Ndërsa Kupa e Botës 2026 vijon ende, deri në këtë pikë 13 përzgjedhës kanë humbur vendin e punës. Shkaqet kanë qenë të ndryshme: disa janë shkarkuar menjëherë pas një ndeshjeje, të tjerë janë larguar pas eliminimit, ndërsa në disa raste pesha nuk ka ardhur vetëm nga rezultatet, por edhe nga klima e krijuar rreth skuadrës.

Ja cilët janë trajnerët që janë ndarë deri tani nga kombëtaret e tyre në Botërorin 2026, që po zhvillohet në Shtetet e Bashkuara të Amerikës, Kanada dhe Meksikë.

Roberto Martinez (Portugali)

Pas disfatës 1-0 kundër Spanjës në fazën e 1/8-tës, Roberto Martinez bëri të ditur largimin nga stoli i Portugalisë. Ai tha se kishte ardhur me objektivin për të fituar Kupën e Botës dhe se, pa e arritur këtë, nuk kishte kuptim të vijonte. Kështu u mbyll periudha e tij trevjeçare e gjysmë, ku veçohet fitimi i Ligës së Kombeve 2025 dhe dy kualifikime në çerekfinale, por pa shkuar në asnjë finale në pesë turne madhorë si trajner.

Sabri Lamouchi, Herve Renard (Tunizi)

Botërori i Tunizisë u shndërrua në një rrëmujë të plotë. Sabri Lamouchi u largua nga detyra pas humbjes 5-1 përballë Suedisë. Në vendin e tij erdhi Herve Renard, por as ai nuk mundi të përmbysë situatën, pasi skuadra u mund edhe nga Japonia dhe Holanda. Me përfundimin e aventurës së Tunizisë, edhe Renard zgjodhi të largohej.

Javier Aguirre (Meksikë)

Mandati i Javier Aguirre përfundoi pas humbjes 3-2 ndaj Anglisë në fazën e 1/8-tës. Largimi i tij ishte parashikuar më herët, teksa Rafael Marquez ishte bërë gati për ta pasuar. Aguirre u nda me kombëtaren me ndjenjë krenarie, pasi e drejtoi Meksikën drejt paraqitjes së saj më të mirë në Kupën e Botës pas shumë vitesh.

Steve Clarke (Skoci)

Menjëherë pasi Skocia u eliminua në fazën e grupeve, Steve Clarke paraqiti dorëheqjen, edhe pse vetëm pak javë më parë kishte zgjatur kontratën. Ai largohet si tekniku më i suksesshëm i epokës moderne të futbollit skocez, duke rikthyer përfaqësuesen në Kampionatin Evropian dhe në Kupën e Botës pas dekadash mungese.

Hong Myung-bo (Koreja e Jugut)

Për Hong Myung-bo, aventura mori fund pas daljes në fazën e grupeve. Përtej rezultateve jo bindëse, ai hasi edhe kritika të forta publike dhe kërcënime, ndërsa emërimi i tij kishte qenë i diskutueshëm që në nisje.

Ronald Koeman (Holandë)

Eliminimi nga Maroku me penallti solli fundin e qëndrimit të Ronald Koeman. Fillimisht ai mbrojti vendimet e veta taktike, por të nesërmen vendosi të japë dorëheqjen. Tekniku holandez pranoi zhgënjimin për dështimin në Botëror dhe theksoi se kishte ardhur momenti për ta mbyllur mandatin.

Carlos Queiroz (Gana)

Carlos Queiroz mori drejtimin e Ganës vetëm disa muaj përpara Kupës së Botës dhe arriti ta çojë ekipin në fazën eliminatore për herë të parë që nga viti 2010. Sidoqoftë, pas humbjes me Kolumbinë në 1/16-tën e finales, portugezi njoftoi se po largohej, duke kërkuar më tepër investime për zhvillimin e futbollit në vend.

Sebastian Beccacece (Ekuador)

Pas humbjes ndaj Meksikës në fazën e 1/16-tës, Sebastian Beccacece u largua me mbylljen e kontratës së tij. Argjentinasi e la skuadrën pasi e kishte kualifikuar në Botëror dhe e kishte çuar në raundin eliminator për herë të parë në 20 vjet.

Miroslav Koubek (Çeki)

Pas përfundimit të Çekisë në vendin e fundit të grupit, Miroslav Koubek u nda nga kombëtarja. Sipas vetë trajnerit, vendimi u ndikua edhe nga klima e krijuar nga mediat, pavarësisht faktit se ai e kishte rikthyer ekipin në Kupën e Botës pas dy dekadash.

