Romelu Lukaku dhe Kevin De Bruyne pritet t’i bashkohen së shpejti Napolit, në kuadër të fazës së dytë të përgatitjeve për sezonin e ri. Megjithatë, në klub mbeten pikëpyetje të rëndësishme rreth ndikimit që dy belgët mund të kenë nën drejtimin e trajnerit Massimiliano Allegrit.

Edhe pse për shumë vite kanë qenë pjesë e elitës së futbollit evropian, të dy lojtarët po kalojnë një periudhë të ndjeshme të karrierës. Mosha dhe problemet fizike kanë ndikuar në mënyrë të dukshme te paraqitjet e tyre.

Sezoni 2025/26 nuk shkoi sipas pritshmërive për asnjërin prej tyre. De Bruyne pësoi një dëmtim të rëndë muskulor në fund të tetorit dhe iu nënshtrua një operacioni. Lukaku, nga ana tjetër, u lëndua në mesin e gushtit dhe zgjodhi trajtimin konservativ, por nuk e mori veten plotësisht gjatë gjithë sezonit.

As paraqitjet në Kupën e Botës nuk i dhanë shumë arsye për optimizëm. De Bruyne u vu në qendër të kritikave për mungesën e ritmit dhe të energjisë, ndërsa Lukaku shfaqi vetëm disa momente pozitive, të mbështetur kryesisht te instinkti i tij brenda zonës.

Kontratat e dy futbollistëve me Napolin janë të vlefshme deri më 30 qershor 2027, por e ardhmja e tyre në klub nuk duket e sigurt. Pagat e përbashkëta u kushtojnë napolitanëve më shumë se 20 milionë euro bruto në vit, një barrë e konsiderueshme për një klub që mbështetet te vetëfinancimi.

De Bruyne, tashmë 35 vjeç, mund të hasë vështirësi për t’u përshtatur me idetë e Allegrit. Belgu nuk arriti të kishte ndikimin e pritur sezonin e kaluar në skemën 3-4-2-1 të Antonio Contes, ndërsa në një ekip që pritet të luajë me një qasje më mbrojtëse roli i tij mund të bëhet edhe më i kufizuar.

Për Lukakun, panorama është akoma më e ndërlikuar. Pas një sezoni të shoqëruar nga dëmtimet, sulmuesi ka zbritur në hierarkinë e ekipit, teksa Rasmus Hojlund konsiderohet tashmë alternativa e parë në sulm.

Sipas raportimeve, “Big Rom” nuk dëshiron të pranojë një rol rezervisti pas danezit, ndaj kjo situatë mund ta çojë drejt kërkimit të një largimi nga Napoli.

Deri tani, megjithatë, nuk është paraqitur asnjë ofertë konkrete për sulmuesin belg. Një rikthim te Anderlechti është përmendur si një mundësi me ngarkesë emocionale, ndërsa nuk ka pasur interes as nga Arabia Saudite dhe as nga Shtetet e Bashkuara të Amerikës.

Sezoni i ardhshëm mund të përcaktojë fatin e dy ikonave belge, të cilët do të përpiqen të tregojnë se janë ende të aftë të vendosin ndeshjet në nivelin më të lartë të futbollit evropian.

The post De Bruyne dhe Lukaku në provën e madhe: e ardhme e ndritur apo zhgënjim te Napoli? appeared first on Albeu.com.

Besiktas ka hyrë me vendosmëri në garë për ta afruar Romelu Lukakun gjatë merkatos së verës.

Gazeta turke Fanatik raporton se klubi i madh nga Stambolli ka intensifikuar kontaktet me Napolin, me synimin për të mbyllur transferimin e qendërsulmuesit belg 33-vjeçar, i konsideruar një prej objektivave më të rëndësishëm të ekipit.

Nën drejtimin e ish-trajnerit të Bolonjës, Vincenzo Italiano, Besiktas është në kërkim të një sulmuesi me eksperiencë për repartin ofensiv, ndërsa Lukaku vlerësohet si profili i duhur për këtë pozicion.

