Mesfushori i Spanjës, Rodri, ndodhet në pragun e një suksesi që vetëm dhjetë emra të mëdhenj e kanë prekur deri më tani. Ai tashmë numëron në karrierën e tij Topin e Artë dhe trofeun e Ligës së Kampionëve, ndërsa i duhet vetëm një hap për të shtuar edhe Kupën e Botës.

Një fitore në finalen e botërorit do t’i siguronte atij një vend në mesin e legjendave që kanë kompletuar të ashtuquajturën “trilogji të artë”. Ky është një grup tejet i përzgjedhur, ku bëjnë pjesë figurat më ikonike të këtij sporti.

Lista aktuale e lojtarëve që kanë arritur të fitojnë këto tre çmimet më të lakmuara të futbollit përfshin emra si Zinedine Zidane, Lionel Messi, Bobby Charlton, Ronaldinho, Kaka, Rivaldo, Gerd Muller, Franz Beckenbauer, Paolo Rossi dhe Ousmane Dembele. Nëse Spanja del fituese, Rodri do të jetë futbollisti i 11-të që i bashkohet kësaj elite ekskluzive.

Për spanjollin, sfida e fundit nuk përfaqëson vetëm një shans për t’i sjellë vendit titullin kampion bote. Ajo është një portë drejt pavdekësisë sportive, duke e vendosur emrin e tij përgjithmonë krah atyre që konsiderohen si disa prej më të mëdhenjve që ka parë historia e futbollit.

The post Rodri, 90 minuta larg një triumfi që e fut në rrethin më të ngushtë të legjendave të futbollit appeared first on Albeu.com.

Vendimi i FIFA-s për ta pezulluar me kusht ndëshkimin e sulmuesit amerikan Folarin Balogun, pas kartonit të kuq që mori në fazën e 1/16 së finales së Kupës së Botës 2026 kundër Bosnje dhe Hercegovinës, ka ndezur polemika të forta në botën e futbollit.

Si pasojë e këtij vendimi, Balogun pritet të jetë i gatshëm për ndeshjen çerekfinale me Belgjikën, ndërsa reagimet kanë qenë të shumta dhe të ashpra.

Rudi Garcia, trajneri i Belgjikës, e cilësoi këtë zhvillim si një “shaka të 1 Prillit”, ndërsa në rrjetet sociale kanë qarkulluar edhe aludime se ndryshimi i vendimit mund të jetë ndikuar nga ndërhyrje në nivele të larta politike.

Megjithatë, historia e Kupës së Botës tregon se FIFA, në shumë raste të tjera, nuk ka bërë asnjë lëshim edhe kur në qendër kanë qenë yjet më të mëdhenj të futbollit.

Më poshtë janë 11 futbollistë të njohur që, pavarësisht përpjekjeve dhe apelimeve të federatave të tyre, u detyruan të mungonin në ndeshje vendimtare.

Leonardo (Brazili) – Botërori 1994

Braziliani u ndëshkua me karton të kuq në ndeshjen e 1/16 së finales kundër SHBA-së, pasi goditi me bërryl Tab Ramos dhe i shkaktoi frakturë në mollëz.

Federata braziliane mbrojti idenë se Leonardo thjesht po përpiqej të shkëputej nga kapja e kundërshtarit, por FIFA jo vetëm që e la në fuqi kartonin, por e dënoi edhe me katër ndeshje pezullim.

Për pasojë, ai mungoi në çerekfinale, në gjysmëfinale dhe në finalen e atij turneu.

Alessandro Costacurta (Italia) – Botërori 1994

Mbrojtësi i Italisë u ndëshkua me kartonin e dytë të verdhë në gjysmëfinalen ndaj Bullgarisë, pasi ndërhyri me faull ndaj Hristo Stoichkov.

Italianët kërkuan rishqyrtim të rastit, por FIFA nuk pranoi as ta marrë në konsideratë. Kështu, Costacurta e humbi finalen kundër Brazilit, ku Italia u mund pas penalltive.

Patrick Kluivert (Holanda) – Botërori 1998

Sulmuesi i Holandës u përjashtua me të kuq në takimin hapës përballë Belgjikës, pasi goditi me bërryl Lorenzo Staelens.