Marcelo Bielsa (Uruguai)

Dihej paraprakisht se Marcelo Bielsa do të largohej pas Botërorit, por eliminimi i shpejtë dhe konfliktet me lojtarët e bënë fundin e tij edhe më të hidhur. Argjentinasi e pranoi se nuk arriti të sillte rezultatet që priteshin prej tij.

Jamal Sellami (Jordani)

Jamal Sellami e çoi Jordaninë në Kupën e parë të Botës në historinë e saj dhe mori gjithashtu shtetësinë jordaneze. Megjithatë, pas tre humbjeve në fazën e grupeve, ai vendosi të largohej, duke mbyllur një periudhë historike për futbollin e vendit.

Julian Nagelsmann (Gjermani)

Pas eliminimit të Gjermanisë nga Paraguai me penallti, Julian Nagelsmann njoftoi dorëheqjen, ndonëse mediat gjermane raportuan se në të vërtetë bëhej fjalë për një shkarkim të kamufluar. Pas afro tre vitesh në krye të përfaqësueses, ai largohet, ndërsa si pasues pritet Jurgen Klopp.

Trajnerët që mund të largohen së shpejti

Kjo listë mund të zgjatet në një kohë shumë të shkurtër. Hugo Broos ka sinjalizuar dorëheqjen pas eliminimit të Afrikës së Jugut, Zlatko Daliç duket pranë fundit të ciklit të tij me Kroacinë, ndërsa Vladimir Petkoviç ndodhet nën presion të fortë në Algjeri dhe largimi i tij shihet vetëm si çështje kohe.

The post Botërori 2026 ka sjellë deri tani 13 largime trajnerësh, Roberto Martinez mbyll listën e fundit appeared first on Albeu.com.

Ronald Koeman ka njoftuar dorëheqjen nga posti i trajnerit të kombëtares së Holandës, pas eliminimit të skuadrës nga Kupa e Botës.

“Tulipanët” e mbyllën rrugëtimin e tyre në fazën e 1/16-tës kundër Marokut, ndërsa Koeman e bëri publik vendimin për t’u larguar përmes rrjeteve sociale.

Në mesazhin e tij, trajneri holandez shkroi se mbrëmjen e kaluar kishte vendosur t’i jepte fund mandatit si drejtues i ekipit kombëtar të Holandës, pasi skuadra e tij u eliminua nga Maroku me penallti.

Koeman u shpreh se e dhemb fakti që angazhimi i tij me “Portokallinjtë” po përfundon në këtë mënyrë. Ai theksoi se të gjithë kishin ëndërruar një Kupë Bote ku do të bënin histori, por nuk ia dolën, duke shtuar se askush nuk është më i zhgënjyer se ai.

Mes të tjerash, ai deklaroi se si trajner mban përgjegjësinë, duke nënvizuar se kështu është ndier gjithmonë dhe kështu do të ndihet gjithmonë.

Në këtë Kupë Bote, Holanda e mbylli grupin në vendin e parë me shtatë pikë nga tre ndeshje, por në fazën eliminatore u ndal që në pengesën e parë. Ndeshja ndaj Marokut përfundoi 1-1, përpara se holandezët të eliminoheshin me penallti.

The post Ronald Koeman largohet nga drejtimi i Holandës pas daljes nga Kupa e Botës appeared first on Albeu.com.

Ronald Koeman ka vendosur të japë dorëheqjen nga drejtimi i përfaqësueses së Holandës, vetëm një ditë pasi skuadra u eliminua nga Kupa e Botës 2026 në fazën e 1/16-ës, pas humbjes ndaj Marokut me penallti.

Trajneri holandez bëri të ditur se vendimin e mori një natë më parë, duke theksuar se ndiente mbi vete peshën e dështimit. “Vendosa mbrëmë se është koha të largohem si trajner i Holandës. Të gjithë kishim ëndrrën të bënim histori në këtë Botëror, por nuk ia dolëm. Askush nuk është më i zhgënjyer se unë. Si trajner, përgjegjësia bie mbi mua”, u shpreh Koeman.

Në përballjen ndaj Marokut, Holanda ishte shumë pranë kualifikimit, pasi kaloi në avantazh 1-0 në minutat e fundit me golin e Cody Gakpos. Megjithatë, në kohën shtesë erdhi barazimi i dhimbshëm i Issa Diop, që çoi ndeshjen drejt penalltive.

