Sipas raportimeve të publikuara nga Marca, marrëveshja parashikon një mbështetje financiare të përjetshme për Georginën, në rast se çifti i jep fund martesës.

Shuma e raportuar është rreth 100 mijë euro në muaj, ose rreth 1.2 milionë euro në vit. Ky detaj, është raportuar edhe më herët nga media që i janë referuar një marrëveshjeje financiare të çiftit.

Por marrëveshja nuk lidhet vetëm me një pagesë mujore. Sipas këtyre raportimeve, në rast ndarjeje, vila familjare e çiftit në kompleksin luksoz La Finca, në Madrid, do t’i mbetej Georginës si pronë e saj.

Marrëveshja është hartuar me synimin për të përcaktuar paraprakisht ndarjen e pasurive dhe detyrimet financiare në rast të një ndarjeje, duke shmangur një përplasje të gjatë ligjore dhe duke mbrojtur edhe interesat e fëmijëve.

Detajet e saj janë rikthyer në vëmendje vetëm pak ditë pasi Ronaldo dhe Georgina zyrtarizuan martesën e tyre. Çifti u martua më 11 gusht në një ceremoni private në rezidencën e Ronaldos në Cascais, pranë Lisbonës, në prani të katër dëshmitarëve dhe fëmijëve të tyre.

Një ditë para martesës, më 10 gusht, ata formalizuan edhe marrëveshjen paramartesore, duke përcaktuar regjimin e tyre pasuror.

Ronaldo, pasuria e të cilit vjen nga kontratat në futboll, bizneset dhe marrëveshjet komerciale, ka ndërtuar gjatë viteve një perandori financiare prej qindra milionë eurosh. Për këtë arsye, marrëveshja paramartesore shihet si një mënyrë për të mbrojtur pasurinë e tij, ndërsa njëkohësisht garanton sigurinë financiare të Georginës dhe fëmijëve në rast të një ndarjeje.

The post Njëqind mijë euro në muaj dhe vila në Madrid, çfarë parashikon marrëveshja paramartesore e Ronaldos dhe Georginës appeared first on Albeu.com.

“Trupi im do të ndryshojë, si i çdo gruaje. Dhe shpresoj që të vazhdojë të ndryshojë për shumë vite, sepse kjo do të thotë që unë jam ende gjallë”, filloi influencuesja.

“Unë jam nënë e gjashtë fëmijëve të mrekullueshëm. Tre prej tyre janë vajza që një ditë do të bëhen gra të pabesueshme. Dhe nëse ka një gjë që shpresoj t’u mësoj atyre, së bashku me Cris, për të cilën jam thellësisht krenare për vlerat që ai ngulit si baba dhe si burrë, është se vlera e një personi nuk duhet të varet kurrë nga pamja e tij ose nga mendimet e të huajve.

Kjo dozë e vogël pozitiviteti që përpiqem t’u jap atyre çdo ditë më ndihmon gjithashtu të vazhdoj të gjej rrugën time në një botë të mbushur me kaq shumë iluzione dhe sipërfaqësi”.

Georgina më pas zbuloi bisedën që pati me Cristiano Ronaldon në lidhje me këtë, duke cituar kampionin 41-vjeçar: “Nuk jeton sipas imazhit tënd. Jeton sipas asaj që je. Një grua perfekte.

E bukur, me një trup të jashtëzakonshëm, një nënë, një person i mirë, e suksesshme dhe që jeton jetën me dashuri. Çfarë më shumë mund të dëshirosh? Është normale që njerëzit të të kenë zili”.

Postimi i gjatë përfundon: “I dua format e mia. E dua lirinë për të jetuar në trupin që zgjedh”, shkruhet në të. “Një trup që meriton respekt, dashuri dhe mirënjohje në të gjitha versionet e tij.

Suksesi i vërtetë nuk ka qenë kurrë konformimi me një model që askush nuk e di se kush e shpiku. Suksesi i vërtetë është të jetosh në paqe. Të rrethohesh me njerëzit që do. Të kënaqesh me familjen dhe miqtë e mi. Të kujdesesh për shëndetin tim. Të qeshësh. Të mësosh. Të jetosh”.

The post Georgina zbulon fjalët e partnerit të saj: Është normale që njerëzit të të kenë zili… appeared first on Albeu.com.

Ish-sulmuesi brazilian Ronaldo Nazario da Lima, dy herë fitues i Kupës së Botës, ka komentuar situatën fizike të Cristiano Ronaldos dhe Neymarit.

Sipas “Fenomenit”, dy futbollistët kanë mbërritur në një fazë të karrierës kur vullneti për të vazhduar të luajnë nuk ecën domosdoshmërisht paralelisht me mundësitë që u ofron trupi.

“Në përgjithësi, trupi të jep sinjale kur nuk arrin më të përballosh ritmin. Besoj se edhe Cristiano, edhe Neymar kanë arritur në momentin kur duhet të pajtohen me trupin e tyre. Është tepër e vështirë të fitosh këtë betejë ndaj trupit”, deklaroi fillimisht Ronaldo për ESPN Brasil.