Federata holandeze argumentoi se futbollisti ishte provokuar rëndë, por FIFA vendosi ta pezullojë për tre ndeshje. Kluivert u kthye vetëm në çerekfinale, ku gjeti rrugën e rrjetës kundër Argjentinës.

Zinedine Zidane (Franca) – Botërori 1998

Francezi u ndëshkua pasi shkeli me dashje mbi Said Al-Owairan gjatë fazës së grupeve.

FIFA e la jashtë për dy ndeshje, çka bëri që Zidane të mungonte ndaj Danimarkës dhe Paraguait. Ai u rikthye në çerekfinale dhe më vonë realizoi dy herë në finalen me Brazilin.

Laurent Blanc (Franca) – Botërori 1998

Ky mbetet një nga kartonët e kuq më polemikë në historinë e Botërorëve. Blanc u përjashtua në gjysmëfinalen me Kroacinë pas një kontakti të lehtë me Slaven Bilic, i cili simuloi rëndë.

Edhe pse Franca protestoi dhe pamjet televizive ngritën dyshime të forta, FIFA nuk ndryshoi vendim dhe Blanc mbeti jashtë finales kundër Brazilit.

Ronaldinho (Brazili) – Botërori 2002

Në çerekfinalen e famshme me Anglinë, Ronaldinho dha asist, shënoi një gol spektakolar nga goditja e lirë dhe më pas mori karton të kuq pas një ndërhyrjeje ndaj Danny Mills.

Brazili kërkoi heqjen e pezullimit me argumentin se ndërhyrja nuk kishte qenë e qëllimshme, por FIFA mbajti të njëjtin qëndrim. Ronaldinho mungoi në gjysmëfinalen kundër Turqisë.

Michael Ballack (Gjermania) – Botërori 2002

Mesfushori gjerman u ndëshkua me karton të verdhë në gjysmëfinalen përballë Koresë së Jugut pas një faulli taktik, duke plotësuar limitin e kartonëve.

Ndonëse më pas shënoi golin e suksesit, Ballack nuk luajti në finalen me Brazilin.

Rasti i tij ndikoi më vonë që FIFA të ndryshonte rregulloren dhe t’i fshinte kartonët pas çerekfinaleve.

Deco (Portugalia) – Botërori 2006

Në sfidën famëkeqe Portugali-Holandë, të njohur si “Beteja e Nurembergut”, Deco u përjashtua pas kartonit të dytë të verdhë për vonesë loje.

Federata portugeze pretendoi se arbitri e kishte humbur kontrollin e ndeshjes, por FIFA e hodhi poshtë apelimin. Deco mungoi në çerekfinalen kundër Anglisë.

Luis Suarez (Uruguai) – Botërori 2010

Në çerekfinalen ndaj Ganës, Suarez ndali topin me dorë mbi vijën fatale në minutën e 120-të.

Ai u përjashtua dhe nuk luajti në gjysmëfinalen përballë Holandës. FIFA nuk e fali pezullimin dhe madje mori në shqyrtim edhe mundësinë e një dënimi më të rëndë.

Thiago Silva (Brazili) – Botërori 2014

Kapiteni i Brazilit mori kartonin e dytë të verdhë në turne pas një pengimi të panevojshëm ndaj portierit David Ospina.

Federata Braziliane kërkoi anulimin e ndëshkimit, duke theksuar se kontakti ishte minimal, por FIFA e refuzoi kërkesën. Thiago Silva mungoi në gjysmëfinalen historike me Gjermaninë, ku Brazili u mund 7-1.

Jerome Boateng (Gjermania) – Botërori 2018

Boateng u përjashtua me kartonin e dytë të verdhë në fitoren dramatike ndaj Suedisë.

Gjermania apeloi duke argumentuar se kartoni i dytë ishte i ashpër, por FIFA nuk e ndryshoi vendimin. Pa Boateng, kampionët në fuqi u eliminuan pas humbjes 2-0 ndaj Koresë së Jugut.

Rasti i Garrinchës, përjashtimi historik

Përpara Balogun, historia kishte regjistruar vetëm një precedent të ngjashëm.