Koeman foli edhe për ndjenjat e tij pas përfundimit të aventurës në Botëror, duke vlerësuar rrugëtimin e tij në futboll. “Ky ëndërr nuk u realizua. Por mbi të gjitha jam krenar për gjithçka që futbolli më ka dhënë, për njerëzit që kam takuar dhe për faktin që pata privilegjin ta bëj pasionin tim profesion”, shtoi ai.

Gjatë kësaj periudhe, ai u vu nën kritika të forta nga tifozët dhe mediat në Holandë, kryesisht për largimin nga filozofia tradicionale sulmuese e ekipit. Në ndeshjen vendimtare ndaj Marokut, Koeman zgjodhi një skemë më të kujdesshme me pesë mbrojtës dhe u mbështet kryesisht te kundërsulmi.

Me këtë vendim mbyllet edhe periudha e tij e dytë në krye të Holandës.

Koeman e kishte drejtuar më parë kombëtaren holandeze nga viti 2018 deri në 2020, përpara se të largohej te Barcelona. Ai u rikthye sërish në këtë post në vitin 2023, pas largimit të Louis van Gaal.

The post Koeman largohet nga stoli i Holandës pas daljes nga Botërori appeared first on Albeu.com.

Holanda i dha fund rrugëtimit në Kupën e Botës 2026, pasi u ndal nga Maroku në fazën e 1/16 së finales me rezultat 1-1 dhe 3-2 pas penalltive.

Në këtë përballje, përfaqësuesja holandeze u shfaq tepër e tërhequr, me vetëm 30 për qind posedim të topit dhe pa arritur të vendosë presion domethënës mbi mbrojtjen marokene.

Pas ndeshjes, Ronald Koeman u përball me kritika të ashpra nga Zlatan Ibrahimovic, i cili shprehu hapur pakënaqësinë e tij për mënyrën se si ishte përgatitur Holanda për këtë duel.

“Unë mendoj se kjo humbje është faji i Koemanit, sepse nuk e njoha këtë ekip të Holandës”.

“Ai humbi me një identitet që nuk është identiteti holandez dhe kjo më zemëron. Humb me identitetin tënd… sepse ai është ai që je”, deklaroi Ibrahimovic për Fox.

Për këtë ndeshje, Koemani zgjodhi një skemë më të kujdesshme me pesë mbrojtës, duke u larguar nga tradita sulmuese që e ka karakterizuar Holandën. Megjithatë, trajneri e mbrojti këtë vendim edhe pasi skuadra u eliminua nga turneu.

Humbja ndaj Marokut i shtoi Holandës një tjetër zhgënjim nga pika e bardhë, teksa tashmë ka pësuar tetë humbje në dhjetë seri penalltish në historinë e saj.

The post Zlatan Ibrahimovic godet Ronald Koemanin: Holanda humbi duke mohuar identitetin e saj appeared first on Albeu.com.

Ronald Koeman, trajneri i Holandës, ka thënë se është “për të ardhur keq” që dueli me Marokun në Kupën e Botës vjen që në fazën e 1/16 së finales.

Në Estadio Monterrey do të përballen dy përfaqësuese që e mbyllën me sukses fazën e grupeve: Holanda doli e para në grupin F pas fitores ndaj Tunizisë, ndërsa Maroku e siguroi vendin e dytë në grupin C falë triumfit 4-2 kundër Haitit në ndeshjen e fundit.

Kjo ndeshje shënon përballjen e dytë mes Holandës dhe Marokut në historinë e Kupës së Botës. Takimi i parë mes tyre ishte në vitin 1994, kur holandezët fituan 2-1 me golat e Dennis Bergkamp dhe Bryan Roy.

Që nga viti 2010, Holanda ka arritur të kalojë në shtatë prej dhjetë ndeshjeve të fundit me eliminim direkt në Kupën e Botës, edhe pse tri nga pesë më të fundit janë vendosur vetëm pas gjuajtjeve të penalltive. Në ndeshjen e fundit të këtij lloji, “tulipanët” u ndalën nga Argjentina në çerekfinalen e vitit 2022.

Koeman foli me vlerësim për kundërshtarin, duke nënvizuar se të dy ekipet janë të denja për të ecur më larg në turne.

“Është vërtet për të ardhur keq që kjo ndeshje po zhvillohet kaq herët, sepse ne jemi dy skuadra që normalisht duhet të vazhdonin më tej në këtë turne”.