Nga ana e tij, belgu nuk e përjashton largimin nga Napoli, duke qenë se marrëveshja e tij me klubin italian përfundon në verën e vitit të ardhshëm. Kjo situatë mund të ndikojë që kampionët italianë të vendosin ta nxjerrin në shitje që këtë verë.

Sipas raportimeve, oferta e parë e Besiktasit është 5 milionë euro, ndërkohë që Napoli kërkon afërsisht 10 milionë euro për kartonin e sulmuesit me përvojë.

Lukaku ka pasur një rol të rëndësishëm me Belgjikën në Kupën e Botës 2026, ku është aktivizuar si super-zëvendësues dhe ka shënuar tre gola, si edhe ka dhënë një asistim në pesë ndeshje.

Sulmuesi belg do të ketë mundësi ta vijojë rrugëtimin e tij në Botëror, pasi Belgjika do të luajë ndaj Spanjës në çerekfinale.

The post Besiktas paraqet ofertën e parë zyrtare për Romelu Lukakun appeared first on Albeu.com.

Romelu Lukaku ka dhënë një deklaratë të prerë në prag të duelit të Belgjikës ndaj Spanjës në çerekfinalen e Kupës së Botës 2026, duke nënvizuar se “Djajtë e Kuq” nuk kanë mbërritur deri në këtë pikë për t’u dorëzuar.

Sipas sulmuesit belg, ekipi i tij zotëron cilësitë dhe forcën psikologjike të nevojshme për t’u përballur me një prej skuadrave favorite të këtij turneu, ndërsa kërkon që Belgjika të zhvillojë një ndeshje të përsosur në stadiumin e Los Angeles.

“Nëse e kemi arritur këtë nivel, nuk do të luajmë vetëm për të humbur dhe për të shkuar në shtëpi. Kjo është një fazë vendimtare, kemi talentin e nevojshëm dhe duhet të jemi perfekt nesër”, deklaroi Lukaku në konferencën për shtyp.

Duke folur për kundërshtarin, ai tregoi vlerësim për Spanjën, duke theksuar identitetin e saj të qartë në lojë dhe nivelin e lartë të futbollistëve që ka në përbërje.

“Spanja është një ekip shumë i fortë që ka luajtur me të njëjtën formulë që nga viti 2018. Lojtarë si Ferran Torres u japin atyre shumë thellësi në lojë”, tha sulmuesi belg.

Lukaku u shpreh më tej se Belgjika e pret këtë përballje e përgatitur në maksimum dhe me bindjen se ka armët e duhura për të synuar një vend në gjysmëfinale.

“Spanja është një ekip shumë i kompletuar, me lojtarë shumë inteligjentë. Prandaj duhet të zhvillojmë një ndeshje perfekte. Ne jemi shumë mirë të përgatitur dhe kemi asetet për t’u përballur me ta. Jemi në një gjendje të shkëlqyer, si fizikisht ashtu edhe mendërisht”, theksoi ai.

Sulmuesi ndaloi edhe te përgjegjësia e tij në kombëtare, duke treguar se kohët e fundit ka zhvilluar një bisedë me trajnerin Rudi Garcia për mënyrën se si mund të jetë edhe më i dobishëm për skuadrën.

“Dua të kontribuoj sa më shumë, brenda dhe jashtë fushës. Mund të kem ndikim në lojë, të qetësoj frustrimet dhe të ndihmoj ekipin. Gjithçka ka të bëjë me kolektivin e kombëtares”, u shpreh ai.

Në përfundim, Lukaku theksoi se prej vitesh e vendos ekipin përpara çdo interesi personal.

“Ky ka qenë burimi im i motivimit gjatë viteve të fundit. Gjithmonë mendoj së pari për ekipin kombëtar dhe vetëm pastaj për veten time”, përfundoi Lukaku.

The post Lukaku para ndeshjes me Spanjën: Belgjika nuk është në çerekfinale për t’u larguar pa luftë appeared first on Albeu.com.