Ai theksoi se Cristiano Ronaldo mund të ketë ende mundësi të luajë në Arabinë Saudite, por se paraqitja në Kupën e Botës përbën një sfidë shumë më të ndërlikuar, pasi niveli është dukshëm më i lartë.

“Edhe pse kemi pasion, dashuri për futbollin dhe dëshirën për të luajtur përgjithmonë, në fund është trupi ai që vendos gjithçka”, u shpreh legjenda braziliane.

“Sot nuk luaj futboll, sepse mendja ime funksionon në një mënyrë që trupi im thjesht nuk është në gjendje ta përballojë”, përfundoi Ronaldo Nazario.

The post Ronaldo Nazario: Trupi është ai që vendos për Cristiano Ronaldon dhe Neymarin appeared first on Albeu.com.

Sulmuesi portugez mori pjesë në gjashtë Botërorë si askush tjetër, por nuk fitoi asnjë. Megjithatë përmendi faktin se para tij, Portugalia nuk kishte fituar asgjë.

“Do të zgjohem nesër, njësoj siç u zgjova sot. Me ndërgjegjen e pastër, pasi kam dhënë më të mirën si gjithmonë. Kam fituar tre trofe për Portugalinë. Përpara Kristianos, Portugalia nuk kishte fituar asnjë titull në histori. I lumtur.

Trofeu më i mirë që kam fituar me Portugalinë është Europiani i vitit 2016. Sinqerisht për mua, të fitosh Europianin është sikur të kesh fituar një Botëror.

Për këtë, e përsëris, largohem me ndërgjegjen e pastër pasi kam dhënë më të mirën për Portugalinë. Nesër do të jetë ditë e re dhe jeta vazhdon”, u shpreh Ronaldo.

The post “Portugalia nuk fitonte asgjë pa mua”, Kristiano Ronaldo merr vendimin drastik: Trofeu i Europianit vlen sa një Botëror appeared first on Albeu.com.

Takimi po shkonte drejt vazhdimeve, por në minutat shtesë spanjollët gjetën golin vendimtar.

Në pjesën e parë, Portugalia iu afrua disa herë avantazhit. Në minutën e 37-të, Cristiano Ronaldo u ndal nga një ndërhyrje shumë e mirë e Unai Simón, ndërsa katër minuta më vonë, në të 41-ën, Nuno Mendes goditi shtyllën pas një aksioni të rrezikshëm nga krahu i majtë.

Edhe Spanja pati rastet e saj para pushimit. Álex Baena tentoi nga largësia, por Diogo Costa ishte i saktë në reagim, ndërsa Mikel Oyarzabal dhe Dani Olmo nuk mundën t’i kthenin në gol mundësitë që patën.

Në fraksionin e dytë, Luis de la Fuente ndërhyri te formacioni duke hedhur në fushë Ferran Torres, Fabián Ruiz dhe Mikel Merino.

Ishin pikërisht dy prej lojtarëve të ardhur nga stoli që vulosën sfidën: Torres dha asistin, ndërsa Merino shënoi golin që e çoi Spanjën mes tetë skuadrave më të mira të turneut. Goli i Merino (VIDEO)

Tashmë Spanja vijon aventurën e saj në Kupën e Botës dhe do të synojë kualifikimin në gjysmëfinale, ndërsa Portugalia e mbyll rrugëtimin në raundin e 16-të.

The post VIDEO/ Merino çon Spanjën në çerekfinale, Portugalia dhe Ronaldo i thonë “lamtumirë” Botërorit appeared first on Albeu.com.

Cristiano Ronaldo, pati një ribashkim prekës me ish-shokun legjendar të ekipit të Real Madrid, Luka Modric.

Pas përfundimit të sfidës, ata patën një moment së bashku ku shkëmbyen disa fjalë të cilat luzitani i bëri të ditura përmes një deklarate për mediat.

“Kam luajtur me të për kaq shumë vite, jemi pothuajse në të njëjtën moshë. Ai është një legjendë e futbollit sepse ende luan shumë mirë dhe me cilësi të lartë. I kam thënë kaq shumë herë urime për gjithçka, më pëlqen të të shoh përsëri, të uroj gjithë të mirat për vitet e ardhshme të karrierës tënde”, zbuloi kapiteni i Kombëtares së Portugalisë.

Ronaldo dhe Modris, dominuan skenën botërore gjatë kohës së tyre së bashku në Real.

The post Takimi emocionues gjatë Botërorit, çfarë i tha Ronaldo-Modric pas ndeshjes? appeared first on Albeu.com.

Në një konferencë të fundit, trajneri portugez ka sqaruar arsyet taktike dhe fizike që e mbajnë kapitenin e tij në fushë nga vërshëllima e parë deri në të fundit, pavarësisht moshës dhe ngarkesës.