Në Botërorin e vitit 1962, Garrincha u përjashtua në gjysmëfinalen kundër Kilit. Në atë kohë, kartonët e kuq nuk përdoreshin fizikisht dhe pezullimet përcaktoheshin nga komisioni disiplinor.

Brazili ndërmori një fushatë të madhe për ta shpëtuar yllin e vet. Politikanë, tifozë kilianë dhe figura të tjera kërkuan faljen e tij, ndërsa raporti vendimtar i gjyqtarit anësor nuk mbërriti asnjëherë në komision.

Për shkak të mungesës së provave të plota, FIFA vendosi ta lejonte Garrinchën të luante në finale.

Për më shumë se gjashtë dekada, ky mbeti i vetmi rast kur një karton i kuq u fal para një finaleje të Kupës së Botës.

Vendimi më i fundit për Folarin Balogun e ka rikthyer sërish në qendër të vëmendjes këtë precedent historik dhe ka hapur debat të gjerë mbi mënyrën se si FIFA i zbaton rregullat disiplinore në turneun më të madh të futbollit.

The post Nga Zidane te Suarez, 11 emra të mëdhenj që munguan në duele vendimtare, në të kundërt të Balogun appeared first on Albeu.com.

Sipas asaj që raporton Gazzetta, 46-vjeçari pritet të prezantohet në një aktivitet të veçantë në Miami më 23 qershor. Megjithatë, ende mbetet e paqartë nëse ai do të zbresë vërtet në fushë për skuadrën gjatë sezonit të ardhshëm.

“Ngjyra të reja, e njëjta buzëqeshje. Mezi pres të vallëzoj sërish me topin dhe të shkruaj një histori të re së bashku me Ignazion dhe gjithë familjen Cipriani”, ka deklaruar Ronaldinho.

Ai shtoi gjithashtu: “Futbolli gjithmonë ka qenë një burim gëzimi për mua dhe dua ta sjell të njëjtin shpirt te Ravenna”.

Ish-ylli brazilian i dha fund karrierës profesionale në vitin 2015, pas një eksperience të shkurtër te Fluminense, dhe prej asaj kohe nuk ishte rikthyer më në fushë.

Për këtë afrim foli edhe pronari i klubit, Ignazio Cipriani, i cili theksoi admirimin e madh që ka për ish-mesfushorin, duke e cilësuar atë si idhullin e tij.

“Ai ka qenë idhulli im që nga fëmijëria dhe ndikimi i tij në futboll shkon përtej lojës. Përveç asaj që sjell në klub, shpresoj që përfshirja e tij të frymëzojë një gjeneratë të re tifozësh që të dashurohen me Ravennan dhe të bëhen pjesë e projektit tonë për të ardhmen”, u shpreh Cipriani.

Ravenna ka pasur edhe më herët në radhët e saj emra të njohur të futbollit italian, si Christian Vieri, Fabio Cannavaro, Alberto Gilardino dhe Vincenzo Montella, ndërsa tani kësaj liste i bashkohet edhe Ronaldinho.

The post Ronaldinho rikthehet nga pensionimi me firmën te Ravenna appeared first on Albeu.com.

Sipas ish-mbrojtësit brazilian, Diego Maradona, Lionel Messi, Pele dhe Ronaldinho janë lojtarët që përfaqësojnë më së miri artin e këtij sporti.

“Janë lojtarë që kanë bërë histori, kanë lënë një trashëgimi të jashtëzakonshme dhe janë shpallur kampionë bote. Në të njëjtën kohë, ata luanin me një lehtësi të pabesueshme. Dukej sikur luanin me topin pa bërë asnjë përpjekje, nuk e kishin të vështirë të kalonin kundërshtarët, të gjuanin drejt portës apo të shënonin gola. Ishin të mrekullueshëm për t’u parë”, deklaroi Cafu.

Ai u shpreh se është pikërisht arti i futbollit ai që e tërheq më shumë te këta emra legjendarë.

“Unë e dua artin e futbollit. Maradona është arti i futbollit. Messi është arti i futbollit. Pele është arti i futbollit. Ronaldinho Gaucho është arti i futbollit. Kur shoh lojtarë që bëjnë diçka të veçantë dhe na bëjnë t’i hapim sytë nga admirimi, kjo është ajo që më pëlqen”, tha ai.