“Nëse humbet, shkon në shtëpi, por kjo vlen edhe për kundërshtarin. Tani e kuptojmë se jemi në fazën me eliminim direkt”.

“Ata kanë një skuadër shumë të fortë në sulm, por Maroku ka edhe pikat e tij të dobëta. Ata lënë hapësira dhe me cilësinë që kemi në kundërsulme, mund t’i ndëshkojmë”.

Maroku është përfaqësuesja e tretë afrikane që arrin në fazën me eliminim direkt në dy edicione radhazi të Kupës së Botës, pas Nigerisë dhe Ganës.

Në Kupën e Botës 2022, Luanët e Atlasit e mbyllën garën në vendin e katërt, pasi u bënë kombëtarja e parë afrikane që shkoi deri në gjysmëfinale.

The post Koeman: Është për të ardhur keq që Holanda dhe Maroku po ndeshen kaq shpejt appeared first on Albeu.com.

Deri në këtë fazë të turneut, mesfushori i Liverpoolit ka dhënë dy asistime, të dyja në triumfin ndaj Japonisë, ndërsa gjithashtu renditet mes futbollistëve më të dalluar të ekipit për rikuperimin e topit.

Në prag të sfidës së fundit të grupit përballë Tunizisë, Koeman tha në konferencë për shtyp se rritja e Gravenberch lidhet drejtpërdrejt me vazhdimësinë që ai ka fituar në klub, diçka që nuk e kishte pasur në të kaluarën.

“Dy vjet më parë ai nuk luante shumë. Zhvillimi i një futbollisti vjen kur luan çdo javë dhe kjo është pikërisht ajo që ka ndodhur me të”, deklaroi Koeman.

Përpara Euro 2024, Gravenberch kishte përjetuar një periudhë jo të lehtë si te Bayern Munich, ashtu edhe gjatë sezonit të tij të parë te Liverpooli, ku në total kishte regjistruar vetëm 1,678 minuta në kampionat përgjatë dy sezoneve.

Gjithsesi, në dy vitet e fundit panorama ka ndryshuar ndjeshëm. Futbollisti holandez ka nisur nga minuta e parë në 71 prej 76 ndeshjeve të Liverpoolit në Liga Premier, duke dhënë kontribut me pesë gola dhe shtatë asistime.

“Kur shkoi te Liverpooli, u bë titullar dhe u zhvillua jashtëzakonisht shumë. Mendoj se ende ka hapësirë për përmirësim në komunikim dhe në leximin e situatave të lojës, por potenciali ka qenë gjithmonë aty. Tani, dy vjet më vonë, ai po e tregon vërtet vlerën e tij”, shtoi trajneri holandez.

Edhe vetë Gravenberch ra dakord me këtë analizë të trajnerit, duke pranuar se ka ende elemente të lojës së tij që duhen përmirësuar.

“Mendoj se duhet të njoh më mirë disa situata në fushë, si me top ashtu edhe pa top. Në këtë turne kam luajtur më shpesh pak më lart në krahun e djathtë dhe po përpiqem të shfrytëzoj hapësirat sa më mirë. Ndonjëherë duhet të zbres më thellë, ndonjëherë të shtyhem më përpara. Ka ende gjëra që mund t’i përmirësoj”, tha ai.

Holanda hyn në përballjen e fundit të Grupit F ndaj Tunizisë me objektivin për ta mbyllur në vendin e parë. Holandezët dhe Japonia numërojnë nga katër pikë secila, por skuadra e Koeman qëndron në krye falë një golaverazhi më të mirë.

The post Koeman shpjegon ngritjen e Gravenberch: Më në fund po del në pah potenciali i tij i plotë appeared first on Albeu.com.

Deri në këtë fazë të turneut, mesfushori i Liverpoolit ka dhënë dy asistime, të dyja në triumfin ndaj Japonisë, ndërsa gjithashtu renditet mes futbollistëve më të dalluar të ekipit për rikuperimin e topit.

Në prag të sfidës së fundit të grupit përballë Tunizisë, Koeman tha në konferencë për shtyp se rritja e Gravenberch lidhet drejtpërdrejt me vazhdimësinë që ai ka fituar në klub, diçka që nuk e kishte pasur në të kaluarën.

“Dy vjet më parë ai nuk luante shumë. Zhvillimi i një futbollisti vjen kur luan çdo javë dhe kjo është pikërisht ajo që ka ndodhur me të”, deklaroi Koeman.