Belgjika firmosi një rikthim të jashtëzakonshëm përballë Senegalit në Kupën e Botës, duke triumfuar 3:2 pas vazhdimeve, megjithëse deri në minutën e 85-të ndodhej në humbje 0:2.

Në përfundim të kësaj sfide dramatike, Romelu Lukaku doli para kamerave të RTBF, ku komentoi me emocione të forta reagimin e skuadrës së tij.

“Ishte intensive”, tha Lukaku me të qeshur për mikrofonin e kanalit valon RTBF. “Ne treguam guxim dhe në fund, më falni për fjalët e mia, treguam se kemi guxim. Kjo është e nevojshme në ndeshje si kjo”, u shpreh ai.

Sulmuesi belg u ndal edhe te episodi vendimtar i takimit, si dhe te përjetimet personale që shoqëruan atë moment.

Vetë Lukaku ishte një nga figurat kyçe të rikthimit, pasi realizoi golin e barazimit.

“Mendoj se është babai im që më ndihmon nga lart”, deklaroi ai me emocion, ndërsa tregonte me gisht drejt qiellit. Babai i Lukakut, ish-futbollisti profesionist Roger Lukaku, ndërroi jetë vitin e kaluar në moshën 58-vjeçare.

Ndonëse e gjithë Belgjika priste që ai të merrte përsipër penalltinë vendimtare, sulmuesi me 92 gola ndërkombëtarë për “Djajtë e Kuq” ia besoi atë goditje Tielemans-it. Më pas, ai sqaroi edhe arsyen e këtij vendimi.

“Doja ta gjuaja, por mendërisht nuk jam ende gati për momente kaq të vështira dhe vendimtare, kështu që preferoj t’ia lë Yourit. Ekipi është i pari”, përfundoi ai.

The post Lukaku rrëfen emocionet pas kthesës spektakolare, flet për të atin dhe penalltinë vendimtare appeared first on Albeu.com.

Për përfaqësuesen belge, ky ishte barazimi i dytë rresht, pasi nuk arriti të fitonte as përballë Egjiptit.

Pas ndeshjes, Lukaku tha se zhgënjimi ishte shumë i madh, duke e cilësuar këtë si diçka normale. Ai theksoi se Belgjika krijoi shumë raste, por topi nuk po hynte në portë, ndërsa shtoi se sfida duhet analizuar me kujdes, pasi ekipi luajti me shumë emocione.

Sulmuesi belg pranoi gjithashtu se skuadra nuk arriti të ruante qetësinë në çastet vendimtare të takimit.

Sipas tij, ekipi kishte një plan, por nuk ia doli të mbetej i qetë në momentet kyçe. Lukaku u shpreh i kënaqur që luajti më shumë se një orë, por jo me rezultatin, duke nënvizuar se ndeshja e ardhshme duhet fituar.

Belgjika pati disa raste të mira për të siguruar golin e fitores, por mungesa e saktësisë para portës bëri që sfida të përfundonte pa gola.

Tashmë, “Djajtë e Kuq” do të synojnë reagimin në ndeshjen e radhës ndaj Zelandës së Re, e cila luhet më 27 qershor, në një përballje që mund të rezultojë vendimtare për ecurinë e tyre në këtë Botëror.

The post Lukaku u drejtohet tifozëve pas ndeshjeve zhgënjyese të Belgjikës në Botërorin 2026 appeared first on Albeu.com.

Për shkak të gjendjes fizike, sulmuesi belg nuk ia doli ta mbyllte takimin në fushë dhe u zëvendësua gjatë lojës. Sidoqoftë, dy aktivizimet e tij në këtë Botëror i kanë sjellë gjithsej 97 minuta.

Kjo përbën një situatë të veçantë, sepse Lukaku ka grumbulluar më shumë minuta me Belgjikën në Kupën e Botës sesa ka luajtur gjatë gjithë sezonit me Napolin.