I pyetur për elementin që i bashkon këta katër futbollistë të mëdhenj, Cafu vuri në pah personalitetin dhe mënyrën se si silleshin në fushën e lojës.

“Personaliteti. Jo vetëm futbolli, por edhe karakteri, mënyra si luanin dhe si hynin në fushë. Asnjëherë nuk e kemi parë Messin, Ronaldinhon, Pelen apo Maradonën duke u përfshirë në përplasje me kundërshtarët. Ne i kemi parë duke luajtur futboll. Goditeshin, por ngriheshin, buzëqeshnin dhe vazhdonin të luanin. Ata gjithmonë shikonin përpara”.

Në përmbyllje, braziliani tregoi edhe mënyrën se si, sipas tij, këta futbollistë i vendosnin në vështirësi rivalët e tyre.

“Dhe e dini si i poshtëronin kundërshtarët? Me driblime dhe me gola. Kjo është ajo që ne duam të shohim në futboll”, përfundoi braziliani.

The post Cafu përzgjedh katër emrat më të mëdhenj të futbollit: Ata mishërojnë artin e lojës appeared first on Albeu.com.

Ngjarja ishte menduar të ishte një festë futbolli dhe muzike, por përfundoi duke lënë një shije të hidhur tek të pranishmit.

Sipas mediave polake, Ronaldinho mbërriti dy orë me vonesë në drekën zyrtare, para se të niste programi i planifikuar.

Ai gjithashtu nuk pranoi të merrte pjesë në angazhimet e planifikuara për median dhe kërkoi transport të veçantë për në stadium, duke refuzuar të ndajë makinën me ish-shokët e ekipit.

Mateusz Borek on Ronaldinho’s behind-the-scenes behaviour at the Poland-Brazil legends match: 💬

"He only wanted to play non-contact football, like it was a beach game. That was his one condition. I was a bit disappointed.

The night before, he showed up two hours late to… pic.twitter.com/2mJVgG5P3q

— PSN Futbol (@PSN_Futbol) June 25, 2025

Ronaldinho qëndroi në fushë për 73 minuta dhe më pas, sipas raportimeve në mediat polake, u largua nga stadiumi pa bërë dush dhe pa përshëndetur publikun.

Disa orë më vonë, ai reagoi në rrjetet sociale, ku falënderoi publikun dhe organizatorët, duke e cilësuar një nder të madh të luante para 60,000 tifozëve.

Ndeshja përfundoi me rezultatin e barabartë 2:2, duke ofruar gjithsesi spektakël në fushë për tifozët e pranishëm.

The post Ronaldinho arrogant i zhgënjeu polakët, askush nuk e priste që ai të sillej kështu appeared first on Albeu.com.

Kampioni brazilian preferoi të mos bënte krahasime, por megjithatë shprehu me fjalë admirimi të thellë se çfarë mund të aspirojë marokeni i lindur në 2007, duke filluar nga e ardhmja e afërt.

“Messi dhe unë tashmë kemi bërë historinë, tani është radha e Lamine Yamal të bëjë të njëjtën gjë. Është e mahnitshme ajo që ai ka treguar deri më tani, duke qenë kaq i ri dhe kaq i talentuar. Më pëlqen të shikoj lojtarë si ai, i bëjnë mirë futbollit. Shpresoj që të mund të ketë një karrierë si e jona”.

“Nuk më kanë pëlqyer kurrë krahasimet sepse çdo lojtar ka stilin e tij të lojës. E rëndësishme është që Lamine Yamal u sjell gëzim njerëzve, siç bëja unë në kohën time ose siç bëri Messi më vonë. Shpresoj që ai të vazhdojë me projeksionin që ka treguar deri më tani. Topi i Artë? Lamine Yamal është në prag të fitimit të Topit të Artë. Ka lojtarë të tjerë të mrekullueshëm në botë, sepse është shumë i ri, por mund të bëjë historinë duke e fituar jo një herë, por disa herë”.

The post Ronaldinho: Yamal i jashtëzakonshëm, mund të shkruajë historinë appeared first on Albeu.com.

