Ronado Archives - Albeu.com

Ronaldo debuton me fitore si kapiten i Al Nassr, portugezi dhuron show

E B — Sun, 22 Jan 2023 20:36:28 +0000

Cristiano Ronaldo ka bërë debutimin zyrtar me Al-Nassr.

Portugezi, që është edhe kapiten te skuadra nga Arabia Saudite, ishte titullar sonte, në ndeshjen që Al-Nassr e fitoi 1:0 kundër Al-Ettifaq.

Golin e vetëm dhe të tri pikëve e shënoi Anderson Talisca, në minutën e 31-të. Asistues ishte Abdulmajeed Al Sulaiheem.

Kësisoj, Ronaldo në debutimin e tij zyrtar nuk ia doli të lë gjurmë, pavarësisht se luajti për 90 minuta.

37-vjeçari mbetet të synojë golin e parë zyrtar me fanellën e skuadrës së tij të re në ndeshjet e radhës.

Ndryshe, Al-Nassr prin në tabelën e Ligës Profesionale Saudite me 33 pikë të grumbulluara.

The post Ronaldo debuton me fitore si kapiten i Al Nassr, portugezi dhuron show appeared first on Albeu.com.

92.46 milionë ndjekës i ka të rremë, ja sa fiton CR7 për çdo postim në Instagam

admin — Sun, 20 Feb 2022 09:14:10 +0000

Analiza të reja kanë zbuluar se Cristiano Ronaldo është futbollisti me numrin më të madh të ndjekësve të rremë dhe rrjedhimisht dhe përfituesi më i madh nga postimet e sponsorizuara nga ndjekësit e rremë.

‘Ndjekësit e rremë’ në rrjetet sociale janë krijuar posaçërisht për të ndjekur profile të caktuara për të rritur numrin e audiencës së tyre.

Ato janë profile që nuk i përkasin një personi të vërtetë por bëjnë të duket se ky person ka shumë influencë.

Mediat thonë se Ronaldo ia kalon kolegëve të tij Messi e Neymar për numrin e ndjekësve dhe kohët e fundit ka thyer rekordin prej 400 milionë ndjekësish në këtë platformë sociale.

Kërkimi në rrjetin Instagram u bë nga rrjeti i zbulimit të kredibilitetit grin.co për të zbuluar numrin e ndjekësve të rremë për çdo futbollist.

Numri i llogaritjeve u raportua dhe nga rrjeti inkifi.com.

Ronaldo renditej i pari me 92.46 milionë ndjekës të rremë, që sipas ekspertëve përbënin 23% të numrit total.

Kështu nga totalja e tij prej gati 2 milionë dollarë të fituara për çdo postim, më shumë se një e katërta vijnë nga ndjekësit e rremë.

Sipas llogaritjeve, fitimet e paligjshme futbollistit 37-vjeçar për çdo postim, arrijnë në 35.3%, më tepër sesa ato të Lionel Messi, i cili llogaritet se fiton $350 000 për çdo postim nga ndjekësit e rremë.

Treshja e skuadrës së Paris Saint-Germain Neymar, Kylian Mbappe e Sergio Ramos ishte pjesa tjetër e pesëshes kryesuese për ndjekës të rremë, edhe pse kishin shumë më pak se dyshja kryesuese.

The post 92.46 milionë ndjekës i ka të rremë, ja sa fiton CR7 për çdo postim në Instagam appeared first on Albeu.com.

Ronaldo barazoi rekordin, reagon Ali Daei: I nderuar për këto fjalë nga një idol si ti (FOTO LAJM)

E S — Thu, 24 Jun 2021 09:14:23 +0000

Dje, Cristiano Ronaldo me dy golat ndaj Francës, barazoi rekordin historik për më së shumti gola në histori të Kombëtareve.

Portugezi ka shënuar plotë 109 gola, aq sa ka pasur edhe legjenda e Iranit, Ali Daei.

Fillimisht, Daei përmes një postimi në Instagram e uroi CR7 për rekordin e ri.

“Urime për Cristianon që tani është një gol larg thyerjes së rekordit tim të golashënuesit numër një në Kombëtare. Jam i nderuar që ky rekord i pabesueshëm do t’i takojë Ronaldos, kampion i madh i futbollit, humanist i kujdesshëm që inspiron gjithë botën. Vazhdo”, shkroi ai.

E këtij postimi i ka kthyer përgjigje edhe ylli portugez, që tha se është i nderuar për fjalët e mira nga një idoll si iraniani.

“Kampionët e vërtet mbesin kampion gjithmonë. Jam shumë krenar për këto fjalë të mëdha nga një idoll si ti. Faleminderit Ali Daei”, shkroi ai.

Ndërkohë, Ronaldo pritet që së shpejti ta thyejë edhe këtë rekord.

View this post on Instagram

A post shared by Ali Daei (@alidaei)

The post Ronaldo barazoi rekordin, reagon Ali Daei: I nderuar për këto fjalë nga një idol si ti (FOTO LAJM) appeared first on Albeu.com.