Kjo humbje e rëndë ka prekur gjithë komunitetin e futbollit, por në veçanti Rowan Human, mesfushorin që aktivizohet aktualisht me Partizanin në Superiore.

Futbollisti ka reaguar në profilin e tij në Instagram, ku ka publikuar një postim ku shfaqet i ndjeri Adams, të cilin e ka shoqëruar me fjalët: “Pusho në paqe!”.

The post Humbja e Jayden Adams prek botën e futbollit, vjen reagimi i lojtarit të Partizanit appeared first on Albeu.com.