Përpara Euro 2024, Gravenberch kishte përjetuar një periudhë jo të lehtë si te Bayern Munich, ashtu edhe gjatë sezonit të tij të parë te Liverpooli, ku në total kishte regjistruar vetëm 1,678 minuta në kampionat përgjatë dy sezoneve.

Gjithsesi, në dy vitet e fundit panorama ka ndryshuar ndjeshëm. Futbollisti holandez ka nisur nga minuta e parë në 71 prej 76 ndeshjeve të Liverpoolit në Liga Premier, duke dhënë kontribut me pesë gola dhe shtatë asistime.

“Kur shkoi te Liverpooli, u bë titullar dhe u zhvillua jashtëzakonisht shumë. Mendoj se ende ka hapësirë për përmirësim në komunikim dhe në leximin e situatave të lojës, por potenciali ka qenë gjithmonë aty. Tani, dy vjet më vonë, ai po e tregon vërtet vlerën e tij”, shtoi trajneri holandez.

Edhe vetë Gravenberch ra dakord me këtë analizë të trajnerit, duke pranuar se ka ende elemente të lojës së tij që duhen përmirësuar.

“Mendoj se duhet të njoh më mirë disa situata në fushë, si me top ashtu edhe pa top. Në këtë turne kam luajtur më shpesh pak më lart në krahun e djathtë dhe po përpiqem të shfrytëzoj hapësirat sa më mirë. Ndonjëherë duhet të zbres më thellë, ndonjëherë të shtyhem më përpara. Ka ende gjëra që mund t’i përmirësoj”, tha ai.

Holanda hyn në përballjen e fundit të Grupit F ndaj Tunizisë me objektivin për ta mbyllur në vendin e parë. Holandezët dhe Japonia numërojnë nga katër pikë secila, por skuadra e Koeman qëndron në krye falë një golaverazhi më të mirë.

The post Koeman shpjegon ngritjen e Gravenberch: Më në fund po del në pah potenciali i tij i plotë appeared first on Albeu.com.

Ky vendim i drejtuesve të bordit të Bayer 04 ka qenë objekt diskutimi në konferencën e stome për shtyp të komisarik teknik të Hoalndës.

“Më duket një vendim i nxituar. Ishte një mase drastike, nuk është normale ajo që ka ndodhur”, tha Ronald Koeman.

“Unë mendoj se kur një klub mendon për një trajner i referohet idesë të tij për futbollin. Kjo e bën speciale të gjithë këtë situatë. Të jesh trajner është një punë e vështirë”, analizoi 62-vjeçari.

The post Shkarkimi i ten Hag ka lënë pa fjalë komisarin teknik të Holandës appeared first on Albeu.com.

Përballë portokallinjve do të jenë turqit e Vincenzo Montella, surpriza e këtij edicioni. “Ashtu si Rumania, Turqia ka një zemër të madhe kur luan – tha trajneri holandez Koeman në konferencën për shtyp – por ne do të duhet të shikojmë veten dhe atë që dimë të bëjmë”.

“Ndoshta kanë marrë masa pasi na kanë parë ndaj Rumanisë, por ne e dimë që do të kemi hapësirë, goditja në tranzicion do të jetë arma jonë”. Trajneri holandez konfirmoi gjithashtu se Aké është gati të startojë nga fillimi, ndërsa Maatsen nuk do të jetë aty dhe Bergëijn mbetet në dyshim për shkak të problemeve në gju. “Do të shohim nesër në mëngjes nëse ai mund të startojë”, përfundoi Koeman.

The post Holandë-Turqi, Koeman: Ata kanë zemër, por… appeared first on Albeu.com.

Një nga përjashtimet e mëdha ishte ai i Joshua Zirkzee, objektivi i Interit, Milanit dhe Juventusit pas sezonit fantastik të luajtur me Bolonjan: “Po të ishte në formë, do të kishte një shans”, shpjegon trajneri, duke bërë të qartë se nuk ishte një zgjedhje teknike, por e diktuar nga dëmtimi që i ndodhi.

Koeman vazhdoi më pas, duke folur edhe për lojtarë të tjerë të Serisë A si Teun Koopmeiners, Tijjani Reijnders dhe Stefan de Vrij: “Mesfushorët e Atalantës dhe Milanit nuk do të na bashkohen deri më 7 qershor.

Ata do të humbasin ndeshjen e parë miqësore. Mbrojtësi i Interit, nga ana tjetër, e thirra sepse është një futbollist që luan rregullisht në nivelet më të larta”.

The post Koeman: Nëse Zirkzee do të ishte në formë… appeared first on Albeu.com.