Pse nuk e nxjerr? Sipas strategut portugez, vendimi nuk lidhet vetëm me emrin apo historinë e Ronaldos, por me “prezencën e vazhdueshme” që ai garanton. Trajneri theksoi se aftësia e Ronaldos për të qenë i rrezikshëm deri në sekondën e 95-të është e pakrahasueshme.

“Ronaldo nuk është thjesht një sulmues, ai është një pikë referimi psikologjike për shokët dhe një kërcënim konstant për kundërshtarin,” u shpreh ai, duke argumentuar se edhe kur duket i lodhur, prania e tij në zonë detyron mbrojtjen kundërshtare të mbajë gjithmonë një gardh të lartë, duke krijuar hapësira për të tjerët.

Gjithashtu, stafi mjekësor i Portugalisë konfirmon se gjendja fizike e 39-vjeçarit është në nivele optimale, duke e lejuar atë të rikuperohet më shpejt se shumë lojtarë të rinj në moshë.

Për trajnerin, aq kohë sa Ronaldo ndihet mirë dhe ka oreks për gol, heqja e tij nga loja do të ishte një “vetë-sabotim” taktik.

Pavarësisht kritikave apo thirrjeve për rotacion, mesa duket, “Pleshti” i Portugalisë do të vazhdojë të jetë protagonist i padiskutueshëm i këtij Botërori, duke kërkuar të shkruajë edhe një tjetër faqe të historisë së tij, minutë pas minute.

The post Zbulohet arsyeja pse Ronaldo nuk pranon të dalë nga fusha dhe trajneri e mbështet! appeared first on Albeu.com.

Një tifoz po martohej, ndërsa në mes të lokalit ishte vendosur një monitor gjigant që po transmetonte ndeshjen Portugali-Uzbekistan e cila u luajt të martën dhe u mbyll me shifrat 5-0.

Pamjet janë bërë virale teksa ai ishte ngritur në këmbë dhe sytë i kishte nga dueli ku idhulli i tij shkëlqeu me dygolësh. Dhuratë më të bukur se kjo nuk mund të kishte për tifozin e çmendur.

This brother was getting married but couldn’t leave his first love Cristiano Ronaldo behind and still watched the game against Uzbekistan, as Ronaldo scored a brace to grace his wedding 😭❤️🐐 pic.twitter.com/X3n9FMfQXY

— The Nassr Tribune™️ (@AlNassrTribune) June 25, 2026

The post VIDEO/ Tifozi i çmendur harron dasmën e tij për Ronaldon, kapiteni i Portugalisë i dhuroi dygolësh fantastik në Botëror appeared first on Albeu.com.

Mundësia që Brazili të ndeshet me Holandën në fazën me eliminim direkt nuk e bind aspak legjendën braziliane.

Sipas Ronaldos, brazilianët duhet të shmangin Holandën, skuadër që e ka hapur Kupën e Botës me dy fitore dhe me paraqitje dominuese ndaj Suedisë, ndërsa në këtë edicion synon edhe rekorde.

“Duhet ta shmangim Holandën, sepse është ende shumë herët. Nuk mendoj se jemi gati për atë përballje ende”, deklaroi fillimisht “El Fenomeno”.

“Mendoj se do të evoluojmë me vazhdimin e turneut. Do të përmirësohemi, por nuk jemi ende gati”.

“Japonia dhe Suedia janë ekipe që mund t’i kalojmë pa shumë vështirësi”, përfundoi ish-legjenda braziliane.

The post Ronaldo: Brazili ende nuk është i përgatitur për një duel me Holandën appeared first on Albeu.com.

Në ndeshjen ndaj Austrisë, me dy rrjetat e tundura, ai u bë golashënuesi më i mirë në historinë e turneut, duke kaluar fillimisht Ronaldon e më pas Klosen.

Pikërisht “Fenomeni” ishte ai që komentoi rekordet e argjentinasit, duke insistuar se të tjerët nuk mund të krahasoheshin me të.

“Për perënditë e futbollit, këto statistika tregojnë se ka kaluar të gjithë të tjerët. Nëse dikush e meriton titullin e golashënuesit më të mirë të të gjitha kohëve, ai është padyshim Mesi. Është 38-vjeç, o Zot! Unë në moshën 38-vjeçare kisha mbyllur karrierën time prej katër vitesh dhe peshoja 120 kilogramë”, tha Ronaldo.

Braziliani ishte golashënuesi më i mirë i historisë së Brazilit teksa mbylli eksperiencën e tij me “Seleçaon” me 15 gola të shënuar në 3 turne.

Ai mori pjesë në katër në fakt, por në atë të vitit 1994, kur ishte 17-vjeçar, nuk u aktivizua në asnjë minutë.

The post Ronaldo “Fenomeni” dorëzohet para rekordeve të Mesit: Në moshën e tij peshoja 120 kilogram appeared first on Albeu.com.