Sipas mediave të huaja, bëhet fjalë për një ngjarje të ndodhur të hënën, më 29 janar.

Ndërkohë, mediat lokale raportojnë se një shpërthim makine nën kompleksin e banimit, pak para orës 20:25, shkaktoi një zjarr në kompleksin e apartamenteve.

Dhe disa pamje të publikuara në rrjetet sociale tregojnë ndërtesën në flakë, me mbeturina që rrethojnë zonën dhe zjarrfikësit që punojnë për shuarjen e zjarrit.

Një alarm për tymin u dërgua për banorët e zonave fqinje.

Sipas autoriteteve, banorët e të paktën 25 banesave duhej të zhvendoseshin përkohësisht.

💥🔥 Zware #explosie en #brand #Rotterdam #Zuid @RTV_Rijnmond @Vr_RR pic.twitter.com/XYpb0Xu3WS

— Jacco van Giessen (@jaccovangiessen) January 29, 2024

The post Përfshihet nga flakët një kompleks apartamentesh, disa të lënduar (VIDEO) appeared first on Albeu.com.

Sipas zëdhënësit të policisë Fred Westerbeke, të shtënat fillimisht u dëgjuan në një shtëpi private në sheshin Heiman Dullaert të qytetit, ku i dyshuari i armatosur qëlloi për vdekje një grua 39-vjeçare dhe “plagosi rëndë” vajzën e saj 14-vjeçare.

Adoleshentja u shtrua në spital, por vdiq nga plagët e marra.

I dyshuari më vonë shkoi në një klasë në Qendrën Mjekësore Universitare Erasmus aty pranë, ku qëlloi për vdekje një mjek 46-vjeçar, tha Westerbeke.

Personi i dyshuar i armatosur, i cili studioi në Universitetin Erasmus, u arrestua, tha Westerbeke.

Autoritetet besojnë se ai ka vepruar i vetëm.

“Ne e shohim veprimin e tij si një veprim të synuar, por kërkon kërkime të mëtejshme për të fituar qartësi se si dhe pse,” tha Westerbeke.

I dyshuari ka precedent të mëparshëm penalë, duke përfshirë edhe dënimin për abuzim me kafshët në vitin 2021.

Kryeministri i Holandës Mark Rutte të enjten pasdite shprehu “zhgënjimin e tij të madh” pas të shtënave.

“Mendimet e mia janë me viktimat e dhunës, të dashurit e tyre dhe të gjithë ata që kanë qenë në frikë të madhe. Shumë faleminderit njerëzve të shërbimeve për veprimet dhe ndihmën e tyre në vendngjarje”, shkruan kryeministri në një postim në X./Albeu.com

The post Sulm i armatosur në Roterdam, tre të vdekur appeared first on Albeu.com.

Tetë ton drogë, me një vlerë tregu prej 600 milionë eurosh, u sekuestruan më 13 korrik, por operacioni nuk u bë i ditur më herët për shkak të hetimeve në vazhdim.

“Më 13 korrik, autoritetet doganore bënë sekuestrimin më të madh të drogës të bërë ndonjëherë në portin e Roterdamit”, thuhet në një deklaratë të prokurorisë.

“Në dymbëdhjetë paleta banane u gjetën gjithsej 8,064 pako kokainë – me peshë nga një kilogram secila”, thanë prokurorët, duke shtuar se droga u asgjësua.

Kontejneri kishte mbërritur në Roterdam nëpërmjet Panamasë.

“Edhe një herë ia dolëm t’u japim një goditje të rëndë trafikantëve të drogës në port”, tha drejtori i doganave të Roterdamit, Peter van Buijtenen, duke e përshkruar sekuestrimin si “të madh”.

Doganat holandeze sekuestruan më shumë se 29,702 kilogramë drogë në gjysmën e parë të 2023, më shumë se e njëjta periudhë e vitit të kaluar (22,009 kilogramë), sipas shifrave të publikuara nga autoritetet në korrik.

Më shumë se gjysma e dërgesave të sekuestruara përmbanin më pak se 100 kilogramë drogë, tha qeveria në atë kohë.

Holanda, Belgjika dhe Spanja janë vendet në të cilat mbërrijnë sasitë më të mëdha të drogës në Evropë, me dërgesa kryesisht nga Panamaja, Kolumbia dhe Ekuadori. Vitet e fundit, Ekuadori – një vend i vendosur midis Kolumbisë dhe Perusë – është goditur nga një valë dhune që i atribuohet bandave të trafikut të drogës.

Njoftimi i sekuestrimit vjen një ditë pas vrasjes së Fernando Villavicencio, një prej kandidatëve për presidencën e Ekuadorit, i njohur për zbulimet e tij në çështjet e korrupsionit. Javën e kaluar, Villavicencio raportoi se kishte marrë kërcënime kundër tij dhe anëtarëve të ekipit të tij të fushatës nga lideri i burgosur i një bande të trafikut të drogës.

The post Sekuestrohet 8 tonë kokainë në portin e Roterdamit, kapte vlerën 600 milionë euro në treg appeared first on Albeu.com.

Aksidenti ndodhi mbrëmjen e djeshme kur kamioni, me targa spanjolle, doli nga rruga në në Zwingjincedik, rreth 30 km në jug të Roterdamit.

“Kamioni u përplas me një turmë njerëzish që merrnin pjesë në një Barbecue të organizuar në lagjen e tyre”, tha policia e Roterdamit në një postim në llogarinë e tyre në Twitter.

Një oficer policie që ishte i pranishëm tha për radion lokale Rijnmond se “të paktën dy persona kanë vdekur”. Fotot e marra pas aksidentit lejuan të identifikohej se kamioni i përket kompanisë El Mosca, me seli në Spanjë.

Shoferi i kamionit, i cili nuk mbeti i lënduar, u vu në pranga dhe pritet hetimi i plotë i këtij aksidenti të rëndë, megjithatë, autoritetet holandeze sqaruan se nuk bëhet fjalë për një akt terrorist, por për një incident në të cilin shoferi i kamionit ka humbur kontrollin.

The post Kamioni përplas turmën e qytetarëve, tre të vdekur dhe disa të plagosur në Roterdam appeared first on Albeu.com.