Te skuadra italiane, ai ka marrë vetëm 64 minuta në total, si pasojë e problemeve të përsëritura fizike.

Gjatë sezonit të fundit me Napolin, Lukaku ka zhvilluar 5 ndeshje në Serie A për 40 minuta gjithsej, ka shtuar 16 minuta në Kupën e Italisë dhe 8 minuta në Ligën e Kampionëve.

The post Lukaku kalon minutazhin me Belgjikën në Botëror krahasuar me të gjithë sezonin te Napoli appeared first on Albeu.com.

Mirëpo, sipas raportimeve të prestigjiozes italiane “La Gazetta dello Sport”, belgu i huazuar nga “blutë” e Chelsea i ka thënë teknikut të ri të londinezëve, Mauricio Pochettino se dëshiron të qëndrojë në “San Siro” e një gjë të tillë ia ka rrëfyer dhe bordit “zikaltër”.

Pavarësisht dëshirës së madhe të teknikut Pochettino për të punuar me Romelu Lukakur, te Chelsea, sulmuesi sërish dëshiron të qëndrojë në Inter dhe është gati të marrë një ulje rroge për këtë./albeu.com/

The post Lukaku “zikaltër” deri në fund, “Big Rom” kërkon të qëndrojë tek Inter appeared first on Albeu.com.

Në një intervistë për Sky Sport, Lukaku është shprehur se trajneri i ardhshëm i “djajve të kuq” do të jetë ish-sulmuesi francez, Thierry Henry.

“Për mua, Henry është trajneri i ardhshëm i Belgjikës. Nuk ka dyshim. E them hapur, ai do të jetë trajneri i ardhshëm. Ai ka respektin e të gjithë lojtarëve, ai ka fituar gjithçka. Ai di të trajnojë, ai e di se çfarë duhet të bëjmë për të arritur atje. Ai e di, ekipi, liga, stafi. Për mua ai është trajneri ideal për kombëtaren tonë. Pastaj nuk e di se kë do të punësojnë.

Por nuk mendoj se Belgjika duhet të fillojë nga e para. Ky brez nuk ka fituar deri më tani, por ne duhet të vazhdojmë të përpiqemi për të fituar. Ai dëshiron të fitojë dhe nuk mendoj se federata do të marrë një trajner që dëshiron të ndryshojë gjithçka dhe të fillojë nga e para. Për mua, nuk ia vlen.”,- u shpreh shtatlarti belg. /albeu.com

The post Lukaku për stolin e Belgjikës: Nuk ka dyshim, Henry është trajneri i ardhshëm i “djajve të kuq” appeared first on Albeu.com.

Në një intervistë për Sky Sport, Lukaku e shpreh haptazi dashurinë e tij për fanellën “zikaltër”, ku tha se shpreson të qëndrojë dhe në të ardhmen në Milano.

“Shpresoj të qëndroj në të ardhmen. Do të bëj gjithçka për Interin, tani ajo që më ka mbetur është të jap gjithçka me pjesën tjetër të ekipit për të fituar. Dhe pastaj do të shkojmë të flasim për situatën me Chelsean.”,- u shpreh sulmuesi shtatlartë belg.  /albeu.com

The post Romelu Lukaku: Do të bëj gjithçka për Interin, shpresoj të qëndroj këtu appeared first on Albeu.com.

Pas miqësores së luajtur, ditën e djeshme, kundër Reggina-s, ku u aktivizua për 87 minuta, “Big Rom” do të zhvillojë dy orë seanca stërvitore në ditë edhe në 3 ditët e pushimit që Simone Inzaghi i ka dhënë skuadrës.

Mesa duket, eleminimi i Belgjikës që në grupet e “Katar 2022” ka bërë efekt dhe po motivon një Lukaku të “etur” për gola e fitore. /albeu.com

The post Lukaku kërkon rigjetjen e formës, 2 orë stërvitje në ditë edhe për Krishtlindje appeared first on Albeu.com.