Messi e shijoi aventurën e tij tek Barcelona, duke fituar 35 trofe gjatë atij rrugëtimi, që përfshinte 10 tituj të La Ligas dhe katër tituj të Ligës së Kampionëve.

Ai u transferua tek Paris Saint-Germaini, ku edhe aty korri sukses duke fituar tre tituj gjatë kohës së tij të qëndrimit në Francë.

Tani tek Inter Miami, ai e ka udhëhequr ekipin e tij drejt trofeut të parë të tyre në histori, duke fituar Kupën e Ligës.

“Jam i lumtur që Messi e ka fituar Topin e Artë, ne ishim shokë të mirë gjatë kohës sonë tek Barcelona, por mua nuk më pëlqen të bëjë krahasime dhe më vjen vështirë të them se ai është më i miri i të gjitha kohërave”, ka thënë Ronaldinho në një intervistë për Marca.

“Aty ishte Maradona, Pele, Ronaldo, është e vëhstirë të thuash se Messi është më i miri në histori të futbollit, por mund të them vetëm se ai është më i miri në epokën e tij”, është shprehur braziliani.

Messi në anën tjetër nuk ishte kursyer aspak në lavdata kur ka folur për kohën e Ronaldinhos tek Barça.

“Ronaldinho ishte përgjegjës për ndryshimin që ndohi tek Barça. Ishte një përiudhë e keqe dhe ndryshimi që erdhi pas mbërritjes së tij ishte fantastike. Barcelona duhet të jetë gjithmonë mirënjohëse për atë që ka bërë ai”, ka thënë Messi. /Telegrafi/

The post Ronaldinho refuzoi të emëronte Messin si më të mirin dhe pretendoi se tre lojtarë janë më të fortë appeared first on Albeu.com.

Pritet që uruguaiani të nënshkruajë një kontratë dyvjeçare dhe të bëhet lojtari më i paguar në skuadër.

Interesant është fakti se tani Gremio po luan në Serinë B braziliane, në kategorinë e dytë. Megjithatë, klubi duhet të kthehet në ligën kryesore.

Më parë, Ronaldinho dhe Dida kanë luajtur për Gremio.

Në korrik, Luis Suarez u kthye në vendlindjen e tij Uruguaian Nacional, duke nënshkruar një kontratë gjashtëmujore. Nga janari, lojtari i famshëm do të bëhet zyrtarisht lojtar i lirë. /G.D albeu.com/

The post Suarez arriti një marrëveshje verbale me klubin brazilian, Ronaldinho më parë ka luajtur atje appeared first on Albeu.com.

Në Paris, Ronaldinho ishte një lojtar me rotacion për një kohë të gjatë, Jay-Jay Okocha dhe Mikel Arteta ndihmuan për t’u përshtatur, deri në fund të sezonit të parë, Ronaldinho shënoi 7 gola.

20 vjet më parë, më 26 tetor 2022, Ronaldinho bëri një magji të vërtetë: ai shënoi nga një kënd i mprehtë nga një goditje dënimi, përhapi portierin gjatë një goditje dënimi, dhe bëri disa pasime pa shikuar. SHIKO VIDEON /G.D albeu.com/

The post 20 vite më parë, Ronaldinho bëri magjinë e tij kundër Marsejës appeared first on Albeu.com.

“Do ta rrahja në takim. Dinho, si të gjithë brazilianët, ishte shumë i etur për gjërat jashtë fushës. I pëlqenin femrat e bukura dhe birra e ftohtë, përndryshe do të kishte luajtur me talentin e tij deri në moshën 60-vjeçare. Klasi i pastër i Ronaldinhos është i pamohueshme, shkruan albeu.com.

Ne kishim edhe Rivaldon, një tjetër lojtar shumë i mirë, i cili gjithashtu e shijoi jetën e mirë”, tha ish-zëvendëspresidenti i Milanit që punon tani te Monza.

Ronaldinho luajti për Milanin nga 2008 deri në 2011. /G.D albeu.com/

The post Galliani: Ronaldinho ishte shumë i etur për gjërat jashtë fushës, ai i donte femrat dhe birrën e ftohtë appeared first on Albeu.com.